веб страница – Kurir.mk

ФОТО: Повеќе од 30 часа веб страницата за јавни набавки е во прекин без известувања во време на распишување тендери!

Магдалена Андонова — Mon, 18 Apr 2022 15:01:12 +0000

Без никакви претходни известувања за евентуален дефект, надградба или слично, веб страницата за јавни набавки повеќе од 30 часа е во целосен прекин. Ова следува во време кога се закажани отворања на тендери, електронски аукции, одлуки и слично. https://www.e-nabavki.gov.mk/ Менаџери од повеќе фирми стремат кон тоа дека овој момент е многу сомнителен, односно дека во овие денови на големи јавни набавки за АРМ, МВР и многу останати државни институции намерно веб страницата е во прекин. Главното прашање кое што се поставува е: Што се обидува власта да сокрие од граѓаните на Република Македонија?

Трамп креираше негова веб-страница: Фотографии со познати личности и неговите достигнувања, за скандалите ниту збор

Магдалена Андонова — Tue, 30 Mar 2021 07:51:09 +0000

Поранешниот американски претседател Доналд Трамп ја отвори својата веб-страница www.45office.com, со цел да остане во контакт со неговите поддржувачи, а дел е посветен на презентацијата на неговиот престој во Белата куќа. На почетната страница на сајтот се прикажани повеќе фотографии од Трамп со многу познати личности, како и со неговата сопруга Меланија. - Кабинетот на Доналд Трамп е посветен на зачувување на величествениот период од неговата администрација, истовремено промовирајќи ја програмата „Америка на прво место“ - пишува на почетната страница на страницата, објави Ројтерс. Веб-страницата исто така ги прикажува достигнувањата на Трамп, вклучително и енергетскиот сектор и безбедноста на границите, зајакнувањето на НАТО и другите меѓународни сојузи и неговиот одговор на борбата против пандемијата на коронавирусот. Ројтерс додава дека не се споменуваат скандали, истраги за корупција, два обиди за потсетување и напади врз демократски институции што го одбележаа неговиот претседателски мандат.

Хакирана веб страницата на претседателската кампања на Трамп

Магдалена Андонова — Wed, 28 Oct 2020 08:52:31 +0000

Официјалната веб страница на претседателската кампања на Доналд Трамп била накратко хакирана, една недела пред изборите во САД на 3 ноември. На сајтот неколку минути стоела порака дека „оваа веб локација е запленета“. – Светот е заситен од лажни информации кои претседателот секојдневно ги шири, пишувало на интернет страницата. Авторите на пораката тврделе дека имаат доверливи информации за Трамп и неговата Влада, и барале плаќање во криптовалута за да се открие нејзината содржина. Меѓутоа, хакерите не приложиле никакви докази за таквите тврдења. Портпаролот на кампањата Трамп 2020, Тим Мурто го потврди хакирањето на сајтот, истакнувајќи дека се соработува со полицијата за да се најде изворот на нападот и додаде дека страницата повторно е во функција. (МИА))