вечер – Kurir.mk

За мирен сон и квалитетен живот: Ова треба да го правите секоја ноќ, почнете од вечерва!

Ивана Ефремовски — Thu, 11 Aug 2022 14:13:25 +0000

Иако е најлесно да се истегнете во кревет, кога се враќате дома исцрпени, по напорен ден, тоа не е најдобро решение за вас. Во моментите на најголем замор треба да сториме нешто што ќе нè опушти, ќе ни го исчисти умот и ќе нè подготви за следниот ден на најдобар можен начин. Ако сакате да го промените квалитетот на вашиот живот, сега е вистинското време да ја воведете оваа вечерна рутина која ќе ве натера да станувате со насмевка секое утро. Изберете книга наместо телевизија. Вечерајте лесна храна. Опуштете се. Ставете си маска на лицето, на косата, едноставно негувајте се. Направете си план за следниот ден. Напијте се шолја чај пред да си легнете.

Вечерна молитва: Шепнете си ги овие прекрасни зборови пред спиење

Ивана Ефремовски — Sun, 26 Sep 2021 19:57:52 +0000

Верниците често пред спиење си кажуваат молитва кон Бога. Оваа вечерна молитва сигурно ќе ви се допадне. „Господи, Боже наш, сè што згрешив во овој ден, со збор, со дело или мисла, прости ми како човекољубив.

Подари ми сон мирен и безметежен и испрати го твојот Ангел Пазител, кој ќе ме штити и засолнува од секое зло. Зашто ти си Заштитник на душите и телата наши и тебе слава ти вознесуваме; на Отецот, и Синот и Светиот Дух; сега и секогаш и во сите векови. Амин“.

Рекет 3: ДОКУМЕНТИ И НОВИ ДЕТАЛИ за криминалот со штипската болница!

Тале Кристо — Sat, 11 Jan 2020 14:41:40 +0000

Скандалот со корупција при изградбата на Клиничката болница во Штип до крајност ја отсликува политиката на оваа влада која, во секоја прилика, и тоа без задршка и обид за барем формално покривање со закон, применува корупција секаде каде што има поголем проток на пари. А, за изградбата на Клиничката болница во Штип предвидени беа 30 милиони евра што е проток на пари кој луѓето од власта ги довел во големо искушение, пишува Вечер.мк. Пред се министерот за здравство Венко Филипче, министрите за финансии од СДСМ Драган Тевдовски и сегашната министерка Нина Ангеловска и, секако, премиерот Зоран Заев бидејќи и во овој бизнис се појавуваат членови на неговата фамилија, братучедот Трајче Заев. Сите наведени од власта знаеле, и морале да знаат, дека во изградбата на Клиничката болница во Штип е видно забележлива – корупција. За вовед на оние кои не го прочитале првиот дел од објавата на порталот Вечер за овој скандал: На почетокот на февруари ланската, 2019 година, министерот за здравство Венко Филипче изјави: Грчката градежна фирма Интракат, со која ова министерство има потпишано договор за изградба на Клиничката болница Штип, го раскинала договоот со досегашниот подизведувач (Бетон Штип) и бараат продолжување на рокот за градба. Рокот го продолживме, и сега крајниот рок треба да биде почетокот на 2020-та година... 2020-та дојде, а Клиничката болница Штип ја нема, изградена е половина од проектот, и сега се најавува ново одложување за следна година дена и најава дека државата ќе плати дополнителни 7 милиони евра само за надградба на машинскит парк и електриката, наместо Филипче да бара пари како надомест за штета поради доцнењето во изградбата. Подизведувач на градежните работи била фирмата Бетон Штип. Против сопствениците на Бетон Штип, на 9 ноември 2018 година, СЈО отвори истрага под име Империја по што веднаш беше уапсен Орце Камчев со други лица од таа истрага. Во судењето за Рекет од Катица Јанева и Бојан Јовановски (Боки 13) како рекетирани лица се спомнуваат, освен Орце Камчев, и другите двајца сопственици на Бетон Штип: Зоранчо Митровски (Езимит Штип) кој бил претседател на одборот на директори и Цветан Панделевски (Пелистерка) член на одборот на Бетон Штип. Грчката фирма Интракат иако ги добила парите од Владата не платила два милиони евра на подизведувачот Бетон Штип, тие стануваат неликвидни и мора да заминат во стечај. Патем, во меѓувреме, Интракат го уценува Бетон Штип да им ја купи фирмата за 1,2 милиони евра иако им должи два милиони евра и, со купувањето на Бетон Штип, Интракат веднаш би заработиле 800.000 евра и би станале сопственици на нивната банкарска гаранција за објектот кој се гради од 3,5 милиони евра. Оваа уцена е одбиена по што Бетон Штип паѓа под стечај. Владата добила банковна гаранција од изведувачот на работите Бетон Штип во износ од 3,5 милиони евра но, таа гаранција ја дал подизведувачот Бетон Штип а не грчки Интракат. Со раскинување на договорот помеѓу Интракат и Бетон и со паѓањето на Бетон Штип под стечај таа банковна гаранција е неважечка за наведената намена, а до денес Министерството за здравство не ја активирало, ниту по основ доценење со градбата, ниту по основ раскинат договор и стечај на гарантот, што е сериозен законски прекршок за кој се лежи затвор. Еве ги деталите за тоа, но и други криминали со проектот околу овој случај. Проектот кој го добил тендерот за Клиничка болница Штип е на Инком Инженеринг Скопје, каде директор е Никола Велковски, пораншен градски архитект на Скопје. Тие се и надзор над прокетот. Тендерот поминал и ревизија така што нема никаков основ сега Интракат и Министерството за здравство да тврдат дека имало пропуст во проектирањето на машинскиот дел и електриката, особено не дури откако почнало доцнењето со изградбата на објектот па потоа се сетиле на ова оправдување. За надзор на изградбата се избрани од фирмата Еуроконсалтинг Скопје. Овој избор е направен без тендер, со договор во четири очи. На тендерот за надзор победила англиската фирма Мејси која веднаш се откажала, а нов тендер не е распишан туку е избрана Еуроконсалтинг по личен избор на министерот Венко Филипче. Кога почнало да се доцни со градбата, а до крајниот рок во 2018 биле изградени само околу 30% од проектот, Министерството за здравство и Интракат почнуваат да вршат притисок врз проектантот Инком Инженеринг за измени во проектот за да се оправда задоцнувањето кое повлекува раскин на договор со изведувачот Интракат и активирање на банкарската гаранција од Бетон Штип. Проектантот одбива да ги изврши бараните измени бидејќи не се оправдани, ниту се во согласност со проектот. Министерството за здравство, како одмзада, ја активира банкарската гаранција од 2.500 евра од проктантот и презема незаконски мерки за да ја оствари својата цел. Наместо Инком Инженеринг Скопје, за главен надзор над проектот Министерството своеволно ги избира Мегарон Скопје кои се подизведувачи. Потоа, Венко Филипче од Мегарон добива измени во прокетот за машинство и електрика, а изведувачот Интракат бара 7 милиони евра за измените во овој дел од проектот. Целата оваа постапка е незаконска и Обвинителтвото мора да изврши истрага и поведе судски процес. Никој освен проектантот не може да го менува проектот кој поминал ревизија и прифатен е како таков, а изведувачот Интракат и инвеститорот Министерство за здравство немаат никакви овластувања своеволно да менуваат делови од проектот, и плус да го поскапат за 7 милиони евра, и тоа само за машинство и електрика, кои севкупно чинат толку, а овде дополнително се бараат 7 милиони евра само за измени. И доаѓаме до – банкарската гаранција како вовед во вкупниот криминал. Дефинитивно, Министерството за здравство како инвеститор нема банкарска гаранција од изведувачот Интракат, и за тоа министерот Венко Филипче треба законски да одговара, а во прилог на тоа објавуваме и документација. Интракат самостојно го добил тендерот и со ништо не гарантира дека работата ќе ја заврши согласно проектот и на време. Веќе се доцни речиси две години, и наместо активирање на банкарската гаранција Венко Филипче му планира нови 7 милиони евра на Гркот Димитрис Кутрас, менаџер на Интракат. Банкарската гаранција е издадена од Бетон Штип, а издавач е Комерцијална банка Скопје. Бетон Штип нема веќе договор со Интракат, под сетачј е, и банкарката гаранција нема важност и функција по овој тендер. Министерот Филипче наивно и панично тврди дека прокетот немал дел за машинство и електрика, што не е точно и се гледа од самиот проект дека тие се во него инаку тој проект не би ни можел да постои, ниту би поминал ревизија. Освен тоа, за банкасрката гаранција Филипче го изјави следното: “Министерството нема примено банкарска гаранција од подизведувачот Бетон Штип, туку банкарската гаранција е на име на фирмата изведувач на овој објект Интракат. Од моментот на потпишување на договорот па се до денешен ден, постои валидна и активна банкарска гаранција која е на име на изведувачот Интракат.“ Еве ги документите кој е гарант, кој ја издава и кој само ја предава до Министерството банкарската гаранција за градба на болницата во Штип. Еве го и договорот помеѓу Интракат и Бетон Штип дека гаранцијата е - на Бетон Штип, тие се гарантот а не Интракат која само ја поднесува НИВНАТА гаранција бидејќи НЕМА СВОЈА, а го добива тендерот. По давањето на банкарската гаранција од Бетон преку Интракат, договорот помеѓу Интракат и Бетон Штип - е раскинат, знали НЕМА активна банкарска гаранција. Патем, објектот не е изграден во рок а банкарската гаранција не е активирана, што е законска обврска на Филипче во таков случај. Филипче не зборува вистина, документите зборуваат против него. Што е следно? Обвинителството и досега веќе мораше да се активира и поради јасните факти за корупција и криминал, и поради сериозноста на корупцијата која е со висока вредност и во која учествува државниот врв, министри во владата. Но, Обвинителството предводено од Љубомир Јовевски, кадар на Зоран Заев, нема реакција што и може и да се очекува, тој таму не е донесен од Заев за да ја контролира власта и него лично, туку да изврши притискок и прогон на политичари, новинари, бизнисмени кои не се под контрола на власта и Зоран Заев лично и засега само тоа го прават успешно, а ваквите корупции, како и работата на Јовевски и неговите колеги ќе се разгледува наскоро, по изборите. Извор: Вечер.мк

Мицкоски за „Вечер“: Животот што го најавуваше СДСМ остана само на хартија

Курир — Tue, 20 Feb 2018 13:02:46 +0000

Лидерот на ВМРО-ДПМНЕ Христијан Мицкоски во интервју за весникот Вечер говори на најактуелните теми. Во интервјуто можете да прочитате за неговиот став за преговорите за името, за хаотична позиција и невешта дипломатија на македонската влада во однос на ова најважно прашање, за фијаското во економијата, и слабеењето на животниот стадард, каков е планот на ВМРО-ДПМНЕ за идното делување. - Ги поддржувате евроатланските интеграции на Република Македонија, но во исто време велите дека како партија останувате на браникот на националните интереси. Можно ли е, според Вас, прашањето за името да се реши без референдум? Посветеноста кон Република Македонија значи да направите се за да постигнете повисок стандард, повисоки кретириуми, и да создадете интегрирано општество, како што постојат во Европската Унија и да постигнете меѓудругото стандарди кои се прифатливи за нас, а својствени за другите развиени општества и да обезбедите стабилност преку НАТО алијансата. Но проблемот е тоа што ние како држава немаме ниту напредок во однос на евроатланските интеграции, немаме ниту мрднато во однос на обезбедување на повисок стандард, а ниту пак имаме реална заштита за националните и државни интереси. Со други зборови, ниту сме поблиску кон Европската Унија ниту пак се добива впечаток дека владата се грижи за националните и државни интереси. Лесно е да се биде актуелен во регионот и да се вели имаме добра надворешна политика, но прашањето која е цената што ја плаќаме како држава и кои се отстапките што се прават за да се постигне таа популарност. Некако со сите издвојувани решенија во изминатиот период кои ги направи владата во поглед на надворешната политика, како држава ги направивме најсреќни соседите, но не и нашите граѓани во Република Македонија. Што се однесува до прашањето за референдум ставот на ВМРО-ДПМНЕ останува непроменет и секое решение кое ќе биде прифатливо треба да оди на референдум и граѓаните да се изјаснат за него. Тука имаме конзистентен став, нешто што не го гледам во редовите на владата која изгледа прилично раштимано во поглед на ова прашање. Премиерот на брифинзи со новинари вели референдумот може да почека, а два дена потоа вели референдум мора да има. Човек не може да знае кој е нивниот конечен став. - И покрај разликите во ставовите меѓу двете земји, медијаторот Метју Нимиц при неговата последна посета на Македонија изјави оти е оптимист за решение на спорот и дека крајот на спорот се гледа за неколку недели и месеци? Каков е Вашиот впечаток по средбата со медијаторот Нимиц? Која е црвената линија за ВМРО-ДПМНЕ во однос на евентуалното решение на спорот со името? Јас во овој момент не сум оптимист ниту песимист. Но ќе ви кажам дека имаме мошне хаотична позиција и невешта дипломатија на македонската влада во однос на ова најважно прашање. Додека грчката страна се зацврстува со се поголеми барања, македонската влада на извесен начин лицитира јавно со понуди и прави чекори кои тие ги нарекуваат гестови на добра волја, за кој што македонската страна не добива ништо. Шпекулираат со точно определени квалификации околу понудата кои се спремни да ја дадат околу спорот со името, што би можела да се опише како црвена линија на владата, но ако она што владата го нарекува црвена линија, односно име со географска одредница, сега де факто е нивна почетна преговарачка позиција. Знаеме дека компромисот на секој договор е некаде во средина што значи Македонија веќе има нарушена преговарчка позиција, а се знае дека грчките барања кои може да се слушнат во моментот не се веќе максималистички туку може да се оквалификуваат како недостоинствени. Што се однесува до средбата со господинот Нимиц тоа беше разговор каде ние ги пренесовме нашите погледи и ставови за спорот кои се и јавно познати. Посочивме дека разговорите треба да продолжат да се водат во рамката утврдена од Обединетите нации, почитувајќи ги документите и принципите на Советот за безбедност, Привремената спогодба и пресудата од Меѓународниот суд на правдата. Тоа беше и прилика каде изразив загриженост за одредени чекори во грчкото општество кои иритираат и поттикнуваат негативи чувства кон Република Македонија и истите не се од помош на целокупниот процес. - Господине Мицкоски, може ли поконкретно да го објасните Вашиот повик на социјалните мрежи од неодамна „да ја победиме оваа тажна реалност за да го оствариме сонот на нашата генерација за економски богата, евроатлански интегрирана и земја на среќни граѓани“. Дали со овие зборови повикувате народ на улица или барате сплотеност и единство за горливите прашања како што се името и јазикот? ВМРО-ДПМНЕ се однесува конструктивно и покажа капацитет дека е спремна да разговара за многу прашања, поврзани со економијата, образованието, реформските процеси, интеграциите. Секогаш кога тоа е интерес за граѓаните, немам дилеми дека ќе седнам да разговарам. Но од другата страна недостасува волја. Во Собранието се носат законски решенија само колку да се заобиколи опозицијата, без дебата со едноставно притискање на копчето. Знаете демагошките расправи без резултати за големите прашања не носат подобар живот за граѓаните. Може до изутрина да разговара премиерот за тоа колку бил тој за соживот, колку имал демократски капацитет и колку бил бизнис ориентиран, но реалноста го демантира, а таа е поразителна, сите овие теми не им носат леб и подобра иднина на нашите сограѓани од Боговиње и Желино, или пак во Босилово и Моноспитово. Може да се каже со сигурност дека нивниот план за живот доживува фијаско, остана само на хартија, или зборови без дела. Затоа на Македонија и треба нова надеж, нова енергија, нова генерација политичари кои ќе го оствариме сонот на нашата генерација за економски богата, и евроатлански интегрирана држава и пред се земја на среќни граѓани и за остварувањето на оваа цел имам и енергија, и сум убеден дека ќе успееме и подготвен сум да го дадам и последниот атом од мојата човекова молекула за да оваа земја добие иднина каква заслужува. Јас посакувам единство за сите крупни национални и државни прашања, но не сум убеден дека другата страна ја сфаќа сериозноста на овие теми и нивната важност за иднината на нашата држава. Најверниот сојузник на ВМРО останува народот. - Со 35.000 амандмани кои ги поднесе ВМРО-ДПМНЕ за законот за употреба на јазици, собранискиот спикер ве обвини дека целта е политичка и дека Ваша единствена цел да се блокира Собранието и законот да не се донесе. Кој е Вашиот став по однос на ова прашање? ВМРО-ДПМНЕ поднесе амадмани за законот за јазици, што е засебна точка, но не ја блокираше работата на Собранието, што прави суштинска разлика. Или со други зборови претседателот на Собранието може да реди други точки на дневен ред и Собранието со парламентарното мнозинство да работи и да одлучува по нив. Поднесовме амадмани затоа што се работи за закон спротивен на Уставот и закон кој е тешко применлив во пракса. И кога разумот изостанува од власта, демократскиот отпор станува наша обврска. Најмалку десетина пати различни луѓе од ВМРО-ДПМНЕ ги повикуваа на разум, ако се толку убедени во исправноста на нивното решение, зошто тогаш не прифатија тој закон да се повлече и да се доработи низ еден транспарентен процес во кој ќе беше вклучена опозицијата, МАНУ, претседателот на државата. Не прифатија затоа што сакат да протуркаат штетни решенија на мала врата. - Откако бевте избран за претседател на партија направивте одредени измени во составот на извршниот и централниот одбор на партијата, а во исто време се соочивте и со различни ставови од неколку пратеници во врска со повеќе прашања во партијата. И покрај тоа, се чини дека сте сплотени по однос на одлуката за бојкот на законодавниот дом и присуство во Собранието единствено за расправата за закон за јазици? Во Извршниот комитет има многу нови членови и млади луѓе со потенцијал, но и искусни луѓе кои дале многу за партијата.. Имаме постојано ширење и она што ме радува многу нови луѓе сакаат да се вклучат во партискиот живот на ВМРО-ДПМНЕ и секој од нив носи свежина и свој квалитет. Што се однесува до пратеничката група одлуките таму ги носиме со консензус, заеднички став е засега да присуствуваме само на седницата каде ќе се раправа за за законот за јазици. Тоа што може да се слушнат во извесни моменти различни ставови е потврда дека во ВМРО-ДПМНЕ има демократија и дека се одбираат најдобрите решенија за кои претходно дебатираме. - Во какви односи сте сега со Илија Димовски и Антонио Милошовски? Јас имам коректни односи со нив. Тие се мои сопартици и соборци во борбата против оваа власт која демонстрира неспособност и води лоши политики кои ја движат државата во погрешен правец, отука добредојден е ангажманот на секој член на партијата. Ние имаме заеднички противник кој мора да биде поразен ако сакаме да се движи државвата напред. - Во највисоките партиски тела одлучивте да именувате членови од реформаторите. Имавте ли предвид дека тоа ќе предизвика револт во членството? Отворено ќе кажам, во ВМРО-ДПМНЕ има место за секој еден кој ја споделува нашата визија на силна и просперитетна држава, и кој е одлучен да се спротивстави на заедничкото зло изразено преку погрешните политики на владата и опостушувањето кое се спроведува во повеќе сфери. Ние не смееме да се ситниме туку да се оркупнуваме. Има место за сите. - Што ќе преземете да ја консолидирате партијата и повторно да ја донесете на власт? Свесен сум дека секогаш кога СДСМ ќе направи некој непопуларен чекор или чекор штетен за државата очите се насочени кон ВМРО-ДПМНЕ затоа што народот има очекувања од партијата која секогаш е на страната на народот. И исто така слушам различни коментари дека некогаш сме биле млаки во реакциите, и свесен сум дека нетрпението кај народот и членството се зголемува поради неправдите кои ги прави Владата, но потребен е разум, но и стратегија. Нашиот народ знае да каже навидум тивката вода, брегот го рони. Всушност за некои процеси потребно е време, но едно е сигурно во секоја моја одлука Македонија е на првото место. ВМРО ДПМНЕ ќе ја формира новата влада во Република Македонија и тоа ќе биде победа на народот со кој заедно ќе се избориме за подобра иднина, за стабилна економија, за сигурна плата за граѓаните, за достоинствена шанса за сите. Мора да станеме држава која ќе понуди можности за реалниот човек. Во изминатиот период се посветив на внатрешно екипирање и тоа ќе продолжи во наредните неколку месеци. Сликата за ВМРО-ДПМНЕ се менува, ние сме модерна партија заоснована на силните традиции на оваа земја и со современи погледи за иднината. Во наредниот период ќе биде изгласан советот на Извршниот комитет и ќе биде формиран тимот на советници меѓу кој ќе има и луѓе со меѓународно искуство. Јас ќе посветам повеќе внимание на теренските активности и ќе ме има во општинските комитети, во градовите и селата на Македонија. Ќе понудиме и прецизен коцнепт за иднината на државата и спас од сеопштата криза во која се наоѓа. На почетокот од годината не случајно реков следете ме и ќе ја препознаете новата енергија која ќе донесе посигурна и посветла иднина. - Како ја оценувате актуелната економска состојба во земјава со оглед на веќе реализираното поскапување и најави за нови покачувања на цените, зголемување на стапката на инфлација и реално намален број странски инвестиции? Нема дела. Поминаа 9 месеци но владата нема дела. Нема ништо од животот кој го најавуваа и затоа велам нивниот план доживува фијаско. Замрени се странските инвестиции, а она што се најавува како ново се старите инвестиции донесени или договарани од претходата влада на ВМРО-ДПМНЕ. Еве да зборим за бројките. Во 2016та година сме имале 316 милиони евра директни странски инвестиции, во цела 2017та година, без последното тромесечие бројката се движи едвај 50 милиони евра. Има пад на градежништвото од огромни 36.9%. Животот за граѓаните е поскап. Според податоците на ДЗС за индексите на трошоците на живот и цените на мало, во јануари 2018 трошоците за живот пораснале за 1,1% во споредба со јануари 2017 година, а малопродажните цени бележат пораст за 2.3%. Домаќинствата во Република Македонија благодарение на политиките на СДСМ денес трошат повеќе од пред една година, што дополнително ќе се одрази на нивниот животен стандард. Ова првенствено се должи на покачувањето на акцизата на дизел горивата од 3.5 денари, која ги зголеми трошоците за живот за течни горива за 12,7%, но и трошоците за транспортни услуги за 5,3%. Задолжувањето е загрижувачки исто како и трошењето на девизните резерви. Македонија се турка во бездна. Владата нема резултати, а грѓаните го плаќаат цехот. Купуваат време со разно разни теми кои не се од првенствено значење за граѓаните, а Македонија е заглавена. - Откако ја завршивте посетата на САД продолживте на балканска турнеја. Каков впечаток добивте од средбите и какви пораки добивте? За помалку од еден месец остварив посети и контакти на високо ниво во Брисел, потоа следеше Будимпешта, Унгарија, посетата на Вашингтон и Њу Џерси, САД, а ја комплетирав со балканската агенда каде ги посетив Љубљана, Загреб и Белград и остварив контакти на највисоко ниво. Македонија има пријатели, а ВМРО-ДПМНЕ ги зацврстува своите пријателства и отвора нови канали за комуникација кои ќе бидат важни и за државата. Во САД освен присуство на молитвениот појадок кој е во организација на претседателот на САД претходеа бројни значајни средби за ВМРО-ДПМНЕ и за Република Македонија меѓу кој со копретседателот на Републиканската партија на САД, Падучик, замени- помошник државен секретар задолжен за Европа и Евроазија, Палмер, специјалниот советник на потпретседателот Пенс за Европа, Евроазија и Русија, Моли Монтгомери со повеќе конгресмени и сенатори, со раководството на ИРИ, НДИ итн. Одвоив време и за средба со македонските иселеници и дијаспора која секако има своја голема важност за македонската држава. Плодна посета чија цел е јакнење на стратешкото партнерство со САД и потврдување на заедничкото пријателство, лобирање за интересите на Македонија и афирмирање на целта за членство во НАТО, како и воспоставување на контакти на ВМРО-ДПМНЕ, објаснување на нашите позиции по клучните прашања и пренесување на нашата загриженост за повеќе актуелни политички економски состојби во Република Македонија пред се поврзани со политичкиот терор, немањето на дијалог власт опозиција за повеќе клучни прашања и економската стагнација. - Дел од ислениците во САД на соцјални мрежи јавно прашуваа што се случува со партијата затоа што на организираните настани сте биле придржуван од претставници на владејачката СДСМ? Дали е тоа Ваша порака дека за прашањата што се од национален интерес ќе имате заеднички став до СДСМ? Луѓето од дијаспората си ја сакаат сввојата држава и подеднакво како се политички определени важно им е што се случува во Република Македонија. И да, на средбите со дијаспората имаше поддржувачи на ВМРО-ДПМНЕ и да, луѓе кои тврдеа дека гласале за СДСМ но и дека откако им дале можност и виделе што се случува во државава се чувствуваат изневерени и сакаат оваа непогода побрзо да престане. И да, еден од тие луѓе е и Зоран Ивановски кој беше кандидат на СДСМ од дијаспорта, но со кого лично се познавам подолго време уште од факултетските денови. - Работни групи од ВМРО-ДПМНЕ и СДСМ интензивно работат на усогласување на изборното законодавство и на комплетирањето на Државната изборна комисија, но во исто време неофицјално се брифира дека за клучните прашања како што е законот за јазици решение ќе се бара во меѓупартиски разговори на највисоко ниво. Може ли да се очекува единство по ова прашање со оглед на тоа што вашата партија поднесе околу 36.000 амандмани на законот, а пратениците од владејачката партија го подржаа законот? Посакувам постигнување на единство за да овој закон се повлече од процедурата и да се доработи низ транаспарентен процес во кој ќе бидат вклучени партиите, МАНУ и преставници од канцеларијата на претседателот на државата и релвантни експерти. Вака како што се нуди е неиздржано и штетно решение. Дали се има капацитет да се постигне решение останува да видиме и тоа, пред се, зависи од предлагачот, односно владата.