Вецлар – Kurir.mk

Владимир Врањеш потпишува за Вецлар

Бошко Тасиќ — Thu, 29 Jun 2023 05:23:01 +0000

Поранешниот репрезентативец на БиХ, Владимир Врањеш, кој требаше да биде ново засилување во редовите на Вардар, одлучи својата кариера да ја продолжи во Бундес лигата. Кружниот напаѓач беше посакуван во редовите на „црвено-црните“, но двете страни не постигнаа заеднички договор, така што бундеслигашот успеа во последен момент да го ангажира искусниот ракометар. Врањеш во Вецлар ќе пристигне од ланскиот осовјувач на Лига на Европа – Бенфика. Тој со раководството на тимот од Германија се договори на двегодишна соработка. 34-годишниот ракометар потекнува од Борац Бања Лука, беше дел од Адемар Леон, потоа од ПИК Сегед и Татабања, а пред да замине во Бенфика, две сезони го носеше дресот на Мешков Брест со кој играше во Лигата на шампионите.

Филип Кузмановски ги скина лигаменти на скочниот зглоб

Бошко Тасиќ — Tue, 02 May 2023 17:09:37 +0000

По извршените детални медицински прегледи клубот за кој настапува нашиот ракометен репрезентативец Филип Кузмановски, Вецлар објави дека нашиот ракометар го очекува подолга пауза и станува збор за тешка повреда на ракометарот. Лекарите констатирале дека Кузмановски има скинати лигаменти на десниот скочен зглоб и дека се уште не е познато колку долго ќе трае периодот на рехабилитација, но се чини дека сезоната за него е завршена. Кузмановски се повреди на неделниот натпревар од квалификациите за Европското првенство против Турција во Скопје кога при еден обид да се упати удар кон голот на противникот се судри со противничките играчи и незгодно доскокна на подлогата по што мораше предвреме да го заврши настапот.

Филип Миркуловски ќе го тренира Вецлар до крај на сезоната

Бошко Тасиќ — Wed, 12 Apr 2023 04:21:32 +0000

Поранешниот македонски репрезентативец Филип Миркуловски ќе биде тренер на бундеслигашот Вецлар до крај на сезоната. Раководството на бундеслигашот му ја даде довербата на Миркуловски, кој заедно со спортскиот директор Јасмин Чамџиќ ќе има тешка задача со Вецлар да обезбеди опстанок во Бундеслигата. „Не може да се направат многу промени, но оваа одлука е логична. Ги познавам ракометарите на Вецлар и знам кој може да даде најмногу на теренот“, кажа Миркуловски. Вецлар има 13 бодови и се наоѓа на 16. позиција на табелата.

Филип Кузмановски потпиша за Вецлар

Ивана Ефремовски — Fri, 10 Feb 2023 13:15:46 +0000

Македонскиот ракометен репрезентативец Филип Кузмановски ја смени клупската средина во Бундеслигата и премина од Хановер во Вецлар. Откако успешно ги мина задолжителните медицински прегледи, 26-годишниот Кузмановски денеска со Вецлар потпиша договор за соработка до крајот на следната сезона. Кузмановски доаѓа во Вецлар, каде дел од стручниот штаб е поранешниот македонски репрезентативец Филип Миркуловски, со задача да му помогне на клубот да избори опстанок во германското првенство. Вецлар се наоѓа на 16. место на табелата во Бундеслигата, а дебито на Кузмановски е најавено за идната недела на гостувањето кај Фуксе Берлин во рамки на 20. коло. (МИА)

Филип Миркуловски прв тренер на Вецлар

Бошко Тасиќ — Tue, 22 Nov 2022 06:05:40 +0000

Долгогодишниот македонски ракометен репрезентативец Филип Миркуловски во наредниот период ќе ја има улогата на прв тренер на бундеслигашот Вецлар. Миркуловски од стартот на сезонава беше прв асистент на тренерот Бенџамин Мацке, кој доби отказ од оваа функција. Вецлар катастрофално ја почна сезоната во Бундес-лигата и моментно се наоѓа на 15. место, а по последниот пораз од Хамбург од 28-30 беше донесена и одлуката за смена на Мацке. Миркуловски ќе ја има улогата на привремен тренер заедно со спортскиот директор Јасмин Чамџиќ, а Македонецот би можел да остане и нешто подолго од прогнозите откако раководството најави дека нема да брза со потрагата по нов стратег. „Ја почнавме потрагата по нов тренер. Едно е сигурно, нема да брзаме со изборот, добро ќе го проучиме пазарот пред да донесеме конечна одлука“, објави менаџинг-директорот на Вецлар, Бјорн Сеип.

Филип Миркуловски одбележа јубилеј во дресот на Вецлар

Бошко Тасиќ — Fri, 10 Dec 2021 21:16:00 +0000

Македонскиот ракометен репрезентативец Филип Миркуловски се најде во составот на Вецлар против Мелсунген на Роберто Гарсија Парондо и прослави јубилеј. Средниот бек играше во победата од 31-28 на домашен терен и дојде до бројката од 200 натпревари. Искусниот 38-годишен ракометар во редовите на Вецлар е од 2015 година.