веибо груп – Kurir.mk

Работниците на „Веибо Груп“ останаа без 3 плати, Владата не превзема ништо

Ивана Ефремовски — Thu, 01 Mar 2018 15:41:40 +0000

Работнците од кривопаланечката фабрика „Веибо Груп“ скоро месец дена протестираат и си ги бараат своите несиплатени 3 плати. Власта предводена од СДСМ, која пред локалните избори им ветуваше на вработените решавање на нивниот статус, сега молчи и не го решава проблемот на вработените. Дополнително, како што пишуваат граѓаните на социјалните мрежи, за нивниот случај владее општ медиумски мрак. За нивниот проблем известуваат само неколку независни портали кои не се под капата на владејачката гранитура. Во текот на изборите, не поминуваше ден кога тогашниот кандидат, а сегашен градоначалник од СДСМ да не се појави низ погоните на фабриката и да им ветува на работниците, како што популарно тогаш велеа, „Живот“ Лично премиерот Зоран Заев од митинг во Крива Паланка рече: -Ви ветувам време во кое што ќе се бориме за решавање на проблемот на секој поединец. Ви ветувам комплетна поддршка и на советот и на новиот градоначалник за гасификација на Крива Паланка, за стопанството, за училиштата, граадинките и болниците и другите јавни институции и за домовите во Крива Паланка, вети Заев. Револт и гневот кај граѓаните ескалира и чести се коментарите на социјалните мрежи каде вработените јавно сведочат за ситуацијата во која се наоѓаат. Еден таков коментар е и твитот во продолжение.

Заврши заложничката драма во Крива Паланка: Работниците од „Веибо“ ја ослободија директорката

Ивона Петрова — Tue, 06 Feb 2018 09:11:31 +0000

Порталот Република дознава дека доцна синоќа, во околу 2 часот по полноќ, завршила заложничката драма во фабриката на „Веибо“ во Крива Паланка. Директорката на „Веибо груп“ Кристина Јакимова заедно со менаџментот во кој има и турски државјани синоќа ја посетила фабриката за да ги земе документите за нејзино затворање. Но, откако влегле во фабриката која не работи од први месецов, дворот на објектот бил опколен од група на работници кои неколку часови не им дозволуваа да излезат од фабриката. По повеќе од 7 часа и долги преговори, работниците го ослободиле менаџментот кој рано утринава пристигнал во Скопје. -На помош дојде и полицијата, а медијатор во преговорите за ослободување на менаџментот беше градоначалникот на Крива Паланка, Борјанчо Мицевски, кој заедно со четворица вработени влезе во опколената компанија. Работниците се договорија со менаџментот од фабриката, која ќе оди под стечај, да не се изнесуваат машини додека не се исплатат трите заостанати плати, вели извор за Република. Поради затворањето на фабриката на улица ќе останат 210 вработени. Менаџментот на компанијата минатата недела се огласи со соопштение дека фабриката мора да биде затворена, затоа што тие веќе немаат моќ да функционираат и не сакаат да се доведуваат во големи загуби.