вејце – Kurir.mk

СРАМОТА: Искршена е новата плоча со имињата на бранителите кај Вејце

Ивана Ефремовски — Tue, 02 May 2023 09:44:36 +0000

Искршена е новата плоча со имињата на осумте припадници на безбедносните сили, кои загинаа во маскарот кај Вејце, а беше поставена таму на 28 април. На фотографијата се забележува дека уништени се цвеќињата и свеќници, а стои само плочата со имињата оставена од Одборот на бранители. Во петокот повеќе претставници на партии, организации, здруженија, МВР, Армијата и други оддадоа почит кон војниците и полицајците на место каде ги загубиле животите во 2001 година во близина на Вејце. Плочата со имиња на загинатите припадници на безбедносните сили ја постави политичката партија Левица. На 28 април 2001 беа убиени четворица припадници на воената единица „Волци“ и полицајци при ОВР Битола – Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).

Годишнина од масакрот во Вејце кога терористите на ОНА од заседа убија осум војници на АРМ

Ристе Здравков — Fri, 28 Apr 2023 09:32:49 +0000

Денеска е годишнина од масакрот во Вејце, кога бунтовниците на ОНА од заседа убија осум војници на АРМ на 28 април 2001 година. Ова е најголемата бројка на загинати во еден инцидент за време на конфликтот во Македонија. Дел од убиените биле живи запалени, а по убиството телата на мртвите бранители беле масакрирани. Загинате беа на возраст меѓу 24 и 30 години: Роберт Петковски (27) од скопско Бунарџик, Игор Костески (26) од Кисела Вода, Миле Јаневски (30) од Македонска Каменица, Бобан Трајковски (28) од Куманово, Марјан Божиновски (27) од битолско Горно Оризари, Илче Стојановски (24) од битолско Породин, Бошко Најдовски (25) од битолско Долно Оризари, и Кире Костадиновски (24) од битолско Горно Оризари. Министерството за одбрана бара да се постави спомен обележје во чест на загинатите припадници на безбедносните сили во масакрот кај Вејце, тетовско. Иницијативата, потпишана од министерката Славјанка Петровска, е поднесена согласно членот 18 од Законот за меморијални споменици, а со цел оддавање почит на загинатите борци.

МАКЕДОНИЈА СЕ СЕЌАВА: 21 година од загинувањето на хероите кај Вејце

Ивона Петрова — Thu, 28 Apr 2022 05:18:17 +0000

Денеска се одбележуваат 21 година од нападот кај тетовското село Вејце во кој осум припадници на специјалните единици на МВР ги положија своите животи во одбрана на татковината. Загинаа Роберт Петковски (27) од Скопје, Бобан Трајковски (28) од Куманово, Игор Костески (26) од Скопје, Миле Јаневски (30) од Македонска Каменица, Марјан Божиновски (27) од Битола, Илче Стојановски (24) од Битола, Кире Костадиновски (24) од Битола и Бошко Најдовски (24) од Битола. Осумтемина загинати бранители, заедно со уште шестмина кои преживеаја, беа нападнати од заседа движејќи се меѓу тетовските села Селце и Вејце. Нивните тела беа масакрирани и запалени на планинскиот пат. Шесттемина преживеани биле во последното возило од колоната. Повредени, успеале да се извлечат и да јават за масакрот.

20 години од загинувањето на хероите кај Вејце

Ивона Петрова — Wed, 28 Apr 2021 05:26:54 +0000

Денеска се одбележуваат 20 години од нападот кај тетовскотосело Вејце во кој осум припадници на специјалните единици на МВР ги положија своите животи во одбрана на татковината. Хероите никогаш не умираат, е пораката која овој Велигден дел од граѓаните си ја разменуваат покрај честитките за празникот, во знак на сеќавање на осумтемина припадници на специјалните единици на МВР и АРМ кои на 28 април 2001 година, од заседа, беа масакрирани кај тетовско село Вејце. Загинаа Роберт Петковски (27) од Скопје, Бобан Трајковски (28) од Куманово, Игор Костески (26) од Скопје, Миле Јаневски (30) од Македонска Каменица, Марјан Божиновски (27) од Битола, Илче Стојановски (24) од Битола, Кире Костадиновски (24) од Битола и Бошко Најдовски (24) од Битола. Осумтемина загинати барнители, заедно со уште шестмина кои преживеаја, беа нападнати од заседа движејќи се меѓу тетовските села Селце и Вејце. Нивните тела беа масакрирани и запалени на планинскиот пат. Шесттемина преживеани биле во последното возило од колоната. Повредени, успеале да се извлечат и да јават за масакрот.

Зошто овој јунак денес никој не го знае? „Нема потреба повеќе да ни доаѓате во помош, ќе изгинеме за Македонија!“

Магдалена Андонова — Tue, 13 Apr 2021 08:19:36 +0000

Се ближи годишнината од грозоморниот масакр кај Вејце каде осуммина бранители маченички си го дадоа животот во одбрана на суверенитетот и интегритетот на Македонија... Да се потсетиме на ликот и делото на ИЛЧЕ СТОЈАНОВСКИ, неговите последни зборови вечно нека им одѕвонува во ушите на оние кои ја продадоа патролата кај Вејце и ги испратија во маченичка смрт. Уште при првите истрели, тројцата полицајци Марјан Божиновски, Кире Костадиновски и Бошко Најдовски, зазеле позиции зад возилото, но, за жал, брзо се здобиле со тешки рани од кои некои се смртоносни. Четвртиот нивни колега Илче за време на заседата кај Вејце успеал да се повлече и да стигне до третото возило „хамер“, каде што заедно со ранетиот „волк“ Игор Костески давале отпор. Преку мобилниот телефон Илче Стојановски се јавил на двапати кај неговиот претпоставен во базата во Тетово и му пренесол дека се нападнати, дека има ранети и загинати и бара да им се испрати итна помош, која за жал, не ја добиле. Кога Илче сфаќа дека патролата е предадена од македонски началници и дека намерно се пратени во смрт, уште еднаш очајнички и беспомошно се јави гласот на Илче преку радиостаница: НЕМА ПОТРЕБА ПОВЕЌЕ ДА НИ ДОАЃАТЕ ВО ПОМОШ. СИТЕ ЌЕ ИЗГИНЕМЕ ЗА МАКЕДОНИЈА. И радиостаницата замолкна.

Панихида во Тетово за загинатите полицајци и војници кај Вејце во 2001 година

Тале Кристо — Tue, 28 Apr 2020 15:04:15 +0000

Во црквата Свети Кирил и Методиј во Тетово свештеници од тетовско-гостиварската епархија денес отслужија панихида- богослужба за сеќавање на упокоените-загинатите осум полицајци и војници на 28 април 2001 на патот Селце-Вејце на Шар Планина. На панихидата присустваа претставници на повеќе полициски единици при Министерството за внатрешни работи. -Се молиме на Бога за нивните души, тажни затоа што заминаа прерано, радосни затоа што нивната жртва ја влложија во оваа татковина. Своите животи ги дадоа пролевајќи млада и невина крв, на која се темели државата. Нема поголема љубов од таа да го дадеш својот живот за ближните свои. Затоа имаме цврста надеж дека Бог ја прими нивната жртва и нивните души ги населени во царството небесно, истакна во беседата отец Александар Стојановски. Спомен на загинатите бранителите мора да биде вечен, истака Кирил Бунгуров, државен советник за полициски и криминалистички работи во кабинетот на министерот за внатрешни работи. -Нема поголема чест за еден маж да ја одбрани честа, достоинството и да го одбрани својот народ. Жалам за сите мои другари, браќа и колеги кои го дадоа својот живот. На нас кои остануваме позади нив ни останува да имаме вечен спомен на нив, да ги спомнуваме, да им помагаме на нивните семејства пред проблемите пред кои се исправени бидејќи само оние кои што г загубија најмилите знаат која е таа тежина и таа болка, истакна Бунгуров. На 28 април 2001 кај месноста Брезовица на патот с.Селце – с.Вејце на падините на Шар Планина, загинаа Марјан Божиновски(27), Кире Костадиновски (24), Бошко Најдовски (25), Илчо Стојановски (24) Роберт Петковски(27) Бобан Трајковск (28)Игор Костески (26) и Миле Јанески (30).

ФОТО: 19 години од загинувањето на хероите кај Вејце

Ивона Петрова — Tue, 28 Apr 2020 10:36:08 +0000

Министерот за внатрешни работи Наќе Чулев, заедно со дополнителниот заменик министер за внатрешни работи Славјанка Петровска и директорот на Бирото за јавна безбедниост Сашо Тасевски, придружувани од претставници на други организациони единици на МВР, денеска во Битола, пред споменикот “Ангел“ (кај Градскиот часовник) како и во кругот на СВР Битола, со положување на цвеќе ја одбележаа 19 годишнината од херојската смрт на четворицата припадници на Посебната единица при СВР Битола - Марјан Божиновски, Илче Стојановски, Кире Костадиновски и Бошко Најдовски, како и на четворицата припадници на армиската единица “Волци“ – Роберт Петковски, Бобан Трајковски, Игор Крстевски и Миле Јаневски, кои што ги положија своите животи во одбрана на татковината на денешен ден во 2001 година кај тетовското село Вејце. На комеморативното одбележување на трагичното загинување на овие македонски херои учествуваа и претставници на локалната самоуправа на Битола, на политичките партии како и на семејствата на загинатите бранители. Како што потенцираше министерот Чулев, со овој чин не само што се оддава должната почит кон огромната, неспоредливо најголема жртва на нашите бранители, туку се испраќа и јасна порака дека хероите никогаш не умираат, тие вечно живеат во нашите животи. Тој, исто така, нагласи дека министерството за внатрешни работи, во рамки на своите можности, и натаму ќе остане отворено за семејствата на нашите загинати бранители, за бранителските организации – секогаш да им излезе во пресрет на нивните барања и потреби.

Полицаец пукал во две лица во тетовско, познат идентитетот на ранетите

Ивана Ефремовски — Tue, 12 Mar 2019 11:40:18 +0000

Вчеравечер околу 23:30 часот, во Сeкторот за внатрешни работи Тетово било пријавено дека во Клиничката болница Тетово биле донесени Ф.В.(26) и А.Х.(22), двајцата од село Вејце, тетовско, кои имале повреди од пиштол, пренесе телевизија 21. Двајцата биле пренесени во комплексот клиники „Мајка Тереза“ во Скопје. Веднаш се преземени мерки и активности од страна на полициски службеници кои извршиле увид во објект за видео игри во село Вејце, сопственост на Ф.Х.(42), при што била пронајдена чаура со калибар 9 мм и траги од крв. Во 23 часот и 40 минути, во Полициската станица Тетово дошол Н.Х.(25) од село Вејце, полициски службеник кој не бил на работа, кој изјавил дека со неговиот пиштол ги повредил А.Х. и Ф.В. Полицискиот службеник Н.Х. задржан е во полициска станица и за случајот е известен Одделот за внатрешна контрола, криминалистички истраги и полициски стандарди. Се преземаат мерки за целосно расчистување на случајот.