вејн руни – Kurir.mk

Вејн Руни повеќе не е тренер на Ди-Си Јунајтед

Бошко Тасиќ — Sun, 08 Oct 2023 16:02:07 +0000

Aнглиската фудбалска легенда, Вејн Руни повеќе не е тренер МЛС тимот Ди-Си Јунајтед.Ди-Си Јунајтед победи на последниот натпревар, но тоа не беше доволно да обезбеди плеј-оф, па Руни се одлучи да го напушти кормилото на клубот. „Мислам дека е вистинско време за заминување. Направив се што можам да обезбедам плеј-оф за клбот. Работите некогаш не одат онака како што посакуваме и не успеав, па време е да заминам“, изјави Руни

Руни го нарече Мбапе егоист: Со 23 години си дозволува да го турка Меси

Магдалена Андонова — Fri, 19 Aug 2022 11:44:52 +0000

Поранешниот англиски фудбалски репрезентативец Вејн Руни го критикуваше играчот на ПСЖ, Килијан Мбапе, поради неговиот вербален и физички конфликт со еден од најдобрите фудбалери на сите времиња Лионел Меси. Инцидентот се случи на натпреварот од француското првенство меѓу ПСЖ и Монпеље. Мбапе прво влезе во вербален судир со Меси, откако аргентинскиот фудбалер ја зеде топката в раце за да изведе пенал, по што беше грубо оттурнат од неговиот соиграч. – Фудбалер кој има 23 години си дозволува себе си да го турка Меси? Не сум видел во животот поголемо его, изјави Руни, пренесуваат британските медиуми. – Некој би требало да го потсети Мбапе дека Меси на негова возраст имаше освоено четири Златни топки, додаде Руни. (МИА)

Вејн Руни официјално тренер на ДЦ Јунајтед

Катерина Бојаџиева — Wed, 13 Jul 2022 08:18:38 +0000

Поранешниот напаѓач на англиската фудбалска репрезентација и на Манчестер јунајтед, Вејн Руни (36), официјално е назначен за тренер на ДЦ Јунјатед, потврди синоќа американскиот клуб. – Вејн во фудбалот е легенда и еден од највозбудливите и најдинамични тренери во подем во нашиот спорт. Тој веќе докажа во својата млада тренерска кариера дека умее да ги води екипите во немирни води, изјави потпретседателот на ДЦ Јунајтед, Џејсон Левин. – Тој ја разбира нашата лига и тоа што е потребно за успех во МЛС, благодарение на двегодишниот престој во нашиот тим како фудбалер. Страста која ја покажуваше додека го носеше црно – црвениот дрес го наелектризира нашиот град и нашиот клуб, и многу сме возбудени што повторно го поздравуваме, овој пат како главен тренер, додаде вториот потпретседател на клубот од Вашингтон, Стив Каплан. Руни, кој настапуваше за ДЦ Јунајтед од 2018 до 2020 година, доаѓа во Вашингтон, откако последните 17 месеци беше тренер на Дерби Каунти, кој поради финансиски проблеми испадна во третата англиска лига.

Легендите на Јунајтед и Арсенал влегоа во „Куќата на славните“ во Премиер лигата

Ивона Петрова — Wed, 23 Mar 2022 10:37:19 +0000

Поранешниот напаѓач на Манчестер јунајтед, Вејн Руни и поранешниот играч од средниот ред на Арсенал, Патрик Виера се примени во „Куќата на славните“ во Премиер лигата. Руни и Виера се првите примени во „Куќата на славните“ во 2022 година, објави официјалната веб-страница на Премиер лигата.

View this post on Instagram

A post shared by Premier League (@premierleague)

Пред овие двајца, членови на Куќата на славните во Премиер лигата станаа: Тиери Анри (Арсенал), Алан Ширер (Њукасл), Ерик Кантона (Манчестер јунајтед), Рој Кин (Манчестер јунајтед), Френк Лампард (Челзи), Денис Бергкамп (Арсенал), Стивен Џерард (Ливерпул), Дејвид Бекам (Манчестер јунајтед), Вејн Руни (Манчестер јунајтед) и Патрик Виера (Арсенал).

Изненади многумина: Руни го откри името на својот најмил соиграч

Катерина Бојаџиева — Tue, 15 Feb 2022 21:21:39 +0000

Иако во текот на својата плодна кариера настапуваше со голем број фудбалски ѕвезди, најдобриот стрелец во историјата на Манчестер јунајтед, Вејн Руни, изненади многумина со својот одговор кој му бил најмил соиграч на „Олд Трафорд“. – Уживав да играм покрај Карлос Тевез. Едноставно ми се допаѓаше нашата поврзаност на теренот, обелодени Руни во разговор за „SPORTbible“. Руни во текот на својата кариера играше со бројни врвни напаѓачи, меѓу кои и Кристијано Роналдо, Руд ван Нистелрој, Робин ван Перси, Луис Саха, Димитар Бербатов … но рече дека најдобро се согласувал со Аргентинецот Тевез. – Како партнер во нападот тој беше фудбалерот со кого најмногу уживав да играм. Со Тевез можев да ротирам, јас ќе бев број. 9, а тој ќе ја земеше „десетката“, па потоа ќе се заменевме. Кога ќе загубевме топка, бевме како бик кого се обидуваат да го вратат, додаде Руни. Во дресот на Манчестер јунајтед, Руни и Тевез заедно играа две години и освоија вкупно шест титули, од кои две англиски првенства и Лигата на шампиони.

Руни: Се заклучував дома и пиев без престан

Тале Кристо — Sun, 06 Feb 2022 12:20:48 +0000

Поранешниот напаѓач на Манчестер Јунајтед и сегашен менаџер на Дeрби Каунти, Вејн Руни, зборуваше за проблемите со алкохолот кога играше за „црвените ѓаволи“. Вели дека на овој начин се обидел да се избори со тензијата која го опкружувала лично и професионално, но веќе ја надминал зависноста. -Направив многу грешки. Некои од нив излегоа и во јавноста. Тешко ми беше да се справам со се што беше напишано, со критиките на менаџер како Сер Алекс Фергусон, како и со оние во семејството. Имаше денови без неколку дена фудбал каде што само пиев додека не заборавив на се. Имав акумулирано многу работи и бев воспитан да се справувам сам со стресот без да барам помош. Ги направив сите глупости во животот додека пијан. Кога бев трезен, не направив ниту еден погрешен потег. Затоа морав да го решам проблемот. Сега ја контролирам ситуацијата. Пијам, но не како порано. Никогаш не се сметав себеси за алкохоличар, изјави Руни во документарецот посветен за него.

Руни: Многу играчи не трчаат назад во одбрана – и за тоа ли е виновен Солскјер?

Ристе Здравков — Fri, 29 Oct 2021 11:54:23 +0000

Вејн Руни, најдобриот стрелец во историјата на Манчестер јунајтед, имаше коментар по повод дебаклот на Манчестер јунајтед против Ливерпул во Премиер лигата (0:5). „Црвените ѓаволи“ поминуваат низ катастрофален период после еден од најтешките порази во поновата клупска историја. 36-годишниот Руни (менаџер на Дерби каунти) го даде своето мислење околу ситуацијата во клубот и за својот поранешен соиграч Оле Гунар Солскјер, норвешкиот менаџер на екипата. – Во раководството на Манчестер Јунајтед има многу образовани луѓе. Сигурен сум дека ќе направат се што можат за да видат како ќе продолжат напред, без разлика дали Солскјер ќе биде во клубот или не. Мислам дека играчите треба да се запрашаат и да се погледнат. Премногу е лесно менаџерот да го преземе сето тоа додека се платени со големи пари за да ја завршат својата работа, а мислам дека не ја работат добро. Тоа е голема одговорност на играчите. Тие се фудбалери од светска класа, а клуб како Манчестер јунајтед бара повеќе. Има огромни барања и голем притисок во Јунајтед. Гледам премногу играчи кои не сакаат да трчаат назад, кои не сакаат да играат одбрана, кои не го даваат максимумот, а тоа не е прифатливо. Сакате ми кажете дека велите дека за сето тоа е виновен менаџерот? Или се виновни играчите? Не знам – рече Руни. Славниот Англичанец го носеше дресот на Јунајтед речиси 13 години, за кој одигра 559 натпревари и постигна дури 253 гола, освојувајќи 13 големи трофеи.

Се огласи Руни: Фудбалерите се виновни за слабите резултати на Јунајтед

Ивона Петрова — Fri, 29 Oct 2021 11:35:08 +0000

Поранешниот фудбалер на Манчестер јунајтед, а сегашен тренер на Дерби Каунти, Вејн Руни, во изјава за британските медиуми оцени дека одговорноста за слабите резултати сезонава на неговиот поранешен клуб не е во тренерот Оле Гунар Солскјер, туку во играчите и нивната недоволна ангажираност на теренот. Солскјер е под силен притисок по минатонеделниот висок пораз во Манчестер од Ливерпул со 5-0, а овој викенд го очекува тешко гостување против лондонски Тотенхем. – Тие играчи имаат голема одговорност. Тоа се фудбалери од светска класа, настапуваат за своите репрезентации, но за клуб каков што е Јунајтед треба повеќе. Мора да ги заболи кога ќе загубат натпревар. Гледам премногу играчи, кои не сакаат да трчаат назад, да покриваат во одбрана и не го даваат својот максимум. Тоа е неприфатливо. Премногу е лесно менаџерот да преземе одговорност, но, од друга страна тие што се платени, и тоа многу скапо, очигледно не си ја вршат својата работа, изјави Руни.

Руни сам нека се справува со скандалот: Полицијата нема да преземе ништо за уцена со компромитирачки фотографии

Ивана Ефремовски — Wed, 28 Jul 2021 08:11:14 +0000

Полицијата во округот Чешир нема да преземе ништо против жалбата на тренерот на Дерби, Вејн Руни, за уцена. Поранешниот играч на Манчестер јунајтед се обратил до полицијата поради фотографиите кои протекоа на Интернет, на кои спие на стол, додека полуголи девојки позираат околу него. По разговорот со Руни, полицијата соопшти дека нема да преземе ништо по ова прашање. -Полициски службеници разговараа со инволвираното лице и не најдоа докази за прекршоци. Вклученото лице исто така изјави дека не сакаат да го продолжат случајот, соопшти полицијата. Британските медиуми шпекулираат дека фотографиите се направени во хотел по поразот на Дерби во пријателскиот меч со Салфорд сити. (МИА)

Легендарниот фудбалер во нов скандал: Се забавувал со три девојки, па повикал полиција – еве што се случило (ФОТО)

Ивана Ефремовски — Mon, 26 Jul 2021 16:19:02 +0000

Легендарниот фудбалер на Манчестер Јунајтед, Вејн Руни, сега тренер на Дерби Каунти, ја потресе Велика Британија со скандал во кој неодамна се најде. Имено, Руни бил фатен со три девојки како се забавувал до раните утрински часови, додека со една дури и се бакнувал во ноќен клуб. Сепак, тоа што предизвика скандал беа фотографиите кои излегоа во меѓувреме. На нив се гледа како Руни е во бесознание во друштво на полуголи девојки кои сами се фотографирале и истите слики ги споделиле на социјалните мрежи. Кога си дошол при свест, поранешниот напаѓач сфатил во каков хаос се нашол, па повикал полиција, тврдејќи дека станува збор за местенка и дека фотографиите не требало да се споделуваат без негово знаење. Британски „Сан“ исто така излезе со идентитетот на тие девојки, а во прашање се манекенката Тајлер Рајан и нејзините пријателки Алис Мелвин и Брук Морган. Сите три имаат по 21 година. Една од нив позирала во танга покрај главата на Руни. Но, она што пред сè го загрижува менаџерот на Дерби е неговата сопруга Колин, на која добро ќе се измачи за да ѝ објасни што се случило. Инаку, ова не е првпат Руни да ја изневери својата сопруга.

Wayne Rooney loves a bird from barrow 😂 pic.twitter.com/UUkzlqJkgI
— Bibby (@Brad_Bibby99) July 25, 2021