вел – Kurir.mk

Што се крие зад носењето на превез или вел? Една од најстарите традиции на венчавките

Ристе Здравков — Sat, 25 Feb 2023 09:06:47 +0000

Свадбените трендови доаѓаат и си одат, но одредени делови од традицијата, како белиот фустан, нешто ново, нешто старо и нешто сино остануваат и не исчезнуваат. Можеме тука да го ставиме и познатиот вел, без кој една класична невеста е незамислива. Се смета дека превезот е еден од најстарите делови на традицијата што се применува на тој голем ден. Превез или вел е парче ткаенина, обично направено од тул или чипка, што се носи на главата на невестата и го покрива нејзиното лице додека оди кај младоженецот. Кога е пред олтарот, младоженецот го трга од нејзиното лице, откривајќи ја невестата. Денес, многу невести се откажуваат од покривање на лицето, но сепак носат превез во косата како додаток за свадбата. Историјата вели дека концептот на брак постои повеќе од 4.000 години. Како што свадбите се менувале низ вековите, биле воспоставени различни традиции, вклучувајќи го и велот. Превезот може да се проследи уште од свадбите во античка Грција. Невестите го покривале целото лице и во многу случаи целото тело додека оделе по патеката. Исто така, договорените бракови некогаш биле дел од повеќето култури, па превезот служел како форма на заштита на лицето на невестата од нејзиниот иден сопруг, во случај младоженецот да не ја сака невестата и обратно. Паровите и нивните семејства биле крајно суеверни за денот на венчавката, па постоело и верување дека превезот ја штити невестата од „нељубезни сили“, пишува The List. Денес младите главно не носат превез на лицето, оваа традиција е претежно променета и најчесто тој се наоѓа закачен во косата.

Има големо значење, а мислиме дека е само моден додаток: Зошто невестите носат вел?

Ивана Ефремовски — Mon, 02 Nov 2020 08:23:57 +0000

Ги следиме традициите кои се врзани за венчавките, без навистина да го знаеме нивното потекло. Една од таквите традиции е и носењето вел на денот на венчавката. Потеклото на оваа традиција датира од времето на Римското Царство. Тогаш, невестата од глава до пети била покриена со црвено платно кое го нарекувале „фламеум“, а целата на покривањето била таа да изгледа како да гори. Всушност, „запалената невеста“ на тој начин би требало да ги истера злите духови кои планирале да го уништат денот на нејзината венчавка. Но, тогашните долги платна и венчаници имале уште една цел, а тоа е да го отежнат бегството на невестата. Како што поминувале вековите, така велот имал различни задачи. Кога биле во прашање договорените бракови, невестата морала да носи вел сè додека не биле договорени условите, бидејќи се стравувало дека ако младоженецот ја види идната сопруга пред договорот и таа не му се допадне, можел да го одбие склопувањето на бракот. Статусен симбол Исто така, во многу религии велот е знак на понизност и почитување на божествата во текот на религиската церемонија. Но, во Викторијанската доба велот станал статусен симбол. Тежината, должината и квалитетот на велот ја означувале материјалната состојба на невестата. Секако, невестите од кралските семејства имале најдолги велови и венчаници. Велот се користел и за да го замагли видот на невестата. Затоа до олтарот морал да ја следи нејзиниот татко или некој друг за да ја „предаде“ на идниот сопруг, бидејќи во спротивно самата многу веројатно не би успеала да го изоди тој пат без застанување или удирање во нешто. И како за крај, според суеверието, кое е познато и денес, се смета дека лоша среќа ќе го следи заљубениот пар, ако младоженецот ја види невестата пред церемонијата, па затоа и таа се крие под својот вел.

Не е се така како на фотографиите- Пријовиќ го откри детаљот поради кој била тажна на денот на свадбата (ФОТО)

Дарко Андоновски — Thu, 28 Jun 2018 08:27:34 +0000

Пејачката Александра Пријовиќ и нејзиниот сопруг Филип Живојиновиќ минатата недела направија гламурозна свадба за паметење. На прославата имаше 900 гости, а пејачката по само една недела откри со какви маки се соочила на денот на свадбата. Таа за српските медиуми вели дека колку и да се трудите се да пројде беспрекорно на денот на вашата свадба, тоа не е можно. -Се течеше по планот се додека пет или шест дена пред свадбата требало да пристигне велот, но наместо во Србија пратката од Италија завршила во Мемфис, а бидејќи тоа се се случи во петокот, за време на викендот ни рекоа дека велот не може да пристигне во Белград пред четврток, односно на денот на свадбата, вели Пријовиќ. Дизајнерката и сопругот на пејачката секојдневно инсистирале да пристигне велот во понеделник, а истото и се случило. Но потоа следувало уште една тешкотија за пејачката, велот не одговарал на фустанот па морал да се прекрои.