Велес – Штип – Kurir.mk

Нормализиран сообраќајот на патниот правец Велес-Штип

Тале Кристо — Fri, 06 Aug 2021 17:37:23 +0000

Нормализиран е сообраќајот на патниот правец Велес-Штип, соопшти Авто мото сојузот на Македонија. Претходно, од АМСМ известија дека овој патен правец е затворен од 17:45, поради намалена видливост од пожар кај Градската депонија. Од 18:15 часот, сообраќајот на патот Велес-Штип се одвиваше по една коловозна лента. Од АМСМ, исто така, информираа дека поради намалена видливост од пожар, од 16 часот во прекин е и патниот правец Кочани-Виница-Берово. АМСМ, меѓу другото, известува дека на граничниот премин Табановце поради зголемена фреквенција на возила, времето на чекање за влез и излез од државата е околу 30 минути. На останатите гранични премини од македонска страна, нема подолги задржувања за влез и излез од државата.

Во прекин патот Велес-Штип кај Градската депонија поради намалена видливост од пожар

Тале Кристо — Fri, 06 Aug 2021 16:42:55 +0000

АМСМ известува дека од 17:45 часот во прекин е патниот правец Велес-Штип кај Градска депонија поради намалена видливост од пожар. Претходно, од АМСМ информираа дека поради намалена видливост од пожар, од 16 часот во прекин е и патниот правец Кочани-Виница-Берово. АМСМ, меѓу другото, известува дека на граничниот премин Табановце поради зголемена фреквенција на возила, времето на чекање за влез и излез од државата е околу 30 минути. На останатите гранични премини од македонска страна, нема подолги задржувања за влез и излез од државата.

Ќе се снима рекламен спот на патот Велес-Штип, повремени прекини на сообраќајот

Ивона Петрова — Fri, 27 Nov 2020 06:14:41 +0000

Поради снимање рекламен спот денеска од 6:00 до 13:00 часот ќе има повремени прекини на сообраќајот на регионалниот пат Р1321 – Велес-Штип. Како што информираат од продукцијата што го снима спотот, сообраќајот ќе биде во прекини во временски интервали од по пет минути.

Карамбол на патот Велес – Штип: Излизгани неколку возила, повредени 3 лица (ФОТО)

Ивона Петрова — Fri, 04 Jan 2019 21:41:14 +0000

Сообраќајна несреќа во која учествувале повеќе возила се случила вечерва на патот Велес – Штип. Како што изјавија за ТВ 21 од СВР Велес, несреќата се случила кога едно возило поради лизгавиот пат, удрило во столпчиња на патот, а потоа неможејќи да се контролираат, уште неколку возила удриле едно во друго. Има потврда за три полесно повредени лица. -Кај местото Три Чешми во услови на снег и лизгав коловоз се случила сообраќајна незгода во која учествувале 6-7 возила. Најпрво едно возило удрило во столпчиња, а во него потоа се случил верижен судир. Три лица се со полесни повреди. Нема застој во сообраќајот и истиот непречено се одвива. Полицијата врши увид, изјавија од СВР Велес. „Внимателно на Три Чешми во близина на влезот пред Штип од патниот правец Велес – Штип. Сообраќајна несреќа во која учествуваат шест до седум возила од кој некои влетаа отпосле по првичната сообраќајка. Има луѓе на патот покрај возилата кои чекаат полиција и шлеп-служба. Внимателно за да не дојде до жртви“, се вели во апелот на социјалните мрежи.

ДЕТАЛИ: Над 10 лица повредени по судирот на автобус и камион

Ивона Петрова — Mon, 23 Jul 2018 12:30:57 +0000

Над 10 лица се повредени според првичните и неофицијални информации во сообраќајната несреќа меѓу автобус и камион, која околу 13:20 часот се случи на патот Велес-Штип кај селото Мамутчево. Повредените лица се пренесуваат во велешката болница, но засега нема информации за карактерот на повредите и состојбата на повредените лица. Полицискиот увид се уште е во тек, а сообраќајот на овој патен правец е во прекин.

Автобус и камион се судрија на патот Велес – Штип

Ивона Петрова — Mon, 23 Jul 2018 12:20:37 +0000

Автобус и камион се судриле околу 13:20 часот во велешко, потврдуваат од МВР за Курир. Од полиција за Курир кусо информираат дека несреќата кај нив е пријавена пред еден час, а истата се случила на патот Велес - село Мамутчево при судир на автобус и камион. Полицискиот увид е во тек, а засега не е познато дали има евентуално повредени лица. Повеќе информации очекуваме наскоро.

Во прекин патот Велес – Штип поради сообраќајка

Ивона Петрова — Mon, 23 Jul 2018 12:11:40 +0000

Поради сообраќајна незгода, од 13:15 часот попладнево сообраќајот на патот Велес - Штип е во прекин. Како што соопшти АМСМ, незгодата се случила кај село Мамутчево.