велес-скопје – Kurir.mk

Внимавајте: Сообраќајна несреќа на автопатот Скопје – Велес (ФОТО)

Ивана Ефремовски — Thu, 13 Apr 2023 15:11:26 +0000

До редакција на „Велес денес“ читатели испратија фотографии од сообраќајката која денес околу 16:30 часот се случлаи на автопатот Скопје – Велес каде што учествуваа две патнички возила. „Сообраќајната несреќа се случила на делницата Петровец – Катланово, каде што во тек се градежни активности повеќе од 3 години и сообраќајот се одвива по една лента во двата правци. Оваа делница изминативе години претставува опасна за возење бидејќи многу често се случуваат сообраќајни незгоди. Од очевидци на настанот дознаваме дека нема повредени патници, а во текот на денот се очекува и повеќе информации од МВР“, пишува порталот.

По излизгување на вагон: Нормализиран сообраќајот на железничката линија Велес – Скопје

Ивана Ефремовски — Mon, 09 Jan 2023 13:41:59 +0000

Нормализиран е сообраќајот на железничката линија Велес – Скопје, што беше во прекин утринава од 7 часот, поради излизгување на еден вагон од патничкиот воз кој сообраќаше на релација Гевгелија – Скопје кај „Кадина Река“, информираа за МИА од „ЖРСМ Транспорт“. Во моментот на инцидентот во возот имало 150 патници, кои со друг воз се префрлени и пристигнале во Скопје во 8:35 часот, велат од „ЖРСМ – Траснпорт“. – Линијата е во функција од 11:30 часот. Причините за вонредниот настан ќе ги разгледува Комисија составена од членови од „ЖРСМ Транспорт“ и „ЖРСМ Инфраструктура“, наведуваат од компанијата. Еден вагон од патничкиот воз на релација Гевгелија – Скопје во кој се превезувале 150 патници, утринава околу 7 часот се излизга од шините на станицата „Кадина Река“, меѓу Велес и Скопје. При инциднетот нема повредени патници. (МИА)

Голема полициска акција вечерва на автопатот Велес-Скопје, запленета дрога вредна над 250.000 евра

Тале Кристо — Tue, 01 Nov 2022 18:44:14 +0000

Во тек е голема полициска акција на наплатната станица Отовица, на автопатот Велес-Скопје, при што е пресечен меѓународен канал за шверц и запленета е дрога вредна над 250.000 евра. Дрогата била пренесувана во возило фолксваген туран, управувано од скопјанец. Од МВР потврдуваат дека во тек полициска акција, а детали најавуваат за утрешниот ден, по завршување на акцијата.

ВОЗАЧИ ВНИМАТЕЛНО: Само на овој автопат полицијата санкционирала 79 возила

Магдалена Андонова — Sun, 02 May 2021 16:05:35 +0000

Во текот на вчерашниот ден (01.05.2021) Мобилната единица за безбедност на сообраќајот на патиштата спроведе зајакната акциска контрола на автопатот Велес – Скопје - Куманово за санкционирање на возила кои се движат со брзина поголема од дозволената, при што санкционирани се 79 возила. Од нив, 33 возила се движеле со брзина над 50 километри на час повеќе од дозволеното, а пет возила се движеле со дури над 70 километри на час повеќе од дозволената брзина.

Татко и малолетна ќерка меѓу повредените во сообраќајката на автопатот Велес – Скопје

Ивона Петрова — Thu, 16 Jan 2020 11:11:19 +0000

Во верижниот судир што се случи утрово околу осум часот меѓу шест возила кај Пуста Кула на автопатот Велес-Скопје, три лица се повредени, од кои две се однесени во велешката Општа болница, а едно е пренесено во Скопје. Поради несреќата, сообраќајот е сé уште во прекин, информираат за МИА од СВР Велес. Велат и дека увидот трае, но наскоро се очекува нормализирање на сообраќајот. Во велешката болница, според д-р Љупчо Леов, се примени татко и десетгодишна ќерка од Кавадарци кои се со полесни телесни повреди и нагмечувања по телото. Полицијата ги утврдува причините поради кои дошло до несреќата.

Поради сообраќајка затворен автопатот Велес – Скопје

Ивона Петрова — Thu, 16 Jan 2020 08:03:02 +0000

Поради сообраќајна несреќа автопатот Велес – Скопје е целосно затворен за сообраќај, информираат од АМСМ. – На автопатот Велес-Скопје, кај местото Кула, случена е сообраќајна незгода помеѓу повеќе возила и автопатот Велес -Скопје е целосно затворен за сообраќај, се наведува во вонредниот извештај на АМСМ од 8:40 часот.

НАЈНОВИ ДЕТАЛИ: Шест лица повредени во тешката сообраќајка на автопатот Велес-Скопје

Ивона Петрова — Thu, 16 Jan 2020 07:20:04 +0000

Последните информации со кои располага полицијата говорат дека шест лица се повредени во сообраќајката несреќа која се случи утринава на автопатот Велес-Скопје. Од МВР за Курир велат дека според нивните најнови информации во несреќата учествувале шест возила, при што повредени се шест лица. Едно од повредените лица е пренесено на скопските клиники, додека на останатите им се пружа лекарска помош во велешката болница. Карактерот на повредите засега не е познат. Како што претходно објавивме несреќата се случила утринава околу 8 часот на местото викано Кула на автопатот Велес-Скопје. На овој патен правец сообраќајот се уште е целосно во прекин, истиот се пренасочува.

Во комбе на автопатот Велес – Скопје откриени 45 мигранти од Пакистан

Тале Кристо — Sun, 13 Oct 2019 10:39:27 +0000

На 13.10.2019 околу 00.15 часот во СВР Велес бил лишен од слобода И.М.(28) од с.Марвинци, Богданци кој при редовна контрола од мобилна единица на Царинската управа кај наплатна станица „Отовица“ на автопатот Велес-Скопје бил запрен додека управувал товарно моторно возило „Ивеко“ со скопски регистарски ознаки, при што во возилото биле пронајдени 45 лица-мигранти од Пакистан. Увид на местото на настанот извршила екипа од СВР Велес. По целосно документирање на случајот ќе следува соодветен поднесок.

На автопатот Велес-Скопје промена на сообраќајниот режим

Ивана Ефремовски — Thu, 25 Jul 2019 06:22:30 +0000

На автопатот Велес – Скопје пред тунелот Катланово денеска и утре ќе има промена на сообраќајниот режим. Причина за тоа, како што информира Авто мото сојузот на Македонија, е промената на сијалици.

Возач на автобус обвинет за тешката автобуска несреќа на автопатот Велес-Скопје

Дарко Андоновски — Fri, 28 Jun 2019 12:48:06 +0000

Велешкото Јавно обвинителство до Основниот суд во Велес поднесе Обвинителен предлог против едно лице од Скопје, на возраст од 50 години, за кривично дело „Тешки дела против безбедноста на луѓето и имотот во сообраќајот“ од член 300 став 4 во врска со член 297 став 3 во врска со став 1 од Кривичниот законик. Од Јавно обвинителство информираат дека на 20 август 2017 година обвинетиот управувал со автобус марка „Неоплан“ со скопски регистарски ознаки, во сопственост на компанијата „Бус травел“-Скопје, движејќи се по автопатот А1, делница Велес-Скопје, по средната коловозна лента. Околу 18:50 часот дошол до местото викано „Пуста Кула“, на околу 4,8 километри по наплатната станица Отовица и притоа, спротивно на одредбата од членот 29 од Законот за безбедност на сообраќајот на патиштата, не се движел по средината од коловозната лента на која се наоѓал и не ја држел страната и правецот на движење. Во тој момент, како што соопштуваат од Обвинителството, започнал да се движи во лево, преминувајќи на левата коловозна лента, по што излегол од коловозот и удрил во заштитната метална ограда, се одвоил од неа и продолжил да се движи по нерамен терен, се превртел на левата бочна страна и застанал на земјената површина. Како последица на сообраќајната несреќа, 14 патници се здобиле со телесни повреди, 13 патници се здобиле со тешки телесни повреди, а двајца од тешко повредените подоцна починале. За обвинетото лице на сила се мерки на претпазливост, за кои надлежниот јавен обвинител предложи да бидат продолжени, бидејќи и натаму постојат законските основи, соопштуваат од обвинителството.