Велешки пливачки маратон – Kurir.mk

Поп Ацев и Костадиновска и годинава победници на Велешкиот пливачки маратон

Ивана Ефремовски — Sun, 18 Sep 2022 14:01:55 +0000

Кај мажите во маратонот на пет километри како и лани и годинава прв е Евгениј Поп Ацев од ПК „Вардар 2018“, во фото финиш. а и кај жените како и лани победник единствената учесничка во женскиот маратон на 5 километри Јана Костадиновска од ПК „Младост“ од Скопје. Втор кај машкиот маратон на 5 километри беше Александар Илиевски ПК „Нептун“, а трет Кристијан Стојановски од ПК„Младост“ од Скопје. Годинава немаше пријавени на маратонската трка за мажи и жени на 10 километри информираат за МИА од организациониот одбор. Како што појасни Роберт Папазов од организациониот одбор на денешниот пливачки маратон имаше 44 учесници од кои 33 професионалци и 11 за трката за рекреативци. Освен од клубовите од земјава учествуваа и бугарски пливачи од Софија,а не дојдоа пливачите од Србија ,Косово и Хрватска.Воедно овој маратон беше четврти и последен од Македонскиот куп во далечинско пливање. Кругот на патеката во езерото беше во должина од 1.250 метри. – Со оглед на лошите временски услови,добро поминавме.На почетокот на манифестацијата на рекреативната трка на 2,5 километри имаше силен ветер, но потоа се стиши и натпреварите поминаа во ред и во најголема безбедност,појасни Папазов. Воедно за безбедноста на пливачите се грижеа 20 тина спасители на вода од Општинскиот Црвен крст и 30 тина кајакари од велешките кајакарски клубови. За најдобрите во сите категории наградите во вкупна вредност ги обезбеди Вулканизер „Дине“ кој секоја година е подржувач на маратонот. Во рекреативниот маратонска трка на 2,5 километри со која започна и денешните натпреварите кај жените единствена учесничка беше Теодора Соколова,а кај мажите од десетина учесници,во машка конкуренција Дарко Поп Ацев,втор Дејан Гуџов и трето место Дарко Соколов. Во промотивната трка на деца до 12 години на 800 метри,во машка конкуренција единствен учесник беше Никола Ивановски ПК „Делфин“, а и во женска конкуренција исто така сама Матеa Јанкоска ПК „Делфин“. На 2,5 километри мажи во категорија 2005-2007, прво место освои Андреј Караскакоски ПК „Скопје“,втор Михаил Велков ПК„Нептун“трето место Мартин Личев“ ПК „Лески 2014“ од Софија Р.Бугарија. Во категорија 2008-2010 година единствен учесник беше Давид Трпчевски од ПК „Делфин“. Во женска конкуренција на 2,5 километри во категорија 2005-2007,прво место освои Ивана Неделковска од ПК „Скопје“ втора Јоана Неделковска од ПК „Скопје“ и трета Росана Ѓошева од ПК „Скопје“. Во категорија 2008-2010 на 2,5 километри прво место освои Сара Јанковиќ од ПК„Скопје“второ Зорица Христова од ПК „Левски 2014“ од Софија Р.Бугарија,трето место Софија Стефановска од ПК „Нептун“. Велешкиот пливачки маратон 2022 го организира Општина Велес и Здружението за спорт и рекреација „Клуб 28“ под покровителство на Пливачката федерација на Македонија. По многу години најава,организаторот најави дека конечно догодина 10 јубилеен „Велешки пливачки маратон 2023“ ќе биде дел од Европскиот куп во далечинско пливање. Горан Стојановски од Националната пливачка федерација на Македонија информира дека овој Велешки маратон влегува во календарот на ФИНА. (МИА)

Велешки пливачки маратон 2022

Тале Кристо — Thu, 15 Sep 2022 13:01:40 +0000

На велешкото езеро „Младост“ денеска ќе се одржи 9. Велешки пливачки маратон на 2,5 километри за рекреативци и за професионалци на два и пол, пет и на 10 километри. Како новина годинава е трката на 800 метри за деца до 12 години. Еден круг од патеката во езерото ќе биде во должина од 1250 метри. Организатор е Општина Велес и Здружението за спорт и рекреација „Клуб 28“ со повеќе спонзори, а под покровителство на Пливачката федерација на Македонија. -За безбедноста на учесниците ќе се грижат 20 спасители на вода од Општинскиот Црвен крст од 30 кајакари од велешките кајак клубови. Досега се пријавиле 40-тина учесници од пливачките клубови во земјава и рекреативци, а учество најавиле и пливачи од Бугарија и Косово. Учеството на пливачи од Хрватска се уште е неизвесно, информира на денешната прес-конференција Или Попов од организацискиот одбор. На маратонот, межудругите маратонци, ќе учествуваат и Евгениј Поп Ацев и Александар Илиевски. Регуларноста на пливачкиот маратон ќе ја следи и бодува Зоран Величковски судија на ПФМ. Инаку оваа е последна четврта трка за бодување од македонскиот Куп во далечинско пливање. Организаторот најави дека догодина 10 јубилеен Велешки пливачки маратон 2023 ќе биде дел од Европскиот куп во далечинско пливање, за што постапката била веќе започната. Во својство на домаќин градоначалникот Марко Колев кој потенцира дека освен комуналната инфраструктура главни приоритети во неговата работа му се развој на културата и спортот ги повика сите заинтересирани во недела претпладне да ги проследат трките во пливање. Стартот на Велешкиот пливачки маратон е во недела во 9 часот наутро на плажата пред Хотел „Романтик“ со маратонот од 2,5 километри за рекреативци.

Eвгениј Поп Ацев и Јана Костадинова први на „Велешкиот пливачки маратон 2021“

Тале Кристо — Sun, 19 Sep 2021 16:19:44 +0000

На денешниот Велешки пливачки маратон 2021 кој се одржа на патека на езерото „Младост“ првото место на маратонот од 5 километри во машка конкуренција го освои трикратниот светски првак во пливање, Евгениј Поп Ацев, кој пливаше со време 1,02.39. Веднаш зад него со 20 секунди заостанување втор беше пливачот Александар Илиевски со време 1.02.59. Првото место во маратонот за жени на 5 километри и припадна на Јана Костадинова. Инаку ова е петтото учество на Евгениј Поп Ацев на Велешкиот пливачки маратон, лани не беше меѓу учесниците, а во 2019 година беше прв. Но, на маратонот на 10 километри и тогаш втор беше Александар Илиевски кој на ланскиот Велешки пливачки маратон беше прв. Воедно, годинава триесетина професионални пливачи и аматери од земјава учествуваа на осмиот по ред пливачки маратон, што се одржа во водите на езеро Младост во Велес. Во категоријата 2.500 метри професионални пливачи мажи, првото место го освои Сергеј Малјановски Арнаудовски, додека второто му припадна на Матеј Димитров. Од жените во истата категорија најдобра беше Лора Крстевска. Од категоријата аматери кои пливаа на патека долга 2.500 метри најдобри беа Дарко Поп Ацев и Ивона Наумова. Во категоријата за деца до 11 години на патеката од 800 метри најдобар беше Никола Велковски. Осмиот по ред велешки пливачки маратон се одржа со почитување на сите пропишани мерки и протоколи за заштита од Ковид Инаку, годинава Велешкиот пливачки маратон не е дел од македонскиот куп во далечинско пливање. Наградата за освоено прво место во сите категории беше 3000 денари ,а ја обезбеди Вулканизер – отпад Дине, кој секоја година го подржуваа на пливачкиот маратон. Велешкиот пливачки маратон 2021 и годинава го организира Здружението за спорт и рекреација „Клуб 28“ заедно со Кајак клубот „Бабуна“ и останатите кајак клубови од градот и Општинскиот Црвен крст Велес, а под покровителство на Општина Велес. За поредба изминатата години на Велешкиот пливачки маратон имало 80 учесници, а претходните години и многу повеќе како и учесници од соседните земји како Турција, Косово и Бугарија, кои поради Ковид пандемијата и годинава изостанаа.