велешко – Kurir.mk

Во Велес и велешко започна теренската вакцинација на невакцинирани деца од претшколска и школска возраст во рамките на кампањата „Од врата до врата“

Тале Кристо — Wed, 01 Nov 2023 17:24:52 +0000

Екипа на Службата за превентива на деца и младинци при ЈЗУ Здравствен дом Велес денеска започна со теренска вакцинација за претшколски и школски деца кои не се вакцинирани,а во рамките на кампањата „Од врата до врата“. Децата ќе добиваат вакцини според календарот за вакцинација на деца од претшколска и школска возраст, информира д-р Марина Тодоровска координатор на кампањата за теренска вакцинација од оваа јавна здравствена установа. -Во зависност кое дете ќе го пронајдеме, која вакцина е пропуштена, со таа ќе го вакцинираме. Целта на оваа кампања е да се подигне свеста и разбирањето за важноста на имунизација и придобивките од вакцинација, информира д-р Тодоровска. Таа појасни дека 12 теренски посети во наредните денови ќе извршат пет тима. Од тие пет теренски посети се во Велес, а седум во населените места во Општините Велес, Градско и Чашка. Д-р Тодоровска информира дека семејствата кои ги немаат вакцинирано децата се најмногу од ранливите категории. За нив ќе одржат и едукативни предавања и ќе им ја појаснат предноста од добивањето на вакцината која е многу важна за понатамошно здравје на нивните деца и заштита од многу болести. Кампањата „Од врата до врата“ ја организира Министерството за здравство и Канцеларијата на Светската здравствена организација во Скопје. Воедно д-р Тодоровска информира дека во рамките на овие теренски посети како новина ќе вакцинираат и против сезонски грип. Со тоа нивните екипи на терен ќе можат да ги вакцинираат и сите ранливи категории граѓани, над 65 години возраст, со хронични болести, трудници, деца од шест месеци до шест години.

Приведени дрвокрадци во велешко, затекнати при нелегална сеча на огревно дрво

Тале Кристо — Sun, 15 Oct 2023 13:05:31 +0000

На 14.10.2023 во 16.00 часот во атар на с.Сопот, велешко, полициски службеници од СВР Велес и од Шумска полиција ги лишиле од слобода Т.С.(51), Е.И.(28), Џ.И.(40), М.Ј.(39), Х.С.(35) и С.С.(35), сите од с. Бузалково, велешко. Тие биле затекнати при нелегална сеча на огревно дрво и кај нив биле пронајдени три моторни пили и товарно возило натоварено со четири кубни метри исечено огревно дрво, а во близина на местото биле пронајдени уште 10 кубни метри исечено огревно дрво. Возилото и пилите биле одземени за понатамошна постапка, а дрвата ќе бидат преземени од Шумска полиција и Шумско стопанство. Лицата биле задржани во полициска станица и по целосно документирање на случајот против нив ќе биде поднесена соодветна пријава.

Во велешко Долно Оризари се обновува црква од 14 век „Рождество на Пресвета Богородица“

Катерина Бојаџиева — Thu, 21 Sep 2023 15:22:01 +0000

Во велешко Долно Оризари се обновува црква од 14 век „Рождество на Пресвета Богородица“. На празникот на Рождество на Пресвета Богородица Црковниот одбор за обнова на црквата „Рождество на Пресвета Богородица“ кај селото Долно Оризари во близина на Велес, денеска во присуство на свештеник од Епархијата Повардарска го одбележа празникот со светење на вода и делење на славски колач. Присуствуваа голем број на православни верници од населбата Превалец и Велес, како и годинешните кумови. Благој Јанев Шандуп и неговиот брат Петар Јанев за МИА раскажаа дека црквата ја паметат како деца, која тогаш одржувана од некоја жена се до 60 -тите години на 20 век. Петре Ставроски од Црковниот одбор за обнова на овој православен храм информира дека тој и неговите сожители околу 20 години правата напори да го изградат, а потоа и да го фрескоживописат овој свет храм кој потекнува од 14 век и за кого има пишан документ дека се викал „Свети Руса“ маченичка која црквата не ја признава, па затоа одлучиле да го носи името „ Рождество на Пресвета Богородица“. Тој појасни дека црквата тие самите со свои донации и работна сила самите ја обновуваат некаде од 2005 година до денес, а документ за нејзина обнова добиле од 9 јули 2007 година. Тој информира дека тие затекнале само затрупан храм од кој нашле само стари ѕидови кои се оставени во внатрешноста на црквата и олтар ќе паднал па бил нанови ѕидан. Во внатрешноста на црквата стои и стариот камен под, а од предмети нашле само една брава и клуч.Оваа црква имала и свој црковен имот од 2,05 хектари. Од Црковниот одбор пред да започнат со обвновата на овој свет храм на увид повикале стручни лица од Народниот музеј во Велес кој ја утврдиле староста на црквата и за кој храм станува збор и што да се зачува, а побарале и пишани документи од Историскиот архив во Велес. Од Црковниот одбор информираат дека секоја финансиска помош им е добредојдена за поскоро завршување на изградбата односно доградбата на камбанарија и нејзино фрескоживописување.,како и надворешно малтерисување и уредување. Воедно оттаму ги повикуваат сите православни верници и донатори кои сакаат да дадат парични прилози за целосна обнова на овој свет храм на жиро сметка 200001766930070 во Стопанска Банка.

Приведен крадец од велешко, расчистени три кривични дела, пронајдените предмети ќе бидат вратени на сопствениците

Дарко Андоновски — Mon, 18 Sep 2023 09:04:31 +0000

На 17.09.2023 во 17.10 часот во Велес од полициски службеници од СВР Велес е лишен од слобода А.К.(41) од с.Горно Оризари, велешко. Тој се сомничи дека во периодот 16/17.09.2023 од гаража во Велес одзел патничко моторно возило „цитроен ц3“ со велешки регистарски ознаки, сопственост на А.Д.(60) од Велес и електричен алат. Покрај ова, пред продавница во Велес тој, лажно претставувајќи се како полициски службеник, од К.П.(50) од Велес одзел мобилен телефон и паричник со лични документи, банкарски картички и клучеви од неговиот дом, а потоа влегол во неговиот дом во Велес и извршил пребарување но не одзел ништо, а од пред куќа во Велес одзел мотоцикл „лонгија“ без регистарски ознаки, сопственост на Р.К.(45), кој подоцна е пронајден во близина на угостителски објект во Велес. По издадена судска наредба од Основен суд Велес, полициски службеници извршиле претрес во домот на А.К., при што била пронајдена банкарска картичка на име К.П. и други предмети кои потекнуваат од кривичните дела и ќе бидат вратени на сопствениците. По целосно документирање на случајот ќе биде поднесен соодветeн поднесок.

Во Велес и Велешко секоја учебна година сè помалку првачиња

Тале Кристо — Wed, 30 Aug 2023 14:59:31 +0000

Во новата учебна 2023/2024 година во основните училишта во Велес и во населените места во општината во прво одделение се запишале вкупно 424 првачиња што е за 49 помалку споредено си изминатата учебна година кога биле 473 првачиња информираат за МИА од Општина Велес. Во Основното училиште ,,Рајко Жинзифов” во село Горно Оризари годинава се само 15 првачиња, а лани биле 23. Во ООУ „Васил Главинов” во градот годинава се 127, а лани биле 126, во подрачното училиште во Превалец и лани и годинава се по 11 првачиња, а во училиштето во село Раштани лани биле три, а годинава е запишано само едно прваче. Во ООУ ,,Стојан Бурчевски Буридан” - девет се во училиштето во Иванковци и две првачиња во училиштето во село Отовица. Загрижувачки е што во подрачните училишта во село Сујаклари и Мамутчево нема запишано ниту едно прваче велат од Општина Велес. Најповолна е состојбата во ООУ ,,Блаже Конески”во Велес кое е со целодневен престој, каде лани имало 118, а во новата учебна година за шест повеќе или 124 првачиња. Во сите училишта паралелките, не само во прво, туку и во останатите одделенија, се со помал број на ученици од неопходниот, па најголем дел од нив бараат согласност од Советот на Општина Велес.

Водата во велешко езеро „Младост“ може да се користи за капење и рекреација

Ивона Петрова — Fri, 25 Aug 2023 15:34:44 +0000

Според најновите резултати на примероци од вода на велешкото езеро „Младост“ од ЈЗУ Центар за јавно здравје Велес и Институтот за јавно здравје од Скопје водата во велешкото езеро „Младост“ е добра и може да се користи за капење и рекреација, се вели во извештајот на ЈЗУ Центар за јавно здравје. Испитувања биле направени трипати и тоа на 16 август, на 17 и 22 август. Примероците на вода, освен во ЈЗУ Центар за јавно здравје Велес се испратени и во Институтот за јавно здравје во Скопје, и двете институции потврдуваат дека водата во езеро „Младост“ е исправна и може да се користи за капење и рекреација. Примероците на вода се направени како и досега на Градска плажа 1 и на плажата кај Хотел „Романтик“. Извештајот е доставен до Државниот санитарно здраствен инспекторат, до Општина Велес –одделение за животна средина и ЈП Водостопанство „Лисиче“ Велес. Општина Велес повторно ја ангажира Лабораторијата „Фуд Лаб“ од Скопје која мостри од водата од езеро „Младост“ повторно зема вчера 24 август. Резултатите од анализата на квалитетот на водата се очекува да стигнат од вторник, 29 август година, информираат од Општина Велес. Општина Велес се одлучи на повторно испитување на квалитетот на водата во езеро „Младост“ откако претходните анализи направени на 11 август годинава од страна на Лабораторијата „Фуд Лаб“ од Скопје покажаа надминување на граничните вредности за присуство на „цревни ентерококи“ и „ешерихија коли“ во водите на езеро „Младост“, на локациите „Брод Панини“ и „Градска плажа 1“. Тој извештај беше причина, Општина Велес на 16 август да издаде соопштение во кое беше наведено дека водата на велешко езеро „Младост“ не е препорачлива за капење и рекреација.

Голем е пожарот во велешко: Го гаснат два „Ер трактор“, полициски хеликоптер и над 20 пожарникари – Колев се сомнева дека некој фрлил отпушок од цигара

Ивана Ефремовски — Wed, 02 Aug 2023 16:37:53 +0000

Два авиона „Ер трактор“ за Дирекцијата за заштита и спасување и еден полициски хеликоптер интервенираат во гаснење на големиот шумски пожар над село Отовица што изби попладнето околу 14 часот. -Со пожарот е зафатана борова шума, а во негово гаснење се вклучени и 20-тина пожарникари со противпжарни возила, десетина вработени од ЈКП„Дервен“ и месното население од село Отовица кое живее во близина на пожарот, информира за МИА, градоначалникот на Велес Марко Колев кој е на терен во подршка на лицата вклучени во гаснење на пожарот. Тој појасни дека пожарот е на истата локација каде завчера исто така имаше пожар, но со тоа што сега е зафатена и гори поголема површина на борова шума и тоа на непристапен терен. -Баравме гаснење од воздух бидејќи станува збор за непристапен терен,потенцира Колев. Пожарот е во близина на автопатот Велес-Скопје каде поминуваат илјадници возила, а Колев се сомнева дека можеби отпушок од цигара фрлен од кола е причината за пожарот. - За краток временски период од само два дена се случува од автопатот да се прошири пожарот, кон шумата. Не можам да тврдам само можам да претпоставувам дека причината е можеби отпушок од цигара фрлен од кола, потенцира Колев. Истрагата на СВР Велес треба да утврди што е причината за овој голем шумски пожар. (МИА)

Претрес во Велешко, пронајден пиштол – едно лице заврши зад решетки

Тале Кристо — Tue, 24 May 2022 12:43:43 +0000

Полициски службеници од Одделот за криминалистичка полиција – Сектор за општ и насилен криминал и СВР Велес, по претходно издадена судска наредба од Основен суд Велес, денеска извршиле претрес на дом и други простории кај Ѓ.П. (52) во велешкото село Ораше. Како што соопшти МВР, при претресот, во дворот од куќата биле пронајдени пиштол „застава“ и околу 130 куршуми, по што Ѓ.П. е приведен во ПС Велес, а по документирање на случајот до ОЈО Велес ќе биде поднесена кривична пријава за кривичните дела „недозволено поседување оружје и распрскувачки материјали“ по чл. 396 и „тешка кражба“ по член 236 од КЗ.

Претрес во велешко, пронајдени оружје и муниција, приведени две лица

Ристе Здравков — Mon, 20 Dec 2021 09:48:20 +0000

Денеска (20.12.2021) од страна на полициски службеници од Одделението за недозволена трговија при СВР Велес во с.Горно Јаболчиште се лишени од слобода М.У.(60) и И.У.(34), двајцата од истото село. Имено, во 06.00 часот, при претрес во куќа и помошни простории каде живеат двете лица, извршен со судска наредба, биле пронајдени: една автоматска пушка кал.7,62 мм со две рамки и 50 куршуми, една ловна пушка кал.16 мм, еден пиштол 7,62 мм со една рамка и 22 куршуми и еден пиштол 7,65 мм со една рамка. Двајцата се приведени во полициска станица и по документирање на случајот против нив ќе биде поднесен соодветен поднесок.

Осумдесетгодишен старец извршил обљуба на малолетно девојче во велешко

Тале Кристо — Fri, 16 Oct 2020 17:10:29 +0000

Во СВР Велес синоќа 28-годишна жена од велешко пријавила дека 80 годишен старец од велешко село извршил обљуба врз нејзината малолетна ќерка. Како што информира портпаролот на СВР Велес Верољуб Додевски, се работи на расчистување на случајот и превземање на соодветни санкции за сторителот на делото.