велеслалом – Kurir.mk

Шифрин го освои светското злато во велеслалом

Ивона Петрова — Thu, 16 Feb 2023 14:15:35 +0000

Американската скијачка Микаела Шифрин победи на денешната трка во велеслалом на патеката во Куршевел и го освои второто одличје на Светското првенство во алпско скијање. Сребрениот медал и припадна на Италијанката Федерика Брињоне, која заостана 12 стотинки зад Шифрин, додека со бронзата се закити Рагнхилд Мовинкел од Норвешка, која по двете возења заостана вкупно 22 стотинки зад златната Американка. За Шифрин ова е втор медал на Светското првенство во Куршевел и Мерибел, откако минатата недела се закити со среброто во супервелеслалом. Младата 16-годишна македонска скијачка Јана Атанасовска остана денеска без пласман во велеслаломската трка на својот дебитантски настап на Светското првенство, откако не успеа да ја мине целта во првото возење.

Одермат најдобар на првиот велеслалом во Зелден

Бошко Тасиќ — Mon, 24 Oct 2022 06:41:32 +0000

Актуелниот шампион во светскиот куп во алпско скијање Марко Одермат славеше на премиерната велеслаломска трка во новата сезона која утрово се возеше во австрискиот ски-центар Зелден. Швајцарецот до победата стигна со вкупно време од 2:04.72 минути што беше за 76 стоти делови од секундата подобро од второпласираниот Словенец, Жан Крањец. Подиумот го надополни Хенрик Кристоферсен од Норвешка со заостанување од 97 стотинки зад времето на победникот.За потсетување поради лошото време во Зелден вчерашниот женски велеслалом беше откажан.

ЗОИ: Сара Хектор победничка во женскиот велеслалом

Ивона Петрова — Mon, 07 Feb 2022 08:46:21 +0000

Швеѓанката Сара Хектор го освои златниот медал во дисциплината велеслалом на Зимските олимписки игри во Пекинг. Хектор до триумфот дојде со вкупен резултат 1:55.69 минута по двете возења. Сребрениот медал и припадна на италијанската скијачка Федерика Брињоне која двете трки ги заврши со време 1:55.97 минута. Мал подвиг направи Лара Гут-Бехрами која од осмата позиција по првото возење, стигна до третото место и бронзениот медал по втората трка заостанувајќи 72 стоти делови од секундата зад победничката. По денешниот велеслалом Шведска изби на чело во поредокот на медалисти со три освоени златни медали.

Хиршер победи во паралелниот велеслалом во Алта Бадиа

Дарко Андоновски — Mon, 17 Dec 2018 20:24:42 +0000

Носителот на Светскиот куп, Марсел Хиршер (Австрија) забележа четвртата победа сезонава. Австриецот го освои паралелниот велеслалом во италијанскиот зимски центар Алта Бадиа, победувајќи го со 14 стотинки во големото финале Тибо Гавро (Франција). Хиршер допушти мала грешка во средината на трасата, но подоцна не му остави шанси на својот противник. Хиршер ја зголеми предноста во генералниот пласман, откако ја постигна 62 победа во кариерата. Французинот Алекси Пинторо беше поразен од Гавро во полуфиналето, но заврши трет го откако освои малото финале против Матс Олсон (Шведска)

Антонио Ристевски не ја заврши трката во велеслалом

Ивона Петрова — Sun, 18 Feb 2018 08:36:16 +0000

Македонскиот репрезентативец Антонио Ристевски имаше неуспешен настап на велеслаломската трка на Зимските олимписки игри во Пјонгчанг. Нашиот скијач не успеа да ја заврши патеката, останувајќи без пласман на ова натпреварување. Ристевски по првото мерно време имаше време од 17,94 секунди, што беше заостанување од 1,24 секунди од тогаш водечкиот скијач, меѓутоа нашиот скијач излета од патеката и не успеа да стигне до целта. Ристевски е најискусен од нашите тројца олимпијци во Пјонгчанг, а пред четири години во Сочи заврши на 29. место во оваа дисциплина.