велгошти – Kurir.mk

Мицкоски од Велгошти: Ќе ја обновиме Македонија од пепелот кој што ќе го наследиме од СДСМ

Дарко Андоновски — Wed, 24 Jun 2020 17:08:31 +0000

Претседателот на ВМРО-ДПМНЕ, Христијан Мицкоски денес заедно во придружба со носителот на изборна единица 5, Игор Дурловски ја посетија населбата Велгошти, Охридско при што остварија и средба со мештаните. - Благодарам на сите денес што сме овде, за да го отпочнеме победоносниот кас кој што ќе заврши на 15-ти јули со една голема историска победа на Коалицијата која што ја предводи ВМРО-ДПМНЕ, наречена „Обнова за Македонија“, нагласи Мицкоски. Мицкоски додаде дека сака да се заблагодари на сите основачи, ветерани, на месниот комитет во Велгошти, на сите кои што изминативе години поминале време работејќи за Македонија, а помагајќи го ВМРО-ДПМНЕ. - За претседател на ВМРО-ДПМНЕ, за мене лично секогаш претставува предизвик и чест да стојам пред вас, и да се заблагодарам, и да ви се обратам за сето она кое што е позади нас и за сето она кое што стои пред нас. Затоа капа доле, ви благодарам за се што направивте изминативе години, и за Македонија, и за ВМРО-ДПМНЕ, истакна Мицкоски. Мицкоски посочи дека не сака да звучи надмено и сака да биде реален и побара рекорден резултат на овие предвремени парламентарни избори кои што ќе се случат за неколку недели од денес. https://www.facebook.com/MickoskiHristijan/photos/a.1587699088072211/1587699134738873/ - Сигурен сум во волјата и мотивот на Велгоштани да ја победат најпрвин оваа пандемија која што не снајде овие три години, олицетворена во ова раководство на СДСМ предводена од Зоран Заев. А, потоа заеднички да си ја обновиме нашата Македонија, онаа Македонија, онаква каква што сите ние си ја сакаме. Да ја обновиме и онаква да биде каква што ние сонуваме да биде. Затоа 15-ти јули е денот кога јас сум сигурен дека овде во Велгоштани ќе се случи и можеби историски најголемата победа која што некогаш се случила некои избори во изминативе години од независност на нашата Македонија, додаде Мицкоски. Мицкоски потсети дека изминативе три години поради СДСМ Македонија претрпе безброј порази, недостоинство, грабеж, криминал. - На тоа нивно „Можеме“ односно можеа, ние одговараме „Исправи се Македонијо“. Исправи се Македонијо, доста овој народ се чувствува граѓанин од втор ред. Ќе докажеме и ќе покажеме дека овој народ си ја љуби и си ја сака сопствената држава. И ќе ја обновиме од пепелот кој што ќе го наследиме, од пепелот кој што го втурна овој народ, оваа држава, ова раководство на СДСМ предводено од Зоран Заев, нагласи Мицкоски. Мицкоски вети дека ВМРО-ДПМНЕ ќе го победи секој срам кој што и го нанесоа СДСМ на Република Македонија.

МВР го расчисти убиството на жената од Велгошти

Матеја Петровски — Sun, 02 Sep 2018 14:35:44 +0000

Министерството за внатрешни работи (МВР) го расчисти убиството на Б.П. (47) во охридското село Велгошти, а на осомничениот И.К. (62) од Охрид му е одредена мерка притвор во траење од 30 дена. Како што соопшти МВР, поради постоење основи на сомнение за сторено казнено дело „убиство“, СВР Охрид до Основното јавно обвинителство поднесе кривична пријава против И.К. (62) кој живее во Охрид. Пријавениот, казненото дело го сторил во периодот од 29 до 31 август 2018 година во куќата на Б.П., на улицата „Илинденска“ во Велгошти. По преземени мерки и активности, на 31 август во 21 часот, И.К. е пронајден во куќа во Струга и лишен од слобода, а судот му одреди 30-дневен притвор.

Се бара притвор за 62 годишен охриѓанец: Јавното обвинителство со детали за грозоморното убиство во Велгошти

Матеја Петровски — Sat, 01 Sep 2018 19:56:36 +0000

Јавен обвинител од Основното јавно обвинителство – Охрид донесе наредба за спроведување истражна постапка против лице на возраст од 62 години, жител на Охрид, кое е осомничено за сторено кривично дело убиство извршено на свиреп начин во село Велгошти. Надлежниот јавен обвинител до Основниот суд – Охрид поднесе предлог за определување притвор за осомничениот. Како што информира Јавно обвинителство на Македонија, дежурен обвинител од Охрид доцна попладнево извршил увид на лице место во семејна куќа во Велгошти, каде беше пронајдено безживотно тело на жена. Починатата ја пронашле соседите во нејзиниот дом, каде што живеела сама. На телото биле видливи траги на насилство. По наредба на јавниот обвинител, на лице место се обезбедени траги кои ќе бидат предмет на вештачење. Издадена е наредба за обдукција на починатото лице.

МВР со детали за грозоморното убиство во охридско Велгошти

Матеја Петровски — Sat, 01 Sep 2018 09:54:43 +0000

Во текот на вчерашниот ден во 16:37 часот во Полициската станица Охрид пријавено е казнено дело „убиство“ извршено врз Б.П. (47) во нејзината куќа на улицата „Илинденска“ во охридското село Велгошти, информираат од МВР. На местото на настанот, извршен е криминалистичко-технички увид предводен од Јавен обвинител од Основното јавно обвинителство Охрид како и полициски екипи од СВР Охрид. По преземени мерки, синоќа во 21 часот во Струга приведено и лишено од слобода е едно лице од Охрид по што, во консултација со Јавен обвинител ќе бидат преземени понатамошни мерки за целосно расветлување на случајот. По наредба на Јавен обвинител, врз телото на починатата ќе биде извршена обдукција.

Соседите ја најдоа мртва, на телото има видливи траги од насилство: Наредена обдукција на убиената жена во охридско

Ивана Ефремовски — Fri, 31 Aug 2018 19:16:44 +0000

Дежурен јавен обвинител од Основното јавно обвинителство Охрид по извршениот увид на лице место во семејна куќа во охридското село Велгошти, каде беше пронајдено безживотно тело на жена, издаде наредба за обдукција на починатото лице. Јавното обвинителство соопшти дека се уште се трага по сторителот. Како што се наведува во соопштението од ЈОРМ, починатата ја пронашле соседите во нејзиниот дом, каде што живеела сама. На телото биле видливи траги на насилство. По наредба на јавниот обвинител, на лице место се обезбедени траги кои ќе бидат предмет на вештачење. Издадена е наредба за обдукција на починатото лице.

Мицкоски гостин на турнирот во Велгошти по повод празникот Св.Петка

Ивона Петрова — Tue, 07 Aug 2018 20:13:35 +0000

По повод утрешниот празник Св.Петка, претседателот на ВМРО-ДПМНЕ Христијан Мицкоски присуствуваше на турнир во охридското село Велгошти кој се организира секоја година за празникот. Посетата на Велгошти претседателот на ВМРО-ДПМНЕ ја искористи и да запали свеќа во манастирот „Св.Петка“ во чии рамки се наоѓа и собата каде војводата Христо Узунов ја формирал првата чета во Охрид. Со Мицкоски, во посета на Велгошти, беа и членот на ИК на партијата од Охрид Кирил Пецаков, претседателот на ОК на ВМРО-ДПМНЕ, Сашо Донев, Илија Арнаудовски и Тони Менкиноски, претседател на партиската правна комисија.