Во Радовиш се одржа Меѓународниот фолклорен фестивал „Велигденски средби“

Ивана Ефремовски — Tue, 18 Apr 2023 12:30:21 +0000

На традиционалниот Меѓународен фолклорен фестивал „Велигденски средби“, кој по 18 пат се одржа во Радовиш и има натпреварувачки карактер, најуспешни беа играорците на КУД “Китка“ од Истибања, а Гран при наградата му припадна на КУД „Бојмија“ од Гевгелија. Како што информираа од локалната самоуправа, Фестивалот се одржал во манастирскиот комплекс „Свети Ѓоргија“ под покровителство на градоначалникот и Општина Радовиш. На Фестивалот учествувале 18 фолклорни ансамбли од земјава и странство, кои се натпреварувале од 15 до 17 април. (МИА)

34-ти Велигденски средби во црквата „Св. Петар и Павле“ во Горно Лисиче

Катерина Бојаџиева — Mon, 18 Apr 2022 09:47:02 +0000

Под покровителство на Општина Аеродром во недела, 24.4.2022 година, во дворот на црквата „Св. Петар и Павле“ во Горно Лисиче ќе се одржат традиционалните 34.Велигденски средби. Манифестацијата во чест на најголемиот христијански празник ќе почне во 10:30 часот, веднаш по завршувањето на велигденската литургија во црквата што ја организира Црковниот одбор на православниот храм. На Велигденските средби со богата културно-уметничка програма ќе настапат голем број естрадни ѕвезди, а според досегашното искуство, се очекува присуство и на голем број граѓани. Оваа година на Велигденските средби настапуваат групата „Фортуна“, Влатко Миладиновски, Стојне Николова, Даниела Темелковска, Влатко Лозановски, Орде Неделковски, Благица Павловска, Сузана Спасовска, ВИС „Аманет“, КУД „Никола Јонков Вапцаров“ и други реномирани уметници од македонската естрада.

Велигденски средби – Kurir.mk

Во Радовиш се одржа Меѓународниот фолклорен фестивал „Велигденски средби“

34-ти Велигденски средби во црквата „Св. Петар и Павле“ во Горно Лисиче