велигденско јајце – Kurir.mk

Откако сите ги подготвивте велигденските јајца, еве што треба да направите со првото јајце од лани

Ивана Ефремовски — Sat, 15 Apr 2023 11:38:38 +0000

На Велики четврток, домаќинките стануваат пред зори и ги бојадисуваат првите црвени велигденски јајца, но најзначајно според верувањата е првото вапцано јајце во домаќинството или народски чуваркуќа како што се нарекува, бидејки тоа ја чува куќата и домашните од болести и секакво зло. Првото црвено јајце се чува до икона, до следниот Велигден. Најголем дел од домаќинките останатите јајца ги офарбаа истиот ден (четврток), но многумина тоа го направија денес, на ден пред Велигден. Кога и да сте ги офарбале јајцата, колку јајца и да имате, првото е многу важно. Што да направите со првото велигденско јајце од лани? Според верувањата кога следната година ќе бојадисаме ново јајце, старото се пушта низ река, за водата да го однесе злото, болестите, целата несреќа кое првото јајце цела година ги собирало наместо домашните. Други обичаи кажуваат дека ланското велигденско јајце, треба да го закопате во земја. Пожелно е во близина да има насадено цвеќе, бидејки старото црвено јајце е полно со негативна енергија и не треба и понатаму да го чувате во домот.

Првото велигденско јајце е најважно, ова треба да го направите со првото јајце од лани

Ивана Ефремовски — Wed, 15 Apr 2020 10:22:21 +0000

На Велики четврток се фарбаат велигденските јајца, а главното прашање кое се поставува е што се прави со првото јајце од минатата година кое домаќинките го чуваат. Првото јајце се чува додека не се офарба ново прво јајце, а тоа важи за чувар на куќата. Старото јајце се фрла во река за да го однесе сето зло од дома. Ако нема река во близина се фрла што подалеку од домот. Обичајот е на утрешниот ден да се офарбаат барем три црвени јајца, а првото да го оставите на некое место во домот каде ќе остане до следната година.

Свети Николе има велигденско јајце високо три метри (ФОТО)

Предраг Кукиќ — Fri, 26 Apr 2019 13:29:19 +0000

На Градскиот плоштад во Свети Николе по повод претстојниот празник Велигден денеска беше поставено големо велигденско јајце. Градоначалникот на Општина Свети Николе, Сашо Велковски за МИА вели дека на големото јајце има мотиви од црквата „Свети Никола” и заштитникот на градот Свети Никола и овчеполието. – Главни „виновници” за ваквото грандиозно дело со висина од три метри, ширина од два метра и тежина од 600 килограми се нашите сограѓани, Иле Панајотов, кој со математичка и професионална изработка го изработи велигденското јајце. Магијата претворена во уметност беше во рацете на Маја Ефтимова Стојанова и целиот тим зад неа од надарени, неуморни, мотивирани, посветени луѓе – Иле Михајловски и Сања Накова, ликовните уметници Биљана Трајанова и Бојан Тосевски – рече Велковски. Тој истакна дека граѓаните на Свети Николе се гордеат со трудот и креативноста на тимот, што го разубави градот.