Оваа држава вакцинира 140 пациенти во минута- меѓу нив наставници, полицајци и продавачи

Дарко Андоновски — Mon, 18 Jan 2021 11:02:23 +0000

Велика Британија просечно против коронавирусот вакцинира 140 лица во минута, соопшти Надим Захави, министер одговоерен за дистрибуција на вакцини. Најновите податоци покажуваат дека Велика Британија вакцинирала 3.857.266 лица со првата доза и 449.736 со втората доза. – Оди добро, вакцинираме просечно 140 луѓе, ова е прва доза, буквално во минута. Тоа е просек, но во некои области е подобро, изјави Захави за Скај Њуз. – Ќе го видите ова подобрување откако ќе отвориме повеќе големи центри за вакцинација, вкупно 17 оваа недела и 50 до крајот на месецот, нагласи министерот. Според него, во некои области повеќето од Британците постари од 80 години се вакцинирани, а потоа следат оние над 70 години со болести. Захави исто така рече дека пилот-проект за 24-часовно вакцинирање ќе почне во Лондон на крајот на месецот. Наставници, полицајци и продавачи може да бидат следни кои ќе бидат вакцинирани по тие над 50 години. Велика Британија во моментов ги вакцинира оние во домовите за стари лица и оние над 80-годишна возраст.

ЕУ и Велика Бртанија ќе го потпишат Договорот за трговија

Тале Кристо — Wed, 30 Dec 2020 07:24:22 +0000

Лидерите на Европска Унија и на Велика Британија денеска ќе го потпишат Договорот за трговија. Предвидено е претседателката на Европска комисија Урсула фон дер Лајен и претседателот и претседателот на Европски совет Шарл Мишел денеска да го потпишат Договорот за трговија по Брегзит, а потоа Договорот да биде доставен во Лондон, каде треба да го потпише британскиот премиер Борис Џонсон. Договорот со кој се уредуваат трговската и другите видови на соработка помеѓу ЕУ и Велика Британија има 1.240 страници. Со Договорот Велика Британија и понатаму ќе може да тргува со ЕУ без царини и квоти по истекот на транзицискиот период што истекува на 31 декември. Велика Британија излезе од ЕУ на 31 јануари годинава. Лондон изгуби многу погодности, меѓу кои пристап до водите за риболов и до пазарот за енергенси, како и размена на студенти. Земјите-членки на ЕУ Договорот треба да го усвојат следната недела, додека британмскиот Парламент ќе гласа на 30 декември. Ако Договорот биде одобрен, тој на 1 јануари само привремено ќе стапи во сила, бидејќи мора да биде потврден од Европскиот парламент. Европратениците претходно изјавија дека немаат доволно време за детално проучување на Договорот и оти за тоа ќе разговараат во јануари и февруари. И покрај Договорот уште голем број прашања останаа неразјаснети, меѓу кои и безбедносната соработка, бидејќи Лондон нема да има пристап до европските полициски бази на податоци, како и пристап до европскиот пазар за финансиси услуги.

Велика Бртанија – Kurir.mk

Оваа држава вакцинира 140 пациенти во минута- меѓу нив наставници, полицајци и продавачи

ЕУ и Велика Бртанија ќе го потпишат Договорот за трговија