Велика Стојкова Серафимовска – Kurir.mk

Стојкова Серафимовска: Паднаа маските дека ВМРО-ДПМНЕ го опструира Законот за употреба на македоснкиот јазик

Дарко Андоновски — Wed, 25 Oct 2023 13:11:49 +0000

И покрај лагите и клеветите од страна на СДСМ и министерката за култура Бисера Костадиновска Стојчевска дека ВМРО-ДПМНЕ го опструира Законот за употреба на македонскиот јазик, денес маските паднаа, ова преку изјава до медиумите го истакна пратеничката од редовите на ВМРО-ДПМНЕ, Велика Стојкова Серафимовска. -Сакам да ве известам дека не денешната Комисија за култура, на која што требаше да се одвива второто читање на предлог законот и на која што требаше да се разгледуваат заеднички усогласените амандмани, минитерката за култура не се појави, односно немаше претставник од ресорното министерство како предлагач на законот. Прашуваме зошто се чекаше да поминат скоро пет месеци од првото читање на предлог законот кое беше на седницата на Комисијата за култура на 8ми јуни? Зошто и покрај тоа што двете најголеми политички партии во Собранието, СДСМ и ВМРО-ДПМНЕ заеднички ги усогласија амандманите во присуство на министерката, истата министерка, Бисера Костадиновска Стојчевска, на 17 октомври во статус на социјалните мрежи објави дека опозицијата го блокира Предлог законот за употребата на македонскиот јазик и зошто, ако е толку загрижена, на денешнта закажана седница истата таа министерка не се појави?, прашува Стојкова Серафимовска. Таа додава дека ваквото однесување со кое опозицијата се клевети дека е против предлог законот укажува дека проблемите се во мнозинството и дека, како и за сите други работи во државата, особено во културата, власта само декларативно покажува некаква грижа за граѓаните на Република Македонија. -Почитувани граѓани, сакаме да ве увериме дека Пратеничката група на ВМРО-ДПМНЕ и коалицијата „Обнова за Македонија“ во ниту еден момент не беше против овој Предлог закон за употреба на македонскиот јазик. Понуденото законско решение помина две јавни расправи на кои учествуваа истакнати научници од областа на Македонистиката и чии забелешки во поголем дел беа вградени во финалниот текст доставен до Собранието. Нашите заложби беа и се да добиеме квалитетен закон со кој македонскиот јазик ќе го добие вистинскиот статус во државата. Сакаме да му порачаме на мнозинството и на министерката за култура, наместо да се служат со манипулации и клевети да дојдат во Собранието и да ја завршиме нашата работа, вели таа.

Стојкова Серафимовска: Арсовска наместо да ги решава проблемите во Скопје, таа кренира нови, Скопје се доведе во сериозна закана по здравјето треба да се побара одговорност од градоначалничката

Тале Кристо — Wed, 12 Jul 2023 20:04:37 +0000

Во моментов наместо да се решаваат проблемите, градоначалничката на Скопје, Данела Арсовска се занимава со технички работи, што ги влошува состојбите и ги креира проблемите кои се докомплицираат за да дојдеме во состојба како во неделата цело Скопје да смрди од смет, сериозна закана за здравје, рече пратеничката од ВМРО-ДПМНЕ, Велика Стојкова Серафимовска за „Анализа“ на ТВ24. Стојкова Серафимовска истакна дека очигледно е дека градоначалничката на град Скопје не знае да менаџира со градот и она што го ветуваше не може да го реализира. - Самата таа застана позади една програма, ветуваше најеколошки стандарди за депонија за Скопје и еве нема збор за ветувањето веќе две години. Градоначалниците на ВМРО-ДПМНЕ на кои им се приклучи и градоначалникот од СДСМ од Центар се обидоа во моментот да го решат проблемот да помогнат, што еве гледавме дека наместо на соработка наиде на осудување. Ова беше целосно надвор од контрола, потенцираше таа. Стојкова Серафимовска посочи дека наредната недела најавено е дека ќе има седница и треба да се побара одговорност од градоначалничката.

Стојкова Серафимовска: Ни треба национално обединување против криминалот и корупцијата, ВМРО-ДПМНЕ постојано подава рака, но Ковачевски одбива

Тале Кристо — Wed, 12 Jul 2023 19:50:20 +0000

Нам ни треба национално обединување дефинитивно за што ВМРО-ДПМНЕ неколку пати повикува во однос на националните црвени линии, образованието, во однос на се како и борбата против криминалот и корупцијата, изјави пратеничката од ВМРО-ДПМНЕ, Велика Стојкова Серафимовска за „Анализа“, на ТВ 24 и посочи дека на системот му треба рестарт како и кога ВМРО-ДПМНЕ нуди помош, Ковачевски одбива. - Во борбата против корупција треба да го прифатиме принципот на меритократија, бидејќи вредносниот систем е разнишан и она што го следиме изминативе денови како од Антикорупциска, е дека практично многу од многу од вработените во овие институции велат дека се под одредени притисоци, посочи таа. Стојкова Серафимовска посочи дека имаме закони, имаме институции, но најмногу зависи од раководството и би го посочила раководниот кадар и колку таму има меритократски систем. - Ни треба рестартирање на системот, на целата држава ако сакаме да си ја средиме државата. Да видиме што е згрешено, каде е згрешено, да се прочистат сите институции затоа што во секоја институција има и такви кои работат, но ни треба и прочистување. Доста се притисоци, доста е непотизам, доста се вработувања по фамилијарна, партиска основа, ни треба меритократија, кој за што го бива народски кажано, изјави пратеничката. Стојкова Серафимовска нагласи дека во Македонија стратегиите не се имплементираат, нема здрава институција кој да ги имплементира, а ако институција се огласи дека власта е корумпирана, одма е нападната дека не чини. - Американската амбасадорка излезе и кажа колку пари дале за судството, холандскиот амбасадор исто така излезе и кажа дека помагале, австрискиот амбасадор кажа, но каде е та помош и зошто сме на ова дереџе? Значи може кој сака да дојде, но од внатре ако не решиме дека ќе градиме држава, ќе бидеме одговорни, ќе мислиме на иднината на нашите деца. Откако излегоа амбасадори, откако излезе Црната листа, антикорупционерите излегоа, а Артан Груби другиот ден ја нападна институцијата. Значи ако некоја институција каже дека некој од владата има проблем со корупција, тој не чини, рече Стојкова Серафимовска.

Стојкова Серафимовска: ВМРО-ДПМНЕ во своите политики ќе го промовира, зачувува и заштитува културното наследство затоа што тоа е нашиот идентитет

Ивана Ефремовски — Fri, 09 Jun 2023 16:55:23 +0000

„Ние сме навистина исклучително богато поднебје со културно наследство и тоа го знаат сите па затоа мора да се менуваат закони како што беше последниот пакет на закони што се менуваше за нечиј криминал затоа што знаат сите дека во Македонија не може да копнеш некаде, а да не најдеш нешто“, изјави пратеничката од редовите на ВМРО-ДПМНЕ, Велика Стојкова Серафимовска на денешната трибина во Охрид насловена „Политики за силна култура и развиен туризам“. Таа посочи дека културното наследство е нашиот идентитет и она што ВМРО-ДПМНЕ во иднина ќе го прави е дека ќе се грижи, зачувува, заштитува, промовира и брендира културното наследство во три столба. „Едниот столб е како стожер на македонскиот идентитет бидејќи ние сите културни форми дали се материјални, движни или недвижни сеуште ги практикуваме и почитуваме“, кажа Стојкова Серафимовска. Таа додаде дека вториот столб на културното наследство е современото творештво, односно нашите творци од секогаш се инспирирале од културното наследство. „Да не заборавиме дека во времето на ВМРО-ДПМНЕ покрај сите овие објекти кои се изградија, се вложуваше и во капитални проекти, драми, како што е дрмата Вечната куќа исто така инспирирана од македонската традиција и македонското наследство. Или пак проектот Македонското срце чука во 7/8, рече таа“, истакна Стојкова Серафимовска. Таа изјави дека ВМРО-ДПМНЕ ќе го промовира културното наследство во интегрирана форма. „ВМРО-ДПМНЕ во своите политики планира културното наследство да го промовира во една интегрирана форма во една жива форма со кои што ќе ги нападнеме сите сетила на сите туристи кога ќе дојдат и ќе ја видат и помирисаат Македонија и македонската култура. И верувајте сме го правеле тоа многу пати до сега и никогаш нема да ја заборават, и само така ќе покажеме на светот колку сме големи, како што ние големо името, децидна е таа“, децидна е Стојкова Серафимовска.

Стојкова Серафимовска: Со намера власта да го забрза процесот за коридорите, со злоупотребата на европско знаменце на законите, таа го засегнува археолошкото наследство

Тале Кристо — Wed, 24 May 2023 07:59:18 +0000

„Нема компас ништо во оваа Влада, никој не знае каде оди, немаме стратегија за култура, за заштита на културно наследство бидејќи двете стратегии завршија минатата година, ниту пак има најава дека се изготвува нова стратегија“, рече пратеничката од редовите на ВМРО-ДПМНЕ Велика Стојкова Серафимовска во гостување во емисијата „Заспиј ако можеш“ на Телевизија Алфа. Таа истакна дека од една страна власта вели дека го повлекла законот за културно наследство и нема да има никаква опасност, а од друга страна ги ставаат трите збора наоѓалишта и археолошки информации. „Во овие нови 5 пакет закони кои ни се дадени има најава дека ќе биде засегнато и археолошкото наследство, зошто е тоа така? Затоа што во законот за урбанистичко планирање се изнесуваат работите за да се забрза со градба. Таму во еден член се спомнува археолошки информации и зборот наоѓалишта а пак тој закон е многу поврзан со законот за градба кои ќе бидат процедурите. Тоа е се со намера да се забрза процесот многу рокови се скратени“, кажа Стојкова Серафимовска. Таа изјави дека сега со ова ние во моментов немаме траса, а едно од најголемите забелешки е дека се гласа нешто на жими мајка и никој не знае што ќе биде. Стојкова Серафимовска кажа дека ВМРО-ДПМНЕ се буни против европското злоупотребено знаменце затоа што не може вака брзо и по секоја цена со скратени постапки за се.

Стојкова-Серафимовска: Коридорите ќе поминуваат низ територија која е преполна со археолошки наоѓалишта, што ќе се случи со тие археолошките локалитети, наоѓалишта или артефакти?

Катерина Бојаџиева — Fri, 19 May 2023 15:29:28 +0000

„Овде имаме член од законот кој што остава многу простор за сомневање што ќе се случува со културното наследство на овие проекти, не проектирани туку замислени траси на кои што ќе градите автопати. Во законот за измени и надополнување на законот за културно наследство каде што имаше катастрофални предлози во однос на археолошкото наследство за среќа под притисок на јавноста се повлече тој закон. Но во предлог законот за урбанистичко планирање повторно се додале зборови кои што се однесуваат на археолошкото наследство но на никој не му е јасно што со тој член“, нагласи пратеничката од редовите на ВМРО-ДПМНЕ Велика Стојкова- Серафимовска на денешната собраниска седница. Серафимовска на седницата праша што ќе се случи доколку на трасите на коридорите се најде археолошко наоѓалиште, локалитет или артефакти. „Ве прашувам колеги вам од владејачкото мнозинство да ни објасните што значи овој член и што подразбира тоа и да ни кажете која ќе биде постапката доколку во измислените траси кои што ги кажувате, бидејќи не сме ги виделе, се најде некој артефакт археолошки локалитет, наоѓалиште и слично“, праша Серафимовска. Серафимовска истакна дека коридорите ќе поминуваат низ територија на Македонија која е преполна со археолошки наоѓалишта, и праша што ќе се случи со археолошките наоѓалишта. „Коридорите ќе поминуваат низ територија на Македонија за која што јас ви гарантирам дека ќе најдете археолошки наоѓалиште. Регионот на Пелагонија и регионот околу охридското езеро е преполн со археолошки локалитети. Ве прашувам што е стратешки интерес, дали „Хераклеа“ или „Стоби“ или нешто што може да се пронајде од такво значење стратешки интерес за Македонија“, истакна Серафимовска.

Стојкова Серафимовска: Законот за измени и дополнувања на Законот за работни односи кој го турка власта ќе предизвика големо незадоволство кај работниците и синдикатите

Ивона Петрова — Wed, 17 May 2023 12:14:32 +0000

Пратеничката на ВМРО-ДПМНЕ, Велика Стојкова Серафимовска на денешната собраниска седница на која се расправа за предлог Законот за измени и дополнувања на Законот за работни односи истакна дека воопшто не е во ред овој закон да се носи со европско знаменце и без социјален дијалог, тоа што вклучува нееднакво постапување кон одредена група на вработени значи дискриминација. „Јас само ќе прочитам да се потсетиме зошто не е во ред овој закон да оди со европско знаме и зошто не е во ред воопшто законот. Прво бидејќи не е во согласност со Конвенцијата за дискриминација број 111 на Меѓународната организација на трудот. Потоа, преставува нееднакво постапување кон одредена група на вработени што значи дискриминација. Начинот на носење на овој закон мора да се спроведе преку социјален дијалог на ниво на економско-социјалниот совет, мора да се изјаснат синдикатите, бидејќи ова ги засега директно работниците и им ги нарушува нивните права. Како и се во оваа дежава ќе се злоупотребува писмената согласност од вработените како што е пракса и во други слични случаи за други права во Законот за работни односи“, истакна Стојкова Серафимовска. Таа исто така додаде дека тоа што не е јасно определено што значи стратешки национален интерес за државата се остава простор за различно толкување и широко поле за злоупотреби. „Прекувремената работа се воведува по исклучок, а овој нов основ нема никаква правна логика бидејќи работата за национални и стратешки интереси за државата може да се спроведе и со работа во смени. Не е јасно определено што е тоа стратешки национален интерес за државата, па оттаму се остава простор за слободно и различно толкување и широко поле за злоупотреби“, потенцираше Стојкова Серафимовска. „Сето ова ќе предизвика големо незадоволство кај работниците, ќе се кренат синдикатите и затоа ние нема да гласаме и да го поддржиме ова законско решение“.

Стојкова Серафимовска: Доколку не се применат забелешките на Венецијанската комисија ќе дојде до колизија меѓу законот за употреба на македонскиот јазик и законот за употреба на јазиците

Ивона Петрова — Tue, 09 May 2023 13:32:08 +0000

Пратеничката на ВМРО-ДПМНЕ, Велика Стојкова Серафимовска во гостувањето на 24 Телевизија истакна дека примената на законот за употреба на Македонскиот јазик, кој владата го достави до Собранието, ќе наиде на пречки заради претходниот закон за употреба на јазиците кој оваа власт го донесе пред некое време и за кое имаше забелешки и од страна на Венецијанската комисија. Законот за употреба на јазиците во член 1 став 2 “друг јазик што го зборуваат најмалку 20% од граѓаните, во заграда албанскиот јазик, исто така е службен јазик и неговото писмо согласно овој закон. Што ќе се случи кога ќе се сретнат два инспектори од различни инспекторати на едно исто место, по кој закон ќе одат? – праша Велика Стојкова Серафимовска. Според неа со ваквото решение се диксриминира употребата не само на македонскиот јазик, туку и јазиците на другите етнички заедници. Забелешките од Венецијанската Комисија по однос на овој закон се пристигнати и после две три години истите не се имплементирани, иако власта најави дека ќе ги имплементира. Законот за употреба на Македонскиот јазик и законот за употреба на јазиците се контрадикторни меѓу себе и ќе се јават проблемите тука- дополни Стојкова Серафимовска. Таа заклучи дека кога ќе се применат забелешките на Венецијанската комисија тогаш нема да го има проблемот на колизија на двата закони.

Стојкова Серафимовска: Власта сака по брза постапка и без дебата во Собранието да ги донесе законите за изградба на коридорите

Ивана Ефремовски — Fri, 05 May 2023 12:36:03 +0000

Велика Стојкова Серафимовска, пратеничка од пратеничката група на ВМРО-ДПМНЕ реагира на деншената изјава на вицепремиерот Артан Груби за Договорот за изградба на коридорите 8 и 10 и за законите што треба да бидат донесени во Собранието. -Нашата реакција е повторно во насока на одбрана на македонските граѓани од вакви катастрофални и вакви страшно високи пенали, што ќе треба да ги исплаќаат повторно граѓаните на Република Македонија. Притоа, Артан Груби и Димитар Ковачевски сакаат по брза постапка, без дебата во Собранието, повторно да донесат низа закони, кои се во спротивност со голем број правни начела и уставни одредби. Не може да биде европска вредност 60-часовна работна недела, која е спротивна на Устав, за која Уставен суд веќе има донесено одлука и истата е повторно спротивна на европските начела. Не може да биде европска вредност експресно доделување на дозвола за експлоатација на минерални суровини без строго предвидена постапка која опфаќа заштита на животната средина, археолошките локалитети, природни богатства и така натаму, изјави Стојкова Серафимовска. Според неа, не може да биде европска вредност воспоставување на законски паралелизам. - Носењето на законските измени по скратена постапка повторно под превезот на европско знаме е насилие и криминал, кој Груби и Ковачевски се обидуваат да го прават и во име на ЕУ, што е на целосна штета на евроинтеграцискиот процес на Република Македонија во ЕУ. Артан Груби треба да знае дека криминалот не е европска вредност, како што тој сака да го прикаже. И Артан Груби и Димитар Ковачевски го злоупотребуваат механизмот на гласање закони со европско знаменце за да крадат во име на ЕУ, што и штети и на државата и на нејзините граѓаните и на репутацијата која што треба да ја градиме во позитивна насока, а не во насока на криминал. Од претставништвото на ЕУ во Македонија веќе потенцираа дека ги следат случувањата со договорот со Бехтел и Енка и дека државата е должна да го почитува Договорот за стабилизација и асоцијација, што со други зборови значи овозможување на конкуренција и транспарентност на процесот. Воедно денес, Артан Груби уште еднаш призна дека тој и Ковачевски потпишале договор со кој е предвидено исплата на пенали од над 150 милиони евра, кои што се пари од буџетот на Република Македонија, односно средства од граѓаните на Република Македонија, но истиот тој Артан Груби не кажува дека обврската за исплата на истите е веќе реализирана, рече Стојкова Серафимовска.

Стојкова Серафимовска: ДУИ и СДСМ 6 години работат да создадат несреќен народ, младите се под постојан притисок, стрес и не гледаат иднина

Ристе Здравков — Tue, 21 Mar 2023 18:27:58 +0000

Имаме влада предводена од ДУИ и СДСМ која за жал 6 години работи да создаде несреќен народ. Народот нема доверба во државата, нема доверба во системот, во судството, нема доверба во ниту една институција. Младите кои се едни од најголемите фактори како една населението во една држава се чувствува се целосно обесхрабрени да и веруваат почитуваат и да придонесуваат за развојот на оваа држава, изјави пратеничката од ВМРО-ДПМНЕ, Велика Стојкова Серафимовска во „За или против“ на Алфа Стојкова Серафимовска истана дека немаме институции, образованието е хаос, ништо не функционира, има тортура, а младите се под постојан притисок, стрес и не гледаат иднина. - Не гледаме иднина во ниту едно поле, не гледаме функционалност во ниту една институција, ниту едно министерство. Вчера излезе и извештајот од Стејт департментот кој опоменува дека во судството има проблеми, дека има корупција. Сите тие работи дополнително влијаат, рече таа. Стојкова Серафимовска нагласи дека власта создава акултурација, на општеството му ја одзема и се обидува да ја смени колективната меморија. - Во таква средина се губи чувство на припадност, а кога човек чувствува дека не припаѓа никаде и нема заштита, нормално е да се чувствува неверојатно несреќен и депресивен. Во овие 6 години Македонија помина низ болни периоди, процеси на насила промена на име, менување на историја без никаков легитимитет, влада без легитимитет, а премиерот кажува дека не е важно народот што мисли, потенцира Стојкова Серафимовска. Таа посочи дека покрај тоа за да се зацементира таа состојба со оваа власт стандардот е катастрофален, платите, катастрофални, цените растат, - Оваа власт ја интересираат закони за коцкарници, провизии, сомнителни избори за надзор, отворање на фирми на роднини, скандал до скандал. Со ваква влада не може да се седне да се разговара, изјави Стојкова Серафимовска.