Велика Стојковска Серафимовска – Kurir.mk

Стојкова Серафимовска: Дишеме загаден воздух, а власта постојано ги одбива амандманите за решавање на проблемите со аерозагадувањето иако знаеме што ветуваа пред избори

Дарко Андоновски — Wed, 28 Dec 2022 20:45:57 +0000

Има доста материјал што било ветено во 2016 и 2020 од СДСМ на избори, СДСМ и ДУИ ја имаа претходно власта и на локално ниво и сега не може за една година да велат дека ВМРО-ДПМНЕ е виновно за загадениот воздух. Ние континуирано дишеме загаден воздух во Скопје и во други градови, тука има институционална одговорност, а на институциите им требаат закони. Ако не се донесени тие или се лоши, по автоматизам и континуитетот на загадувањето продолжува, изјави за Анализа на ТВ24 пратеничката од ВМРО-ДПМНЕ, Велика Стојкова Серафимовска. Таа истакна дека Собранието треба да овозможи законски решенија и механизми кои локалната власт треба да ги имплементира. - Ние сме таму за да бидеме гласноговорници за потребите на народот и уште од самото основање на интерпарламентарната еко група почнавме со интензивна соработка, вклучени се 35 невладини од цела Македонија и заедно ги работиме предлозите за амандмани, тие може секој да ги потпише, но за жал само пратениците од опозиција ги потпишуваат тие амандмани, и не се гласаат бидејќи се знае кое е мнозинството во Собрание, односно СДСМ и ДУИ, рече Серафимовска Стојкова. Таа посочи дека оваа година ниту еден амандман не е прифатен, а беа со скромни суми за да се решат проблемите со аерозагадувањето - Секоја година се повторуваат и не се прифаќаат од страна на власта. Во однос на законските регулативи што се случува со Законот за комунална полиција, најавуван и во програмата, започнаа со реторика и нема ништо. Станува збор за комунална полиција која би ги детектирала овие загадувања на локално ниво, но законот го нема. Во 2018 имало и јавна расправа за загадувањето и во заклучоците е тоа и сепак го нема, истакна Стојкова Серафимовска.

Стојковска Серафимовска: Не се прави реформа во образованието врз база на невладин сектор туку врз потребата на наставниците учениците и родителите

Катерина Бојаџиева — Mon, 17 May 2021 20:31:39 +0000

Во емисијата „Филибастер“ на радио Лидер гостуваше пратеничката од редовите од ВМРО-ДПМНЕ Велика Стојковска Серафимовска која кажа дека проблемот со реформите во образованието што сака да ги истурка власта и министерството за образование е што министерството не ги земало во предвид сите засегнати страни и нивните ставови и дека никако не се прави реформа во образованието од аспект на невладин сектор. -Проблемот е што министерството за образование и наука воопшто не ги зеде во предвид и оние луѓе кои што ги кажаа своите ставови. Тука е проблемот .Не се прави реформа, образовна реформа од аспект на невладин сектор, тоа е невозможно да се направи за да се направи било каков закон во државата потребно е тој закон да помине низ многу филтри и тоа филтри кај оние најзасегнатите тоа се оние кои што понатаму треба да го имплементираат тој закон рече Стојковска Серафимовска. Пратеничката Стојковска Серафимовска потенцираше дека кога станува збор за образование и наука каде најзасегнати се наставниците и професорите учениците и студентите и секако родителите мора таа реформа да произлезе од самите нив а не од личната желба на министерката Мила Царовска која очигледно ја турка оваа реформа поради своја лична желба. -Кога станува збор за образование и наука значи кои се најзасегнати најзасегнати се наставниците, професорите, најзасегнати се учениците студентите и секако родителите бидејќи тоа се севкупниот образовен процес во овој случај иницијативата на Мила Царовска не произлезе ниту од овие наведени сектори туку произлезе од нејзината желба лична желба да се направи некаква реформа по која што веројатно таа ќе биде запаметена, појасни Стојковска Серафимовска.