Велимир Смилевски – Kurir.mk

Костовски го симна Смилевски од градоначалничкото место, голема победа на ВМРО-ДПМНЕ во Бутел

Ивана Ефремовски — Mon, 18 Oct 2021 07:40:45 +0000

Дарко Костовски од ВМРО-ДПМНЕ е новиот градоначалник на општина Бутел. Тој вчера, во првиот круг на локалните избори, убедливо го победи Велимир Смилевски од СДСМ и го симна од градоначалничкото место. Костовски, според официјалните податоци од ДИК освоил 52,79% од гласовите на своите сограѓани. Во бројки, тоа се 9.001 глас. Смилевски од СДСМ освоил 6.821 глас што во проценти изнесува 40,01%.

Костовски: Последниот криминал на Смилевски знаејќи дека ќе загуби носи одлука на совет вредна над 20 милиони

Магдалена Андонова — Fri, 15 Oct 2021 13:54:57 +0000

Велимир Смилевски си ги пакува своите куфери. Велимир Смилевски е сигурен во пораз и затоа денеска на само еден ден пред изборниот молк, тој носи одлука на Совет за јавно приватно партнерство за уличното осветлување. Внимавајте, 22 милиони денари пари на граѓаните од општина Бутел, тој сака да ги даде на приватна фирма сигурно блиску до него заради тоа што знае дека тој ќе биде градоначалник до 17ти до недела, изјави денеска Дарко Костовски, кандидат за градоначалник на ВМРО-ДПМНЕ за општина Бутел. Тој истакна дека ова е голем скандал кој што треба да биде казнет масовно од сите граѓани на општина Бутел. - Криминалците кои што се позади мене мора да си заминат во темната страна на историјата. И ви велам на сите, дека за ова дело, за ова понижување и крадење на граѓаните на општина Бутел ќе има одговорност за сите, и за тие кои што ја донесоа одлуката во Советот, за Велимир Смилевски кој што само за еден ден ќе стане историја. Со ова тој уште еднаш потврдува дека е сигурен во поразот и затоа на само два дена пред изборите и еден ден пред изборниот молк носи ваква срамна одлука каде што гарантираме дека од блиска приватна фирма дека ќе дава 22 милиони денари годишно пари на граѓаните. Да сте живи и здрави, одиме во голема победа и ќе има одговорност, додаде Костовски.

Активист на СДСМ: На Вељо (Смилевски) сум му донел 1000 гласа, сега ќе му земам 2000

Ивона Петрова — Thu, 14 Oct 2021 10:55:31 +0000

Активисти на СДСМ од Бутел преку социјалните мрежи го искажуваат своето незадоволство од работата на градоначалникот на Општина Бутел Велимир Смилевски, кој како кандидат на СДСМ бара доверба за втор мандат. -Oрганизација на митингот на СДСМ во Бутел, како да сте на опера. До пред четири години штабовите ни беа во кокошарници, сега на два ката, а ова е дно. Се покажа како се крадат парите на народот, те нашите пари. Срам ве било арамии. На Вељо сум му донел 1.000 гласа, сега ќе му земам 2.000. Човек да ви даде фотелја да ви го види лицето, пишува активистот на СДСМ. Во објавата апелира до сите кои на минатите избори гласале за Петре Шилегов, сега да гласаат за Бени Шакири.

Костовски: Само што стана градоначалник Смилевски избрка од работа двајца луѓе со инвалидитет само затоа што се ВМРО

Тале Кристо — Fri, 08 Oct 2021 19:39:01 +0000

Кандидатот за градоначалник на општина Бутел од редовите на ВМРО-ДПМНЕ - Дарко Костовски, во своето гостување на дебатната емисија ,,Објектив” која се емитува на МРТ1, го обвини противкандидатот Велимир Смилевски дека целосно ја партизирал општината и дека отишол до таму да веднаш по неговото доаѓање на чело на Бутел избркал двајца вработени со инвалидитет, само затоа што биле членови на ВМРО-ДПМНЕ. Сега ќе кажеме каков човек сте. Се сеќавате на Николче Пирковски и Борче Шарковски? -Овие двајца луѓе се со инвалидитет, едниот нема око а другиот има потешкотии во движењето. Овие двајца луѓе работеа како чистачи во општина Бутел. Само што дојде Смилевски на таа позиција и двајцата ги избрка од работа. Луѓе со инвалидитет ги избрка само затоа што се со пристапници на ВМРО-ДПМНЕ, тоа е сликата за вас! А ова што го зборувате по бензиски, по гробот на Гоце Делчев... Вие најдовте да зборувате за Гоце Делчев, вие што го продадовте името на оваа држава? Вие што го продадовте тоа што генерации пролеале крв, вие ќе зборувате? Срамота! Вие може да зборувате за тие ваши удбашки системи, монтировки и лажење. Вие сте еден обиучен политички шарлатан!, порача Костовски.

Мицкоски: Во Бутел Велимир Смилевски е во коалиција со бандитите и криминалците кои го донесоа на власт, се’ им исполни, а на народот не му исполни ништо

Тале Кристо — Fri, 08 Oct 2021 18:13:40 +0000

Лидерот на ВМРО-ДПМНЕ Христијан Мицкоски денеска од Бутел ја побара поддршката од граѓаните на општина Бутел за кандидатот за градоначалник Дарко Костовски, порачувајќи дека сегашниот градоначалник од СДСМ, Велимир Смилевски е во коалиција со бандити и криминалци кои го донеле на власт. Во Бутел, Велимир Смилевски е во коалиција со бандитите и криминалците кои го донесоа на власт. Нив се им исполни, на народот не му исполни ништо, ветуваше поликлиника, основно училиште во Визбегово, водовод во Љуботен и Љубанци, гасификација, две нови градинки- ништо од ова не исполни, рече Мицкоски. Затоа не им верувајте и сега кога лажно ветуваат. Поддржете промени. Излезете масовно на 17-ти октомври и заокружете го бројот 7 за Дарко Костовски, за победничката листа на коалицијата за Обнова на Македонија, за доктор Игор Николов, за професор Трајко Славески, бројот 82 за нов градоначалник на Градот Скопје, Данела Арсовска, порача Мицкоски.

ВИДЕО: Велимир Смилевски најден во небрано, не знаеше да набори ниту еден проект изграден во неговото владеење

Ристе Здравков — Fri, 08 Oct 2021 11:41:46 +0000

Кандидатот на СДСМ за градоначалник на општина Бутел, Велимир Смилевски во дуелот со неговиот противкандидат не знаеше да наброи ниту еден проект кој го изградил во неговиот четиригодишен мандат како градоначалник. -Мандатот на Смилевски објаснет за дваесетина секунди. Погледнете ! Шефот на криминалците во Бутел е малку збунет, напиша Дарко Костовски на неговиот Фејсбук профил.

Костовски до Смилевски: Вие 4 години сте потрошиле само да планирате, ниту еден од 15 носечки проекти кои ги ветивте не е реализиран

Ивана Ефремовски — Thu, 07 Oct 2021 21:12:01 +0000

Кандидатот за градоначалник на Општина Бутел од редовите на ВМРО-ДПМНЕ Дарко Костовски вечерва на дебатната емисија на ТВ21 каде дебатираше со неговиот против кандидат од редовите на СДСМ истакна дека актуалниот градоначалник на општината Велимир Смилевски не реализира ниту еден од 15 ветени носечки проекти. Како еден од носечките проекти кој Смилевски не го реализира, а го ветил е и школото во Визбегово кое на големо беше ветувано на изборната кампања во 2017 година дека ќе биде изградено до 2019 година. -Во политиката е добро да се говори со факти. Господинот Смилевски во својата програма „За живот во Бутел„ која што историски е најголемата политчка лага за локални избори во независна Македонија а не само во Скопје и Бутел и тоа можам да го докажам. Тој вели изградба на училиште во Визбегово со рок до 2019 година а сега сме 2021 година, де факто станува збор за лага и тука дилема не треба да има. Наместо да мватате со хартии, вие досега требаше да имате изградено школо во Визбегово, му порача Костовски на Смилевски. Тој меѓудругото упати и апел до граѓаните да внимаваат што прават бидејќи се што вети Смилевски, ништо не се реализираше во изминативе 4 години. -Вие четири години сте потрошиле само да планирате. И во таа смисла јас би упатил еден апел до Бутелчани: Внимавајте луѓе што правите бидејќи се што се вети не се реализираше, а така ќе биде уште четири години ако не дај боже уште еднаш Смилевски стане градоначалник на Бутел и тука да немате дилема. Бидејќи сме на темата кај училиштето во Визбегово, инаку од 15 носечки проекти кои Смилевски ги вети ниту еден не е реализиран, рече Костовски. Костовски посочи дека уште еден голем проект кој Смилевски го вети а не го исполни е и Водоводот во с. Љуботен. -Водоводот во Љуботен беше ветен со рок до 2021 година и тоа не го вети сам господинот Смилевски туку заедно со премиерот Зоран Заев, дури и двајцата отидоа во селото Љуботен, потсети Костовски. Во текот на дебата Костовски наброја уште неколку носечки проекти кои беа ветени од страна на Смилевски во предизборната кампања во 2017та година, а кој сега не се ниту почанти со реализација а не пак реализирани.

Смилевски на ТВ дуел со Костовски излажа дека се гради градинка во Бутел (ВИДЕО)

Магдалена Андонова — Mon, 04 Oct 2021 15:03:25 +0000

Дарко Костовски и Велимир Смилевски вчера вечер се сретнаа повторно, на втор дуел на ТВ Клан. Во одреден момент, актуелниот градоначалник на Бутел, Велимир Смилевски проба да излаже дека се градела градинка во Бутел 1 при што Костовски веднаш му реплицираше и го потпраша каде се гради. Смилевски виде дека неговата лага нема да му помине па се исправи дека ЌЕ се градела градинка. - Жив фатен во лага, па кога виде дека не поминува се извини. Во име на сите граѓани на Општина Бутел ќе се потрудам до крајот на оваа кампања Велимир да се извини за сите лаги и превари, тој лаже без срам, без елементарен човечки осет, стои во Фејсбук објавата на Дарко Костовски, кандидат за градоначалник на ВМРО-ДПМНЕ за општина Бутел. Костовски пишува дека Велимир е веќе минато и дека Општина Бутел избира нова иднина, без лаги и превари.

Костовски до Смилевски: Немате реализирано ниту еден од ветените 15 клучни проекти

Ивана Ефремовски — Thu, 30 Sep 2021 10:07:15 +0000

На политичкото соочување помеѓу двајцата кандидати за градоначалници на Бутел кое утрово се одржа во Студио 10 на Телевизија 24, Дарко Костовски од ВМРО-ДПМНЕ го обвини актуелниот градоначалник Велимир Смилески дека нема реализирано ниту еден од ветените 15 проекти во овие 4 години од неговиот мандат. Tој му честита на Смилевски затоа што се согласил на ова денешно соочување и го толкуваше како голема храброст, или грешка на неговиот ПР. „Искрено му честитам на Смилевски што се согласи на ова денешно соочување, тоа може да се толку на два начини, или тој е премногу храбар, или пак е грешка на неговиот ПР. Човекот сѐ што вети од капитални проекти нема ништо започнато, а камо ли да реализира. И сега слушам како вели дека се зголемил буџетот или се работело на ДУП-ови, мислам тоа е смешно. Вие ветивте 15 капитални проекти, со рокови ги ветувавте„-порача Костовски.

Огранокот на Алтернатива во Бутел: НЕМАМЕ соработка со Велимир Смилевски и СДСМ!

Ивана Ефремовски — Sun, 26 Sep 2021 16:11:06 +0000

По објавите на социјалната мрежа Фејсбук дека, наводно, Алтернатива во Бутел одлучи да го поддржи актуелниот градоначалник на Бутел, Велимир Смилевски, на локалните избори, од партијата објавија свој официјален став. -Ние не му забрануваме на никого да се сретне и да се фотографира со кого сака и да се договори што сака, но огранокот на Алтернатива во Бутел и претседателот на истиот, Самир Исени, ниту се сретнале со Велимир Смилевски ниту изразиле поддршка преку некој друг. Како што е информирана јавноста, на овие избори сме во коалиција со Алијансата за Албанците и имаме договори за меѓусебна поддршка со некои други партии, во зависност од општината каде се води трката. Исто така, ние како коалиција ја поддржуваме независната кандидатура на Данела Арсовска за Град Скопје, а она што е веќе сигурно и во што сме убедени е дека Велимир Смилевски не ја ужива нашата поддршка, велат од Алтернатива - Бутел. Велат дека не го поддржуваат Смилевски и за него оценуваат дека во општината не сработел ништо од ветеното. -Манипулациите што ги направи во текот на овој мандат и неисполнетите ветувања што им ги даде на жителите на Бутел, особено на оние на село Љуботен и оние од населба Визбегово, се доволна причина за да бидеме сигурни дека тој не заслужува втор мандат. Известувајќи ја јавноста дека одлуките на Алтернативна во Бутел ги носи раководството и Собранието на огранокот Бутел, ги повикуваме сите поддржувачи и симпатизери на коалицијата Алтернатива-Алијанса за Албанците да бидат мирни, бидејќи ниту една лична фотографија нема да ја извиси нашата цел за победа во Бутел, велат од партијата.