вело марковски – Kurir.mk

Вело Марковски ќе се кандидира за претседател на државатa

Ивона Петрова — Tue, 17 Oct 2023 10:56:52 +0000

Проф. д-р Вело Марковски ќе се кандидира за претседател на државата. Преку соопштение тој денеска испрати покана за медиумите за настан на кој ќе ги објави намерите за поднесувањето на кандидатура на претстојните претседателски избори. На настанот, кој е закажан за в четврток, ќе биде промовирана и неговата интернет страна.

Вело Марковски и неговата сопруга за прв пат заедно во телевизиска емисија: Покрај предрасудите и лошите коментари ние успеавме (ВИДЕО)

Тале Кристо — Tue, 15 Feb 2022 08:52:15 +0000

Дека вистинската љубов не познава граници и посилна е од сите бариери, сведочи познатата љубовна приказна на Вело Марковски и Евгенија. Марковски сега е во брак со многу помладата Евгенија Николовска – Марковска, која на јавноста исто така не и е непозната од порано. Особено на онаа естрадната и медиумите кои ја третираат естрадата, музиката, светот на модата и забавата. Евгенија е поранешна манекенка и мисица, некогашна членка на модното студио „Шанел“ од Битола со кое има учествувано на многу модни ревии, а освоено и повеќе титули на разните избори за убавина. Откако младата убавица и професороот нивната љубов ја крунисаа со брак, набргу го добиваат и нивното синче, а Евгенија покрај дипломирањето се стекнала и со титулата магистер. Нашиот познат инфектолог професор-доктор Вело Маркоски и неговата млада, убава, згодна и атрактивна сопруга Евгенија се вистински доказ дека љубовта не познава ниту граници, ниту брои години.

Пановски, Данаиловски и Марковски не ја прифаќаат понудата на Сали, тројцата се едногласни: Несериозно е да се покануваат експерти преку Фејсбук

Магдалена Андонова — Sun, 30 Jan 2022 20:50:30 +0000

Денеска министерот за здравство, Беким Сали преку Фејсбук објава ги покани професорите Никола Пановски, Драган Данаиловски и Вело Марковски да станат дел од новиот состав на Комисијата за заразни болести. Д-р Пановски во изјава за Фокус истакна дека нема никаков проблем да го советува првиот човек во здравството, но сепак начинот на кој е поканет не заслужува да се коментира. - Не ме контактирале, а за поканава слушнав од ваши колеги!!! Совети давам секому, секако би го советувал и министерот, во комисија на овој начин секако не влегувам. Јавната покана за мене е беспредметна да се коментира. Тоа лидерите на СДСМ и ДПМНЕ може да се канат преку медиуми. Јас не сум на толку ниско ниво за да прифатам таков вид комуникација, вели доктор Пановски за „Фокус“. Д-р Даниловски во изјава за Сител вели дека не сака да ја жртвува својата автономија. Не прифаќа да биде ниту дел од комисијата ниту советник на министерот бидејќи не функциониртаат автономно а нејзините одлуки не се извршни. Д-р Марковски вели дека Комисијата е советодавна на министерот без суштинско влијание на било какви мерки. - Јас рано во 2020 предложив комисија за Ковид-19 како владино тело чии одлуки ќе бидат задолжителни за сите, за жал тоа не беше прифатено. Од друга страна несериозно е да се покануваат експерти преку Фејсбук. Исто така мислам дека министерот со комплет кадровски и стручни решенија требаше да излезе при неговиот избор во парламентот вели во одговорот за Сител професорот Вело Марковски.

Сали преку социјалните мрежи ги покани Данаиловски, Пановски и Марковски да бидат дел од новата Комисија за заразни болести

Магдалена Андонова — Sun, 30 Jan 2022 17:57:54 +0000

Министерот за здравство Беким Сали ги повика докторите Драган Даниловски, Никола Пановски и Вело Марковски да бидат дел од новата Комисија за заразни болести. Јавната покана Сали ја упати попладнево преку статус на социјалните мрежи. -Заради ефективност и успешност на овој процес, би сакал јавно да ги поканам и угледните професори д-р Даниловски, д-р. Пановски и д-р Марковски да се приклучат како членови на Комисија за заразни болести и со тоа да придонесат во нејзината работа. Доколку од какви било причини не се во можност да бидат дел од Комисијата за заразни болести, им упатувам отворена покана да бидат дел од мојот тим на советници., пишува министерот за здравство на Фејсбук.

Д-р Вело Марковски објави детална терапија како да се лекуваат пациентите заболени од Ковид-19

Магдалена Андонова — Fri, 04 Dec 2020 08:25:07 +0000

Вирусологот, проф. д-р. Вело Марковски, кој гостуваше на трибината: „Пневмонии, рано препознавање, класификација, лекување“, дава детален приказ како и со што да се лекуваат пациентите кои се заболени од корона вирусот. Во неговата објава на Фејсбук, професорот Марковски говори за антибиотската терапија, на кои пациенти кој лек и колкави дози треба да се даваат. Во продолжение целиот пост на д-р. Марковски: Белите дробови тежат приближно 1000-1300 гр. Заедно, белите дробови содржат приближно 1.500 километри дишни патишта и 300 до 500 милиони алвеоли. Секоја алвеола е со дијаметар од околу 0,2 милиметри. Пневмонијата е акутна (нагла) инфекција на бели дробови, со различни етиолошки причинители и различни клинички и патоанатомски форми. Таа е на десето место од вкупните причини на општата смртност, на шесто место како причина за смрт кај постари од 65 години, на прво место како директна причина за смрт од инфекција. Годишно во светот има 3 милиони умрени од долнорепсираторни инфекции и АРДС. Како предиспозициски фактори за појава на пневмонија се: Прележани Вирусни инфекции, користење на пумпици, медицински интервенции (асистирана вентилација,сонди, биопсии, бронхоскопија..), аспирација на нормална флора од орофаринкс (спиење, нарушувања на свеста..), белодробен едем, ацидоза,хипоксија, имуносупресивни агенси (кортикостероиди, сумамед…), лекови – (аспирин, еритромицин, аминофилин,инхибитори на протонска пумпа), возраст над 65 години (намален неспецифичен имунитет),пушење, алкохол, престој во задимени простории… …Доктринарни ставови за лекување на болни со КОВИД-19 Позитивен на КОВИД -19 со или без симптоми Симптоматска терапија, не смее да се дава АНТИБИОТИК, Контролна крвна слика, контрола на Д- димери… Прележал КОВИД-19: крвна слика во прилог на бактериска инфекција = ЦРП со вредности од 30-80 мг/л (0.08-6.1mg/L.) Терапија со линкозамид (Lincomycin 20-40 мг/кг/тт, clindamycin (Нелорен, Климицин)- 10-30 мг/кг/тт) Се бара потврда на можен причинител. Ако има серолошка, микробиолошка или епидемиолошка потврда за атипичен причинител= Макролиди (сумамед) или Тетрациклини (Доксициклин) Контролна крвна слика за 4 дена Лекување на типична пневмонија кај пациент кој предходно прележал КОВИД-19 Типична пневмонија – прлежан КОВИД -19 Помлади од 60 години =цефтриаксон 30-50 мг/кг/тт во кратки инфузии – до 2 гр /еднаш/ден- макс.дози 4 гр – комбиниран со линкозамид (Lincomycin 20-40 мг/кг/тт, clindamycin (Нелорен, Климицин)- 10-30 мг/кг/тт) Се чека ефект 4 дена (се следи аускултаторен наод, ЦРП (инфламаторни фактори) СЕ на Ер, Ле… Влошување или одржување на состојбата: се менува терапија = терапија бр 2 (постари од 60 години) Постари од 60 години = терапија бр 2 Гликопептид = Vancomycine- 1gr/12h-деца-25-60mg/kg/ден и.в. Комбиниран со линкозамид (Lincomycin 20-40 мг/кг/тт, clindamycin (Нелорен, Климицин)- 10-30 мг/кг/тт)…

Марковски: Црниот биланс на починати од КОВИД 19 е доказ дека владата не знае да се справи со пандемијата и затоа мора да поднесе одговорност

Ристе Здравков — Mon, 16 Nov 2020 21:30:20 +0000

Членот на Извршниот комитет на ВМРО-ДПМНЕ д-р Вело Марковски вечерва во емисијата "Само вистина" на Канал 5 телевизија истакна дека владата мора да поднесе одговорност за големиот број на починати од Ковид-19 во државата. Црниот биланс покажува дека Македонија не се справува со пандемијата на ниво, како што тоа го прават другите европски и светски земји. -Генерално што е најголемата грешка. Тоа е паролата "седите дома" на пациентите, јавувајте се по телефон и немојте да одите на лекар. Штедете ги лекарите, немојте по рецепти одите во аптеки. Значи маса на луѓе оставивме без да ги види матичен лекар што е нон-сенс. Тука ние имаме проблем. И после кажуваат доцна им доаѓале пациентите. Па, како да доаѓаат кога вие им кажувате да не доаѓаат на лекар. А клиничката слика од пролетта до сега е сменета кај пациентите од Ковид-19. Скоро кај сите починати постои бактериска пнеумонија со јасни параметри, со високо CRP, со висока седиментација и пореметени фактори на коагулација. И затоа пациентите треба да ги лекуваме соодветно. Не смее да се пушти пациент да не биде виден, да не биде прегледан. Другиот проблем е раното давање на антибиотици. Давање на антибиотик за време на вирусна инфекција може да има катастрофални последици. Тоа не е мој став, тоа е став на науката. Се прашувам дали се вклучени најдобрите доктори, најдобриот персонал, неможете вие да одите само со партиски членови во борбата со оваа епидемија, посочи Марковски. Владата направи карантин кога имаше 10 или 11 проценти исполнети болнички капацитети, продолжи тој, а сега кога се преполнија болничките капацитети владата воопшто нема идеја што - како. -Потрошивме 2 милијарди евра, направивме карантини, вонредни сосотојби без да прогласиме епидемија во време кога бројката на позитивни на корона беше драстично помала. Кој ќе одговара за тоа. Поради сето ова ВМРО-ДПМНЕ бараше и опозицијата да биде вклучена во Комисијата за заразни болести, да даде предлози, мислења, да помогне во овие тешки времиња во борбата со корона вирусот, вели Марковски.

Марковски: Министре, го преспавте цело лето, веќе не можете да се носите со оваа пандемија

Магдалена Андонова — Tue, 03 Nov 2020 16:04:42 +0000

„Преко воде до слободе Одговор на невистинските тврдења поткрепени со подсмев на актуелен министер за здравство – Доц Венко Филипче – изнесени во емисијата Само вистина на Канал 5 телевизија Почитуван министре, ќе бев најсреќен ако Македонија се справуваше со КОВИД-19 пандемијата барем слично како државите од соседството. Паметите ли дека сите заедно ( цел народ) Ве поддржуваше во почетокот и на секоја ваша изјава (ги имаше по две секој ден) се радувавме како на дете што го направило првиот чекор, надевајќи се и верувајќи дека како држава ќе излеземе подобро од сите. На бројни настапи и јас се обидував да помогам најдобронамерно, не затоа што сум најпаметен, туку поради чувство на патриотски долг кон татковината која се соочува со голема опасност, респираторна болест за која јас ( но и јавноста) сметав дек можам да помогнам поради мојата супспецијалност во работа со респираторни инфекции. Во тоа време направивте дрим тим за пресадување на срце, па си викавме кај да е сега ќе направи и дрим тим за справување со пандемијава. Но као поминуваше времето се појасно стануваше дека освен вашата речитост поткрепена со ПР агенции дека не сте многу расположен за вистински резултати. Многу бргу почнавте да ја злоупотребувате пандемијата за различни цели. Многу бргу уште во мај месец (многу пред да влезам во ИК на ВМРО ДПМНЕ) почнавте со дискредитации кон мене ако дадев изјава која не ви одговараше“, стои во Фејсбук статусот на професор доктор Вело Марковски, член на ИК на ВМРО-ДПМНЕ. Почитуван министре, го преспавте цело лето, и сигурен сум дека веќе не можете да се носите со оваа пандемија, поради тоа предложивме нова комисија, владина, а не на опозицијата, комисија која Ќе биде составена само од експерти и само за справување со КОВИД-19 пандемијата. Од за мене нејасни пирчини тоа го доживеавте како личен напад, како навреда. После тоа следеше прес коференција во која Ви посочивме 12 (иако ги има многу повеќе) причини зошто треба да оставите некој друг да проба да ги исправа работите. На сите 12 причини одговоривте со навреди, дискредитации, карактерни особини... Се дадовте на анализа на мојата сопруга, која за разлика не е јавна личност. Не помисливте дали навредувате, дали имам деца, како сите напади влијаат на нив, и тоа затоа што изнесувам стручни ставови, ниеден став не е личен мој, туку изваден од досегашните научни сознанија. За жал во овој период разочарувачко е сознанието дека живееме во систем на завист, необјективност, омраза и малограѓанштина. Не видов медиум, интелектуалец, новинар, здружение, унија на жени, партија... да ги осуди нападите и дискредитациите на членови на моето семејство, пишува професорот. - Сега за невистините. Сум рекол дека ќе нема есенски бран, не министре не реков дека ќе нема, туку само прашав во мај месец од каде и како знае Венко дека на есен ќе има втор бран. Полсе тоа следеше одговор од Ваша страна дека можеби и ќе нема. Повторно те прашувам министре, како и од каде знаеш дека во јануари ќе имаме епидемија со грип. Пак ли бинго и лутрија со здравјето на сите нас. Ако ја почитувате науката и принципите наназад 30 години на министерството во кое сте прв човек, ќе вакциниравте во октомври. Вие во емисијата кажавте дека така Вие сте процениле дека е најдбро во ноември да вакцинирате. Вие сам или вашата комисија. Нека се појават со име и презиме тие што решиле дека ќе се вакцинираме за грип во ноември. Сам да ви кажам, што вели науката, епидемиите со грип во последните 50 години биле помеѓу декември и мај. Најмалку две недели се потребни за заштитни антиела. Треба да вакцинираме барем 40.000 како секоја година. Кога и со каква вакцина (мислам дека сега и неможете да најдете квалитетна вакцина на пазарот, требаше да набавите/нарачате во мај или порано. Друг пат ќе објаснам што ќе се случи ако некој го поминал грипот а ние му дадеме вакцина. Второ, сум велел дека маските на отворено се штетни. Да министре, маските носени на отворено и сам се штетни, најдете еден доктор што ќе објасни дека не се штетни. И трето ПЦР тестовите, да министре не се за масовен скрининг, даваат голем процент на лажно негативни и лажно позитивни резултати. Впрочем искуствата на луѓето нека кажат дали е така. Се подсмевавте дека сум барал серолошки скрининг, замислете кога сме имале мал број на заболени. Сега, како мал број заболени, а карантин прогласивте. И што беше надвор од науката предлогот да ги тестираме децата дали имаат или не антитела, јас ќе го направев тоа во мај и јуни, за да бидам спремен за школската година.Сега околу неколку невистини кои ги кажавте а не се врзани за мене. Вие сте погодиле дека првиот бран ќе заврши со 2000 позитивни??? Сега ако завршил првиот бран на 26 мај, што беше после тоа, втор бран, цело лето. А сега трет бран ли е. Решете се, ако ова е втор бран сега (есенва) а првиот завршил во мај цело лето сте не држеле во некоја припрема, нешто како кондиционен тренинг. Потоа за респираторите, во бројни научни списанија (истите што ги спомнавте) смртноста кај пациенти поставени на респиратор е од 25-70 %, во трудови со по илјада пациенти ( иако има и трудови каде што има и повисока смртност). Спомнавте дека не е добро да се рачуна морталитет (смрт од одредена болест на 1000 жители – за полесно сите светски платформи изразуваат смртност на милион жители. По реално било да се смета леталитет (број на умрен од заболени). Ако сметаме морталитет имаме највисока смртност на милион жители во светот во полседниве 6 месеци. Но, ако сметаме леталитет од 32.000 позитивни, според вашите извештаи негде околу 20 % се болни односно се со симптоми, тогаш загрижувачки ќе добиеме негде 20 % смртност (5-6.000 болни а над 1.000 умрени), дециден е тој. - Понатаму секаде била ваква смртноста. Не господине министре, нигде во светот. Ги анализирав осумте држави со повисока смртност од нас на милион жители но со пресек после 1 јуни 2020 година. Нигде веќе нема висока смртност, извлекоа поуки, направија доктрини, се спремаа. Еве ви примери: Шпанија до 1 јуни имала 265.932 позитивни и 28.058 умрени (околу 12%). Англија-250.347 а 37.529 умрени (околу 15 %), Италија од 233.200 умрени 33.568 (околу 14%). Последниов месец Шпанија има по околу 17.000 позитивни дневно и само по околу 150 умрени, со помалку од 1 % умрени се и Англија (26.000 дневно/250 умрени), Франција (40-50.000 дневно со 250-400 умрени дневно), Италија со по околу 17.000 позитивни и во просек сега со по 150 умрени, Белгија 12.000 позитивн околу 100 умрени на ден. Шведска со по 1.500 позитивни на ден и со по средно 5 умрени на ден е со најнизок процент. Како е кај нас, од средно 700 нови случаи дневно, бележиме во просек од 15-20 умрени дневно. Тоа е тоа што не загрижува, не бројот на ново инфицираните и/или позитивните. Загрижува високата смртност која е најмалку за еднаш повисока од сите европски земји. Или ако во Европа умираат помалку од 1% кај нас повеќе од 2 %. Значи министре со мерки кои ќе беа навремени, со лекување, доктрини, симпозиуми, организација, ние пак ќе имавме по 700 болни но ќе имавме по 7 умрени. Страшно е само да се помисли ако го задржиме истиот процент на умрени а ако бројот на позитивни порасте на 3-4.000 дневно (што е реалност) што ќе се случува. Еве затоа сметам дека повеќе вас не може и не треба да Ви се помага, туку да се донесе нов тим, час поскоро. Вашите методи и научни сознанија дека вирусот се дига по тепих кога одиме доведоа до ваква состојба. И уште нешто, сакам да Ве прашам, дали ако јас се разболам сум безбеден во вашите институции. Дали ако се разболе некој од раководството на ВМРО ДПМНЕ е безбеден, оти од емисијата се добива впечаток дека вие мразите и дека сте министер на сите освен на тие што ве критикуваат или се членови на ВМРО. И една голема молба до Вас министре, можете да ме дискредитирате, исмевате, навредувате, да ме мразите мене, ама оставите ги моите блиски настрана. П.С. во видеото со папагалот сте вметнале еден фрагмент од снимка за која не знам каде е направена, министре ако ме следите, зошто го правите тоа, која е целта, треба ли да се плашам за мојот живот. А ако некој друг ме следи поради нешто друго, како смеела да се најде таа снимка кај Вас. Омразата е лоша работа Венко, многу лоша, вели проф. доктор Вело Марковски.

Проф. д-р Марковски: Имаме најголема смртност во светот на милион жители од КОВИД во последните неколку недели, а кај власта изостанува одговорност

Магдалена Андонова — Wed, 28 Oct 2020 13:32:47 +0000

Загрижени сме како и сите граѓани за големата смртност, хаотичните мерки и немањето на стратегија за справување со КОВИД-19. Сметаме дека Македонија со други кадровски решенија може многу поуспешно да се носи со целокупната состојба во здравството, изјави на денешната прес конференција, професор доктор Вело Марковски, член на ИК на ВМРО-ДПМНЕ. Тој ги посочи следниве причини за одговорност на министерот Венко Филипче за оставка: 1.Со сите сили надвор од сите досегашни научни сознанија по предлог од неговата комисија за заштита од заразни заболувања се направи стратегија да се спречи ширењето на КОВИД -19, односно да се сведе на најмногу 2.000 позитивни за цела држава. Иако науката од досегашните искуства кажуваше дека не е можно да се спречи ширење на горно респираторна инфекција, туку само може да се одложи. При тоа се презедоа драстични мерки иако епидемиолошката ситуација беше мирна. Се потрошија повеќе од 1.5 милијарда евра, се стопира економијата, образованието, социјалниот и спортскиот живот. Бројката од 2000 ја достигнавме на 26 мај 2020 година. 2.Не се избра модел/стратегија за справување со КОВИД-19. Со лажно прикажување на позитивните како заболени се направи непроценлива штета на државата, во тек на летото поради ваквите привидни бројки бевме изолирани скоро од сите околни држави. 3.Иако никогаш не се прогласи завршување на првиот бран, се дозволија голем број на јавни собири во тек на летото (концерти, свадби, прослави...) Во тоа време комисијата се опушти, не се испланира почетокот на школската година, не се одржа ниеден симпозиум или конференција за изедначување и доктринарни ставови за лекување на болни со КОВИД19. Не се изработија релевантни дијагностички протоколи. 4.Денес со околу 28.000 позитивни и 949 умрени се бара вина кај народот, кај политичките опоненти, кај стручни лица, кај сите освен кај себе. За жал и покрај највисоката смртност во светот ако се анализираат само последниве месеци по милион жители, изостанува одговорност, чувство на грижа на совест, но пред се изостанува анализа. Нема стручна комисија која ќе утврди дали и зошто имаме висока смртност. 5.Направени се над 230.000 ПЦР тестови. Зошто и како некој дозволи тестовите да се движат од 30 до 100 евра а понекогаш во итни случаи и по 200 евра по тест. 6.Не се направи специјално тело/комисија за справување со КОВИД-19. Во работата на сегашната комисијата не е вклучен ниеден специјалист инфектолог кој работел најмалку 10 години на одделение за респираторни инфекции. Бидејќи се обврзавме дека здравјето на сите ни е најважно од се, се прашувам дали навистина е така. Во период кога очекуваме епидемија со сезонски грип, судирот на КОВИД-19 и грипот е сериозна закана. Сезонскиот грип ќе ги исполни болниците, ќе ги десеткува здравствените работници, ќе ја зголеми смртноста и паниката. 7.Водејќи грижа само за болни од КОВИД-19 ги запоставивме хроничните болни, болните со малигни заболувања, систематските прегледи, превентивните мерки итн. 8.Во период во кој е започната сезона на настинки и други респираторни заболувања се тестира само за КОВИД -19. Дали министерството размислуваше и обезбеди тестови за други причинители како адено вируси, инфлуенца, пара инфлуенца, микоплазма, инфекции кои тешко клинички се разликуваат од корона вирусни инфекции. Во есенски и зимски месеци мораме паралелно со Сарс ков -2 да тестираме за уште десетина можни причинители на горно респираторни инфекции. 9.Ако се грижиме за сите зошто не се вакцинирани ризичните групи за сезонски грип. Вакцината за грип секогаш на северната хемисвера се спроведува во месец октомври. Препораките на СЗО беа оваа година да се зголеми бројот на вакцинирани. Кај нас се уште не е почната вакцинацијата и најверојатно се уште нема набавено вакцина. Препораките на СЗО се да се вакцинираат најмалку 75 % од припадниците на ризичните групи. 10.Ако се грижиме за кондицијата на здравствениот систем, се грижиме ли за здравствените работници, дали е обезбедена бесплатна вакцина против сезонски грип за сите здравствени работници. За потсетување во земјите од ЕУ каде што се стремиме и пред оваа пандемија од 3-68 % од здравствените работници се вакцинираат секоја година. 11.Комисијата мораше да има во предвид и да и предложи на владата преку министерот за здравство набавка на барем 100.000 квалитетни вакцини за сезонски грип уште рано пред летото. Мораше да се предвиди дека поради зголемена набавка на вакцини за грип во светот ќе има недостиг на вакцини. 12. Еве како вакцинираат некои од државите. Значи Германија со 83 милиони жители има набави 26 милиони дози за сезонски грип. САД помеѓу 194 и 196 милиони дози значи вакцини за барем половина од сопственото население. Соседна Србија над 500.000 вакцини значи некаде 6% од населението. вакцинацијата започната по план на први октомври, така како што секаде се почнува во северната хемисфера. -Еве само 12 причини за одговорност на министерството за здравство. Немање вакцина од било кои причини (незнаење, закаснување со набавки, преоптеретеност само со една болест) за сите здравствени работници и за најголемиот број на хронични болни е голем пропуст се несогледливи последици, и доволна причина сама по себе за оставка на министерот за здравство, по било која основа, дали по барање на премиерот, како личен морален чин, или по барање на јавноста. Останува да се надеваме дека оваа сезона нема да имаме грип, заклучи професорот Марковски.

Инфектологот Марковски објаснува како да разликуваме обичен грип од коронавирус

Ивана Ефремовски — Thu, 22 Oct 2020 20:16:43 +0000

Во „Клик Плус“ вечерва гостува проф. д-р Вело Марковски. Темата е коронавирусот, а Марковски објасни како да се разликува коронавирусот од обичен грип. „Треба да ги разликува науката, но не само кај нас, туку во речиси држави нема некоја силна инфектологија, и не се вклучени луѓето кои се најстручни во горнореспираторни инфекции. Најголемиот проблем сега ќе прави грипот и обичната настинка. Аденовирусите се најпрви на листата, па доаѓаат риновирусите, а коронавирусот се четврти на листата. Над 200 риновируси даваат обична настанка. Нормално е во сезоната да имаме 3-4 епидемии со риновируси и аденовируси. Риновирусот на пример нема температура и не бара отсуство од работа“, рече Марковски. Целата изјава низ видео:

Марковски: PCR тестовите за коронавирус се голема грешка

Ивана Ефремовски — Thu, 22 Oct 2020 20:09:46 +0000

Вело Марковски гостува вечерва во „Клик Плус“ на ТВ21. Тој смета дека овие ПЦР тест кои се бараат за да се оди во друга држава, се голема грешка, и дека требаат и серолошки тестирања. „СЗО дури во претходните епидемии со САРС 1 и со Мерс бараше двете методи да се користат, односно да не се користи само ПЦР технологија без серолошки тестови. ПЦР се оспорува бидејќи таа не е за ваква масовна употреба“.