велосипед – Kurir.mk

Се судрија мотоцикл и велосипед, тешко повреден мотоциклистот

Тале Кристо — Sun, 15 Oct 2023 10:35:10 +0000

На 14.10.2023 околу 17.30 часот во СВР Куманово било пријавено дека во с.Доброшане, кумановско, се случила сообраќајна несреќа помеѓу мотоцикл со кумановски регистарски ознаки, управуван од К.С.(20) од Куманово и велосипед управуван од малолетник од Куманово. Во несреќата, мотоциклистот К.С. се здобил со тешки телесни повреди, додека малолетникот се здобил со телесни повреди, констатирани во Ургентен центар во Куманово. Увид на местото на несреќата извршила екипа од СВР Куманово.

Малолетник тешко повреден, со велосипед удрил во ограда

Ивона Петрова — Fri, 21 Jul 2023 12:39:50 +0000

На 20.07.2023 во 20.00 часот во ОВР Прилеп било пријавено дека на ул.„Дебарца“ во Прилеп, малолетник од Прилеп, управувајќи велосипед, изгубил контрола и удрил во ограда. -Во несреќата, малолетникот се здобил со тешки телесни повреди, констатирани во Градската болница Прилеп, информира МВР. Извршен бил увид од увидна екипа од ОВР Прилеп.

Малолетнички повредени откако со велосипед удриле во ограда

Ивона Петрова — Tue, 27 Jun 2023 10:41:18 +0000

Денеска (27.06.2023) во 00.45 часот било пријавено дека во с.Велгошти, охридско, на крстосница од ул.„Живко Чинго“ со ул.„Андреја Јованоски“, малолетничка од истото село, управувајќи велосипед, изгубила контрола и удрила во ограда. -Во несреќата малолетна сопатничка се здобила со тешки телесни повреди, а малолетничката која го управувала велосипедот се здобила со телесни повреди, констатирани во Медицинскиот центар Охрид, информира МВР. Извршен бил увид од увидна екипа од СВР Охрид.

Тешко повредена велосипедистка во сообраќајка во Скопје

Ивона Петрова — Fri, 28 Apr 2023 10:41:43 +0000

На 27.04.2023 во 15.20 часот во СВР Скопје било пријавено дека на крстосница од ул.„Митрополит Теодосиј Гологанов“ и ул.„Јуриј Гагарин“ во Скопје, патничко возило „шевролет“ со скопски регистарски ознаки, управувано од Е.Н.(49) од Скопје, удрило во велосипед управуван од М.Р.(65) од Скопје, информира МВР. Во несреќата со тешки телесни повреди се здобила М.Р. констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Технолошко чудо или обична измама? Велосипед со коцкести тркала стана вирален хит (ВИДЕО)

Ристе Здравков — Tue, 18 Apr 2023 11:54:14 +0000

Од велосипед со чевли наместо тркала до електричен велосипед со кој можете да возите по вода - инженерите низ годините измислија цела низа чудни велосипеди, но најновиот изум е можеби најбизарниот досега. Експертите од компанијата „The Q“ развија велосипед со коцкести тркала, а иако звучи неверојатно, тој е целосно функционален, пишува „Daily Mail“. „Запознајте го овој речиси нормален велосипед, но со една модификација - коцкести тркала“, напишале во описот на Јутјуб видеото во кое е прикажан изумот. „Овој концепт е целосно функционален и можете да возите и да вртите со него“. На снимката се гледа како тимот ги изработува рамките за тркалата заварувајќи метални шипки во форма на квадрат. Потоа додаваат потпорни жици, иако тие служат само поради естетика. Тоа е затоа што надворешниот дел од тркалата е опремен со „гасеница“ со помош на која велосипедот се движи додека возачот ги врти педалите. „Креирањето и инсталирањето на коцкести тркала беше еден од најлудите проекти кои некогаш сме ги направиле“, велат дизајнерите на ова чудо. Видеото привлече големо внимание на интернет, а истото има 5,8 милиони прегледи. Не е познато колку чинела изработката на ваков велосипед ниту дали некогаш ќе се најде во продажба.

Градоначалникот на Центар со “луксуз на две тркала“ им нуди неколку илјадарки на сограѓаните

Ивана Ефремовски — Fri, 24 Mar 2023 17:42:05 +0000

Градоначалникот на општина Центар, Горан Герасимовски возејќи велосипед си направи кампања за субвенционирање на граѓани. Додека се фали со проект преку кој центарци ќе добијат некоја ниска сума од неколку илјади денари за купен велисипед, Герасимовски вози “луксуз“ на две тркала. Имено, тој позира на велосипед чија цена, зависно од дополнителната опрема, достигнува над 5.000 франци.

Тешко повреден велосипедист од Скопје

Катерина Бојаџиева — Fri, 17 Feb 2023 12:02:56 +0000

На 16.02.2022 во 07.15 часот во СВР Скопје било пријавено дека на крстосницата од ул.„Благоја Стефковски“ со ул.„Методија Андонов Ченто“ во Скопје, патничко моторно возило „мерцедес“ со битолски регистарски ознаки, управувано од О.С.(60) од Битола, удрило во велосипед управуван од А.Ѓ.(49) од Скопје. Во несреќата со тешки телесни повреди се здобила А.Ѓ. констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

ФОТО: Дизајнирано погребно возило движено од велосипед, целта е да се намали загадувањето

Ивона Петрова — Tue, 01 Nov 2022 08:00:10 +0000

Во Париз почна да кружи мртовечко возило што го придвижува велосипед. Целта е да се намали загадувањето, а новото возило нуди и дискретна замена за традиционалните погребни возила – со помал шум, објави денеска интернет-страницата „Париз сикрет“ (Paris Secret). Иновацијата во облик на велосипедска погребна кола е на компанијата „Ле сијел ет ла тер“ (Le Ciel & la Terre). Новото возило, кое некому може да изгледа бизарно како мешавина од „иновација и екстраваганција“, е дизајн на компанија со седиште во Нант, Франција, која произведува мини-каравани. Изабел Плумеро, претставничка на фирмата изјави дека целта е да се предложи нешто поинакво, да се покаже дека „покојникот сѐ уште е во средиштето на вниманието“ на погребот, но сѐ тоа да биде и „посовремено“ претставено. Според неа, превозот на ковчегот со велосипед нуди „еколошки, потивок и почовечен пристап“ кон концептот на погребната поворка. Возилото долго 3,6 метри се движи со електричен велосипед што „го турка“ одзади. Ковчегот е поставен на платформа со тркала, има дел за цвеќиња и венци, како и хоризонтален рачен држач за придружбата до ковчегот.

81-годишен дедо паднал додека возел велосипед, тешко е повреден

Ивана Ефремовски — Wed, 19 Oct 2022 16:13:10 +0000

На 18.10.2022 во 13:20 часот во ОВР Струга било пријавено дека на улица „Партизанска“ во Струга, С.М.(81), управувајќи велосипед, паднал и се здобил со тешки телесни повреди, констатирани во Општата болница во Струга. Увид на местото извршила екипа од ОВР Струга.

Европската недела на мобилност со еко филмови посветени на велосипедот

Super Admin — Wed, 21 Sep 2022 13:05:51 +0000

Во рамки на Европската недела на мобилност, вчера, во Синеплекс се одржа проекција на екофилмови посветени на велосипедот. Во организација на Гоу Грин Скопје, во рамки на проектот „Младинско кино на ЕУ: Зелен Договор“, кофинансиран од Европската Унија, овој настан го посетија 200 ученици од средните и основните училишта од Скопје, каде имаа можност, преку филмови и дискусија, да зборуваат за важноста за користење алтернативен транспорт кој не загадува, за Европскиот зелен договор и за важноста на филмот во едукација на младите. На дискусијата присуствуваа амбасадорот на ЕУ, Дејвид Гир кој изјави дека екомобилноста е важна во борбата со климатските промени. Возењето велосипед ги намалува гужвата во сообраќајот и загадувањето, а истовремено промовира здрави навики. Понатаму, активистот Дарко Арсовски Петровски, од иницијативата НаТочак, зборуваше за можноста да се поврзат градовите во нашата земја со безбедни велосипедски патеки, да се овозможи систем за изнајмување велосипеди во градовите за подобрување на туризмот и на мобилноста до училишта, работа, рекреација, како и за можноста за комбинирање на транспортот – јавен превоз со велосипедски, железнички и слично. Саша Станишиќ од Унијата на македонски креативни индустрии зборуваше за тоа како аудиовизуелната индустрија во сите нејзини сегменти (снимање/продукција, дистрибуција и киноприкажување) влијае врз загадувањето на животната средина, какви стратегии и зелени политики развива Европската Унија во насока на надминување на овој проблем и што нашата аудиовизуелна индустрија и држава прави за тоа. Според Мила Јовановска од Гоу Грин „едукацијата на младите за климатските промени и заштитата на животната средина е многу важна, бидејќи тие се идните генерации кои ќе ја наследат Планетата Земја. Кога човек е запознаен со нешто што подобро го разбира и може само да го унапреди, така и со младите - сакаме тие да ја унапредат животната средина и да ги ублажат последиците од климатските промени преку нивните секојдневни активности, но и понатаму како професионалци во разни области. Гоу Грин Скопје веќе 12 години работи токму на едукација кај младите и многу ни е драго што, преку овој проект, имаме можност тоа да го правиме и преку филмови, промовирајќи ја и уметничката култура“. Европската недела на мобилност се одбележува за да се промовира одржливата урбана мобилност, се поттикнуваат промени во навиките во насока на активна мобилност, користење јавен транспорт како и други алтернативи. Оваа година темата е „Подобри врски“ и се одбележува од 16-22 септември.

ЗА ПРОЕКТОТ EU YOUTH CINEMA: GREEN DEAL

Започнувајќи во Европската година на младите 2022 година и со времетраење од 24 месеци, „Младинско кино на ЕУ: Зелен Договор“, кофинансиран од Европската Унија, нуди континуирана програма со силен мултикултурен пристап и јасен фокус на информирање и едукација за Зелената агенда. Проектот посветува внимание на еколошките предизвиции ја промовира свеста за поодржлив начин на живот. Селекцијата на зелени филмови се состои од 25 европски филмови кои ќе бидат претставени во кината Cineplexx во 20 европски градови во Австрија, Хрватска, Северна Македонија, Романија и Словенија како и на платформа за стриминг www.euyc.green/mk. Едукативната програма е надополнета со работилници, предавања, дискусии и дидактички материјали и е достапна со регистрација на https://www.youth-cinema.eu/mk. Партнер за имплементацијата на активностите во С. Македонија е Здружението Гоу Грин Скопје.