велосипедисти – Kurir.mk

Се судрија велосипедисти на кејот на Вардар – еден тешко повреден, а другиот побегнал од местото на несреќата

Тале Кристо — Sun, 11 Jun 2023 10:40:08 +0000

На 10.06.2023 во 20.40 часот во СВР Скопје било пријавено дека на велосипедска патека на кејот на реката Вардар на подрачје на Центар се случила несреќа помеѓу велосипед управуван од К.Е.(38) од Скопје и друг велосипед кој го напуштил местото. Притоа, со тешки телесни повреди се здобил К.Е. констатирани во Градската општа болница „8 Септември“. Увид извршила екипа од СВР Скопје и се преземаат мерки за расчистување на случајот.

Се судрија двајца велосипедисти во Скопје, и двајцата се здобиле со тешки телесни повреди

Тале Кристо — Thu, 18 May 2023 14:51:16 +0000

На 17.05.2023 вo 19.50 часот во СВР Скопје било пријавено дека на велосипедска патека од бул.„Партизански одреди“ во Скопје се случила сообраќајна несреќа помеѓу два велосипеда, управувани од П.В.(32) од Битола и К.П.И.(39) од Богданци. По несреќата, двајцата биле пренесени во Градската општа болница „8 Септември“, каде на К.П.И. му биле констатирани тешки телесни повреди, а на П.В. телесни повреди. Увид на местото извршила екипа од СВР Скопје.

РСБСП: Бидете одговорни велосипедисти, редовно почитувајте ги сообраќајните правила и прописи

Магдалена Андонова — Wed, 08 Jun 2022 08:28:50 +0000

Се чини дека повеќе од кога било велосипедот како превозно средство, се наметнува како неопходен начин за учество во сообраќајот. Растот на цените на енергенсите, зголемената фреквентност на сообраќајот, убавото време, но и здравиот начин на живот, се едни од клучните причини зошто треба да се избере велосипед како превозно срество. Истражувањата покажуваат дека на растојание до 5 километри, во урбана средина, велосипедот е доминантно превозно средство во однос на автомобилот, од аспект на побрзо и побезбедно пристигнување на посакуваната дестинација и од аспект на полесно паркирање. Паркингот за велосипеди е секогаш достапен, бесплатен и одзема многу помалку простор, стои во соопштението на РСБСП. Од таму посочуваат дека со користењето на велосипедот како сообраќајно превозно средство се заштедуваат финансиски средства кои би се давале за гориво. - Исто така, купувањето велосипед е далеку поевтина опција отколку купувањето автомобил. Велосипедистите се рамноправни учесници во сообраќајот и треба да се почитуваат како и останатите моторизирани и немоторизирани учесници во сообраќајот. Бидете внимателни возачи и внимавајте на велосипедистите во сообраќајот. Но, и велосипедистите исто така се должни да внимаваат на останатите учесници во сообраќајот, се вели во соопштението. РСБСП советува велосипедистите да бидат внимателни и да го почитуваат следното: • да се движат што поблиску до десниот раб на коловозот, а ако постои велосипедска патека - по велосипедската патека, односно лента; • пешачките премини да ги поминуваат низ пропишаната црвена патна лента лоцирана непосредно до сообраќајната зебра, а доколку нема таква патека, пешачкиот премин да го преминат симнати од велосипедот; • ако на патот постои посебно уредена велосипедска патека, да се движат по десната велосипедска патека во однос на правецот на движењето на сообраќајот; • на велосипедски патеки кои се уредени и обележани за сообраќај на велосипеди во двете насоки, велосипедистите треба да се движат по десната страна во правецот на движењето; • брзината за велосипеди кога се движат по велосипедска патека или лента е ограничена на 25 km/h. Мобилноста на велосипедот, брзото и практично движење, како и исплатливоста, го зголемува бројот на велосипедисти во сообраќајот. Но, секоја година десетина велосипедисти го губат животот во сообраќајни незгоди. Затоа бидете одговорни велосипедисти и почитувајте ги сообраќајните правила и прописи! РСБСП со апел: За здрави животни навики, за чиста животна средина, за побезбеден сообраќај - користете и поддржувајте алтернативни форми на мобилност (пешачење, велосипедизам и јавен превоз).

Велосипедистите прашуваат „Колку жртви се доволно?“ за надлежните да стават крај на дивеењето по улиците

Ристе Здравков — Tue, 22 Feb 2022 09:04:07 +0000

Од „На точак“ информираат дека, утре велосипедистите ќе започнат да возат во 17.30 а стартната точка ќе им биде Плоштадот Македонија. Урбаните велосипедисти утре ќе ја возат својата „Критична маса број 89“ со која прашуваат „Колку жртви се доволно?“ за надлежните еднаш за секогаш да стават крај на дивеењето по улиците. Ја возиме 89-тата Критична маса. Овој пат со фокус на безбедноста во сообраќајот, улиците по кои секој ден возиме и ризиците за ранливите групи на учесници во сообраќајот. Возиме низ населби низ кои не сме возеле подолго време, а кој што изгледа и самите градоначалници ги имаат заборавено – велат од „На точак“. Велосипедистите ќе започнат да возат во 17.30 а стартната точка ќе им биде Плоштадот Македонија. -Бараме да прават безбедни улици, кои канат пешаци и велосипедисти, а одвраќаат коли и брзо возење. Бараме казнување на прекршувачите на законите и градоначалници кои ќе изведуваат градови за луѓе, не градови за коли – децидни се од „На точак“.

Двајца охриѓани се судриле со велосипеди, еден тешко повреден

Ивона Петрова — Thu, 16 Dec 2021 09:55:28 +0000

На 15.12.2021 во 10.50 часот, на улицата „7 ноември“ во Охрид, случена е сообраќајна несреќа помеѓу два велосипеди управувани од Р.М.(49) и В.К.(66), двајцата од Охрид, информира СВР Охрид. Во несреќата со тешки телесни повреди се здобил В.К. констатирани во Општата болница во Охрид. Извршен е увид на местото на настанот од увидна екипа од СВР Охрид.

Двајца велосипедисти прегазени во Тетово, возачот на автомобилот тешко повреден

Ивона Петрова — Thu, 09 Dec 2021 10:47:20 +0000

На 08.12.2021 во 23.30 часот во СВР Тетово било пријавено дека на кружниот тек од бул.„Видое Смилески Бато“ со ул.„Браќа Миладинови“ во Тетово, патничко возило „мерцедес“, со тетовски регистарски ознаки, управувано од Б.И.(48) од Тетово, удрило во два велосипеда управувани од С.М.(54) и В.Р.(39), двајцата од Тетово, информира МВР. Во несреќата возачот се здобил со тешки телесни повреди, а двајцата велосипедисти се здобиле со телесни повреди, констатирани во Клиничката болница во Тетово. Извршен бил увид на местото на настанот од увидна екипа од СВР Тетово.

Секоја година десетина велосипедисти го губат животот во сообраќајни незгоди

Ивона Петрова — Sat, 19 Sep 2020 07:32:08 +0000

Во рамки на Европската недела на мобилност која се реализира секоја година во периодот од 16 до 22 Септември и е со посебен акцен на промоција на велосипедизмот како одржлива форма на мобилност, Републичкиот совет за безбедност на сообраќајот на патиштата потсетува на најважните законски прописи кои треба да ги знаат и да ги почитуваат велосипедистите секогаш кога учествуваат во сообраќајот. – Велосипед на пат може да управува лице кое наполнило десет години. Во зона на смирен сообраќај, велосипед може да управува лице помало од десет години само ако е во придружба на лице постаро од 16 години. Возачот на велосипед може да превезува други лица само ако на велосипедот постојат посебни седишта. Деца помали од 14 години не смеат на велосипед да превезуваат други лица. По автопат, експресен пат и на пат резервиран за сообраќај на моторни возила, не смеат да се движат велосипеди. Возачот и лицата кои се превезуваат со велосипед ноќе и во услови на намалена видливост треба да носат рефлектирачки елек за време на возењето на патот, потсетуваат од РСБСП на дел од правилата. Според прописите на велосипедот задолжително треба да има светло во бела боја на предната страна, како и катадиоптeр со црвена боја или рефлектирачка лента на задната страна и по еден катадиоптер со жолта или портокалова боја на секоја страна. Возачот на велосипед е должен да управува со возилото на начин на кој не се намалува стабилноста на возилото и не смее да ги симнува рацете од управувачот, и не смее да се придржува за друго возило. Возач на велосипед, за времето додека управува со велосипедот не смее да води животни. -На велосипедски патеки уредени и обележани за сообраќај на велосипеди во двете насоки, велосипедистите се движат по десната страна во правецот на движењето. Ако на патот постои посебно уредена велосипедска патека, возачот на велосипед се движи по десната велосипедска патека во однос на правецот на движењето на сообраќајот. 25 km/h е ограничена брзината за велосипеди кога се движат по велосипедска патека или лента. Возачот на велосипед е должен да се движи што поблиску до десниот раб на коловозот, а ако постои велосипедска патека – по велосипедската патека, односно лента. Ако двајца или повеќе возачи на велосипед се движат во група должни се да се движат еден позади друг, порачуваат од РСБСП за безбедно возење на велосипед. Од Републичкиот совет апелираат да се биде одговорен велосипедист, да се почитуваат сообраќајните правила и прописи бидејќи секоја година десетина велосипедисти го губат животот во сообраќајни незгоди.

Од денеска стапуваат на сила казните: Доколку сте љубители на велосипедот во време на пандемија ова мора да го знаете

Дарко Андоновски — Fri, 01 May 2020 19:55:56 +0000

Ако се држи задолжитечната дистанца од два метри растојание, заштитната опрема не е задолжителна за граѓаните кои престојуваат во двор на станбена семејна куќа, возат велосипед или спортуваат на отворено, соопшти Министерството за здравство. Маски и ракавици не мора да носат ниту граѓаните кои патуваат во моторно возило со лица кои заедно живеат, но и ако се наоѓаат на отворено каде може да одржуваат дистанца од два метри. Инаку, Министерството за здравство потсети дека од денеска се казнува непочитувањето на Уредбата за носење на заштитна опрема. За таа цел предвидени се казни во висина од 20 евра во денарска противвредност за физичките лица, а за компаниите каде не се почитуваат мерките за носење заштитна опрема за вработените и посетителите, предвидена е казна од 2.000 евра во денарска противвредност. Задолжителното е носење заштитна опрема (маска, марама или шал) на устата и носот, во сите јавни објекти како државни институции, маркети, продавници, банки, пошти, јавен превоз, чекални, здравствени институции и слично. Носењето на заштитна опрема е задолжително и на отворени простори, секогаш кога не може да се одржува минимална дистанца од два метри меѓу граѓаните.

Четворица тешко повредени од кои двајца велосипедисти во сообраќајки во Скопје

Ивона Петрова — Thu, 24 Oct 2019 06:46:34 +0000

Двајца велосипедисти и двајца сопатници во патничко моторно возило биле тешко повредени во четири од вкупно 17 сообраќајни незгоди случени во текот на изминатите два дена. Во шест сообраќајки со полесни повредни се здобиле шест лица, а во седум била причинета материјална штета. Од СВР Скопје информираат дека во овие два дена сообраќајната полиција санкционирала 56 возачи кои се движеле со брзина поголема од дозволената, а од сообраќај исклучила девет возачи кои го управувале возилото под дејство на алкохол, 34 возачи пред да се стекнат со право на управување моторно возило и еден почетник, како и 28 нерегистрирани возила. Санкционирани биле и 11 возачи кои поминале на крстосница на црвено светло, двајца возачи не дале првенство на минување на пешаците на обележан пешачки премин, тројца возачи за неправилно престројување, еден возач за неправилно престигнување, три лица за не носење заштитен шлем, двајца возачи за не носење сигурносен појас, како и 15 возачи кои користеле мобилен телефон за време на управување на моторно возило. Затекнати биле 74 возила непрописно паркирани, а со помош на специјалното возило „пајак“, отстранети биле 58 возила.

Казни за велосипедистите ако не го поседуваат ова

Катерина Бојаџиева — Thu, 11 Apr 2019 14:25:11 +0000

И ако сте љубители на возење на велосипед или едноставно ако сакате да се рекреирате на тој начин, морате да поседувате одредена опрема, пред се за ваша безбедност. Во спротивно, можете да добиете казна. Опрема за велосипед и велосипед со помошен мотор – Светло за осветлување на патот и обележување на возилото Едно светло за осветлување на патот на велосипеди и на велосипеди со помошен мотор треба да биде поставено и прицврстено на предната страна на возилото. Светлината што ја дава светлото од став 1 на овој член треба да биде во бела боја, а оддалеченоста на светлечката површина на тоа светло од површината на патот не треба да биде помала од 40 cm ниту поголема од 120 cm. Едно задно позиционо светло во црвена боја на велосипедите и на велосипедите со помошен мотор треба да биде поставено и прицврстено на задната страна на возилото. Оддалеченоста на светлечката површина на светлото од став 3 на овој член по површината на патот не треба да биде помала од 25 cm ниту поголема од 90 cm. Светлото може да биде поставено со катадиоптер. – Катадиоптери на велосипеди и велосипеди со помошен мотор Еден катадиоптер во црвена боја на велосипедите и на велосипедите со помошен мотор треба да биде вграден и поставен на задната страна на возилото, а по еден катадиоптер во жолта или портокалова боја – на секоја страна на педалот (од предната и задната страна). Оддалеченоста на рефлектирачката површина на катадиопетерот со црвена боја на задната страна на возилото од површината на патот не треба да биде помала од 25 cm ниту поголема од 90 cm. Рефлектирачката површина на катадиоптерот во црвена боја на задната страна на возилото треба да биде најмалку осум cm. На бочните страни на предното и задното тркало на велосипедот и велосипедот со помошен мотор треба да има рефлектирачки тела што рефлектираат светлина во бела или жолта боја. – Сопирачки на велосипед и велосипед со помошен мотор Сопирачките на велосипеди и велосипеди со помошен мотор треба да бидат вградени и поставени за секое тркало, и тоа најмалку по една сопирачка така што да се меѓусебно независни, со тоа што сопирачката на предното тркало треба да биде рачна. – Механичко или електрично ѕвонче Механичкото или електричното ѕвонче на велосипедите и велосипедите со помошен мотор служи за давање звучни знаци и треба да биде вградено така за да дава едноличен звук со непроменлив интензитет. Друга опрема за велосипеди и велосипеди со помошен мотор Друга опрема за велосипеди и велосипеди со помошен мотор со која се опремени овие возилата е: – брзиномер; – циклокомпјутер и пулсметар; – носач или ногарки за потпирање; – пумпа, алат и прибор; – калници; – бидони и држач за бидони; – багажник; – кошница; – клучалка, сајла со катинар; – торбичка за ставање на резервен алат и – седиште за деца.