велосипедска патека – Kurir.mk

Продолжува реконструкцијата на пешачката и велопатека на Јужен булевар

Ивона Петрова — Wed, 08 Jun 2022 11:04:26 +0000

Екипите на ЈП Улици и патишта Скопје денeс асфалтираа уште еден дел од пешачката и велопатека на Јужниот Булевар во површина од 130 квадратни метри. Изминатите денови беше асфалтиран првиот и втор дел од пешачката и велопатека во вкупна површина од 550м2, која по налог на Град Скопје од неодамна почна да се реконструира во насока од градилиштето на Лимак до стара Рампа. Деновиве екипите продолжуваат со активностите за реконструкција на патеките како и со поставување на заштитните столбчиња со цел зголемување на безбедноста на пешаците и на велосипедистите во овој дел од градот. Претпријатието ги извршува работните активности по налог на Град Скопје.

Пецаков: Се асфалтира велосипедската патека на булеварот „Туристичка“

Ивона Петрова — Wed, 23 Mar 2022 11:27:58 +0000

На булеварот „Туристичка“ од кружниот тек со улицата „Јане Сандански“ во правец на охридските плажи, денес, започна активности за асфалтирање на велосипедската патека. Должината на патеката изнесува околу 500 метри. Активностите се реализираат во рамки на програмата за подигнување на урбаната мобилност од Секторот за комунални дејности, сообраќај и улици. Изведувач на градежните зафати е АД „Илинден“.

Нова велосипедска и пешачка патека на булеварот „Видое Смилевски Бато“

Ивона Петрова — Wed, 16 Feb 2022 12:14:50 +0000

По налог на Град Скопје, екипи на ЈП „Улици и патишта“ денеска почнаа со изградба на нова велосипедска и пешачка патека на северната страна на булеварот Видое Смилевски Бато, на потегот од булеварот Февруарски поход до булеварот Србија, во вкупна должина од 500 метри. Од Градот велат дека изградбата на нови велосипедски патеки и подобрување на постојната велосипедска инфрастуктура во Скопје е еден од приоритетите на новата градска администрација. Истовремено ќе се работи и на развивање на велосипедската мрежа кон приградските населби, со што ќе се намали ризикот од возење велосипеди на коловозите, се со цел поголема безбедност на граѓаните коишто користат алтернативен превоз.