Продолжува реконструкцијата на пешачките и велосипедски патеки на булеварот „Гоце Делчев“

Ивона Петрова — Mon, 29 Aug 2022 09:39:13 +0000

Екипите на ЈП „Улици и патишта“ Скопје по налог на Град Скопје од денеска продолжуваат со реконструкција на пешачките и велосипедските патеки по должина на булеварот Гоце Делчев во насока од стоковна куќа „Мост" кон мост „Гоце Делчев" . Денеска се вршат почетните позиции машински ископи на оштетениот материјал, односно бекатон плочи и руиниран асфалт и се подготвува површината за асфалтирање. -Во изминатиот период беше реконструирана едната страна од булеварот, односно пешачки и вело патеки од страната на катната гаража на површина од околу 1.800 квадратни метри која реконструкција вклучуваше и два пешачки острови. Во текот на следниот период екипите продолжуваат со активности за реконструкцијата на патеките на булеварот „Гоце Делчев“ од страната на скопската тврдина Кале, информираат од Град Скопје. Со реконструкцијата на пешачките и вело патеки на булеварот „Гоце Делчев“ ќе се овозможи полесно движење и ќе се зголеми безбедноста на пешаците и велосипедистите на овој потег.

Нема пари во Буџетот на Град Скопје за 2020 за спортски риквизити и велосипедски патеки за паркот во Ново Лисиче

Ивона Петрова — Tue, 24 Dec 2019 07:11:20 +0000

На вчерашната седница на Советот на Град Скопје од страна на Анета Стојановска-Стефанова и Ирена Мишева од советничката група на ВМРО-ДПМНЕ и Коалицијата, беше предложен амандман на предлог буџетот за 2020та за набавка на нови спортски риквизити и доуредување на паркот во Ново Лисиче, но истите владеачкото мнозинство во Градот Скопје не ги поддржа. Паркот во Ново Лисиче е втор по големина во Скопје, по Градскиот Парк и е изграден и пуштен во употреба во јули 2016 година од страна на претходната градска управа. Овој парк располага со зеленило на површина од околу 90.000 метри квадратни. Покрај огромната површина парковско зеленило и садници, паркот содржи трим патеки, чешми за пиење вода, клупи, канти за отпадоци, летниковци, жардиниери, повеќенаменско спортско игралиште, две детски игралишта, хидрантска мрежа, како и осветлување со над 150 канделабри. Целта на предлог амандманите на советничките Стојановска-Стефанова и Мишева беше набавка на справи за вежбање (за т.н. street work out), истите се предлагаше бесплатно да ги користат сите граѓани на градот Скопје, а со цел водење здрав живот и поттикнување здрави навики. Исто така, се предлагаше овој парк да добие уредени пешачки стази кои ќе го направат пристапен паркот за лица кои се движат со помагала, како и да се урбанизира паркот со велосипедски патеки. За жал и покрај надежите на опозицијата, градската управа немаше слух да даде поддршка за реализација на овој проект.

велосипедски патеки – Kurir.mk

Продолжува реконструкцијата на пешачките и велосипедски патеки на булеварот „Гоце Делчев“

Нема пари во Буџетот на Град Скопје за 2020 за спортски риквизити и велосипедски патеки за паркот во Ново Лисиче