вембли – Kurir.mk

УЕФА поведе постапка против Англиската федерација поради инцидентите на „Вембли“

Дарко Андоновски — Tue, 03 Aug 2021 20:01:36 +0000

УЕФА соопшти вечерва дека официјално поведе постапка против Англиската фудбалска федерација (ФА), поради насилното однесување на нејзините навивачи за време на финалето на ЕУРО 2020 на лондонскиот стадион „Вембли“ – По завршувањето на истрагата што инспектор за етички и дисциплински прашања ја спроведе по повод инцидентите за време на финалниот натпревар во кои учествуваа англиски навивачи, во и надвор од стадионот, поведовме постапка против ФА поради кршење на дисциплинските мерки, се наведува во соопштението на УЕФА. Финалето на ЕУРО2020 во кое Италија на 11 јули во Лондон на пенали ја совлада Англија, го одбележаа голем број инциденти предизвикани од англиските навивачи. Значителен број од нив успеаја да влезат на „Вембли“ без влезници, а во текот на целиот ден надвор од стадионот физички се пресметуваа со италијанските навивачи, фрлајќи кон нив камења и пиротехнички средства.

Англија – Италија вечерва на „Вембли“, финален дуел за европскиот трофеј

Ивона Петрова — Sun, 11 Jul 2021 07:26:37 +0000

Стадионот „Вембли“ во Лондон вечерва од 21 часот ќе биде домаќин на финалето на 16. Европско фудбалско првенство во кое домаќинот Англија ја пречекува репрезентацијата на Италија. Англичаните немаат европски трофеј во својата историја, а вечерва ќе го играат своето прво големо финале од 1966 година кога на истиот стадион ја освоија титулата светски првак. Репрезентацијата предводена од Герет Саутгејт ќе се обиде да го повтори успехот на Италија од 1968 година, кога Азурите ја освоија својата прва и засега единствена европска титула, совладувајќи ја во финалето на домашен терен во Рим поранешна СФР Југославија. Оттогаш, Италијанците уште два пати стигнаа до финалните натпревари на Европските првенства на кои беа поразени во 2000 и 2012 година. Финалето од трибините на култниот „Вембли“ ќе го следат 60.000 навивачи, кои во огромно мнозинство ќе бидат Англичани. Очекувани состави: Италија – Донарума, Ди Лоренцо, Бонучи, Кјелини, Емерсон Барела, Жоржињо, Верати, Киеза, Имобиле, Инсиње. Англија – Пикфорд, Вокер, Стоунс, Мегваер, Шо, Филипс, Сака, Маунт, Стерлинг, Кејн.

Рој летачки мравки може да се појави на „Вембли“ за време на финалето на ЕП

Ивона Петрова — Sat, 10 Jul 2021 13:37:08 +0000

Околу милион летачки мравки може да се појават на стадионот „Вембли“ за време на финалето на ЕВРО 2020 меѓу Англија и Италија, објави „Скај њуз“. Според британскиот телевизиски канал, ројот на инсекти е снимен на радарски слики објавени од метеоролошката служба. Голема акумулација на летачки инсекти е пронајдена над голем дел од Лондон, вклучувајќи ја и областа Вембли. Утре (11 јули) ќе се одржи финалето на Европското првенство, каде репрезентацијата на Италија ќе игра против Англија. Натпреварот ќе се игра во Лондон на „Вембли“ со почеток во 21 часот.

Вембли грми од сите страни, започна војната меѓу Англичаните и Данците за финалето на ЕУРО2020! (ВИДЕО)

Магдалена Андонова — Wed, 07 Jul 2021 19:14:54 +0000

Започна натпреварот меѓу Англија и Данска на ЕУРО2020.

Touching hands… 🎶 pic.twitter.com/OzpQz0ZOC0
— Miguel Delaney (@MiguelDelaney) July 7, 2021

Очекувано, атмосферата на Вембли е одлична и оваа вечер, Англичаните веруваат дека „фудбалот се враќа дома“, додека Данците, кои освоија симпатии со одличен настап ова лето, посакуваат уште една прослава ...

pic.twitter.com/cF2KBsTr4X
— Miguel Delaney (@MiguelDelaney) July 7, 2021

Победникот од натпреварот ќе игра со Италија во големото финале на 11 јули на истото место.

Само Данска ја победи Англија на „Вембли“ во изминатите две години

Дарко Андоновски — Wed, 07 Jul 2021 12:56:53 +0000

На „Вембли“ во Лондон вечер ќе се одигра полуфиналниот натпревар на Европското првенство 2020 помеѓу репрезентациите на Англија и Данска. За Британците, оваа средба ќе биде 14-та на стадионот „Вембли“ во изминатите две години. На претходните средби, тимот на селекторот Герет Саутгејт извојува 11 победи со вкупен резултат 33:2, ремизираше со Шкотска, а загуби само од Данците. Скандинавците победија на мечот во Лигата на нации минатиот октомври. Единствениот погодок тогаш го постигна Кристијан Ериксен, кој го заврши ЕВРО 2020 пред предвидениот рок, поради проблеми со срцето. Почетокот на натпреварот Англија – Данска е во 21 часот. Прв финалист на ЕВРО 2020 е Италија.

„Вембли“ со најголем број натпревари на ЕП

Ивона Петрова — Thu, 10 Jun 2021 06:35:16 +0000

За прв пат во историјата, Европското првенство ќе се одржи во 11 градови низ континентот. Домаќини на натпреварите на турнирот ќе бидат Рим, Баку, Санкт Петербург, Копенхаген, Букурешт, Амстердам, Лондон, Глазгов, Севилја, Минхен и Будимпешта. Првично имаше 12 градови домаќини, но ирските власти не можеа да гарантираат прием на потребниот број на гледачи на стадионот во Даблин, и тој беше отстранет од списокот. Средбите што требаше да се одржат таму се префрлени во Лондон и Санкт Петербург. Покрај тоа, од истата причина, Билбао беше заменет со Севилја во Шпанија. Главна арена за ЕП 2020 ќе биде „Вембли“ во Лондон, на кој ќе се одржат осум натпревари, вклучувајќи две полуфиналиња и финале. Втор на овој список е Санкт Петербург, каде ќе се играат седум средби – шест во групната фаза и четвртфиналето. Македонската репрезентација која ќе дебитира на едно Европско првенство, првите два меча ќе ги игра во Букурешт, а третиот во Амстердам.

УЕФА го менува домаќинот за финалниот меч од ЛШ?

Бошко Тасиќ — Sun, 09 May 2021 12:18:34 +0000

Европската фудбалска куќа УЕФА е се поблиску до носење одлука, овогодинешното финале од Лигата на Шампионите да го пресели од Истанбул , и истото да се игра на стадионот Вембли во Лондон. Причината за ова е проблемите коис е создадоа со пандемијата, а ги има неколку. Прво и основно во Турција во моментов владее тотален карантин, потоа, двата финалисти се од Англија, а владата во Велика Британија, со документ им забрани на навивачите да патуваат во Истанбул доколку мечот се игра таму, и конечно доколку и се оди во Турција, сите стартувајќи од тимови па натаму ќе мора најпрво во карантин. УЕФА поради тоа најверојатно ќе донесе одлука финалето помеѓу Манчестер Сити и Челзи да се игра во Лондон, но со назнака дека клубовите ќе мора да се октажат од заработката по повод учевството во финалето и парите ќе му бидат доделени на градот Истанбул односно на организаторот на финалниот меч сума која изнесува 22.5 милиони евра.

Саутгејт по 7:0: Има нешта кои треба да ги подобриме

Дарко Андоновски — Fri, 15 Nov 2019 08:16:29 +0000

Тренерот на Англија, Герет Саутгејт не го криеше задоволството по победата на „Вембли“ со 7:0 над Црна Гора. Тоа беше успехот што го запечати пласманот на Британците за завршницата на ЕП 2020. – Игравме комбинирано, добро си подававме и ладнокрвно ги завршувавме ситуациите, што ги создававме. Во минатото, имавме проблеми против екипи кои се аутсајдери и делуваат многу дефанзивно. Но, сега имаме играчи способни да се справат со секоја одбрана. Ја освоивме нашата група без многу стрес. Секако, има работи што треба да ги подобриме. Играта без топка е меѓу нив. Важно е дека работиме и се стремиме да се развиваме постојано, изјави англискиот ментор. Во последниот квалификациски дуел, „трите лава“ ќе го посетат Косово во натпревар, кој нема важност за двете екипи.

„Вембли“ во сино-бели светла во чест на жртвите од хеликоптерската несреќа во Лестер

Предраг Кукиќ — Mon, 29 Oct 2018 07:41:25 +0000

Лакот над стадионот „Вембли“ во Лондон синоќа беше обоен во сино и бело, боите на Лестер. Така, Фудбалската асоцијација на Англија (ФА) изрази почит кон на сопственикот на клубот, Вишај Шриваданапрабха, кој почина во хеликоптерската несреќа во саботата вечерта. Претходно беше објавено дека четири патници и пилотот на хеликоптерот загинаа при уривањето во близина на стадионот „Кинг Пауер“. Меѓу нив беше самиот милијардерот и сопственик на поранешниот англиски шампион Лестер. (МИА)

Сопственикот на Фулам се откажа од купувањето на „Вембли“

Дарко Андоновски — Wed, 17 Oct 2018 18:25:42 +0000

Американскиот милијардер со пакистанско потекло Шахид Кан се откажа од купувањето на стадионот „Вембли“ во Лондон. Кан е сопственик на фудбалскиот клуб Фулам, а намерата за купување на легендарниот стадион ја соопшти во мај. Формалниот процес со англисдата Фудбалска асоцијација (ФА) започна во септември, при што Кан понуди 600 милиони фунти, а ФА би задржала права на стадионот во висина од 250 до 300 милиони фунти. ФА соопшти дека ја почитува одлуката на милијардерот, кој неодамна на состанок се произнел дека меѓу нив има непремостиви разлики и дека се откажува од купувањето. Воедно американскиот бизнисмен истакна дека не стекнал доволна поддршка во јавноста за купување на стадионот и доколку тоа би се реализирало би предизвикало негативни реакции.

- Понудата за купување на „Вембли“ беше кредибилна и таа сериозно беше разгледана. Шахид Кан не извести дека ја повлекува понудата и ние тоа во целост го почитуваме, истакна извршниот директор на ФА, Мартин Глен.

Кан според првобитниот план требаше да се обврзе дека англиската репрезентација ќе продолжи да игра на „Вембли“, а дека Фулам ќе остане да игра на „Крејвен котиџ“.