веменска прогноза – Kurir.mk

Облачно и свежо со повремен локален дожд и југоисточен ветер, еве какво време нѐ очекува во наредните деновите

Магдалена Андонова — Tue, 11 Oct 2022 07:02:40 +0000

Времето денеска ќе биде облачно и свежо, со повремени локални врнежи од дожд и слаб до умерен ветер од југоисточен правец. Максималната температура ќе биде во интервал од 13 до 19 степени. Во Скопје и околината ќе биде облачно и свежо со повремени врнежи од дожд. Максималната температура ќе достигне до 16 степени. Во наредените денови до петок ќе се задржи променливо облачно време, наместа со повремени врнежи од дожд со слаб до умерен интензитет. В четврток и петок локално ќе има услови врнежите да бидат поројни и проследени со ретки грмежи. (МИА)

Сончево со мала облачност, температурата до 35 степени

Ивона Петрова — Fri, 23 Jul 2021 05:07:54 +0000

Времето денеска ќе биде сончево со мала до умерена облачност. Ќе дува слаб до умерен ветер од северен правец. Дневните температури ќе се движат од 23 до 35 степени. УВ индексот ќе изнесува 8. Во Скопје и околината времето ќе биде сончево со мала до умерена облачност и слаб до умерен ветер од северен правец. Максималната температура ќе достигне до 33 степени. Утре ќе биде стабилно и топло, освен во планинските предели, каде ќе има изолирана појава на краткотраен дожд и ретки грмежи. Од понеделник температурите ќе бидат во натамошен пораст, а особено топло се очекува во средината на следната седмица.

Претпладне сончево, УВ индексот 8 – Попладне нестабилно со пороен дожд

Ивона Петрова — Sun, 20 Jun 2021 07:04:23 +0000

Времето претпладне ќе биде сончево со мала до умерена облачност. Околу пладне и попладне ќе има појава на локална нестабилност со пороен дожд, грмежи и засилен ветер. Минималната температура ќе биде во интервал од 11 до 20, а максималната ќе достигне од 25 до 34 степени. УВ индексот ќе биде 8, информира Управата за хидрометеоролошки работи. Во Скопје, претпладне сончево со мала до умерена облачност, околу пладне и попладне нестабилно со пороен дожд, грмежи и засилен ветер. Минималната температура ќе се спушти до 17, а максималната ќе достигне до 31 степен. Утре во попладневните часови ќе има појава на нестабилност со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен дожд за кратко време и услови за појава на град. Од вторник следува стабилизирање на времето со дневни температури кои насекаде ќе бидат над 30 степени.

Денеска облачно и дождливо време- до крајот на денот ни доаѓа снегот, еве ги деталите

Дарко Андоновски — Wed, 09 Dec 2020 06:22:09 +0000

Времето ќе биде облачно и од изутрина со пообилни и на места поројни врнежи од дожд (над 20 л/м2), а на повисоките планини од снег. Од вечерните часови кон четврток понекаде во планинските региони ќе има услови за појава на замрзнат дожд. Ќе дува и умерен до засилен југоисточен ветер најинтензивен долж Повардарието и во источните делови, информира Управата за хидрометеоролошки работи. Минималната температура ќе биде во интервал од 1 до 7, а максималната ќе достигне од 7 до 13 степени. Во Скопје времето ќе биде облачно со умерен до повремено засилен јужен ветер и со повремено поинтензивен дожд. Минималната температура ќе се спушти до 3, а максималната ќе достигне 10 степени.