венчавка – Kurir.mk

Венчавка по речиси осум децении: Храмот на Пресвета Богородица во Ростуше светна во полн сјај

Ивана Ефремовски — Thu, 07 Sep 2023 11:22:27 +0000

По речиси осум децении, како што потврдува црковната книга, во сечесниот храм на Пресвета Богородица во долнореканското село Ростуше, двајца млади го кажаа судбоносното „да“ и на вечна љубов се заколнаа пред Бога. Мартина и Владимир Јовевски и двајцата од Скопје, поодамнешни жители на селото Ростуше, двегодишната љубов ја крунисаа со брак со благослов од Неговото Преосвештенство, епископот Антаниски г. Партениј. -Денеска станува голема радост, како за земната, така и за небесната црква, затоа што во овој свет и сечесен храм што неодамна го осветувавме, се раѓа еден нов почеток, се гради уште една црква во мало – имено, светата брачна заедница помеѓу Владимир и Мартина. Дај Боже овој брак да биде квас за повеќе христијански бракови во славниот крај на Мијачијата, посака владиката Партениј. -Љубете се еден кон друг. Бидете од оние кои се љубат брзо и си проштеваат. Дури и кога ќе има некакво недоразбирање, љубовта ќе ве врати на правиот пат. Бракот е, пред сè, преданост и жртва. Денес луѓето не се научени на жртва, не сакаат подвиг. Насекаде бараат радост, исполнетост и љубов, но не ги наоѓаат, затоа што сакаат да го избегнат крстот. Сакаат некаков друг ’христос‘, кој ќе им ги исполнува само егоистичните желби. Но, Спасителот Христос ни вели: „Кој сака да врви по мене, нека се одрече од себе, и нека го земе крстот свој и нека оди по мене. Бог да ве благослови и да ве обдари со таква божествена љубов што ќе ја најдете само во Христа, ги благослови владиката Партениј, чиј лик посотојано го красеше насмевка што ја чувствуваше во неговата душа. Честитајќи им го бракот со желби до година да ја крштеваат нивната рожба, не можевме а да не им го поставиме прашањето зошто метрополата ја замениле со селска средина. Одговорот и на двајцата е дека мирниот начин на живот, волшебната природа и блискоста на Бигорскиот манастир, кој е стар повеќе од илјада години е еден од мотивите поради кои одлучиле да го продолжат својот живот во селото Ростуше. -Ова место ни даде можност да се спознаеме себеси и да ги спознаеме вистинските вредности во животот. Една од клучните работи исто така е и подршката на владиката Партениј кој со неговото трпение и неизмерна љубов знае да ги насочи неговните духовни чеда и да го развие нивниот потенцијал, велат двајцата. За новиот брачен пар еден голем предизвик е да учествуваат во мисијата на Владиката Партениј за мултикултурниот развој на регионот. Откако решиле остатокот од животот да го продолжат во овој крај без никаков притисок и слободна волја, владиката Партениј им овозможи редовна работа во „Гостинскиот Палат“ „ и „ Куќа на Мијаците“ кои имаат посетители од целиот свет. Покрај оваа работа, Владимир при неговиот престој во манастирот магистрирал Дизајн на ентериер и се запишал на архитектонскиот факултет, а исто така секојдневно учествува и, во голем дел од проектите за внатрешно уредување во различни објекти во овој крај. -За ваков начин на живот сонувавме уште од деца, а Господ преку благословот на старецот и владика Партениј ни овозможува овој сон да се реализира. Господ преку благословот на нашиот владика ни овозможи овој наш сон да се реализира, посочуваат Мартина и Владимир. Храмот на Пресвета Богородица, издигнат над пенливата Радика и со поглед на Бигорскиот манастир, за кој постои сигурен запис дека постоел уште од првата половина на 15. век, беше обновен и осветен на 30 јули годинава. (МИА)

НА ДЕНОТ КОГА ОБЈАВИЈА ОД ЦРКВАТА ИМ БИЛО ЗАБРАНЕТО ДА СЕ ВЕНЧААТ – еве кога точно се заколнале пред Бога Анастасија и Немања, никој не дознал порано поради ова!

Дарко Андоновски — Fri, 25 Aug 2023 08:38:14 +0000

Пред два дена како бомба одекна во јавноста веста дека се омажила ќерката на Светлана Цеца Ражнатовиќ, Анастасија со фудбалерот Немања Гудељ. Откако двајцата споделија фотографии на Инстаграм дека се венчале покажувајќи ги златните бурми, веднаш започнаа шпекулации кога навистина се случил тој брак кој никој не го дознал во јавноста. Како што добро информиран извор открива за српските медиуми Анастасија и Немања пред Бог се заколнале на вечна љубов пред еден месец и тоа пред фудбалерот да замине за Америка каде одигра три мечеви, а првиот беше на 31 јули. -Црквената венчавка не можеше да биде направена овој период бидејќи започнат е богородичниот пост кој трае од 14 до 28 август. Во договор со духовниот светец на семејството Ражнатовиќ Анастасија и Немања се договориле да го склопат бракот пред тој да замине за Америка. Не им требало многу време, бидејќи се на се имале околу 10 сватови, членови на семејството и најблиските пријатели, вели извор за српските медиуми.

View this post on Instagram

A post shared by 🔱 A N A S T A S I J A 🔱 (@raznatovicanastasija)

Според него семејството Гудељ се одлучило да го склопи бракот во манстирот Рајиновац, а не во храмот Св. Сава како би биле сигурни дека нема никој да дознае и да ги информира медиумите. -Тие сакале да се венчаат во храмот на Врачар, но сфатиле дека таа информација брзо би дошла до јавноста како што неодамна беше случајот со крштевката на малиот Крстан, што исто така ја криеја. Владиката Стефан затоа им го предложи овој манастир каде ќе бидат на безбедно. Парот веднаш прифатил, бидејќи и тие веќе неколку пати биле таму, а Цеца пред неколку години била кума на славата на манастирот, вели изворот.

View this post on Instagram

A post shared by 🔱 A N A S T A S I J A 🔱 (@raznatovicanastasija)

Инаку како што пишуваат медиумите, парот планира голема свадба во Шпанија следното лето.

Се омажи внуката на принцезата Дијана – свадбената церемонија се случи на место кое е несекојдневно за венчавки

Дарко Андоновски — Thu, 23 Mar 2023 10:06:09 +0000

Лејди Амелија Спенсер (30), внука на покојната принцеза Дијана се омажи, неполни три години по свршувачката со Грег Малет (30). Лејди Амелија Спенсер рече „да“. Манекенката, внука на Лејди Дијана, се омажи за своето момче Грег Малет кој ја запроси пред три години. Церемонијата се одржа во Јужна Африка, срцето на Амелија, каде убавицата помина добар дел од своето детство откако нејзините родители, Чарлс Спенсер и Викторија Ајткен се разведоа.

View this post on Instagram

A post shared by Greg Mallett (@gregmallett)

Амелија, всушност, со нејзината близначка Елиза, нејзината постара сестра Кити и најмладиот од куќата Луис, пораснаа во Кејп Таун и отсекогаш сонувала да ја прослави својата венчавка во земјата која отсекогаш била дом за неа. И така беше. Церемонијата се одржа на поранешната фарма Ла Кот која датира од 1698 година, во која сега се наоѓа одморалиште, во градот Франшхук, на околу 75 километри од Кејп Таун.

View this post on Instagram

A post shared by Amelia Spencer 🤍 (@ameliaspencer15)

Не протече никаква индикреција за фустанот на невестата или за забавата, а фотографиите (засега) останаа строго доверливи. Она што е сигурно е дека не било нешто особено претерано: Ла Кот фармата може да прими најмногу 102 гости.

Што се крие зад носењето на превез или вел? Една од најстарите традиции на венчавките

Ристе Здравков — Sat, 25 Feb 2023 09:06:47 +0000

Свадбените трендови доаѓаат и си одат, но одредени делови од традицијата, како белиот фустан, нешто ново, нешто старо и нешто сино остануваат и не исчезнуваат. Можеме тука да го ставиме и познатиот вел, без кој една класична невеста е незамислива. Се смета дека превезот е еден од најстарите делови на традицијата што се применува на тој голем ден. Превез или вел е парче ткаенина, обично направено од тул или чипка, што се носи на главата на невестата и го покрива нејзиното лице додека оди кај младоженецот. Кога е пред олтарот, младоженецот го трга од нејзиното лице, откривајќи ја невестата. Денес, многу невести се откажуваат од покривање на лицето, но сепак носат превез во косата како додаток за свадбата. Историјата вели дека концептот на брак постои повеќе од 4.000 години. Како што свадбите се менувале низ вековите, биле воспоставени различни традиции, вклучувајќи го и велот. Превезот може да се проследи уште од свадбите во античка Грција. Невестите го покривале целото лице и во многу случаи целото тело додека оделе по патеката. Исто така, договорените бракови некогаш биле дел од повеќето култури, па превезот служел како форма на заштита на лицето на невестата од нејзиниот иден сопруг, во случај младоженецот да не ја сака невестата и обратно. Паровите и нивните семејства биле крајно суеверни за денот на венчавката, па постоело и верување дека превезот ја штити невестата од „нељубезни сили“, пишува The List. Денес младите главно не носат превез на лицето, оваа традиција е претежно променета и најчесто тој се наоѓа закачен во косата.

Планирате свадба во 2023 година, ова се најсреќните датуми

Ивона Петрова — Tue, 03 Jan 2023 11:39:52 +0000

Еден од најпосебните настани во животот на секоја личност е секако денот на венчавката. Многу младенци го подготвуваат планирањето на венчавката до најмалите детали, но првото нешто што треба да го направат пред да се венчаат е да одлучат за датумот на венчавката. Паровите кои сакаат да стапат во брак оваа година веројатно веќе почнале да го планираат својот најсреќен ден, но можеби не можат да се одлучат за датум за венчавка. Ова се најсреќните и најнесреќните датуми за брак во 2023 година. Според астролозите, три датуми во 2023 година се особено среќни, додека еден треба да се избегнува бидејќи е неповолен. Најсреќните датуми за свадба се 5 февруари, 17 јули, 14 октомври. Свадба на 5 февруари 2023 година Според астролозите, ниту една планета не се движи ретроградно на овој датум, што е посебен благослов, но е и полна месечина, што е исто така многу добро. Периодот на полна месечина со директно движење на сите планети е особено среќен за почеток на брачна заедница и заедно. Застанете на лудиот камен на 17 јули 2023 година Астролозите тврдат дека 17 јули е датумот кога Месечината и Сонцето ќе бидат во Рак, што укажува на нераскинлива љубовна врска. Затоа, паровите кои се особено фокусирани на семејството и децата треба да размислат за овој датум бидејќи тој укажува на блиска врска полна со заедништво и хармонија. Се венчаат на 14 октомври Друг среќен датум во 2023 година ќе биде 14 октомври, бидејќи на овој датум ќе се случи затемнување на Сонцето. Месечината и Сонцето ќе бидат во дипломатска Вага, знак на партнерство и рамнотежа, што ќе ја донесе потребната хармонија во брачниот живот. Овој датум е многу значаен бидејќи затемнувањата се случуваат само еднаш годишно. Најнесреќниот датум за венчавка е 2 септември. Во 2023 година има само еден датум кој не треба да го изберете за денот на вашата свадба бидејќи е најнесреќниот. Избегнувајте го 2 септември 2023 година бидејќи Меркур на овој ден ќе биде ретрограден што може да предизвика компликации и кавги меѓу партнерите.

Ова се најсреќните и најнесреќните датуми за венчавка во 2023 година

Ивона Петрова — Thu, 22 Dec 2022 18:05:47 +0000

Еден од најпосебните настани во животот на секоја личност е секако денот на венчавката. Многу младенци го подготвуваат планирањето на венчавката до најмалите детали, но првото нешто што треба да го направат пред да се венчаат е да одлучат за датумот на венчавката. Паровите кои сакаат да стапат во брак следната година веројатно веќе почнале да го планираат својот најсреќен ден, но можеби не можат да се одлучат за датум за венчавка. Ова се најсреќните и најнесреќните датуми за брак во 2023 година. Според астролозите, три датуми во 2023 година се особено среќни, додека еден треба да се избегнува бидејќи е неповолен. Најсреќните датуми за свадба во следната година се 5 февруари, 17 јули, 14 октомври. Свадба на 5 февруари 2023 година Според астролозите, ниту една планета не се движи ретроградно на овој датум, што е посебен благослов, но е и полна месечина, што е исто така многу добро. Периодот на полна месечина со директно движење на сите планети е особено среќен за почеток на брачна заедница и заедно. Застанете на лудиот камен на 17 јули 2023 година Астролозите тврдат дека 17 јули е датумот кога Месечината и Сонцето ќе бидат во Рак, што укажува на нераскинлива љубовна врска. Затоа, паровите кои се особено фокусирани на семејството и децата треба да размислат за овој датум бидејќи тој укажува на блиска врска полна со заедништво и хармонија. Се венчаат на 14 октомври Друг среќен датум во 2023 година ќе биде 14 октомври, бидејќи на овој датум ќе се случи затемнување на Сонцето. Месечината и Сонцето ќе бидат во дипломатска Вага, знак на партнерство и рамнотежа, што ќе ја донесе потребната хармонија во брачниот живот. Овој датум е многу значаен бидејќи затемнувањата се случуваат само еднаш годишно. Најнесреќниот датум за венчавка следната година ќе биде 2 септември. Во 2023 година има само еден датум кој не треба да го изберете за денот на вашата свадба бидејќи е најнесреќниот. Избегнувајте го 2 септември 2023 година бидејќи Меркур на овој ден ќе биде ретрограден што може да предизвика компликации и кавги меѓу партнерите.

Мажите открија кога е ВИСТИНСКО време за женидба: Не сакаат да се венчаат пред ОВАА возраст

Ристе Здравков — Fri, 28 Oct 2022 16:35:05 +0000

Во едно се согласуваат, а тоа е дека не се зрели за брачен живот пред 25 години Веројатно барем еднаш во вашето друштво имало полемика за тоа кога е вистинското време за брак. Иако не треба да генерализирате, на еден сајт мажите го споделија своето мислење на која возраст мислат дека треба да застанат на лудиот камен. Мислењата се различни, но она за што повеќето од нив се согласуваат е дека не треба да се венчате пред 25 години. -Ми се чини дека сами себе се стопираме како општество само заради почитување на мнозинското мислење, а тоа е дека треба да се „изживуваме“. Апсолутно не би се оженил со девојка која се „изживувала„, но можеби грешам – напишал овој млад човек, а потоа додал дека под терминот „изживување“ подразбира сексуално промискуитетно однесување. А еве како му одговорија луѓето! Првиот корисник верувал дека не постои точен одговор, туку дека секој треба да избере како ќе живее. Потоа се надоврза друг и напиша: – Глупост. Се жениш кога ќе се чувствуваш подготвено, кога не ти се крева стомакот при самата помисла, кога знаеш дека таа е таа со која можеш да го поминеш животот. Оставете го она што другите го кажуваат затоа што нема смисла во тоа, затоа погледнете се себеси и својот живот. – Многу индивидуална работа, но да речеме дека кога би можел да бирам, би се омажил пред 30 години, а секако не пред 25 години – одговори третиот. Додека некои веруваат дека најдобриот период е помеѓу 30 и 35 години. – Лично, пред 27 или 28 не треба, бидејќи повеќето од нас тогаш сме незрели – напишал еден маж. На крајот, повеќето се согласија дека не постои вистинско време за брак, туку дека тоа е прашање од индивидуална природа. А пораката на крајот беше дека кога ќе сретнете партнер кој целосно ви одговара, ве исполнува и ве поддржува во се, тогаш е вистинскиот момент. И што мислите, кое е идеалното време за вас да се жените?

СОВЕТИ: Како да имате поопуштена, помалку стресна и повесела венчавка

Катерина Бојаџиева — Fri, 15 Jul 2022 08:06:29 +0000

Свадбата е еден од најубавите денови во животот, но подготовките, како и самиот главен настан може да бидат особено стресни… Сепак, според познавачите, ако се внимава на неколку подробности, сѐ ќе мине поопуштено. Советот, пред сѐ, гласи дека не мора строго да се следат утврдените правила. Тоа е Ваш ден и само Вие имате право да изберете што е важно. А, искуството говори дека не е важно им се угодува на другите… На разни места, на пр., постојат традиционални обичаи, како фрлање бонбони и парички, фрлање бидермаер итн. Сепак, не е задолжително да се прави она што не го сакате. Тука е важно партнерите да разговараат и заедно да одлучат што ќе се случува на нивната венчавка, а што не. Ако младоженците сакаат да бидат сигурни дека ќе се чувствуваат опуштено за време на венчавката, советот гласи – поканете ги само блиските роднини и пријатели – оние кои се присутни во Вашиот живот. А, тоа не е само начин да се заштедат пари… Не правете сè сами на денот на венчавката. Нормално е и очекувано, оние кои се најблиски и најзасегнати – да помогнат. Не може еден човек да се грижи за сѐ. Битен е и договорот со фотографот пред свадбата, за да се знае какви слики сакаат младоженците. На пр., ако невестата не сака да позира, фотографот е задолжен само да ги следи случувањата и да фотографира по случаен избор – „ненаместено“. За крај, ако буџетот дозволува, може да се одвои и малку време за некое „екстра“ опуштање пред свадбата. Може да се закаже и масажа или нешто слично заради ослободување од стресот и напнатоста.

Ова се најсреќните датуми за венчавка до крајот на 2022 година – еден е посебно магичен

Ристе Здравков — Thu, 30 Jun 2022 06:37:14 +0000

Паровите кои веруваат во астрологија и нумерологија сакаат да се консултираат со познавачите на таа област пред да изберат датум кога ќе ги разменат брачните завети. Денот кога заљубениот пар ќе одлучи да го изговори „судбоносното да“ за нив според многу работи е важен и посебен. Сепак, оние кои веруваат во астрологија и нумерологија, сакаат да се консултираат со луѓето кои се познавачи на таа област пред да го изберат датумот. Доколку во втората половина од 2022 година сте одлучиле да се венчате, астролозите издвојуваат датуми кои можат да бидат особено среќни за вас, односно датуми за паметење во секој месец. Сепак, еден датум до крајот на оваа календарска година е означен како „ден на дупла среќа“. Јули Среќни денови: 8, 11, 21 Датуми за паметење: 7 и 22 Август Среќни денови: 5, 7, 8, 19 Датуми за паметење: 8 август – датум којшто нумеролозите го означуваат како „ден на дупла среќа“ Септември Среќни денови: 1, 8, 25 Датум за паметење: 9 септември Октомври Среќни денови: 7, 8, 18 Датуми за паметење: 10, 22 Ноември Среќни денови: 11, 25 Датум за паметење: 22 Декември Среќни денови: 4 Датуми за паметење: 2, 12, 22

СКАНДАЛ НА СВАДБАТА НА БРИТНИ СПАРС: Поранешниот сопруг упаднал на церемонијата и снимал во исто време видео во живо на Инстаграм, реагирала и полицијата (ФОТО+ВИДЕО)

Магдалена Андонова — Fri, 10 Jun 2022 15:29:25 +0000

Поранешниот сопруг на Бритни Спирс, Џејсон Александер, со кој таа беше во брак само 55 часа, по што беше поништен, со својот упад се обиде да ја уништи свадбата, но полицијата брзо го уапси. Шерифот бил повикан околу 14 часот, изјави портпаролот.

Britney Spears' wedding was just dramatically interrupted, as her first husband, Jason Alexander, showed up trying to crash the event ... resulting in a police response. https://t.co/twc25BOhKB
— TMZ (@TMZ) June 9, 2022

Потоа бил уапсен под сомнение дека направил прекршок, вандализам и упад во неовластен имот во округот Вентура. Пред да биде приведен, може да се слушне како прашува „Каде е Бритни“ на снимката? И покрај предупредувањата, тој се движел низ имотот покажувајќи детали и откривајќи како е украсен имотот на свадбата. Дури успеал да влезе и во домот на поранешната сопруга. Тој постојано нагласувал дека Бритни е „првата и единствена жена“. Александар е уапсен на лице место. Џејсон и Бритни се венчаа во 2004 година, само 55 часа, а сега тој одлучи да дојде непоканет на нејзината свадба, снимајќи се во живо на Инстаграм во вилата на неговата поранешна љубов. Доцна во четвртокот беше издадена итна наредба за задржување. Се бара од Александар да се држи подалеку од Бритни Спирс, изјави портпаролот. Како што се наведува, пејачката била особено потресена од инцидентот, но не сака да си дозволи да остави понатамошни последици.