венко филипче совети – Kurir.mk

Граѓаните гневни за новите мерки: „Изгледа Филипче воопшто не се качил во автобус“ (ФОТО)

Дарко Андоновски — Sat, 10 Oct 2020 08:56:21 +0000

Граѓаните лути и гневни по најавите за новите рестриктивни мерки кои што завчера ги соопшти министерот за здравство, Венко Филипче. На социјалните мрежи тие најмногу му забележуваат на мерка за ограничување на примање гости во домовите, кога од друга страна градските автобуси во Скопје се преполни со патници. „Едно знам, Филипче одамна или воопшто не се качил во автобуси“, пишува револтиран граѓанин на социјалната мрежа Фејзбук. Реакциите на граѓаните се оправдани, имајќи ја во предвид состојбата со автобусите во СЈП. Имено, во многу автобуси од јавниот превоз во главниот град се надминува дозволениот број патници во време на пандемија. Ова може да се види и на овие фотографии кои се споделуваат на социјалните мрежи од револтирани граѓани, но и од сликите кои што ние ги направивме на лице место во еден од скопските автобуси. На нив јасно се гледа автобусот е пренатрупан со патници, без никаква можност за одржување социјална дистанца. Протоколот за заштита од корона вирусот предвидува во ниту еден автобус да не смее да се надминуваат 75% од капацитетот. Но, на сликите можат да се видат многу постари лица, кои се и од најризична група и кои можеби немаат други можности и алтернативи за да се префрлат до саканата дестинација, влегуваат и ги користат јавните автобуси. Од слликите можеме да видиме дека постарите лица, односно пензионерите автобусите на ЈСП ги користат за одење до пазар и назад. Од ЈСП пак, за телевизија Алсат истакнале дека гужвите во текот на денот се прават и поради доцнењето на автобусите поради гужвите во сообраќајот или градежните работите кои актуелно се одвиваат во одредени делови на Скопје.

Откако 5758 граѓани се заразија, а 268 починаа: Филипче се пофали дека пристигнале тестови за брза дијагностика

Љупчо Цветаноски — Sat, 27 Jun 2020 09:29:10 +0000

Откако 5758 граѓани се заразија, а 268 починаа (бројки до денеска) министерот за здравство, Венко Филипче, се пофали дека е завршена постапката за набавка и стигнати се тестовите за брза дијагностика на Ковид-19, кои ќе се користат при приемот на пациенти во клиничките болници. „Набавивме тестови за т.н. брза дијагностика, тие стигнаа, и ќе бидат распределени во лабораторијата на Институтот за јавно здравје, Инфективната клиника и Гинеколошко акушерската клиника. Тој тест е готов за 45 минути. Што значи после тријажата и ваквиот брз тест, веднаш ќе се пристапи кон соодветната интервенција“, изјави Филипче. Во однос на одложените интервенции на хируршките клиники, Филипче информира дека дел од персоналот од овие клиники помагаат и во другите инфективни одделенија, но има и клиники кои функционираат.

Филипче им препорача на граѓаните: Свирете на инструмент

Љупчо Цветаноски — Sat, 04 Apr 2020 09:18:48 +0000

Министерот за здравство Венко Филипче сподели видео со препораки како граѓаните да се грижат и да го зачуваат менталното здравје. Во него, меѓу другото, препорачува граѓанитеда не гледаат многу вести и да свират на инструмент. „Ограничете го времето за гледање вести, одржувајте контакт со блиските, хранете се здраво, не пијте многу алкохол, вежбајте, негувајте позитивни чувства и релаксирајте, се едни од чекорите до добро ментално здравје во време на самоизолација поради пандемијата предизвикана од коронавирус,“ се дел од другите совети од најновото видео на Филипче.