вереница – Kurir.mk

„ДОЈДЕТЕ БРЗО, ВЕРЕНИЦАТА МИ СЕ ОБЕСИ„: Вознемирен маж пријавил самоубиство – еве зошто полицијата веднаш го уапси

Ивана Ефремовски — Thu, 24 Aug 2023 13:53:59 +0000

Смртта на 25-годишна жена во областа Катанија во Италија е мистерија, а полицијата случајот го истражува како убиство. Во моментов, две лица се уапсени - нејзиниот сопатник, романски работник и неговиот сонародник. Според истражителите, двајца мажи се вмешани во смртта на една млада жена. Вера Сиопу, девојка од Молдавија, била пронајдена обесена во селската куќа каде што живеела, во областа помеѓу Рамака и Патерно. Обвинителството отвори истрага. Смртта ја пријавил сопатникот викајќи полиција и велејќи: „Дојдете брзо, вереницата, мојата сакана Вера се обеси!“ Верзијата според која Вера извршила самоубиство, сепак, не ги убедила полицајците, кои решиле да го уапсат него и неговиот пријател, исто така странец, кој можеби му помогнал да го изврши убиството. Полицијата верува дека девојката била мртва пред бесењето. На телото на Вера ќе биде наредена обдукција за да се расветлат причините за смртта. Според полицијата, јажето било премногу тенко за да ја издржи нејзината тежина, а на телото биле видливи модринки и крвави рани. Овие елементи доведоа до апсење на 33-годишниот Џорџ Кипријан Апетреи и неговиот 31-годишен соучесник Костел Балан.

Маж си ја претепал вереницата, поднесена кривична пријава за семејно насилство

Магдалена Андонова — Tue, 21 Dec 2021 09:29:46 +0000

Одделението за внатрешни работи – Струга поднесе кривична пријава против 28-годишниот Н.Н за семејно насилство, односно нанесување телесна повреда при вршење семејно насилство. Секторот за внатрешни работи Охрид денеска соопшти дека лицето на 10 август годинава физички ја нападнало вереницата, нанесувајќи и телесни повреди. – Н.Н (28) од Струга, на 10 август годинава, почнал вербална расправија со неговата 25-годишна вереница, по што физички ја нападнал нанесувајќи и телесни повреди, констатирани во Општата болница во Струга, појасни портпаролот на СВР Охрид Стефан Димоски.

ВИДЕО: Вереницата на Кристијано Роналдо го покажа перфектниот задник

Тале Кристо — Mon, 30 Dec 2019 21:30:38 +0000

Фудбалерот на Јувентус, Кристијано Роналдо, важи за еден од најдобрите на светот, а тоа му носи големо внимание. Ретко се случува, фановите да заборават на него и да се насочат кон неговата понежна половина, атрактивната Георгина Родригез. Аргентинската убавица на моменти знае да ги остави своите следбеници на социјалните мрежи со подотворена уста. Нејзините видеа имаат милионски прегледи, а последното би можело да сруши рекорди. За време на посета на Дубаи, Георгина одлучи да ја „почести“ јавноста, покажувајќи го својот задник. Ретки се тие кои би останале рамнодушни на оваа провокација на девојката на Роналдо.

View this post on Instagram

??‍♀️ @prettylittlething

A post shared by Georgina Rodríguez (@georginagio) on Dec 27, 2019 at 5:41am PST

Нов удар за Дарко Лазиќ: Додека се бори за живот, му се случи уште еден шок

Ивана Ефремовски — Sun, 18 Nov 2018 10:46:49 +0000

Вереницата на Дарко Лазиќ, Марина се откажа од борбата по сообраќајката на пејачот. Таа не можела да ги трпи притисокот и неизвесноста, па го оставила Дарко, јавуваат српските медиуми. -Марина не може да се бори со тоа што се случи. Од една страна е Дарко животно загрозен, а од друга страна притисокот на јавноста и медиумите. Јасно е дека тој по сево ова може да остане инвалид со трајни последици. Секојдневно слуша дека Дарко е зависник од дрога, дека нема да биде повеќе истиот. Сега ќе има вештачки колк и можеби нема да може да се движи, а веќе нема слезина и бубрег. Сите и зборуваат дека е млада и дека таков терет не и е потребен. Таа знае дека Дарко ја сака, но знае и дека никако не може да му помогне, истакнува извор близок на Марина за српски медиуми. Таа веќе неколку дена воопшто не доаѓа на посета кај Дарко. Во целата борба која Дарко ја води изминативе три недели, уште овој удар, многу ќе му дојде.

Вереницата на исчезнатиот новинар: Тој не се сомневаше дека нешто лошо ќе му се случи

Ивана Ефремовски — Sat, 13 Oct 2018 12:03:21 +0000

Исчезнатиот саудиски новинар не бил нервозен кога отишол во конзулатот на Саудиска Арабија, ниту пак се сомневал дека би можело да му се случи нешто лошо. Тоа го изјави неговата вереница Хатиџе Џенгиз. Според неа, последното нешто што и го рекол Кашеги пред да замине во конзулатот било „ќе се видете подоцна, мила". Таа рече дека оваа недела веќе ќе била омажена за Кашоги и додаде дека планирале да живеат на релација Истанбул- САД, каде што Кашоги живее во доброволен во егзил од минатата година. Кашоги се води како исчезнат од 2 октомври, кога влегол во зградата на конзулатот на Саудиска Арабија во Истанбул за да добие документи потребни за венчавката со неговата турска свршеница Џенгиз. Турските официјални претставници стравуваат дека дописникот на „Вашингтон пост“, познат како критичар на саудиската влада, бил убиен во конзулат, но не дадоа докази за таквото тврдење. Од друга страна, Саудиска Арабија ги негираше овие обвинувања како неосновани. Саудиските власти рекоа дека Кашоги влегол во конзулатот и набрзо го напуштил, меѓутоа, турските власти и неговата свршеница, која го чекала надвор, тврдат дека тој не излегол оттаму. Кашоги ја напушти Саудиска Арабија минатата година, откако ја критикуваше саудиската политика во Јемен и притисокот врз критичарите на власта. Турските власти не ги коментираат извештаите во кои се наведува дека владата на таа земја на американските официјални претставници им соопштила дека има аудио и видео докази дека Кашоги бил убиен во конзулатот. Џенгиз изјави дека турските власти не и споменале снимки и истакна дека Кашоги „се уште официјално се води како исчезнат". Саудискиот министер за внатрешни работи принцот Абдулазиз бин Сауд бин Најеф бин Абдулазиз ги отфрли како „неосновани лаги кои се шират за убиство на новинарот". Министерот во официјална изјава рече дека Ријад „е поврзан со традицијата на почитување на правилата и меѓународните конвенции". Саудискиот министер, исто така, вети дека ќе соработува со Турција во заедничка истрага. Кралството сака да се разјасни случајот со исчезнувањето на новинарот. Делегацијата на Саудиска Арабија пристигна во петокот во Турција. Анкара се согласи да се формира заедничка работна група со Саудиска Арабија, со цел да се утврдат околностите на исчезнувањето на новинарот. (МИА)

ФOTO: Вереницата на Борко Ристовски откри како ќе се вика бебето

Дарко Андоновски — Mon, 15 Jan 2018 15:35:05 +0000

Голманот на македонската ракометна репрезентација го очекува своето прво дете, заедно со неговата избраничка Николина. Таа на својот Инстаграм профил објави фотографија од персонализираните патики со кои Борко ќе ги брани боите на Македонија на вечерашниот меч со Црна Гора, на кои е испишано името Душан. „Патиките со кои тато ќе брани на ЕП во Хрватска, со името и срцебиењето на нашиот син“, напишала таа во опис на фотографијата. „Сакам слика од неговото срцебиење. Линијата на срцето на Душан на моите патики. И лути лавови“, рекол Борко кога со Сатја Грабулоски разговарале за дизајнот на патиките.