верижен судир – Kurir.mk

7 АВТОМОБИЛИ СЕ СУДРИЈА КАЈ МАВРОВКА – дождот предизвика верижен судир вечерва во центарот на Скопје (ФОТО)

Дарко Андоновски — Tue, 18 Apr 2023 18:36:25 +0000

На социјалните мрежи се појави видео снимка од верижен судир вечерва кај Мавровка во центарот на Скопје. Имено на Инстаграм профилот „Роберто Навали“ осамна видео од верижен судир на кој се гледа како седум автомобили го закочуваат булеварот бидејќи се удрени меѓусебно. Прво во судирот учествувале четири возила, а половина метар зад нив уште три возила се удриле. Засега нема подетални информации и дали има полиција на лице место.

ВИДЕО: Тежок инцидент во Формула 1 – Кренати црвените знамиња, двајца возачи во болница

Ивона Петрова — Sun, 03 Jul 2022 14:37:40 +0000

Почетокот на трката од Формула 1 шампионатот за Големата награда на Велика Британија го одбележа тежок инцидент. Во верижен судар оштетени се болидите на Естебан Окон (Алпин), Џорџ Расел (Мерцедес), Јуки Цунода (Алфа Таури) и Гуанју Џоу (Алфа Ромео). Згора на тоа, најмногу настрада пилотот на Алфа Ромео, чиј автомобил се преврте. Трката веднаш беше прекината со црвени знамиња и болидите беа испратени во боксот.

Holly molly.... 🚩🚩🚩#Zhou is OK#BritishGP #F1 pic.twitter.com/pBsX2GtAfp
— Sound of Motorsport (@soundofmotor) July 3, 2022

Албон и Џоу се пренесени во медицинскиот центар и се очекуваат информации за нивната состојба. Засега не се знае колку ќе трае прекинот и колку од болидите ќе се појават на новиот старт.

#BritishGrandPrix #BritishGP #SilverstoneGP @PierreGASLY got #sandwiched footage @f1 #F1TVpro pic.twitter.com/TybfNLcEz1
— Eric JF Kleijssen 🇺🇦 (@EricJFKleijssen) July 3, 2022

Се судрија 130 возила, хаос на автопат во Јапонија

Ивана Ефремовски — Tue, 19 Jan 2021 14:50:02 +0000

Во снежна бура која го зафати автопатот во северниот дел на Јапонија и предизвика верижен судир на 130 возила, загина едно лице, а десет се повредени. Бурата околу пладне зафати дел од автопатот Тохоку експресвеј во префектурата Мијаги. Јапонија во изминатите неколку недели ја погоди силно снежно невреме, а во некои делови од земјата имало двојно повеќе врнежи од снег во однос на просечните. (МИА)

Верижен судир кај Колари, повредени четири лица

Ивона Петрова — Sun, 05 Jul 2020 11:33:42 +0000

Сообраќајна несреќа во која повредени се четири лица, од кои едно потешко, се случила вчера вечера на магистралниот пат Кичево-Гостивар, кај селото Колари. Од СВР Охрид информираат дека во несреќата учествувале „Фолсфаген Буба“ со кичевски регистарски ознаки, управувана од А.Ч.С.(32) од Кичево, „Сеат“ со скопски регистарски ознаки, управуван од Г.Н.(37) од Скопје, „Ламборџини“ со скопски регистарски ознаки, управуван од Д.Ш.(24) од Скопје и „Киа“ со скопски регистарски ознаки, управуван од П.П.(23) од Скопје. -Притоа, А.Ч.С. се здобила со тешки телесни повреди и е пренесена во Ургентен центар во Скопје, додека со телесни повреди се здобиле Д.Ш. и Б.С. (31) – возач и сопатникот во возилото „Ламборџини“ како и П.П. возачот на возилото „Киа“, целат од охридската полиција. На местото на незгодата, извршен е увид.

Верижен судир без повредени во Тетово

Дарко Андоновски — Wed, 11 Mar 2020 10:56:18 +0000

Без повредени, а шест оштетени автомобили се последиците од сообраќајна несреќа утрово во Тетово кога камион на комуналното претријатие удрило во паркираните возила. Според првичните информации од сведоци на настанот, најверојатно камионот удрил во возилата поради проблем со сопирачките. -Во 9 часот на улицата „Гоце Делчев“ во Тетово е пријавено дека се случила сообраќајна несреќа со учество на камион управуван од Р.Ф (54) и шест паркирани патнички возила. Нема повредени, а голема материјална штета бележат паркираните возила. Извршен е увид за да се утврдат причините и деталите од незгодата, информира Марјан Јосифоски, портпарол на СВР Тетово. Сообраќајката е случена во населбата Колтук каде камионот собирал смет.

ДЕТАЛИ: Верижен судир на Југодрво, повредено едно лице

Ивона Петрова — Tue, 03 Mar 2020 09:42:20 +0000

Едно лице е повредено во верижен судир кој утринава се случил на булеварот „Кочо Рацин“. Од МВР за Курир потврдуваат дека несреќата е пријавена кај нив околу 8 часот, а во истата учествувале четири автомобили и еден мотор. -Во верижниот судир учествувале четири патнички возила, Шевролет Калос, Опел Корса и Хјундаи сите со скопски регистерски ознаки и автомобил Хјундаи со кочански регистерски ознаки и еден мотоцикл, велат од МВР. Во несреќата со повреди се здобило едно лице кое е пренесено во ГОБ „Св. Наум Охридски“.

ВИДЕО: Верижен судир на околу 200 возила во Канада, загинати две лица

Ивона Петрова — Thu, 20 Feb 2020 07:15:36 +0000

Две лица загинаа, а 90 се повредени во вчерашниот верижен судир на околу 200 возила во реонот на градот Ла Прери, јужно од Монтреал, соопшти канадската полиција. Здравствените власти соопштија дека 60 луѓе се здобиле со полесни, а 30 со посериозни повреди. Полицијата потврди дека двајцата загинати се наоѓале во исто возило. Министерот за транспорт на провинцијата Квебек, Франсоа Бонардел изјави дека причина за несреќата е ненадејна виулица, која предизвикала намалена видливост. Според локалните медиуми, меѓу судрените возила имало десет камиони, шлепер со гориво, патнички и училишни автобуси во кои имало деца, но за среќа меѓу нив нема повредени. На местото на инцидентот веднаш биле испратени десетици амбулантни и пожарникарски возила.

НАЈНОВИ ДЕТАЛИ: Шест лица повредени во тешката сообраќајка на автопатот Велес-Скопје

Ивона Петрова — Thu, 16 Jan 2020 07:20:04 +0000

Последните информации со кои располага полицијата говорат дека шест лица се повредени во сообраќајката несреќа која се случи утринава на автопатот Велес-Скопје. Од МВР за Курир велат дека според нивните најнови информации во несреќата учествувале шест возила, при што повредени се шест лица. Едно од повредените лица е пренесено на скопските клиники, додека на останатите им се пружа лекарска помош во велешката болница. Карактерот на повредите засега не е познат. Како што претходно објавивме несреќата се случила утринава околу 8 часот на местото викано Кула на автопатот Велес-Скопје. На овој патен правец сообраќајот се уште е целосно во прекин, истиот се пренасочува.

САД: Магла предизвикала верижен судар меѓу 63 возила, 35 повредени во несреќата

Дарко Андоновски — Mon, 23 Dec 2019 07:09:32 +0000

Заради густата магла и голомразица на автопат во источниот дел на Вирџинија дошло до верижен судар во кој учествувале 63 возила, а притоа 35 лица се здобиле со телесни повреди. Заради сударот, што се случил во утринските часови по локално време, на околу 80 километри источно од Ричмонд, автопатот бил затворен во двата правца. Како што пренесува порталот nbcnews, несреќата се случила малку пред осум часот по локално време. Се наведува дека некои лица се здобиле со полесни повреди, но дека има и такви кои се животно загрозени. Портпаролот на регионалниот Медицински центар на Твитер објавил дека кај нив биле згрижени 25 повредени лица, од кои едно било во тешка состојба. Полицијата објавила и фотографија од сударот на која се гледаат превртени и смачкани автомобили. Авторитетите апелираат до возачите да бидат внимателни во возењето, особено на мостовите, заради голомразицата и маглата.

ФОТО: Верижен судир на Гологанов, возете внимателно

Ивона Петрова — Mon, 29 Jul 2019 23:25:34 +0000

На социјалните мрежи се споделува информација за сообраќајна несреќа, во која според објавата учествувале повеќе возила. -ВНИМАТЕЛНО на ул. М. Т. Гологанов, верижен судар! Сообраќајот се одвива само по една лента во правец према Ѓорче, сообраќајката е пред Монца, пред еден час беа 2 коли сега се уште 2 една позади друга веднаш после првите 2 коли, стои во објавата на Фејсбук. Од објавената фотографија на групата Ѕид на сообраќајниот срам може да се забележи дека на терен се излезени и екипи на Итната медицинска помош. Засега нема информации за бројот на повредени лица.