верижна сообраќајка – Kurir.mk

Се судрија 158 возила: Најмалку 7 лица загинати

Катерина Бојаџиева — Tue, 24 Oct 2023 06:53:47 +0000

Најмалку седум лица загинаа денеска во верижен судар на 158 возила во услови на густа магла на автопат во американската сојузна држава Луизијана. Уште најмалку 25 лица се повредени, од кои некои потешко во несреќата што се случи западно од најголемиот град во Луизијана, Њу Орлеанс, соопшти државната полиција. Можно е бројот на жртви да се зголеми. Дел од местото на несреќата на US Interstate 55 беше зафатен од пламен откако се запали цистерна натоварена со опасна течност. Метеоролозите соопштија дека „супер маглата“ утрово сериозно ја нарушила видливоста меѓу парохиите Рудок и Манчак во моментот на сударот, јави Си-Ен-Ен. „Неверојатно густата магла“ е предизвикана од комбинација на магла и чад од пожарите во близина, според Националната метеоролошка служба (NWS). „Супер маглата“ е особено густа магла која се развива во влажни, зачадени услови и може да предизвика пад на видливоста на помалку од три метри, соопшти NWS.

Верижна сообраќајка на патот Штип- Делчево: Три лица повредени

Катерина Бојаџиева — Sun, 02 Oct 2022 10:45:59 +0000

Три лица се повредени од кои едно потешко во сообраќајна несреќа синоќа во 23:55 часот на магистралниот пат Штип – Делчево помеѓу три патнички моторни возила „голф“ со кочански регистарски ознаки, управувано од М.М.(34) од с.Облешево, „тигуан“ со кочански регистарски ознаки, управувано од К.Ј.(27) од с.Мојанци и „ауди А4“ со винички регистарски ознаки, управувано од Б.Ѓ.(34) од Виница. -Во несреќата со тешки телесни повреди се здобил возачот на патничкото моторно возило „голф“ М.М., а сопатниците во патничкото моторно возило „тигуан“ С.Ј.(51) и Ж.Ј.(47) и двајцата од с. Мојанци се здобиле со телесни повреди, констатирани од лекар во Општата болница-Кочани, наведуваат од МВР. Увид на местото на настанот извршила екипа од ОВР-Кочани.

ВЕРИЖНА СООБРАЌАЈКА: Карамбол вечерва во Кисела Вода (ФОТО)

Катерина Бојаџиева — Thu, 29 Jul 2021 21:00:32 +0000

Верижна сообраќајна несреќа се случи вечерва на крстосницата помеѓу „Борис Трајковски“ и „Народни Херои“ во скопска Кисела Вода. Неофицијално, како што дознава КУРИР, се судриле 4 возила, три со скопски и едно со битолски таблички, а еден од возачите кои учествувале во сообраќајката со возилото избегал од местото на настанот. Засега нема информации за повредени лица. Полицијата е на терен, а увидот започнат. ФОТО: КУРИР

Верижна сообраќајка на патот Делчево- Штип: Две лица повредени

Катерина Бојаџиева — Sun, 26 Jan 2020 10:06:24 +0000

Вчера во 13,50 часот било пријавено дека на магистралниот пат Делчево -Штип, во близина на Подлошка крстосница се случила сообраќајна незгода помеѓу патничко моторно возило „Сеат“ со светиниколски регистарски ознаки управувано од В.Н. (42) од село Амзабегово, патничко моторно возило „опел астра“ со штипски регистарски ознаки управувано од Д.Д. (35) од село Стар Караорман, патничко моторно возило “туран“ со струмички регистарски ознаки управувано од Д.Ј. (66) од Виница и патничко моторно возило “туран“ со кочански регистарски ознаки управувано од Б.А. (51) од Кочани. Во незгодата со тешки телесни повреди се здобил сопатникот во возилото „сеат“ П.Н., а со телесни повреди се здобил возачот Б.А. по што биле пренесени во ЈЗУ Кочани за укажување на лекарска помош. Извршен бил увид на местото на настанот од увидна екипа од Полициската станица Кочани.

Верижна сообраќајка во Пинтија: По сударот имало и тепачка

Катерина Бојаџиева — Sat, 07 Sep 2019 14:20:19 +0000

Во СВР Скопје вчера во 14:30 часот било пријавено дека во населба Пинтија по претходно случена сообраќајна незгода меѓу патничко моторно возило „лада“ управувано до Г.Т.(53) од Скопје, патничко моторно возило „туарег“ управувано од М.М.(27) од Скопје и патничко моторно возило „пежо“ сите со скопски регистарски ознаки настанал расправија при што Г.Т. бил физички нападнат од М.М. Сочинет е записник за констатиран прекршок по чл.12 од ЗППЈРМ.

Детали за верижната сообраќајка: Две лица итно пренесени на Клиника, две во Градска болница

Катерина Бојаџиева — Tue, 11 Jun 2019 11:05:34 +0000

Вчера во 16:15 часот на автопатот „Мајка Тереза“, во атарот на селото Буковиќ се случила сообраќајна незгода меѓу патничко возило „фиат сеиченто“ со скопски таблички, управувано од А.Д.(43) од село Трубарево, патничко возило „фолксваген голф“ со тетовски таблички, управувано од А.С.(26) од Ново Село, тетовско и товарно возило „пежо бипер“ со скопски таблички, управувано од Ј.Д.(44) од Скопје. Во незгодата, тројцата возачи и сопатничката во товарното возило Е.Р.(36) се здобиле со повреди. Ј.Д. и А.Д. се здобиле со тешки телесни повреди и со возило на Итната медицинска помош биле пренесени во комплексот клиники „Мајка Тереза“, додека А.С. и Е.Р. се здобиле со телесни повреди и биле пренесени во Градската општа болница „8-ми Септември“. Увид извршила екипа од СВР Скопје.

Страшна верижна сообраќајка во Македонија: 11 лица повредени

Катерина Бојаџиева — Tue, 29 Jan 2019 10:20:42 +0000

Вчера околу 14.00 часот на магистралниот пат Гостивар- Кичево, во близина на каменоломите, се случила сообраќајна несреќа во која учествувале четири моторни возила – „Фолксваген голф“ со гостиварски регистарски ознаки, управуван од С.М.(64) од Гостивар, минибус „Мерцедес“ со охридски регистарски ознаки, управуван Л.Р.(50) од Охрид, „Фолксаваген пасат“ со кичевски регистарски ознаки, управуван од А.Т.(51) од Кичево и патничко возило „Рено меган“ со дебарски регистарски ознаки, управуван Т.К.(39) од Дебар. Во незгодата, возачите на возилото „голф“ и минибусот, како и сопатник од „голфот“ и осум патници од минибусот, на возраст од 20 до 76 години, се здобиле со повреди и биле пренесени во гостиварската општа болница „Ферид Мурад“. По укажаната лекарска помош, возачот на „голфот“ С. М. и патникот од минибусот М.З.(44) од Охрид, биле префрлени на скопските клиники, додека другите биле пуштени на домашно лекување. Увид на местото извршиле Јавен обвинител и екипа од Полициската станица Гостивар.

Верижна сообраќајка во Сарај: Повредени 4 лица, меѓу кои две деца

Катерина Бојаџиева — Fri, 25 Jan 2019 11:05:15 +0000

Вчера попладнето во 17.25 часот во село Сарај, скопско, се случила сообраќајна незгода помеѓу патничко возило „Опел Корса“ со скопски регистарски ознаки, управувано од О.С. (38) од село Арнакија, скопско, патничко возило „Фолксваген Голф“ со тетoвски регистарски ознаки, управувано од Б.И.(31) од село Нераште, тетовско и патничко возило „Фолксваген Голф“ со скопски регистарски ознаки, управувано од А.Т.(46) од село Грчец, скопско. Во незгодата со тешки телесни повреди се здобило двегодишно девојче од село Нераште -сопатничка во возилото „Голф“ со тетовски ознаки. Таа била пренесена на комплексот клиники „Мајка Тереза“. Со телесни повреди се здобиле и возачот на возилото „Голф“ со тетовски ознаки и сопатниците- тригодишно дете и С.И.(21), сите од село Нераште. По укажаната помош тие биле пуштени на домашно лекување. Извршен е увид на местото.

Верижен судир на 6 автомобили кај Железничка (ФОТО)

Катерина Бојаџиева — Tue, 31 Jul 2018 20:16:16 +0000

Верижен судир на шест автомобили се случи пред помалку од еден час кај Нова железничка. Улицата е затворена. Повеќе информации се очекуваат наскоро.

Верижен судир на патот Пробиштип-Крупиште, девојка се бори за живот на Клиника

Катерина Бојаџиева — Tue, 24 Apr 2018 10:29:57 +0000

Вчера во попладневните часови, поточно околу 13 :30 часот на регионалниот пат Пробиштип-Крупиште, кај место викано „Лезовски Кантон“, дошло до судир помеѓу патничко возило „БМВ“ со скопски регистарски ознаки, управувано од 51-годишниот З.А. од Скопје, товарно возило „Мерцедес Спринтер“ со кочански регистарски ознаки, управувано од 21-годишниот З.Т. од Кочани и мотоцикл „Трува“, управуван од 27-годишниот И.А. од село Горобинци, светиниколско. Притоа, со телесни повреди се здобил возачот на мотоциклот И.А., кој по укажаната помош бил пуштен на домашно лекување, додека сопатничката на мотоциклот 27-годишната С.И. од Пробиштип поради сериозноста на повредите била препратена во Комплексот клиники „Мајка Тереза“ во Скопје каде и биле констатирани тешки телесни повреди и била задржана на понатамошно лекување. Увид на местото на настанот извршиле Јавен обвинител и увидна екипа на Полициската станица Пробиштип. Во периодот од 14.05 до 15.45 часот, додека траел увидот, сообраќајот бил во прекин.