верници – Kurir.mk

Совет за верниците од Отец Предраг: Никогаш не ги изговарајте овие зборови

Ивана Ефремовски — Fri, 06 Oct 2023 06:54:35 +0000

Отец Предраг Поповиќ им сугерира на верниците колку е опасно да се посакува самотија и да се изолира човек од луѓето. Отецот ужива голема почит меѓу верниците, на кои редовно им дава совети за негување на духовноста, но и практични совети кои помагаат да се надминат секојдневните проблеми. Последната тема за која зборуваше беше онаа за сите опасности кои доаѓаат со одлуката на човек да биде сам и да се каже фразата „Не ми треба никој“. „Не ми треба никој. Само јас и Господ“, е начин на размислување кој, како што наведува и предупредува отец Предраг Поповиќ, носи со себе бројни замки бидејќи така се одделуваме од семејството, стануваме мрзеливи и потешко се управува без отпор. На овој начин човекот учи да ја сака самотијата, а овој свештеник посочува дека таквиот однос кон животот може да биде опасен. -Човекот мисли дека сè уште му служи на Бога, но не е така. Ѓаволот со тоа ја погоди суштината на човековото спасение, а човекот сè уште има впечаток дека му припаѓа на Бога и му служи на Бога. После се е многу лесно, ја започна приказната. Тој продолжи да објаснува што се случува кога човекот ќе се одвои од својата суштина и колку е важно истата личност да биде со своите најблиски и со своето семејство за да напредува во иднина, а не да потоне во летаргијата и тапоста на сопственото „јас и само јас“. „Кога човек ја напушта заедницата, кога човек го напушта семејството, многу е лесно да се манипулира со него. Првата работа што ја прави „демонот“ кога влегува во некоја личност е да ја одвои од неговото семејство. И на личноста почнува да му се допаѓа да биде сам во мислите“, рече отецот.

Завршија подготовките за аџилак, над 2.000 верници од земјава ќе заминат во Мека

Тале Кристо — Sat, 10 Jun 2023 12:17:40 +0000

Годинава на аџилак и во посета на светите муслимански места од земјава ќе заминат над 2.000 верници, што претставува рекорден број и подготовките поминаа во најдобар ред, изјави поглаварот на Исламската верска заедница, реисот хаџи Хафиз Шаќир Ефенди Фетаи на информативната средба со верниците во Гостивар. - Од нашата земја оваа година на аџилак ќе заминат 2030 верници, кои ќе им се придружат на околу четири милиони верници од целиот свет. Оваа година бројот на аџии од Северна Македонија е поголем од која било друга земја на Балканот, рече Фетаи. Тој на верниците кои се собраа на традиционалниот информативен собир им посака добро здравје и да се придржуваат до препораките на верските лидери и лекарскиот тим. Рекорден број на верници, годинава ќе заминат од Гостиварско и сите подготовки поврзани со визи, авионски билети, вакцини се завршени и како што рече гостиварскиот муфтија Сабахудин Зендели, верниците може да заминат за Саудиска Арабија и да го исполнат петтиот услов на исламот. Собирот беше можност верниците да се запознаат со нивните водачи и да слушнат совети и предавања поврзани со престојот во светите места. Муфтијата Зендели напомена дека од гостиварско на аџилак годинава ќе одат 451 аџии кои ќе бидат придружувани верски лица и медицински тим со тројца лекари. Најстариот верник кој ќе замина Хаџот 2023 има 80 години, а најмладиот 26. Покрај советите и благословот, верниците денес ги добија и пакетите во кои се наоѓа традиционалната наметка ирхам. Првата и втората група ќе тргне на 16 јуни, односно 17 јуни со по 180 верници, а последната со 85 ќе отпатува на 18 јуни. ИВЗ го организираше патот, сместувањето и храна за време на 28 дневниот престој.

Околу 130 верници пријавени за фаќање на светиот крст во Скопје

Ивана Ефремовски — Wed, 18 Jan 2023 15:39:46 +0000

Околу 130 верници се пријавени за фаќање на светиот крст, кој утре околу пладне ќе биде положен во реката Вардар во Скопје. Како што информираат за МИА од МПЦ-ОА – Скопска епархија, сите пријавени се полнолетни и се проверени на спортска медицина, а некои учесници се спортисти. Во 9 часот ќе почне архиерејска божествена литургија во храмот „Рождество на Пресвета Богородица“, во која ќе учествува и архиепископот на Македонската православна црква – Охридска архиепископија (МПЦ-ОА) г.г. Стефан. Литургијата ќе заврши околу 11 часот, а потоа ќе следи голем освет на водите во припратата на црквата. Околу 11:15-11:20 часот, архиепископот на МПЦ-ОА г.г. Стефан заедно со свештенството во поворка ќе се упатат кон мостот „Слобода“. Таму веднаш ќе почне церемонијата „Водици“, каде архиепископот ќе го положи крстот во реката Вардар околу 12 часот. Од МПЦ-ОА – Скопска епархија, посочуваат дека утре е голем празник во православната црква. Верниците се поздравуваат со поздравот „Бог се јави“. Апелираат верниците да бидат присутни во храмовите, да учествуваат активно во божествената литургија со тоа што ќе се причестат. Сите верници кои утре ќе се обидат да го фатат крстот тоа да го прават од верски побуди, достоинствено, со почит и со страв божји. (МИА)

Милион муслимански верници на аџилак во Мека

Ивона Петрова — Wed, 06 Jul 2022 11:21:56 +0000

Милион муслимански верници се собраа денеска во светиот град Мека во Саудиска Арабија, со цел да учествуваат во аџилакот. Пандемијата од коронавирусот изминатите две години значајно го ограничи пристапот до едно од најголемите муслимански светилишта. Министерството за аџилак на Саудиска Арабија издаде дозволи за еден милион аџии од земјата и од странство да извршат аџилак, што почнува денеска. Станува збор за бројка помала од 2,5 милиони муслимани кои за таа намена допатуваа во 2019 година. Од Министерството соопштија дека годинава аџилакот е за лица помлади од 65 години, целосно вакцинирани. Муслимански верници кои доаѓаат од странство мора да ги почитуваат сите здравствени мерки на претпазливост и да имаат негативен резултат од ПЦР тест. Лицата се избрани меѓу милиони пријавени низ систем на лотарија на интернет. Само илјада верници можеа да извршат аџилак летото во 2020 година. Аџилакот во Мека е еден од петте столбови на исламот. Секој муслиман е должен барем еднаш во животот да отиде на аџолак. Аџилакот се состои од патување во Мека, пристигнување и чествување на аџилакот, што вклучува девет основни обреди.

Бигорски се подготвува за манастирската слава – Рождеството на Свети Јован Претеча – Иванден

Ивона Петрова — Sat, 02 Jul 2022 09:43:43 +0000

Македонското древно светилиште „Свети Јован Крстител“ попознато како Бигорски манастир се подготвува за одблежување на 7 јули, сечесниот празник на Рождеството на патронот и небесен застапник, светиот и славен Пророк, Претеча и Крстител Господов Јован. -Во среда, на 6 јули, во свештената бигорска обител ќе се отслужи сеноќно бдение, коешто ќе започне во 20:30 часот, а на кое молитвено ќе претстои Неговото преосвештенство, епископот Аморејски г. Никифор, игумен на свештената ставропигијална патријаршиска обител на Владатадите во град Солун, информираше отец Кирил. Следниот ден, четврток наутро, во 8:45 часот ќе биде пречекан надлежниот владика, неговото Високопреосвештенство митрополит Дебарско-кичевски, г. Тимотеј. -Пред почетокот на Светата архијерејска Литургија, во 9 часот, од раката на нашиот Митрополит г. Тимотеј, на нашата голема радост и чест за Бигорската Обител, петмина наши собраќа ќе бидат потстрижани во светиот рамноангелски монашки чин. Ова е за првпат во нашата понова историја одеднаш да бидат замонашени петмина браќа. За време на Божествената Литургија, пак, еден од новозамонашените браќа ќе биде ракоположен во свештеноѓаконски чин, додава отецот. Славното Бигорско светилиште, додава, кое низ вековите било гордост на нашите предци и столб на нивната православна вера и култура, особено за жителите на овие краишта, и денес со истата ревност продолжува да сведочи за евангелската вистина и да ги јакне верата и здравите вредности меѓу народот. -Затоа да ја покажеме и ние должната почит кон Светиот Јован Крстител и нашата пожртвувана љубов кон неговото вековно светилиште, стекнувајќи го на тој начин благословот на светиот Претеча. Ја имаме големата чест и радост, во името на Христовиот Пророк и Крстител, да ги поканиме сите благочестиви Христијани да се присоединат кон неговото големо торжество, посочува отец Кирил. Нагласува дека светиот Претеча, во денот на своето Рождество е особено благодатно присутен и преку својата славна и чудотворна Бигорска икона и чесните мошти што се пазат во неговиот храм ги слуша и исполнува молитвите на оние коишто со љубов и вера го повикуваат, тоа е денот кога „најголемиот меѓу родените од жена“ ја излева својата од Бога добиена благодат врз сите коишто ревносно го чествуваат неговиот спомен. И на оваа, како и на манастирската слава отсекувањето на чесната глава на неговиот славен патрон и небесен застапник, великиот пророк, претеча и крстител Господов Јован, што се одбележува на 11 септември, се очекува големо присиство на верници.

Верници од Македонија со цвеќе му го честитаа именденот на Патријархот Вратоломоеј

Дарко Андоновски — Fri, 10 Jun 2022 13:23:00 +0000

трово во Фанар, во Соборниот храм на Вселенската Патријаршија, посветен на светиот Георгиј Победоносец, се одржа празнична Божествена Литургија по повод именденот на Вселенскиот Патријарх Вартоломеј. На богослужбата молитвено присуство имаа и Архиепископот Стефан, митрополитот Тимотеј, митрополитот Петар, како и епископот Климент и епископот Партениј, објавува Религија.мк. Храмот на Победоносецот беше исполнет со огромен број на гости, меѓу кои многумина од Македонија. -Како првојерарх на Охридскиот престол, од името на свештениот синод, на свештенојерархијата, на монаштвото и на верниот народ, како и од свое име, со преполно срце на уважување и почит, уште еднаш Ви благодарам за честа со која нè удостоивте и за срдечната љубов со која нè прегрнавте – соопштувајќи ни го благопријатниот Ваш суд за нашето апелациско прибегнување: востановувањето на литургиското општење со Вас и, преку Вас, со полнотата на Православната Црква. Сега е јасно колку Вашето добротворство за нашата Охридска Архиепископија, се покажа, всушност, како Ваш најнов принос пред Сељубивиот Бог – како долично дело за таткото на Православните. А ние, скромните Ваши чеда, можеме да Му заблагодариме на Бога, покрај за споменатата милост, ете – и за тоа што сме удостоени да бидеме современици на Вашата личност и на Вашите дела за доброто на Црквата и што ја имаме можноста да се радуваме и да се утешуваме од Вашиот подвиг на „добро стоење“, на автентично последување и себепрегорно, дури до мачеништво, исповедање на канонскиот и свештен поредок на Православната Црква, потенцираше архиепископот Стефан. Верниците кои беа дојдени за денешната иза службите овие денови, носеа цвеке кое му го подарија Патријархот Вартоломеј честитајќиму го именденот. На крајот од богослужбата, епископот Антаниски со неговото братство и сестринство, на Вселенскиот Патријарх Вартоломеј му подари архиерејска панагија, во чест на неговиот именден и во знак на благодарност за признавањето на Охридската Архиепископија.

Стампедо: Најмалку 12 верници загинаа, 14 се повредени

Катерина Бојаџиева — Sat, 01 Jan 2022 11:34:30 +0000

Најмалку 12 верника загинаа, а 14 се повредени денеска во стампедо во хиндуистички храм во Кашмир, соопшти полицијата. – Дванаесет верника загинаа, а 14 се повредени во стампедо денеска во раните утрински часови во храмот Мата Ваишно Деви. Сите повредени се хоспитализирани, се наведува во соопштението на полицијата. Трагичниот инцидент се случил кога огромен број верници, кои пристигнале да го одбележат почетокот на Новата година, влегле во храмот, а по расправија дошло до туркање, а потоа и стампедо, потврдија официјални претставници.

Вечерна молитва: Шепнете си ги овие прекрасни зборови пред спиење

Ивана Ефремовски — Sun, 26 Sep 2021 19:57:52 +0000

Верниците често пред спиење си кажуваат молитва кон Бога. Оваа вечерна молитва сигурно ќе ви се допадне. „Господи, Боже наш, сè што згрешив во овој ден, со збор, со дело или мисла, прости ми како човекољубив.

Подари ми сон мирен и безметежен и испрати го твојот Ангел Пазител, кој ќе ме штити и засолнува од секое зло. Зашто ти си Заштитник на душите и телата наши и тебе слава ти вознесуваме; на Отецот, и Синот и Светиот Дух; сега и секогаш и во сите векови. Амин“.

Под строги протоколи и без верници во толпата ќе се одржи традиционалната струшка Литија

Ивана Ефремовски — Wed, 05 May 2021 13:33:29 +0000

Под строги здравствени протоколи за заштита на населнеито од ширење на коронавирусот, без традиционалните торжества и толпата верници в петок низ струшките улици ќе се одржи познатата Литија со моштите на „Свети Георгиј Победоносец“ и чудотворната икона на светецот. Организаторите апелираат до верниците, доколку сакаат се поклонат пред моштите тоа да го направат од балконите или тротоарите со почитување на здравствените протоколи. -Поради актуелната состојба со пандемијата од Ковид 19 годинашната Литија ќе се одржи под строги здравствени протоколи. Низ улиците ќе поминат моштите од Свети Георгиј Победоносец и чудотворната икона со братството и сестринството од Бигорскиот и манастирот во Рајчица, без оркестарот и традиционалните торжества. Апелираме до верниците да не се движат во толпата. Доколку сакаат да се поклонат пред моштите тоа да го направат од балконите и тротоарите со почитување на мерките за заштита, држење растојание и носење заштитна маска, посочи организаторот во изјава за МИА. Според првичните информации, Литијата ќе се одржи под силно полициско обезбедување и строго почитување на протоколите. Традиционално на вториот ден Ѓурѓовден, 7 мај, во Струга се одржува Литија со моштите од Свети Георгиј Победоносец од истоимениот манастир во Рајчица. Годинава, во услови на пандемија, моштите од светецот ќе пристигнат од манастирот во Рајчица на раскошно украсен епитаф и по отслужување на вечерната богослужба, Литијата ќе почне да се движи низ Струшките улици околу 17 часот. (МИА)

Пријава за 49 верници кои вчера влегоа во осветените води на Охридското езеро

Дарко Андоновски — Wed, 20 Jan 2021 14:51:07 +0000

Пријава против 49 лица кои вчера го славеа празникот Водици во Охрид, ќе поднесе полицијата. Министерството за внатрешни работи ја сомничи, групата верници кои го одбележаа Богојаваленското осветување на водите, дека го сториле кривичното дело „непостапување по здравствени прописи за време на пандемија“. „На 19.01.2021 година во времето од 07 до 15 часот, преземени се активности со цел доследно спроведување на мерките и препораките за заштита и превенција од ширење на коронавирусот. Притоа, кај месноста „Сараиште“ на улицата „Цар Самоил“ во Охрид, забележана е поголема група граѓани по што, поради постоење основано сомнение за сторено кривично дело „непостапување по здравствени прописи за време на епидемија“, полициските службеници извршиле проверка на 49 лица. По целосно документирање , СВР Охрид ќе поднесе соодветна пријава“, велат од МВР.