верона – Kurir.mk

Поранешен италијански фудбалски репрезентативец стана градоначалник на Верона

Магдалена Андонова — Mon, 27 Jun 2022 20:00:21 +0000

Поранешниот италијански фудбалски репрезентативец Дамиано Томази (48) е избран за градоначалник на Верона. Томази, кој има 25 настапи во дресот на Азурите, најголем дел од својата кариера ја мина во Рома, од 1996 до 2006 година, освојувајќи ја и италијанската титула во 2001. Од 2020 година беше претседател на Здружението на италијански фудбалери (АИЦ). Верона е град со долга традиција на десноориентирани градоначалници, а Томази во изборната трка влезе како кандидат на левицата и победи пред досегашниот градоначалник од редовите на десницата Федерико Сбоарину. (МИА)

Верона испушти победа против Рома

Бошко Тасиќ — Sat, 19 Feb 2022 19:46:08 +0000

Рома не можеше полошо да го почне натпреварот со Верона и прими дури три гола во првото полувреме, но еден беше поништен поради офсајд и резултатот на паузата гласеше 0:2. Домашниот тим изгледаше навистина загубено во првите 45 минути и гостите заслужено водеа со головите на Барак и Тамезе. Жозе Мурињо ги погоди „џокерите“ и беше спасен од двајцата играчи кои заедно имаа 37 години, односно од тинејџерите Волпато и Бове кои ги постигнаа своите премиерни голови во Серија А. Осумнаесетгодишниот Кристијан Волпато со својот прв гол намали на 1:2 во 65-та минута, додека вториот резервист Едоардо Бове погоди на пет минути пред крајот за 2:2. 19-годишниот фудбалер со одличен гол погоди за израмнување, а во френетичната завршница, Жозе Мурињо доби црвен картон.

Влаховиќ и Закарија за сигурни три бода на Јувентус

Бошко Тасиќ — Sun, 06 Feb 2022 22:02:06 +0000

италијанскиот фудбалски тим Јувентус ја потврди фаворитската улога и славеше над Верона со 2-0 во последниот меч од денешната програма во Серија А . Тренерот Масимилијано Алегри одлучи да им даде шанса од првата минута на зимските засилувања Душан Влаховиќ и Денис Закарија, одлука која се покажа како клучна затоа што Србинот и Швајцарецот постигнаа погодоци за вредни три бода. На Влаховиќ му беа потребни само 13 минути за да се запише во листата на стрелци на дебито и тоа по одличната асистенција на Дибала. Овој резултат беше активен до 61 минута кога Закарија го матираше Монтипо за зголемување на предноста на „старата дама“, но и воедно потврда на победата со која Јуве дојде до четвртата позиција на табелата.

Тренерот на Верона позитивен на коронавирус

Тале Кристо — Tue, 09 Nov 2021 22:01:32 +0000

Хрватскиот фудбалски стратег на клупата на Верона, Игор Тудор, е позитивен на коронавирус и извесен период нема да биде со клубот, соопшти денеска италијанскиот прволигаш. Верона во клупското соопштение нагласи дека Тудор е вакциниран со двојна доза против Ковид-19, додавајќи оти тој се чувствува добро и е во куќна изолација. По стартните три порази во Серија А, Верона го ангажираше хрватскиот тренер и се искачи моментно на 10. место на табелата со четири победи, четири нерешени и само еден пораз под водство на Тудор.

Наполи се лизна, Лацио сигурен на домашен терен

Бошко Тасиќ — Sun, 07 Nov 2021 19:17:30 +0000

Италијански Наполи одигра само реми против Верона 1-1 и со тоа му дозволи на Милан да го премине на табелата доколку победи вечерва против Интер. Од друга страна, Лацио беше сигурен дома и со 3-0 ја победи Салернитана.Симеоне ги израдува гостите во 13. минута од натпреварот, додека пет минути подоцна Ди Лоренцо погоди за 1-1. Во вториот дел имаше по неколку шанси на двете страни, а македонскиот репрезентативе Елиф Елмас доби шанса од 62. минута, но сепак резултатот не се менуваше. Лацио немаше проблеми против Салернитана, па уште во првото полувреме постигна два гола преку Имобиле и Педро, додека триумфот го потврди Алберто во 69. минута.

Тудор: Ова не е мојот Јувентус, тоа е мојата Верона

Бошко Тасиќ — Sun, 31 Oct 2021 06:17:12 +0000

Тимот на Верона направи уште едно пријатно изненадување во Серија А, откако го победи и Јувентус со 2-1. Голема заслуга за тоа има тренерот Игор Тудор кој е убеден дека екипата дополнително ќе напредува, но и оти заслужено славеле над „старата дама“. -Ова не е мојот Јувентус, тоа е мојата Верона! Имав неколку добри години таму, но ова е битка сега и ние секогаш се трудиме да победиме. Беше заслужена победа, момците дадоа се од себе и по 2-0, чувствувам дека можевме да притискаме посилно за да дадеме и трет гол. Почнавме да бидеме премногу повлечени во вториот дел, Јуве го подигна темпото и создаде шанси, но ние ги одбранивме трите бода.Кажав напретходните натпревари, менталитетот се смени по 2-0 и тоа не ми се допадна. Сум видел дека се случува премногу пати. Не можете едноставно да престанете да се обидувате да постигнувате голови, но во оваа прилика квалитетот на Јуве не принуди да се вратиме во вториот дел. Во одбраната, се подобривме во однос на претходните натпревари, удвоивме повеќе, сите се бореа за топката и тоа ме радува, -вели Тудор кој имаше што да каже за двојниот стрелец Џовани Симеоне.

Јувентус во криза, пораз сега од Верона

Бошко Тасиќ — Sat, 30 Oct 2021 18:23:12 +0000

По поразот од Сасуоло во минатото коло, италијанскиот фудбалски гигант Јувентус денеска загуби од Верона и запиша четврта 0 оваа сезона од 11 одиграни натпревари. Не поминаа ни 15 минути игра а Верона дојде до водство од 2-0 со два гола на Симеоне. Јувентус се мачеше да се врати во игра, тоа се случи дури во 80. минута кога Мекени постигна гол за 2-1, но тимот на Алегри не успеа да погоди уште еднаш. Јувентус во моментов е на 9. место на табелата во Серија А, со можност да падне и позиција подоле доколку Сасуоло утре не загуби од Емполи.

Соиграч на Пандев постигна гол со шише во раката (ВИДЕО)

Ивана Ефремовски — Sun, 26 Sep 2021 07:41:27 +0000

Напаѓачот на Џенова, Матија Дестро вчеравечер постигна гол во натпреварот од 6. коло на италијанското првенство против Верона (3:3). Триесетгодишниот Италијанец држејќи шише во левата рака, на асистенција на македонскиот фудбалер Горан Пандев, во 85. минута се запиша во листата на стрелците за во тој момент водство на Џенова со 3:2. На крајот резултатот беше 3:3. По овој меч, Џенова и Верона имаат по пет бода и ги заземаат 15, односно 14 место во Серија А. (МИА)

Ибрахимовиќ разочаран од натпреварот со Верона

Тале Кристо — Mon, 09 Nov 2020 07:36:02 +0000

Тренерот на Милан, Стефано Пиоли, изјави дека Златан Ибрахимовиќ е разочаран од натпреварот од 7. коло на италијанскиот шампионат против Верона (2:2). – Знаевме дека натпреварите во Лигата на Европа и после тоа натпреварите против такви ривали како Удинезе и Верона ќе ни одземат многу од силата. Тие можат да се подготвуваат за овој натпревар цела недела, а ние имаме еден мини тренинг. Ние сакаме да ја подобриме нашата позиција во споредба со минатата сезона и да се движиме што е можно подалеку во Лигата на Европа. Златан ми рече дека е разочаран затоа што можевме да победиме, изјави Пиоли. Ибрахимовиќ не реализира пенал и најави дека следниот удар од 11 матри за Милан ќе го остави да го изведе друг играч. – Му треба пауза за одмор. Всушност, тоа е потребно за сите, но ние се боревме да дојдеме до Европа и тоа е она што се очекуваше. Ваквиот натпреварувачки календар бара многу напор, додаде Пиоли. По седум кола во Серија А,Милан е лидер со 17 бода.

Голот на Кулушевски го спаси Јувентус од пораз на мечот против Верона

Ивона Петрова — Mon, 26 Oct 2020 06:30:50 +0000

Јувентус синоќа во натпревар од 5. коло на италијанскиот шампионат ремизираше со Верона со резултат 1:1. Гостите дојдоа во водство преку Андреа Фавили по еден час игра, изедначи фудбалерот со македонско потекло Дејан Кулушевски во 78 минута. По оваа средба, Јувентус со девет бода се најде на петтото место во поредокот во Серија А, додека Верона со осум бода е осма.