верски обред – Kurir.mk

Во Франција нема да има верски обреди до 29 мај

Дарко Андоновски — Tue, 12 May 2020 10:45:17 +0000

Франција од вчера влезе во фазата на олеснување на мерките на ограничување, сепак верските обреди во верските објекти (освен погребите) не се дозволени се до 29 мај, јави дописникот на МИА. Француската Влада предвидува почеток на верските обреди во верските објекти на 29 мај, датум кој се совпаѓа со верскиот календар на христијанската, муслманската и еврејската верска заедница. Сите верски заедници во Франција, покрај нивната првична нестрпливост да почнат со служење на верските обреди и активности, сега се претпазливи и трпеливи. Во Франција се дозволени со законот за вонредната санитарна состојба, јавни собири на кои можат максимално да присуствуваат десет лица, Од тука и упатството на католичката црква до своето свештенство да се прилагоди на ситуацијата, односно враќање на „нормалниот живот“ кога тоа ќе биде можно. Се советуваат богослужби со помалку од десет лица, сепак најголемиот број од епархиите и католичките движења побараа од своите вработени да продолжат со работа од дома. Најхрабри се во Алзас, кој беше еден од регионите најпогоден со коронавирусот и каде се бара од свештенството да започне со директни средби со верниците, но со почитување на мерките, односно помалку од десет лица во директен контакт и со мерките на заштита. Сепак ректорот на Големата џамија во Париз, Шем-Един Хафиз, не е задоволен со предвидениот датум од 29 мај, бидејќи муслиманскиот празник Аид е само четири дена пред еврејскиот и христијанскиот духовден, за него ова е „дискриминација“. Тој најави дека и по судски пат ќе бара да олеснувањето на мерките, односно репризата на верските обреди да биде дозволена започнувајќи од 24 мај. Од средината на март, огромното мнозинство на џамии во Франција, се затворени за јавноста и сите колективни молитви се прекинати, особено петочните и ноќните молитви за Рамазан.

Скандалот продолжува: На верскиот обред во училиште во Радовиш, присуствувала и директорката со сопругот (ФОТО)

Ивана Ефремовски — Tue, 05 Jun 2018 13:04:58 +0000

Голем скандал се случи во основното училиште „Крсте Петков Мисирков“ во строгиот центар на Радовиш. Станува збор за верски обред кој се одржал во основното училиште „Крсте Петков Мисирков“ во строгиот центар на Радовиш, на само 50 метри од општината. На социјалните мрежи излезе видео од ифтарската вечера во холот на училиштето, во кое се гледаат како стотина ученици седнати во училишните клупи заедно со повозрасни лица ја слушаат молитвата од оџата искачен на скалите од училишниот хол. Наместо да го спречи, директорката присуствувала на обредот Директорката на училиштето, наместо да го спречи ова кршење на законот, таа стана дел од него. Имено, Стојанова заедно со својот сопруг беше дел од овој обред, односно присуствуваше на верскиот обред. Државниот просветен инспекторат го казни основното училиште „Крсте Петков Мисирков“ од Радовиш со 1.600 евра, а директорката Олгица Стојанова со 1.120 евра, поради тоа што на 31 мај во училиштето се изведе верски обред. Според член 12 од Законот за заштита на децата се забранува злоупотреба на децата поради политичко или верско организирање и дејствување, со што е предвидена глоба од 1000 евра. Инаку верска поука може да се изведува само во јавни простории во кои се вршат верски обреди и верски работи, а за посетување на верска поука од страна на малолетник потребна е согласност од родител, односно старател како и негова согласност.

Скандал во Радовиш- во основното училиште „Крсте Петков Мисирков“ се одржа верски обред (ВИДЕО)

Дарко Андоновски — Fri, 01 Jun 2018 08:08:26 +0000

Голем скандал се случи во основното училиште „Крсте Петков Мисирков“ во строгиот центар на Радовиш. Станува збор за верски обред кој се одржал во основното училиште „Крсте Петков Мисирков“ во строгиот центар на Радовиш, на само 50 метри од општината. И додека градоначалникот на општината Герасим Конзулов и министерката Рената Дескоска молчат граѓаните преку социјалните мрежи веднаш го осудија овој чин. Имено според член 12 од Законот за заштита на децата се забранува злоупотреба на децата поради политичко или верско организирање и дејствување, со што е предвидена глоба од 1000 евра. Инаку верска поука може да се изведува само во јавни простории во кои се вршат верски обреди и верски работи, а за посетување на верска поука од страна на малолетник потребна е согласност од родител, односно старател како и негова согласност.