Извештај на Стејт департментот за верските слободи во Македонија во 2021 година

Магдалена Андонова — Thu, 02 Jun 2022 20:03:53 +0000

Државниот секретар на САД Ентони Блинкен денеска го презентираше редовниот годишен извештај на Стејт департментот за верските слободи во светот. Во делот за Северна Македонија се вели дека Уставот на земјата забранува верска дискриминација и предвидува слобода на религијатa и верското изразувања. За Сeверна Македонија во извештајот за 2021 година се нотира дека Министерството за правда и другите владините министерства дискутирале за амандманите на законот од 2007 година со кои се уредуваат религиските слободи што би овозможило поголемите верски заедници да се стекнат со статус на „правни ентитети“, но Министерството за правда повторно ги одложило консултациите со верските групи за амандманите. На 18 февруари, Исламската верска заедница во Северна Македонија (ИВЗ) јавно ја осудила официјалната регистрација од страна на Владата на Исламската салафи заедница во декември 2020 година, со назнака дека тоа би било штетно за единството на муслиманите во земјата. Водачите на ИВЗ рекле дека последователно се подобриле односите со Владата во Скопје по средбата во јануари меѓу поглаварот на ИВЗ, Реис Шаќир Фетаху и претседателот Стево Пендаровски, но дека некои владини министерства и судството продолжувале да се однесуваат кон нив неповолно. Скопска Апелација го отфрлилабарањето за регистрација на Православната Охридска Архиепископија бидејќи пријавата не била поднесена до крајниот рок, се вели во извештајот. Од извештајот се дознава дека ИВЗ смета дека Владата продолжила да ја фаворизира Македонска православна црква-Охридска архиепископија (МПЦ-ОА), а помали верски групи продолжиле да пријавуваат нееднаков третман на Владата во споредба со петте уставно именувани религиозни групи. Официјалните претставници на ПОА продолжија да посочуваат дека нивното свештенство и членовите на нивните семејства често биле мети на навреди во медиумите и жртви на физички напади од поединци сметани за блиски до МПЦ-ОА, се наведува извештајот. Понатаму се вели дека Бекташијата (во Тетово) и натаму ги оспорува тврдењата на ИВЗ за целосна сопственост и планира да го реновира Харабати баба теќе, комплекс што бектешката (тетовска) заедница го користеше како свој штаб. Македонските медиуми објавиле инцидент на вандализам врз манастир кој се наоѓа во мнозинско муслиманско подрачје и 18 инциденти на кражби од цркви во текот на годината. Од МПЦ-ОА за кражбите и вандализмот навеле дека не веруваат во верски мотиви зад инцидентите. Во извештајот на Стејт департментот се посочува и дека во САД во 2021 година биле примени 11.411 бегалци и им било даден постојано место на жителство, а меѓу нив се луѓе кои биле гонети врз основа на верски убедувања. Многу од овие лица се од Таџикистан, Туркменстан, Русија, Иран. Годинава, Русија е вклучена во „спискот земји за кои постои посебна загриженост“ за нарушени верски слободи, а во кој се Бурма, Кина, Еритреја, Иран, Северна Кореја, Пакистан, Саудиска Арабија, Таџикистан и Туркменистан.

САД го додадоа Пакистан на листата држави кои ги кршат верски слободи

Ивона Петрова — Fri, 05 Jan 2018 07:40:32 +0000

Американскиот Стејт Департмент гo вброи Пакистан на листата држави каде што брутално се кршат правата на верско изразување, што води до нарушување на безбедноста и стабилноста во државите. На списокот веќе се наоѓаат и Саудиска Арабија, Иран, Северна Кореја, Кина, Мјанмар, Еритреја, Судан, Таџикистан, Туркменистан и Узбекистан. - Заштитата на верските слободи е неопходна за мир, стабилноста и просперитетот, изјави портпаролката на Стејт Департментот, Хедер Нојерт. Потегот доаѓа во период на влошување на односите меѓу САД и Пакистан, при што Вашингтон најави дека ќе ја суспендира помошта за Исламабад поради нивната поддршка на исламистите во Авганистан, јави Гласот на Америка.

верски слободи – Kurir.mk

Извештај на Стејт департментот за верските слободи во Македонија во 2021 година

САД го додадоа Пакистан на листата држави кои ги кршат верски слободи