Весли Снајдер – Kurir.mk

Снајдер и Матераци навиваа со ултрасите на Интер (ВИДЕО)

Ристе Здравков — Wed, 17 May 2023 11:31:36 +0000

Интер еуфорично го прослави пласманот во финалето откако вчера го победи Милан со 1:0 и така со вкупни 3:0 обезбеди прво финале во Лигата на шампионите по 2010 година. На трибината со најверните навивачи на Интер вчера беа и двете славни имиња на „нероаурите“, Весли Снајдер и Марко Матераци. Двајцата беа дел од последната шампионска генерација на Интер, а вчера иако секако можеа да бидат дел од свечената ложа одлучија мечот да го проследат со ултрасите на Интер.

Sneijder and Materazzi cheering Inter on from the stands last night ⚫🔵🔥pic.twitter.com/VgBcs3PIKR
— Italian Football TV (@IFTVofficial) May 17, 2023

Wesley Sneijder & Marco Materazzi together with Curva Nord Inter at their match against AC Milan tonight 👏🏻🇮🇹 pic.twitter.com/POYSbzAw6w
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 16, 2023

Снајдер даде свое мислење околу шампионот на ЕП

Бошко Тасиќ — Sat, 26 Jun 2021 17:29:12 +0000

Поранешниот фудбалер на Интер и Холандија, Весли Снајдер го даде своето мислење за Европското првенство. Според Снајдер, најголем фаворит за трофејот на Европското првенство е Италија. „За мене, Италија е најголем фаворит за титулата на Европското првенство. Играат неверојатен фудбал и јасно се гледа прогресот на Манчини“, кратко прокоментира Снајдер. Со добрата игра во групите, Италија се искачи на скалилото на букмејкерите и сега е втор фаворит за трофејот по Франција. Без примен гол на единаесет последователни натпревари, но и без пораз на 31 момците на Манчини имаат силни амбиции на турнирот.

Снајдер се враќа на терените

Ивона Петрова — Sat, 04 Jul 2020 07:39:22 +0000

Поранешниот холандски репрезентативец Весли Снајдер е подготвен да ги следи стапките на неговиот поранешен соиграч Арјен Робен и да ја продолжи кариерата. Снајдер доби понуда од Утрехт и сè уште ја разгледува. Триесет и шест-годишниот играч од средниот ред се откажа од фудбалот во август 2019 година, неговиот последен клуб беше катарскиот Ал-Гарафа. Тој претходно играше за Ајакс, Реал Мадрид, Интер, Галатасарај и Ница. Снајдер стана шампион на Холандија, Шпанија, Италија и Турција. Најсилни години му беа со тимот на Интер, со кој, покрај титулата, во 2009 година освои два национални купа, еден супер куп, Лигата на шампионите и Светското клупско првенство. Тој има 134 натпревари и 30 голови за репрезентацијата на својата земја. Со „лалињата“ стигна до финалето на СП во 2010 и 2014 година. Снајдер е роден во Утрехт, но никогаш не играше за тимот од родниот град. Пред една недела, Арјен Робен, кој исто така се повлече во 2019 година, потпиша со Гронинген – клубот каде ја започна кариерата.

Снајдер: Ако 100 отсто бев посветен на фудбалот, ќе бев на исто ниво со Меси и Роналдо

Ивона Петрова — Thu, 21 Nov 2019 08:02:57 +0000

Поранешниот играч од средниот ред на Ајакс, Интер и Реал Мадрид, Весли Снајдер е убеден дека не го прикажал во целост својот потенцијал. 35-годишниот Холанѓанец ја заврши кариерата оваа година, но не жали за ништо. -Ако му дадов 100% на фудбалот, би можел да бидам на исто ниво со Меси и Роналдо, но не го сакав тоа и не жалам за тоа. Бев професионалец, но во животот има и други нешта освен фудбалот, како што е и кај секоја друга професија. Задоволен сум од постигнатото во мојата кариера, изјави Снајдер. Во текот на кариерата тој има освоено бројни трофеи, а беше шампион во Холандија, Италија, Шпанија, има трофеј со Интер во Лигата на шампионите и Светското клупско првенство. Со репрезентацијата на Холандија најголем успех му е финалето на Мундијалот во 2010 година.

Уапсен Весли Снајдер

Дарко Андоновски — Sat, 29 Jun 2019 10:16:44 +0000

Поранешниот холандски репрезентативец, Весли Снајдер е уапсен во Утрехт, објавија холандските медиуми. Играчот на катарски Ал-Гарафа удрил паркиран автомобил во холандскиот град, што довело до негово апсење од страна на полицијата. На играчот му е изречена казна и тој ќе мора да ја плати штетата на возилото. Снајдер самиот не го потврди инцидентот, коментирајќи само дека „тој не навлегува во објаснување на слични измислици“. Инцидентот се случи по целовечерна „пијанка“ во Утрехт. Пред да биде уапсен Снајдер, полицијата неколкупати ја посетила куќата каде се одржувала забавата по пријави за гласна музика.