весна бејби петрушевска – Kurir.mk

Весна Бејби: Живееме во тажно време, во тажна држава, без вредности – да ги поправиме некако за генерациите после нас

Ивона Петрова — Mon, 21 Aug 2023 20:29:58 +0000

По смртта на актерите од МНТ, Трајче Ѓорѓиев, Емилија Андреева, Катина Иванова и Владимир Ендровски - Љац, со своја порака се огласи актерката Весна Бејби Петрушевска. -Многу малку размислуваме за вредностите кои се денес, тука, сега. Многу малку ги чуваме нашите уметници, не само актери, сликари, композитори, изведувачи, пејачи. Зборувам за сите оние кои што ви го правиме животот да ви биде повесел, подобар макар и на час и половина во една театарска претстава, филм... Сме изложени на критики и целиот живот ни е на тапет, но да знаете дека ние живееме за аплауз. Некако брзо ги забораваме луѓето и баш сум тажна. Не’ оптеретивте, не’ пукнавте со таа дневна политика. Ги заборавивме нашите деца, го заборавивме нашето образование, одењето во театар. Едно време тоа беше религија, култура на живеење. Сега тоа го нема. Вашите деца не одат во театар, не знаат каде е Театар за деца и младинци, не знаат да разликуваат кој е МНТ, кој е театар Комедија, Драмски театар. Тоа е пораз на сите нас. И да, живееме во тажно време, во тажна држава, без никакви вредности. Да ги поправиме некако, барем да ја вратиме насмевката на оние генерации кои ги оставаме после нас, вели Петрушевска.

Петрушевска се прости од маестро Џамбазов: Треба да си во Алејата на великаните, без збор!

Тале Кристо — Tue, 25 Jan 2022 12:34:36 +0000

Актерката Весна Бејби Петрушевска се прости од маестро Александар Џамбазов, кој денеска почина во Скопје, неколку дена пред 86-тиот роденден. -Единствениот маестро за мене во мојот живот, кроток, мил, зборлест, духовит, вечно вљубен во својата Анче, постојано загрижен за своите Тања и Игор…Што седења сме си имале пред Воена болница кога Игор имаше проблеми со здравјето, колку тајни ми има кажано за македонските пејачи затоа што бев многу љубопитна. Секогаш имаше по некој виц да ти раскаже и по некоја приказна од својот арсенал. Те сакам мој мој маестро и треба да си во алејата на великаните без збор!!!! Игор и Тања, моето најдлабоко сочуство, чичко Ацо баци ми ја Анче, напиша Петрушевска на социјалната мрежа на Фејсбук.

Овие зборови кои ги кажа за последен пат ноќта на 15 октомври ќе ви одѕвонуваат уште долго во ушите – по ова интервју никогаш не се врати

Дарко Андоновски — Fri, 15 Oct 2021 19:59:21 +0000

На 15 октомври некаде околу 21 часот заедно со Зафирчев го снимивме последното интервју на Тоше Проески. Мојата бајадера отиде некаде заедно со ѕвездите, животот се менува инстантно. Тоше не го заслужува ова, јас со него почнав, тој заврши во Вртелешка… со овие зборови актерката и водителка Весна Петрушевска- Бејби ја започна најавата на последното негово интервју неколку часа пред кобниот час. Прерано починатата музичка ѕвезда, Тоше Проески се отвори за вистинските вредности, за пријателите, за сериозните животни предизвици што ги носи популарноста… Сите тие работи ги раскажа во своето последно интервју за емисијата „Вртелешка“, вечерта пред кобната несреќа. -Максимално е и многу е тешко да се издржи. Шминкање, вадење шминка.. Пакување, распакување.. Преку глава ми е. Кога би можел да се телепортирам од концерт на концерт би бил најсвежиот човек на светот. Сакам да се тргнам настрана, но не можам. Машинеријата ме зеде во бубањ, како што велат старите. Нема враќање назад. За голема среќа многу ме радува што на сите тие концерти можам да се дружам со луѓето со кои енергетски се ревитализирам. По ова интервју Тоше Проески замина за Хрватска, но од автопатот кај Нова Градишка никогаш не се врати…

ВИДЕО: „Дајте музика“ се враќа на малите екрани, по 30 години повторно се снима детската серија

Ивона Петрова — Thu, 08 Aug 2019 07:41:16 +0000

По речиси 30 години пауза, популарната музичка серија за деца „Дајте музика“, повторно ќе започне да се снима. Серијата со која пораснаа голем број генерации, а се прикажуваше на Македонската телевизија, беше во режија на Лазар Паковски и Миле Гроздановски и најавна шпица со Ристо Самарџиев. Повторното снимање започнува од страна на актерската школа на Весна Петрушевска под стајлинг водство на Цаци Паковска.