весна драгојевиќ – Kurir.mk

ЈА ИЗНЕВЕРУВАЛ 10 ГОДИНИ СОПРУГАТА СО ОВАА УБАВИЦА – жената на Оливер Драгојевиќ едвај го преживеала пеколот, секојдневно завршувала во болница! (ФОТО)

Дарко Андоновски — Thu, 10 Aug 2023 11:05:59 +0000

Пејачот Оливер Драгојевиќ ја загуби битката со пеколната болест во 2018 година на 71 годишна возраст, а од тогаш неговата сопруга Весна живее сама. Во една прилика таа открила дека се омажила за Оливер пред да почне да пее, а кога го прашала што работи тој и кажал дека свири музика, по што таа се побунила дека тоа не е работа, по што тој и рекол дека кога музиката ќе му стане работа, тогаш музиката повеќе ја нема..., раскажа во една прилика таа. Парот се запознал во 1973-та година, а се венчале десет месеци подоцна и останаа заедно до крајот на неговиот живот. Сепак, во животот не им било се така розово и не им цветале ружи, а доказ за тоа се шпекулациите со години наназад за неверството на пејачот. Имено во 2006-та година нивниот брак бил на чекор до бездна кога во јавноста се прошири веста дека Оливер живеел паралелен живот со манекенката Бранка Мариќ – Мути веќе 10 години. Таа јавно признала дека била во љубовна врска со него со седумдесеттите и осумдесеттите години на минатиот век. Пејачот поради Бранка сакал да ја остави Весна, а на неа и требале долги години за да се помири со тоа. -Тие години поради нервозата и стресот често завршував во итната помош, долго време ми требаше да сфатам зошто Оливер се свртел кон друга жена, а потоа сфатив дека тоа е негова незрелост и несигурност, открила Весна во една прилика. Пејачот пак на оваа тема никогаш се нема огласено, велејќи дека неговата интимност е негова работа што треба да се реши во четири ѕида.

Сопругата на Оливер Драгојевиќ се огласи со емотивна порака: Да беше жив, вчерашниот ден ќе го славеа заедно! (ФОТО)

Ивана Ефремовски — Thu, 08 Dec 2022 08:50:50 +0000

Музичарот Оливер Драгојевиќ, да беше жив, вчера ќе наполнеше 75 години, а по тој повод се огласи неговата сопруга Весна Драгојевиќ. Оливер Драгојевиќ почина пред четири години. Неговото семејство уште е неутешно, додека многу фанови ги слушаат неговите хитови. Сопругата на пејачот, Весна, сега се огласи за специјална пригода. Оливер вчера ќе наполнеше 75 години, а неговата сакана му посвети порака која ги растажи сите. Весна не ја крие болката и празнината со која се уште се бори, а истакна дека и денес се чувствува многу осамено и тажно. -Тагата не престанува. Се вовлекува во тебе како ситна прашина. Се истура горе-долу додека не ја достигне најмалата пора во вашето тело. Невидливо е, но го носиш како најтешкото бреме што човек може да го поднесе“ – напишала Весна во објавата заедно со песната „Тристеца“ на Оливер. Да потсетиме, Весна и Оливер Драгојевиќ се венчаа откако се познаваа само 10 месеци, а заедно останаа 45 години.

Денеска ќе наполнеше 74 години: Вдовицата на Оливер Драгојевиќ ја симна црнината од себе, но не и болката во душата – еве како изгледа денес

Дарко Андоновски — Tue, 07 Dec 2021 15:54:22 +0000

Сопругата на легендарниот хрватски пејач Оливер Драгојевиќ денеска се потсети на роденденот на својот сакан преку споделување на негова песна. Имено легендарниот пејач денеска би наполнил 74 години, а по тој повод неговата вдовица Весна Драгојевиќ сподели емотивна објава на социјалните мрежи. -Драг наш дедо, денеска 7.12 би наполнил 74 години. Тажни сме без тебе. Многу те сака твојата фамилија како што ти не сакаше нас, напиша Весна споделувајќи го неговиот хит „Kad mi dodjes ti“. Пејачот инаку замина на 71 годишна возраст, а зад себе ги остави трите синови, сопругата и внуците. Често во интервјуата говореше колку му значи неговото семејство кое му беше и најголема поддршка во животот. Најстариот син на пејачот Дино пејачот го добил во 1975-та година, а три години подоцна се родиле близнаците Давор и Дамир. Оливер и Весна по раѓањето на нивниот прв син сакале да ја зачуваат традицијата и иницијалите Д.Д да им ги дадат на сите три сина. За сопругата на пејачот се уште се зборува во Сплит како за една од ретките трудници кои на својот пораѓај дошла со градски автобус, додека Оливер во тоа време бил во Лондон. Ниту еден од синовите не кренале по стапките на својот татко, но можеби еден ден неговите внуци ќе ја продолжат лозата на својот дедо. Иако таа од никогаш не сакала да биде во центарот на медиумската јавност, по неговата смрт пред три години за прв пат даде свое интервју, а потоа поради потребата на јавноста да раскажува детали од животот со пејачот често започна да биде дел од медиумите. Така во една прилика се најде на насловната страница на хрватскиот магазин „Глориа“ заедно со своите шест внучиња.

Црнината никако да ја симне од себе- вака денес изгледа сопругата на Оливер Драгојевиќ две години по неговата смрт (ФОТО)

Дарко Андоновски — Wed, 29 Jul 2020 11:25:46 +0000

Денеска се одбележуваат две години од смртта на легендарниот хрватски пејач Оливер Драгојевиќ кој по тешката и долга битка со ракот почина на денеш ден во 2018 година. Тој замина на 71 годишна возраст, а зад себе ги остави трите синови, сопругата и внуците. Често во интервјуата говореше колку му значи неговото семејство кое му беше и најголема поддршка во животот. Најстариот син на пејачот Дино пејачот го добил во 1975-та година, а три години подоцна се родиле близнаците Давор и Дамир. Оливер и Весна по раѓањето на нивниот прв син сакале да ја зачуваат традицијата и иницијалите Д.Д да им ги дадат на сите три сина. За сопругата на пејачот се уште се зборува во Сплит како за една од ретките трудници кои на својот пораѓај дошла со градски автобус, додека Оливер во тоа време бил во Лондон. Ниту еден од синовите не кренале по стапките на својот татко, но можеби еден ден неговите внуци ќе ја продолжат лозата на својот дедо.

Иако таа од никогаш не сакала да биде во центарот на медиумската јавност, по неговата смрт минатата година за прв пат даде свое интервју, а потоа поради потребата на јавноста да раскажува детали од животот со пејачот често започна да биде дел од медиумите.

Така во една прилика се најде на насловната страница на хрватскиот магазин „Глориа“ заедно со своите шест внучиња.

Од овој детаљ кој осамнал на гробот на Оливер Драгојевиќ ќе роните солзи- неговата сопруга откри и кој го оставил тоа (ВИДЕО)

Дарко Андоновски — Wed, 31 Jul 2019 08:45:33 +0000

На годишнината од смртта на легендарниот хрватски пејач Оливер Драгојевиќ неговата сопруга Весна Драгојевиќ откри како го поминала животот со пејачот, но и една година по неговата смрт. Таа во тажното видео откри и еден детаљ поврзан со годишнината од неговата смрт. Имено на неговиот гроб пронашла гравирана плоча со неговиот лик која го направила и донела некоја девојка од Полска која му напишала и негова посвета. Весна во целото интервју кое го дава за прв пат по неговата смрт раскажува и дека се чувствува како да не умрел се уште. -Јас се уште не знам дека тој е умрен, ете така се чувствувам, еве бев горе на гробот и како да сум била кај некој роднина на гробишта, можеби мозокот не ми дава да ми влезе во глава дека е починат. Јас целиот стан дома го реновирав и не можам сега да живеам од некој спомени и да ги гледам тие. Целата негова соба ја реновирав и сите работи ги спакував во кутии за во музејот, додека неговите алишта мижеечки ги ставав за да не го гледам и тоа, вели неговата сопруга. Таа додава дека еден месец по неговата смрт дошло на свет нивното шесто внуче, а сето тоа тој го знаел и бил свесен за тоа. -Знаеше и како ќе се вика, но не успеа да го види, вели Весна.

Вдовицата на Оливер Драгојевиќ проговори една година по неговата смрт: „Немав сила за документарецот, а сега следува концерт“

Ивона Петрова — Thu, 25 Jul 2019 12:49:24 +0000

Вдовицата на музичкиот великан Оливер Драгојевиќ била поканета на премиерата на документарниот фил „ОЛИВЕРовите 70“, кој премиерно бил прикажан на затворањето на Пулскиот филмски фестивал, но таа немала сила да присуствува. За Слободна Далмација вели дека се уште и се тешко кога ќе се сети на сопругот со кој поминала речиси 50 години во брак и имаат три сина. -Видов претходно неколку секунди од филмот и се откажав. Едноставно не можев. Можам да ги гледам неговите фотографии, стари спотови, се останато, но кога тој говори нето приватно, нема шанси, не можам. Не знам кога ќе го погледнам филмот. Го имаме дома, но никој не го гледал. Се работи за последниот концерт, тој веќе беше болен, што никој од нас не знаеше. Како да знаел што е му се случи, како да чувствувал нешто, но ништо не ни кажуваше, изјавил вдовицата на Оливер, Весна. На годишнината од неговата смрт, на 29 јули, ќе биде одржан концерт во негова чест „Trag u beskraju“ во неговото место на Корчула, каде е и погребан. Весна вели дека на општината, која е организатор, им дала одврзани раце. Додава дека семејството ќе присуствува на концертот, но не знае како таа ќе собере сили. -Сите сме веќе тука, ќе присуствуваме. Иако јас се би прескокнала. Лошо ми е, сѐ ме потсетува на него. Би сакала тој ден да сум во некоја глувчешка дупка. Но не можам да побегнам, луѓето го доживуваат за свој, а нивен беше колку што беше и нас. Не знам како ќе издржам, ќе се видам и со некои луѓе со кои се немам видено со години. Сепак, драго ми е што концерот ќе биде традиција и ќе заживее и следните години, заклучува Весна.

Последните денови од животот на Оливер Драгојевиќ: Сопругата Весна си ја отвори душата

Ивана Ефремовски — Tue, 28 Aug 2018 15:03:30 +0000

Сопругата на легендарниот Оливер Драгојевиќ, Весна, во трогателна исповед проговори за неговите последни денови. Смртта на Оливер ги натажи сите негови фанови од регионот, но најмногу семејството, кое заедно со него цела година се бореа со туморот на белите дробови. Неговата сопруга Весна, по еден месец од трагедијата раскажува за најтешките моменти пред смртта. -Никој никогаш, нешто не рекол, па потоа да почине. Човек се гаси. Ете така е. Не постои простување. Последните три-четири дена тој не зборуваше, само спиеше. Беше оптимист до крај. По цели денови бевме со него во болница. Му правев ручек и му давав да јаде. Тоа е се што можев да направам. Му пуштавме песни кои сакаше да ги слуша. Се однесувавме како ништо да нема да се случи. Беше понекогаш малку подобро, па малку полошо. Не му зборувавме – сега е готово. За што да се зборува? Ние сме сложно семејство, нема кавги меѓу нас. Не остави без никакви долгови и скандали, се ни е во ред. Беше мирен. Знае дека ние сме добро, раскажа Весна Драгојевиќ за хрватскиот „24 часа“. Оливер ја загуби битката по една година борба со тумор на белите дробови.

Ќе ви пукне срцето кога ќе го прочитате писмото на сопругата на Оливер: „За некој ден ќе се роди Марко кој никогаш нема да го видиш“

Дарко Андоновски — Tue, 07 Aug 2018 09:50:43 +0000

Три дена беше тоа што никогаш не сакаше да бидеш – важен, почитуван, сакан од сите познати и непознати луѓе. Морам да ти кажам дека се случи спонтано, без притисок. Ние дома знаевме дека луѓето те сакаат, но бевме шокирани од количеството емоции кои ги доживеавме. Имаше, Оли, три погреба во два дена. Ова е дел од прошталното писмо на Весна, сопругата на Оливер Драгојевиќ која една недела по неговата смрт успеа да пронајде вистински зборови и да се прости со човекот со кого делеше и добро и зло цели 45 години, пишува „Слободна Далмација“. – Едвај останавме на нозе, но горди сме на сите случувања поврзани со тебе. Како што рече Џибони, ова море е само за тебе. Ти знаеш дека сме добро. За некој ден ќе се роди Марко, твојот шести внук кој никогаш нема да го видиш, но знаеше дека доаѓа. Малиот Тони ме праша: Бабо, што се овие свеќи пред нашата куќа? Му реков дека луѓето ги оставаат бидејќи дедо почина. Знаеш што ми рече: Зошто ги има толку многу? Гледаш, за него и за сите нас беше само дедо и сигурна сум дека и ти тоа би му го кажал. Впрочем, така и те доживувавме – напиша Весна Драгојевиќ во емотивното обраќање. – Знаеш колку се сакаме и тоа ти беше најголемата среќа во животот. Секогаш ќе бидеш капетан на нашиот брод и ќе пловиме каде што треба, каде што ќе ни биде убаво. Ќе не чуваш како и досега, а ние ќе го следиме твојот траг во бесконечноста – напиша сопругата на Оливер.