весна пемова – Kurir.mk

Пемова до СДСМ: Законите на ВМРО-ДПМНЕ секогаш биле за доброто на граѓаните, затоа сега и вие ги применувате

Катерина Бојаџиева — Fri, 24 Jan 2020 14:06:47 +0000

Пратеничката од редови на ВМРО-ДПМНЕ, Весна Пемова на собраниската седница посочи дека законот од 2011/2012 година за пензиско осигурување и докупување на пензиски стаж сега го дополнуваат и СДСМ со што признаваат дека владата на ВМРО-ДПМНЕ секогаш имала добри закони кои користеле за доброто на граѓаните на Република Македонија. -Сакам да истакнам дека измената во законот за пензиско инвалидско осигурување имавме 2011/2012 година во периодот кога нели власта ја имаше ВМРО-ДПМНЕ, а ДУИ беше во коалиција со ВМРО-ДПМНЕ и заеднички нели предложивме измена на законот за пензиско инвалидско осигурување. И на ваквите лица кои што беа загрозени тогаш им овозможивме со докуп на пензискиот стаж да го остварат правото на пензија, потсети Пемова. Пемова додаде дека законот посебно важеше за оние лица кои што работеле, а работодавачите го немаа подмирено стажот на работниците. -И по барањето на ВМРО-ДПМНЕ на околу 10 до 20.000 граѓани им се даде можноста да се изврши докуп на пензискиот стаж за да остварат старосна пензија. Сега колегите предлагачи исто така бараат продолжување на оваа законска можност, со измена на законот да им се овозможи на оние лица кои што работеле и имаат работено 15 години и го остваруваат еден од условите за 15 години работен стаж, меѓутоа работодавачите одреден дел од нивниот работен стаж не им го уплатувале пензиското осигурување и сега им се дава можност тие самите лично со нивна доплата да го исполнат тој услов односно да си го докупат стажот за да можат за да остварат старосна пензија, истакна Пемова.

Пемова: Новите измени на Законот за вино ќе ја намалат откупната цена на грозјето

Дарко Андоновски — Thu, 07 Nov 2019 14:00:49 +0000

Пратеничката на ВМРО-ДПМНЕ Весна Пемова во однос на измените на Законот на вино од собраниската седница денеска истакна дека истите се на голема штета на лозаропроизводителите и ќе ја намалат откупната цена на грозјето. Претеничката објасни дека сите измени до сега се однесуваа на подобрување на условите на работа на винариите, а ништо за лозаропроизводителите, смета дека време е да се направи еден нов закон за лозаропроизводителите, а тоа е нешто што го бараат токму тие, затоа што со Законот за вино не е регулирана цената на грозјето и работата на производителите. -Сметам дека е време да се донесе закон за лозаропроизводители затоа што здруженијата си имаат и свои предлози за истото, а овие измени што се прават во овој закон се штетни, затоа што сега ќе им се бара на лозаропроизводителите поголема концентрација на шеќерни единици во грозјето и со тоа ќе се намалува откупната цена на грозјето, а свесни сме оваа година колку беше ниска откупната цена на грозјето, вели Пемова.

Пемова: Овој ребаланс значи дека Владата промашила во креирање на економските политики во државата

Катерина Бојаџиева — Mon, 07 Oct 2019 15:12:26 +0000

На денешната собраниска седница пратеничката од редовите на ВМРО-ДПМНЕ, Весна Пемова посочи дека секој ребаланс значи дека Владата промашила во креирање на економските политики во државата. -Овој ребаланс на буџет не претставува ребаланс заради развој на државата, туку со еден збор кажува за неспособноста на владата во креирањето на економските политики во државата, истакна Пемова. Пемова додаде дека Владата на Република Македонија има направено големи промашувања и на приходната страна на Буџетот и на расходникот. -Во приходната страна има промашувања во прибирање на средствата во Буџетот и тоа по основ на прибирање на даноци, посебно на данок на добивка што укажува дека приватните фирми работат тешко со економските мерки и политики што ги спроведува оваа Влада. Потфрлањата на оваа влада со оваа економска политика се големи, нагласи Пемова.

Пемова: Државата во последен период функционира само од задолжувања

Предраг Кукиќ — Tue, 24 Sep 2019 19:16:08 +0000

Пратеничката од ВМРО-ДПМНЕ, Весна Пемова на собраниската седница на која се дискутираше за изменување и дополнување на буџетот рече дека ребаланс се прави кога Владата има промашување во креирањето на буџетот и лошото водење на политиките и мерките коишто ги спроведува, и инситуциите кои треба да ги спроведат преку различни програми и проекти, ги немаат ефикасно сработено. -Реализацијата на вкупните приходи во буџетот се во помал процент од предвиденото или во апсолутни бројки потфрлањето во собирањето на средствата во буџетот е 166 милиони евра и ако се бродолжи со овој начин на работа, средставата кои до крајот на годината ќе фалат во бѕџетот ќе бидат околу 250 милиони евра. Најзагрижувачки податок е тоа што најмногу има потфрелно во прибирањето на средствата по однос на даночни приходи, особено по основ на данокот на добивка кој е показател на работењето на приватниот сектор. Тоа укажува дека политиките што ги креира оваа Влада не даваат резултат, рече Пемова. Пемова упати прашање до заменик министерката на кој начин ќе ги обезбедат тие средства на приходната страна на буџетот, за да може буџетот нормално да функционира до крајот на годината бидејќи економските политики не даваат сигнал дека ќе успее државата тие средства да ги прибере. Таа праша и дали државата и овој недостаток ќе го надополни со нови средства од задолжувања затоа што како што кажа таа, државата во последен период функционира само од задолжувања.

Пемова: Економските политики на владата не даваат резултат

Предраг Кукиќ — Mon, 23 Sep 2019 15:56:37 +0000

Пратеничката од редовите на ВМРО ДПМНЕ Весна Пемова имаше обраќање на собраниска седница на која рече дека економските политики и мерки на владата на даваат резултати. - Владата предвидела значи процентот на вкупните приходи да биде 66,7 % или владата во креирањето на буџетот има промашено во нели вкупните приходи на буџетот за цели 5 %. Е сега колешке се поставува прашањето зошто, како промашила владата која е причината што владата има 5 % промашување во реализацијата на вкупните приходи на буџетот во првите 8 месеци или во апсолутна вредност промашувањето на владата е околу 166 милиони евра. И ако се продолжи со тој тренд на прибирање на средства до крајот на годината ќе фалат околу 250 милиони на приходната страна од буџетот рече Пемова. Пратеничката исто така потенцираше дека парите кои ќе фалат на приходната страна на буџетот ќе значат нов дефицит во буџетот.

Пемова: Странските инвеститори не заобиколуваат заради лошата даночна политика и корупцијата на власта

Предраг Кукиќ — Fri, 20 Sep 2019 14:55:38 +0000

Крајно време е да се признае дека политиката што ја води оваа влада, и економската политика и корупцијата се голема причина за недоаѓање на странски инвеститори во Република Македонија, изјави пратеничката од ВМРО-ДПМНЕ, Весна Пемова на собраниската Комисија за финансирање и буџет. Пемова потенцираше дека странските директни капитални инвестиции во првото полугодие на 2019 година се на најниско ниво во последниве декади и тоа го потврдуваат бројките, и затоа власта треба да објасни пред граѓаните зошто инвеститорите не заобиколуваат и не инвестираат како претходно што го правеа тоа. Дали причина за заобиколување на Република Македонија од странски капитал инвестиции е политичката нестабилност, даночната политика, корупцијата која што никогаш не била на вакво ниво каково што е сега, и сите меѓународни фактори ни упатуваат критики во таа насока, прашува Пемова. Таа исто така додава дека ребалансот кој што го прави СДСМ е потврда дека владата потфрлила во самата проекција на буџетот и тоа во сите сегменти од нашето живеење и дека оваа година не е економска година а тоа го потврдуваат сите макроекономски параметри.

Вооружени полицајци го сопреле пратеникот на ВМРО-ДПМНЕ- во знак на револт Манојлоски ја напушти седницата на Комисијата за труд и социјална политика

Дарко Андоновски — Mon, 08 Jul 2019 10:10:02 +0000

Заменик претседателката на собраниската Комисија за труд и социјална политика Весна Пемова денеска ја прекина седницата поради немање кворум, откако пратеникот на ВМРО-ДПМНЕ Горан Манојлоски ја напушти седницата во знак на револт, како што кажа, поради инцидент што му се случил на пат кон Собранието. Имено, Манојлоски рече дека утрово кога одел на работа кон Собранието на кружниот тек во скопската населба Ѓорче Петров бил запрен од страна на вооружени полицајци кои, како што посочи, и покрај тоа што им кажал дека е пратеник му рекле да излезе со цел да извршат претрес внатре во возилото. Тој рече дека нема да се враќа на работа во собраниските комисии додека не добие официјално известување од страна на министерот за внатрешни работи или МВР во врска со настанот. Инаку заради грабежот во НЛБ Тутунска Банка во Сарај бил претресен токму пратеникот на кој полицијата му го претресувала автомобилот како најголем криминалец, додека полицијата не му верувала дека станува збор за пратеник кој уредно се легитимирал.

Пемова до Заев: Вашата најавена „метла“ стана „метличка“

Катерина Бојаџиева — Wed, 26 Jun 2019 15:06:21 +0000

Губењето на довербата од граѓаните кое го видовте во првиот круг од претседателските избори ве натера помеѓу двата круга да организирате еден театар во Карпош каде што од страна на Дац ви беше дадена една метла и тогаш рековте дека метлата е добра порака и тоа од вашите. Ја прифативте метлата и два месеца граѓаните се занимаваа со метлата, а во меѓувреме од метла стана метличка, му порача Весна Пемова, пратеничка од ВМРО-ДПМНЕ на Зоран Заев на денешната собраниска седница каде се дискутира за реконструкцијата на Владата на СДСМ. Пемова потенцираше дека екномијата во Македонија е катастрофална и дека нема ништо од ветените 500 евра плата бидејќи за една година просечната плата се зголемила за 270 денари што не е ни приближно 500 евра плата. -Ако сега просечната плата е 24 700 денари ви требаат уште 5000 денари до 30.000 денари. Колку години ви треба господини премиер за да ја достигнете вредноста на просечната плата од 30.000 денари? Дури ни во 2025 година не би го постигнале тоа, вели Пемова.

Пемова: Со новиот закон за социјална заштита власта укинува права и средства на социјално загрозените лица

Предраг Кукиќ — Mon, 27 May 2019 19:13:22 +0000

Со новиот закон за социјална заштита се укинуваат одредени права на социјално загрозени лица кои што досега ги уживаа и се трансформираат во други права каде висината на средствата која ќе ја примаат граѓаните е многу пониска од таа досега, изјави пратеничката на ВМРО-ДПМНЕ, Весна Пемова во нејзиното гостување на Само вистина на Канал 5 Телевизија. Пемова потенцираше дека со новиот закон власта им крати од средствата на примателите на постојаната парична помош, го укинува додатокот за трето дете и им ги намалува за 50% средствата за покривање на енергенсите во семејствата, односно ако тие досега 12 месеци земаа по 1000 денари, со новиот закон ќе земаат само 6 месеци. Искрено е да кажете дека тој додаток навистина се намалува за 50%, исплатата е за 6 месеци а висината е 1000 денари, додека досега со старото законско решение исплатата е 12 месеци по 1000 денари. Ако досега земаа 12.000 во годината сега ќе земаат само 6.000 денари, истакна Пемова обраќајќи се до министерката Царовска. Токму затоа таа вели дека овој закон за социјална заштита нема да биде добар, односно нема да биде одржлив за долг временски период, бидејќи власта значително им крати средства на социјално загрозените лица, а од друга страна манипулира дека прави реформи, кои во реалноста се погрешни и манипулативни.

Пемова: Метлата може да биде успешна ако Заев го следи примерот на Ципрас и распише предвремени избори

Предраг Кукиќ — Mon, 27 May 2019 18:28:36 +0000

Пратеничката на ВМРО-ДПМНЕ, Весна Пемова во гостувањето на Само Вистина на Канал 5 телевизија истакна дека метлата на Заев може да биде успешна доколку почне од него и самиот тој си даде оставка, и го следи примерот на Ципрас да распише предвремени избори за да почнат промените во државата. Пемова нагласи дека вчерашните оставки во раководството на СДС се само фарса и замајување на јавноста после лошиот резултат на претседателските избори, додека истата може да и донесе добро на Република Македонија само ако Заев го следи примерот на Ципрас и распише предвремени парламентарни избори Метлата може да биде успешна ако почне од премиерот, Зоран Заев, тогаш можеби нешто ќе се смени во државата и сметам дека добро би било кога би го следел примерот на неговиот пријател Ципрас кој што вчера по неуспехот си поднесе оставка и распише предвремени избори. Метлата може да помогне во тој случај кога за целиот неуспех ќе си даде првиот човек оставка а потоа оставка на цела влада и нови предвремени избори, потенцираше Пемова.