весна петрушевска – Kurir.mk

ОВА Е НАЈТЕШКИОТ ДЕН ВО ГОДИНАТА ЗА НЕА: Весна Петрушевска со емотивно видео се потсети на Тоше Проески, за седум часа откако те гушнав за последен пат те снема!

Дарко Андоновски — Mon, 16 Oct 2023 11:39:34 +0000

Денеска е 16-ти октомври, а точно на овој ден пред 16 години во тешка сообраќајна несреќа животот го загуби најголемата музичка икона која некогаш ја имала Македонија, Тоше Проески. Сообраќајната несреќа се случи кај Нова Градишка во Хрватска, а тогаш медиумите во целиот регион со брзина на светлината ја пренесоа оваа страшна вест… Од тогаш, па навака веќе ништо не е исто на македонската музичка сцена… Не е исто ниту во животите на многу луѓе кои го сакаа неизмерно и беа дел од неговото секојдневие… Една од нив беше и водителката Весна Петрушевска – Бејби, со кого Тоше беше исклучително близок… Повеќето од вас знаат дека токму неколку часа пред неговата смрт, односно на 15-ти октомври во вечерните часови, Тоше беше гостин во емисијата на Весна каде искрено разговараа на многу теми. Од тогаш, па навака, Весна на овој ден постојано се потсетува на нејзиниот голем пријател и знае да напише доста емотивни зборови. Така беше и сега… Петрушовска сподели неколку спомени од Тоше и напиша неколку емотивни реченици… Погледнете: „Секој 15-ти октомври е ист. И тоа точно некаде околу 22 часот. Завршивме околу 23 часот. За неполни 7 часа те снема. Небото е поделено на 7 елементи. Виножитото има 7 бои. Сакам да мислам на тебе затоа што тогаш чувствувам дека си жив некаде, макар и во мојата глава. Ти уживаше во секое изгрејсонце, бидејќи знаеше дека никому не е ветено утре, дури и остатокот од денес. Тагата е љубов што не сакам да ја оставам.. Те сакам,твоја Бејби“.

View this post on Instagram

A post shared by Vesna Petrushevska (@vesnapetrushevska)

Весна Петрушевска му одржа лекција на министерот Шаќири: Додека зборуваа за насилство, тој си гледа во мобилниот телефон (ВИДЕО)

Ивана Ефремовски — Wed, 10 May 2023 08:36:18 +0000

Актерката Весна Петрушевска беше учесничка на дебатата за врсничко насилство, па таму му одржа лекција на министерот за образование Јетон Шаќири за тоа што треба да превзема како надлежни. Петрушевска кажа дека анкетирала 80 деца од 8 до 14 години во нејзината актерска школа и сите кажале дека имало ножеви во нивните одделенија, па го праша министерот:„ Како ќе го регулирате тоа“? Додека таа поставуваше прашање, ресорниот министер на дебатата си гледаше во својот мобилен телефон. Актерката му одржа лекција.

Весна Бејби: Кога сте на 5 метри од вашето дете тоа е друг лик, соочете се со опасноста на врсничкото насилство

Ивона Петрова — Wed, 03 May 2023 19:01:15 +0000

Актерката Весна Петрушевска се огласи на социјалните мрежи по грозоморниот настан во Белград во кој 13 годишно момче уби 8 ученици и училишниот обезбедувач, а рани шест ученици и една наставничка. Таа упати силна порака до родителите. -Денес е тажен ден за сите ...децата знаат да булираат,оние кои што се булирани не зборуваат за тоа!Се сеќавам како мојата ќерка беше булирана после траумата за која не беше виновна. Деца на нејзина возраст.Ја отпишав од тоа училиште оти родителите на булерите имале против што учат со неа. Мразам оружје,никогаш ни на сцена не сум го користела како реквизит. Со Коста детето што уби 9 човечки животи е една погубна поука да почнете да разговарате со своите деца, да ги слушнете,да клекнете на коленици и да ви шепнат што ги мачи. Во мојот живот се изнагледав насилни деца и жртви на насилниците.Одете до трети спрат психијатрија на клиника! Одете видете не е тоа далеку од вас! Родителите сакаат се најдобро за своите деца во тоа не се сомневам,ама не ги гледате, не сте сведоци на нивните паѓања и трауми. Што мислите колкав гнев имал Коста? Веројатно немерлив. Цело време зборувам за ментално здравје вие сте застанати кај анксиозност. Соочете се со опасноста на врсничкото насилство. Не оди вашата флоскула "моете дете никогаш" кога веќе сте на 5 метри од вашето дете тоа е друг лик. Многу е страшно и проклето жално за загубата на сите жртви. Ова го има и кај нас. Образовниот систем ни е ерозија , гледаат одвратни риалити програми,насилни гејмерски игри,социјални мрежи кои сосема погрешно се користат. Во каков свет ни растат децата. Сочувство,тажен ден за сите нас, напиша Петрушевска.

И Весна Бејби се прости од Димче Мешковски: Еве по што најмногу ќе го памети актерката својот колега – „баш те сакав“ (ФОТО)

Дарко Андоновски — Tue, 21 Mar 2023 12:28:21 +0000

Македонската актерка Весна Петрушевска Бејби преку статус на Фејсбук се прости од својот колега, актерот Димче Мешковски кои почина денес во Америка. „Си замина и Мешко, ќе те паметам по насмевката, твојата воздржаност, огромната љубов кон Марика и твоите две ќерки. Добар татко и одличен глумец. Мешко баш те сакав❤️❤️❤️🎭аплауз и слава ти ❤️“, стои во нејзиниот пост на Фејсбук.

Весна Петрушевска со потресни зборови се прости од Мара Попара: Драга сестро да ти кажам, нас глумците лесно не забораваат!

Дарко Андоновски — Tue, 10 Jan 2023 10:14:16 +0000

Актерката Весна Петрушевска со трогателна порака се прости од нејзината колешка и пријателка Катерина Крстева, позната како Мара Попара: Драга моја Кате (сестро да ти кажам) или во народот позната како Мара Попара да си го најдеш мирот и извини што сите те заборавија ,прости им што не ја знаеја твојата тажна приказна и барем малку со @Moni Ugrinovska Македонски народен театар / Makedonski naroden teatar дознавме па подостоинствено да ја завршиш оваа приказна . Ефектот кој го имаше на другите е највредната валута која постои. Со тебе израснаа многу генерации, а само мал круг знаевме колку си луцидна,остроумна и благородна. Кате, многу ми е жал. Нас глумците баш лесно не забораваат.

Весна Петрушевска: Имате ли памет бре, три месеци не’ малтретирате со вашата неспособност, дајте си оставки

Ивона Петрова — Mon, 12 Dec 2022 11:39:09 +0000

Актерката Весна Петрушевска се огласи на социјалните мрежи по денешните дојави за бомби. Петрушевска ги повика властите да си поднесат оставки поради постојаните дојави за бомби и неспособноста за пронаоѓање на лицата или лицето и расчитување на случаите. -Имате ли памет, бре. Девет средни училишта, трговски центар, Џевахир сити. Три месеци не’ малтретирате со вашата неспособност, дојави за бомби. Побарајте помош од странски служби, од било каде и дадете си оставки. Ова е ненормална работа што вие се правите. Колку сте вие неодговорни, неписмени и недоветни. Луѓе се во прашање, деца. Секое дете оди под стрес кога оди на училиште поради дојави за бомби. Три згради се симнавме долу, не знаете колку е тоа одвратно и страшно, со сирени, стари луѓе кои не можат да одат, не можат да се симнат. Не смеете лифт да употребите. Важно има секој ден дојава за бомба, а вие ништо не правите. Можеби и правите, не знам, ама не ве гледам дека правите. И дајте си оставки нека дојдат некои кои повеќе знаат, порача Петрушевска. Инаку денеска во Скопје дојави за бомби имаше во 9 училишта, во МНР, ГТЦ, Џевахир сити и ТЦ Ист гејт. Дојава за бомба утринава добило и основно училиште во Кавадарци.

„Сами сме дома” – нова хит новогодишна детска претстава во Дом на АРМ

Ивана Ефремовски — Thu, 08 Dec 2022 11:34:42 +0000

Модерната, забавната и интерактивната новогодишна детска претстава „Сами сме дома“ во која глумат 70 ученици од актерската школа на Весна Петрушевска ќе се прикажува во Дом на АРМ, оваа сабота, 10-ти декември, со почеток од 12 часот која е веќе распродадена и од 14 часот за која се уште има карти. „Драги деца и родители повелете да ја проследите новата хит новогодишна детска претстава „Сами сме дома“ која премиерно ќе биде оваа сабота од 14 часот во Дом на АРМ. Картите можете да ги резервирате преку контакт телефонот 078/227-316. Со претставата сакаме да им покажеме на своите деца дека можат да ги допрат ѕвездите!“ вели актерката Весна Петрушевска. Таа додава дека да се работи со деца е огромен предизвик. Тие на првиот час доаѓаат не знаејќи дека за да бидеш актер треба да го живееш актерскиот сон. „Искрена да бидам со многу работа, домашни работи и љубов моите ученици прераснуваат во мали актери кои на публиката можат да им ја пренесат сета среќа и тага од драмските текстови. Токму тоа го кажувам со самодоверба затоа што знам колку напорно како сме работеле заедно за да го постигнеме истото." додаде Петрушевска. Посветеноста на Весна Петрушевска кон најмалите љубители на пишаниот збор и театарот е голема. Од еден актерски час или проба во актерската школа секој ќе сфати дека тоа е единствено магично место, посветено на децата, каде се дава љубов и поддршка од децата за децата, каде се забавуваат но и учат и работат како вистински професионалци.

Петрушевска: Срам да ви е, 68 сте на број! Сите што се пребројавте не постоите за мене

Магдалена Андонова — Sat, 16 Jul 2022 14:09:20 +0000

СРАМ ДА ВИ Е ! 68 сте на број! Навистина треба повеќе да читате и да учите,а не да препишувате по потреба од Петре М. Андреевски. Денес сите вие што се пребројавте не постоите за мене и нема да ви дозволам да одлучувате за мене. Веројатно ви е сеедно!Веројатно газот ве заболе за Македонија, стои во Фејсбук статусот на Весна Петрушевска. Таа напиша дека на тие 68 што ги греат столиците не им се важни јазикот, културата и идентитетот. -Не ми се верува какви луѓе сте.Не сте ни луѓенца. Не знам кај беше ова и не знам кога беше, јас мислев во цвеќе ќе ја најдеме Македонија, а таа во казан клаена и сите ѓаволи играат околу неа, ќе ја посееш жито, а кукавици ќе ти никнат, додава Петрушевска во својата објава.

Петрушевска: Мораме да им покажеме дека сме единствени и дека за македонскиот јазик не смее да се преговара, Владата мора да падне

Тале Кристо — Sun, 10 Jul 2022 20:45:28 +0000

Тука сум да ви кажам дека за македонскиот јазик не се преговара. Македонија е тврдина која што мораме да ја одбраниме, како сакате да ни го смените идентитетот, не ве разбирам, како сакате да не денационализирате, да не асимилирате, како сакате да се вика мојот театар ако не Македонски народен театар. Мораме да им покажеме дека сме единствени, дека нема нас никој да не испровоцира и да предизвика меѓунационална борба, војна, оние кој што сакаат. Какво безобразие, какво лицемерие, оние кој што мислат дека се број од 61 земаат пари од нас, од нашиот данок кој што ние го плаќаме редовно. Ние сме чесни луѓе, јас не сум ничиј заложник, мене никој за ништо не ме платил во животот, а верувам и за вас овде кои сте излезени на улица. Ние треба секој ден да кажеме не, никој не го победил народот, никој не може против македонскиот народ. Кажете ми како јас на моите деца да кажам дека нема повеќе од утре да сме Македонци, нема да се потпишуваме така, учебниците ќе ни редактираат, тие ќе ни кажуваат што ние треба да учиме и кој бил Никола Карев, истакна Весна Петрушевска, актерка на денешниот протест „Ултиматум - Не благодарам“ Петрушевска во текот на своето обраќање посочи дека ова кое што се случува во државата е лудило затоа што не се преговара за нешто кое е наше и никој да не не нарекува „северномакедонци“. Македонци ова е ненормална работа, ова е лудило, ова ако вие не го чувствувате одвнатре јас не знам зошто не се сите денеска тука. Треба цела Македонија да се дигне на нозе. Јас се обидувам да не сум патетична, се обидувам да сум разумна, се обидувам да ги разберам некако зошто воопшто би преговарале кога и вака и онака 15 години нема да влеземе во ЕУ. Не сакам да преговарам за нешто што е само мое, не сакам да ме нарекуваат „северномакедонка“. Макрон, Македонка сум, ако не разбираш ќе ти преведеме, рече Петрушевска. Петрушевска порача дека секој еден треба да излезе и да се бори за Македонија. И мислам и тврдам дека треба секој општествен одговорен и културен работник особено културен работник да ја има општествената одговорност да излезе и да се бори за Македонија, затоа што ние сме тие кои што играме на сцена, кој што снимаме на телевизија, кој снимаме македонски филмови, кои сме амбасадори на нашата култура, како да сме амбасадори на македонската култура, како, со сменет идентитет, со тоа што вие таму некои ќе потпишете и ќе јадете бифтеци. Јас мислам и тврдам дека треба да сме единствени во ова и ДА, не сакаме насилство и ДА, не потклекнуваме на провокации од нашите сонародници, од нашите граѓани кој со нас живеат со години и нема да потклекнеме, додаде Петрушевска.

Петрушевска: Идентитетот е нешто за кое не се преговара, цел живот ни помина во уцени, притисоци и закани

Ивона Петрова — Wed, 06 Jul 2022 06:06:58 +0000

Актерката Весна Петрушевска се огласи на социјалните мрежи откако вчера присуствуваше на протестот против францускиот предлог. -Вечерва излегов на протест за да ви кажам дека македонскот јазик е тврдина, идентитетот е нешто за кое не се преговара. Ова е наша работа за сите нас. Цел живот ни помина во уцени, притисоци и закани. Зошто да потклекнеме и да дозволиме да ни менуваат историја, култура...велат не се секирајте"бетониран е јазикот". Па од бетон глава не кренавме! Сакаме да сме асимилирани, денационализирани и без историја? Да сме гости на сопствениот живот? Беше радикално вечерва и не поддржувам насилство, но народот е бесен и гневен. Жално и тажно за сите нас во што ни помина животот?, пишува Петрушевска на Фејсбук. Таа вчера имаше и обраќање на кое истакна дека општествена одговорност е секој културен работник, актер, музичар да дојде и да говори дека имаме само еден јазик, а тоа е македонскиот. Петрушевска нагласи дека никој нема право да преговара за македонскиот идентитет и македонскиот јазик бидејќи како што рече таа тоа е нашата тврдина.