весници – Kurir.mk

Дел од западните весници за новиот сој на коронавирусот – Омикрон

Ивона Петрова — Mon, 29 Nov 2021 07:25:45 +0000

Дали вакцините ќе ја спречат варијантата на коронавирусот Омикрон, прашува Њујорк Тајмс. Новата верзија предизвикува нова загриженост, бидејќи ако се покаже дека постоечките вакцини не влијаат на тоа, тие ќе мора да се модифицираат, забележува американското издание. Наспроти позадината на прекинот на воздушните врси со Јужна Африка и стравувањата од нов глобален бран на коронавирус во текот на викендот, научниците почнаа избезумена работа за собирање податоци за новиот сој на коронавирусот – Омикрон, нејзините карактеристики и, пред се, колку вакцините ќе бидат ефекасмни. Првичните информации даваат нејасна слика. Можно е варијантата полесно да се пренесува и полесно да се избегнат имунолошките реакции на организмот, како во случај на вакцинација, така и при природна инфекција, во споредба со претходните варијанти на вирусот, велат експертите. Вакцините може да продолжат да обезбедуваат соодветна заштита во смисла на спречување на тешки форми на ковид и смрт, но можеби ќе бидат потребни дополнителни дози за да се обезбеди заштита за повеќето луѓе. Производителите на Фајзер и на Модерна, се подготвуваат да ги модифицираат своите препарати доколку е потребно, посочува Њујорк Тајмс. Владата на американскиот претседател Џо Бајден смета дека засилувачките дози се најдобрата стратегија за спротивставување на новата верзија на коронавирусот, објави Вашингтон пост. Американското издание објавува мислење на експертите, вклучително и главниот специјалист за заразни болести во САД, Ентони Фаучи, дека е малку веројатно достапните вакцини да не обезбедат никаква заштита од новиот сој. Весникот се фокусира и на соопштенијата од Светската здравствена организација дека работи со голем број истражувачи од целиот свет за да се разбере како Омикрон ќе влијае на постоечките вакцини. Британија се обложува на бустер дози за да го спаси Божик, пишува британски „Тајмс“. Изданието ја нагласува изјавата на британскиот министер за здравство Саџид Џавид дека кампањата за засилена вакцинација ќе ја намали потребата од воведување нови ограничувања поради коронавирусот.

Убиен сопственик на весници во Мексико

Ивона Петрова — Mon, 18 May 2020 06:25:41 +0000

Сопственикот на весниците „Медиос Обсон“ и „Ел Тиемпо“ како и полицаец, назначен за него како обезбедување, беа убиени во Мексико, по добивањето закани, соопштија денеска официјални лица. Државното обвинителство на сојузната држава Сонора објави дека Хорхе Мигел Армента Авалос бил нападнат додека излегувал од ресторан во центарот на градот Сиудад Обрегон. Во нападот загинал и полицискиот службеник Орландо, Антонио Рувалкаба Флорес, а друг полицаец е ранет. Армента беше сопственик на весниците Медиос Обсон и Ел Тиемпо, што објавуваат вести во печатена верзија и на портали. Државниот обвинител Клаудија Индира Контрерас вети дека случајот ќе биде истражен, но се уште нема осомничени. Армента е третиот новинар убиен во Мексико оваа година. Повеќе од 140 новинари беа убиени во изминатите 20 години во таа држава.

Поради кибер напад попречено печатењето на неколку американски весници

Ристе Здравков — Sun, 30 Dec 2018 13:58:25 +0000

Печатењето и дистрибуцијата на дневниот весник „Лос Анџелес тајмс“ и други американски весници, вклучително и изданијата на компанијата „Трибјун паблишиг“ како „Чикаго трибјун“ и „Балтимор сан“ е нарушено поради кибер напад. Според „Лос Анџелес тајмс“ кибер нападот најверојатно е изведен надвор од САД. Од кибер нападот погодени се и весниците „Волстрит џурнал“ и „Њујорк тајмс“, кои се печатат во истата печатница.

Истражување: за 15 години затворени петтина од весниците во САД

Ристе Здравков — Tue, 16 Oct 2018 08:11:10 +0000

Повеќе од 1.800 американски весници се затворени од 2004 година, зголемувајќи ги „информативните пустини", каде има мало или никакво локално известување за јавните работи, се наведува во истражувањето на Школата за медиуми и новинарство на Универзитетот во Северна Каролина. Студијата, ажурирана со податоци до 2016 година, покажа дека повеќе од една петтина од локалните дневни весници или неделници биле затворени во изминатите 15 години. Како резултат на тоа, „илјадници наши заедници се изложени на ризик да станат информативни пустини", се вели во извештајот. Половина од 3.143 окрузи во САД сега имаат само еден весник, обично мал неделен, а речиси 200 држави во земјата воопшто немаат весници. - Луѓето со најмал пристап до локалните вести често се најранливите - најсиромашните, најмалку образовани и изолирани, се вели во извештајот. Во друг извештај на истражувачкиот центар Пју, објавен оваа година, се наведува дека бројот на новински работни места опадна за 23 отсто од 2008 година, главно во весниците. Додека САД се уште има околу 7.100 весници, многу од нив се „сенки“ на нивните поранешни лица и сега работат со намален персонал и многу помалку ресурси од редакцијата. Од 2008 до 2017 година, вработувањето во редакциите во САД се намали за 23 проценти. Во 2008 година, околу 114.000 вработени работеле во весници, радио и телевизија. До 2017 година, овој број беше намален за околу 27.000, па во тоа време околу 88.000 вработени работеле во американските медиуми. Во весниците, во текот на овој период, бројот на вработени се намалил за дури 45 отсто, од околу 71.000 вработени во 2008 година на 39.000 во 2017 година. Значителен пораст на вработеноста се случи само во дигиталните медиуми. Од 2008 година, бројот на вработени во овие медиуми е зголемен за 79 отсто, или од 7.400 работници на околу 13.000 во 2017 година.

Истражување: Околу 40 милиони Германци читаат дневни весници

Ивона Петрова — Wed, 15 Aug 2018 07:21:02 +0000

Во последните 12 месеци печатените медиуми во Германија загубија повеќе читатели во споредба со минатата година, јави германската новинска агенција ДПА. Во 2018 година 39,3 милиони луѓе во Германија читале дневни весници. Тоа е пад за 1,3 милиони читатели од 2017 година досега, се наведува во извештајот на Работната група за медиумски анализи со седиште во Франкфурт. Со анализата не е опфатено читањето на електронските изданија на весниците. Во моментот печатени медиуми читаат 55,8 отсто од Германците над 13-годишна возраст. Во 2017 година нивниот процент изнесувал 57,9. Најпопуларен дневен весник и понатаму е „Билд“, него го читаат 9,42 милиони луѓе. Но, и неговата читаност бележи пад од 350.000 луѓе во споредба со минатата година. „Зидојче цајтунг“ добил 10.000 нови читатели во споредба со 2017 година и има тираж од 1,25 милиони, додека бројот на читатели на „Франкфуртер алгемајне цајтунг“ не е промент со 760.000, а „Велт“ загубил 50.000 и сега има 660.000 читатели. - Падот на бројот на читатели во последните години ја одразува промената на односот на граѓаните кон печатените медиуми. И покрај топа весникот останува стабилно и квалитетно средство за реклама, изјави директорот на Одделението за дневни весници на Работната група, Герхард Мјулер. Извештајот е изработен на премерок од над 130.000 луѓе на возраст над 13 години, кои одговарале на прашањето кои шечатени изданија на весниците ги читаат. МИА