Вест Хем – Kurir.mk

Вест Хем е клуб со најмногу мечеви без пораз во Европа

Бошко Тасиќ — Fri, 06 Oct 2023 04:03:15 +0000

Англискиот Вест Хем победи со 2:1 на гости во Германија против Фрајбург, дуел кој имаше историско значење за лондонскиот клуб. Чеканите станаа првиот англиски клуб кој 17 натпревари по ред нема пораз во европските купови, вклучувајќи ги и квалификациите. Оваа неверојатна низа на Вест хем започна со почетокот на ланската сезона. Прво ги добија двата бараж дуели и се пласираа во групната фаза каде беа перфектни со шест од шест. Во нокаут фазата два пати славеа на АЕК Ларнака, потоа имаа победа и реми против Гент, за да потоа следуваа и две победи над АЗ Алкмар и триумф над Фиорентина во големото финале на Конференциската лига. Во оваа сезона, Вест хем во првото коло ја победија ТСЦ Бачка Топола, а вечерва се радуваа и против Фрајбург, па сега Чеканите имаат 16 победи и едно реми.

Вест Хем го договори фудбалерот на Ајакс

Бошко Тасиќ — Thu, 24 Aug 2023 03:57:03 +0000

Вест Хем е пред комплетирање на трансферот на ѕвездата на Ајакс, Мохамед Кудус, пренесуваат медиумите на Островот. Вест Хем постигнал договор со Ајакс за трансфер на Кудус тежок 40 милиони фунти и напаѓачот утре ќе пристигне на лекарски прегледи во Лондон. Репрезентативецот на Гана беше голема желба на Челзи, бидејќи Покетино е во потрага по нов напаѓач.

Вест Хем нуди 18 милиони евра за Закарија, Јувентус бара 25

Ивона Петрова — Thu, 06 Jul 2023 10:38:13 +0000

Играчот од средниот ред на Јувентус, Денис Закарија би можел да се пресели во Вест Хем. Лондончани во блиска иднина би требало да понудат околу 18 милиони евра за 26-годишниот швајцарски репрезентативец, додека клубот од Торино бара 25 милиони. Според новинарот Џанлука Ди Марцио страните најверојатно ќе дојдат до компромис следната недела. Јувентус има намера да ги потроши приходите за трансферот на фудбалерот од средниот ред на Лацио, Сергеј Милинковиќ-Савиќ. Закарија минатата сезона ја мина на позајмица во Челзи, постигнувајќи еден гол на 11 натпревари во сите натпреварувања.

Манчестер јунајтед на Вест Хем му нуди 40 милиони плус двајца играчи за Деклан Рајс

Бошко Тасиќ — Fri, 23 Jun 2023 04:34:16 +0000

Како што пренесува Дејли Мејл, Манчестер јунајтед стокмил интересн предлог за ангажман на Деклан Рајс, „ѓаволите“ нудат 40 милиони фунти плус услугите на Хари Мегваер и Антони Еланга. Арсенал не ја искористи шансата прв да го договори трансферот на Деклан Рајс, па сега ќе има наддавање за услугите на Англичанецот. По најавите дека Манчестер Сити ќе достави понуда, Дејли Мејл вечерва објави дека Манчестер јунајтед стокмил интересен предлог. „Ѓаволите“ на Вест Хем ќе му понудат 40 милиони фунти, плус услугите на Хари Мегваер и Антони Еланга.

Емерсон стана првиот играч во историјата кој освоил пет различни натпреварувања на УЕФА

Дарко Андоновски — Thu, 08 Jun 2023 06:31:48 +0000

Фудбалерот на Вест Хем, Емерсон стана првиот играч во историјата кој освоил пет различни европски натпреварувања на сениорско ниво. Синоќа „чеканите“ ја совладаа Фиорентина со 2:1 во финалето на Конференциската лига. Претходно Емерсон го освои Евро 2020 со Италија во 2021 година и ја освои Лигата на шампионите и Суперкупот на УЕФА со Челзи. Во 2019 година, Италијанецот ја освои Лигата на Европа со сините.

ХАОС ВО ПРАГА: Хулигани ги нападнаа навивачите на Вест Хем (ВИДЕО)

Ивана Ефремовски — Wed, 07 Jun 2023 17:15:26 +0000

Немили сцени ни доаѓаат од главниот град на Чешка, Прага. Вечерва на „Фортуна Арена“ ќе се одигра финалето од Конференциската лига помеѓу Вест Хем и Фиорентина, а навивачите на двата тима се судрија низ прашките улици, создавајќи голем хаос, пишува ГОЛ. Според информациите од локалните медиуми, досега приведени се петнаесет лица, а околу триесет лица побарале лекарска помош. Инцидентот започнал откако навивачи на Фиорентина кои биле облечени во црно и носеле „фантомки“ на главите, влетале во еден бар каде седеле фановите на „чеканите“ од Лондон.

Crazy clashes between Fiorentina Ultras and West Ham fans in Prague before the Conference League final. 😰 🎥 @RobHarris pic.twitter.com/CI2PXLXoRZ
— Football Tweet ⚽ (@Football__Tweet) June 7, 2023

Скамака на местото на Влаховиќ во Јувентус

Бошко Тасиќ — Mon, 29 May 2023 04:57:19 +0000

Јувентус поради неиграњето во Лигата на Шампионите ќе мора да продаде еден од највредните фудбалери на пазарот за да ја надополни финансиската загуба, а најблиску до заминување од „црно-белите“ е Душан Влаховиќ. Српскиот голгетер не се снајде најдобро во тактичките замисли на Алегри, па иако дел од вината сигурно се бара и кај тренерот, се поизвесно е дека Јувентус ќе го продаде Влаховиќ додека тој се уште има значајна вредност на пазарот. „Старата дама“ не планира да троши богатство на нов голгетер, туку вниманието го има насочено кон Џанлука Скамака. Овој голгетер делуваше импресивно во дресот на Сасуоло, минатото лето се пресели во Вест Хем, но не се снајде во Премиер-лигата и сега сака да се врати назад во татковината. „Чеканите“ платија 36 милиони евра минатото лето, но подготвени се сега да разговараат и за позајмица, опција што му оди во прилог и на Јувентус. Интерес за 24-годишниот Скамака во изминатите седмици искажа и Милан, но според италијанските медиуми Јувентус е клубот што е во водство во трката за потписот на овој одличен голгетер.

Навивачот на Вест Хем кој сам ги тепаше хулиганите на АЗ: Не сум херој, едноставно не сакам насилници (ВИДЕО)

Бошко Тасиќ — Sun, 21 May 2023 05:28:20 +0000

59-годишниот навивач на Вест Хем, Нолзи направи херојско дело во Алкмар откако храбро им застана на патот на ултрасите на АЗ и спречи да дојдат до трибината на која имаше семејни навивачи на англискиот им, меѓу кои и сопруги и деца на фудбалерите. Полицијата и редарите на мечот реагираа бавно, но Вест Хем го имаше херојот Нолзи кој ги спречи хулиганите да влезат на трибината и да ги нападнат луѓето од Англија. Нолзи е стар и легендарен навивач на Вест Хем кој е татко на четири деца. Веднаш беше препознаен од другите фанови на англискиот клуб кои го истакнаа неговото херојство. Доби благодарност и од дел од играчите и нивните сопруги, но Нолзи скромно вели дека тој не е херој туку го правел само тоа што мислел дека требало да го направи. „Не сум херој, само го правев тоа што требаше да го направам. И не е вистина дека сам се борев против напаѓачите. Имаше уште еден тип кој го правеше истото. Едноставно не сакам насилници, оние кои ги напаѓаат слабите и морав да направам нешто за да ги запрам. Така сум ги воспитал и своите четири деца. Секогаш ќе стојам во одбрана на жени, деца и послаби луѓе“, вели херојот, Нолзи. „Помислив дека најдобра одбрана е да ги нападнам. Не сакав да им дозволам да се пробијат до луѓето зад мене и ги нападнав. Јас, како и останатите навивачи на Вест Хем, во Алкмар дојдов мирно, фамилијарно со зетот и пријател. Но потоа видов како ултрасите на АЗ се собираат и тргнуваат кон нашите трибини. Ние им бевме на пат, па одлучија да не нападнат, јас помислив дека е најдобро да застнам на врвот на скалите кои се влез на нашата трибини и да ги одбивам еден по еден. Нормално е дека примив удари, но тоа ми беше планирано. Да примам удари додека не дојде засилување. Одбив барем четворица, но двајца ми дојдоа зад грб и ме удрија неколкупати во лице“. Нолзи негира дека тој бил хулиган од старата школа кој бил член на озогласените ултраси на Вест Хем, „Интер Сити Фирм“: „Никогаш не сум бил во никакви неволји, јас сум само обичен навивач на Вест Хем со годишна влезница, редовен сум на домашните натпревари. На гостувањата не одам често бидејќи жена ми не би била среќна со тоа. Еве погледнете каков „хулиган“ сум. Ја гледате оваа голема лузна на десната страна. Тоа е од неодамнешна операција со која ми е вграден вештачки колк“. Симпатизерите на Вест Хем кои го величеа херојството на Нолзби, бараа од клубот да му даде бесплатни влезници за финалето од Конференциската лига. „Не сакам тој грозен напад да ни ја засени фантастичната вечер во која Вест Хем се избори за историско европско финале. Жал ми е што никако не можев да дојдам до влезница за тој меч, кој ќе го играме за две недели во Прага против Фиорентина. Би сакал да бидам на тој натпревар. Се надевам дека на него нема да има никакви нереди и дека ќе уживаме во фантастичен меч“. https://twitter.com/i/status/1659353585581273089

Инциденти на реваншот во Алкмар, фудбалерите на Вест Хем ги бранеа своите навивачи

Дарко Андоновски — Fri, 19 May 2023 09:08:11 +0000

Шокантни сцени од навивачко насилство го одбележаа реванш натпреварот од полуфиналето во Конференциската лига во Алкмар меѓу АЗ и Вест Хем. Англискиот клуб синоќа избори пласман во финалето совладувајќи го АЗ на двата натпревари, откако на првиот дуел во Лондон триумфираше со 2-1, а на реваншот во Холандија со 1-0. По завршувањето на реваншот во Алкмар, група домашни хулигани го пробија заштитниот кордон и влегоа на дел од централната трибини каде беа сместени околу 200 навивачи на Вест Хем, во најголем број семејства и пријатели на фудбалерите на Вест Хем. Навивачите на АЗ ги нападнаа гостите, по што неколку фудбалери на Вест Хем ја прескокнаа оградата и влегоа во метежот за да ги одбранат своите семејства и пријатели. Полицијата и обезбедувањето брзо пристигнаа на местото на инцидентот и спречија негова ескалација, а редот беше воспоставен по десет минути. „Не можам да објаснам што се случи и зошто се случи. Играчите се вклучија бидејќи таму беа нивните семејства, тоа веројатно е причината за реакцијата. Таму беше и мојот 87-годишен татко“, изјави по натпреварот тренерот на Вест Хем, Дејвид Мојс.

Милан ја пронајде замената за Златан Ибрахимовиќ

Бошко Тасиќ — Fri, 28 Apr 2023 05:06:14 +0000

Напаѓачот на Вест Хем, Џанлука Скамака, може да се врати во Серија А, а за него се заинтересирани од италијанскиот фудбалски шампион Раководството на Милан е во потрага по замена за 41-годишниот Златан Ибрахимовиќ. Скамака игра за Вест Хем од летото 2022 година , а неговиот трансфер се проценува на 27 милиони евра. Џанлука Скамака оваа сезона одигра 16 натпревари во Премиер – лигата и постигна три гола.