вести – Kurir.mk

62 години од првата снимена и емитувана телевизиска вест во Македонија

Ивона Петрова — Thu, 01 Sep 2022 06:06:32 +0000

На 1 септември 1960 година беше формирана редакцијата на одделот на Телевизија Скопје и е снимена првата телевизиска вест што се емитуваше преку мрежата на ЈРТ, со што де факто се роди Македонската телевизија меѓу првите на Балканот. Во Редакцијата беа Димче Божиновски – уредник, Драги Аргировски и Димче Марковски – новинари и Благоја Прличков и Димче Гечевски – сниматели-камермани. На првиот состанок на редакцијата присуствуваа директорката на Радио Скопје, Веселинка Малинска, секретарот Лазо Димитровски, техничкиот раководител Тодор Џартов и програмскиот раководител Димче Божиновски. Техничка секретарка на редакцијата беше Лимона Лолева. На тој ден беа подготвени и снимени две информации што се емитуваа во заедничкиот ТВ-дневник на ЈРТ во Белград. Првата информација беше кратка белешка за Скопје, за времето и за почетокот на учебната година. Со тоа според наведените критериуми (снимено и емитувано) де факто се роди Македонската телевизија. Од тој ден Редакцијата секојдневно подготвуваше телевизиски извештаи од сите значајни настани во Македонија и телевизиски прилози од стопанскиот, образовно-културниот и спортскиот живот.

Дури 72 отсто од Македонците читаат вести онлајн

Магдалена Андонова — Wed, 24 Aug 2022 11:42:39 +0000

Седумдесет и два отсто од корисниците на интернет во Северна Македонија читаат вести онлајн, покажува истражувањето на Евростат. Од земјите во регионот, повеќе од македонските граѓани, вести на интернет читаат Грците (90 отсто), Црногорците (80) и Србите (77), а помалку Албанците (58 отсто). Во ЕУ, девет од десет луѓе на возраст меѓу 16 и 74 години, користеле интернет минатата година, а најмногу за читање вести. Меѓу земјите членки на ЕУ, најмногу корисници на интернет кои читаат онлјан вести се регистрирани во Финска (93 отсто), Литванија и Чешка (92 отсто) и Хрватска и Грција (90 отсто). Најмалку читатели на вести на интернет има во Романија (59 проценти), Германија (62 проценти), Франција (63 проценти), Италија (64 проценти) и Белгија (67 проценти). Во споредба со 2016 година, употребата на интернет за читање онлајн вести се зголемила повеќе кај жените, отколку кај мажите, но генерално, според Евростат мажите го користеле интернетот за читање вести почесто од жените, 74 отсто во споредба со 71 отсто. Читањето на „онлајн сајтови за вести“ е најпопуларно кај возрасната група од 25 до 54 години (75 отсто). Процентот на корисници на интернет најмногу се зголемил во руралните средини (од 65 отсто во 2016 година на 69 отсто во 2021). Според степенот на образование, пак, онлајн вести најмногу читаат луѓето со високо образование – 85 отсто, додека кај граѓаните со пониско ниво на образование тој процент изнесува 57.

Се огласи уапсената руска новинарка: Не знам што ќе биде со мене

Ристе Здравков — Tue, 15 Mar 2022 13:31:03 +0000

Се огласи руската новинарка Марина Овсијаникова, откако синоќа беше уапсена поради нејзиното појавување во етерот на руската државна телевизија „Прв канал“ со протестен плакат „Стоп за војната, не и верувајте на пропагандата“. Таа на Твитер напиша: „Не знам што ќе се случи со мене. Мојот адвокат ми рече дека според Кривичниот законик може да добијам затвор од 5 до 10 години. Не жалам, но ми треба вашата поддршка. #Стоп на војната“ Уредничката вчера во чин на отпор и протест против војната во Украина, се појави во етер на телевизијата со плакат против војната, по што беше уапсена. Кремљ настанот го нарече „хулиганство“.

ДОНЕСЕН ЗАКОН КОЈ ГО ПРОМЕНУВА ИНТЕРНЕТОТ: За содржината ќе треба да се плати!

Магдалена Андонова — Sun, 28 Feb 2021 20:01:40 +0000

Австралискиот парламент усвои закон, кој ги обврзува големите компании, вклучувајќи ги Гугл и Фејсбук, да им плаќаат на медиумите за пренесување на нивната медиумска содржина. Австралиската влада изјави дека овој закон „гарантира дека медиумските куќи добиваат фер компензација за содржината што ја произведуваат, што ќе придонесе за заживување на новинарството од јавен интерес во Австралија“. Законот отвора пат за двата технолошки гиганти да инвестираат десетици милиони долари во договори за трансфер на медиуми. Ова може да се покаже како модел за решавање на конфликтите помеѓу технолошките гиганти и регулаторните тела низ целиот свет за изедначување на односите помеѓу традиционалните медиуми, кои се наоѓаат во големи финансиски тешкотии, и големите технолошки компании, кои доминираат на Интернет и заземаат огромен дел од приходите од рекламирање . Гугл сега ќе плаќа за содржините на вестите што се појавуваат на својот нов производ, наречен Google News Showcase, а Facebook треба да плати за оние што се појавуваат на неговиот производ News, кој треба да се појави во Австралија подоцна во 2021 година. Фејсбук и австралиската влада се во расправија околу ова прашање. Фејсбук најпрво, како одговор на законот, блокираше објавување линкови до написи за информации од локални или меѓународни медиуми, но потоа се откажа од тој пристап и постигна договор со австралиските власти. Компанијата на Марк Цукерберг, која е сопственик на апликацииТЕ Instagram и WhatsApp, објави дека ќе инвестира „најмалку милијарда долари“ во содржини на вести во следните три години. Овие нови средства, како што е најавено на блогот на шефот за односи со јавност на таа социјална мрежа, ќе бидат додадени на 600 милиони долари вложени во медиумите од 2018 година. Гугл веќе се согласи да плати „значителни суми“ за содржината на медиумската група на Руперт Мардок, Њуз Корп, која се залагаше за нов австралиски закон, но не се согласи да плати за целата содржина, што ја покажува во Австралија. Компанијата сè уште не се согласила со државните органи за тоа како да се надмине овој проблем. Без оглед на сè што се случило досега, Гугл верува дека овој закон може да го „скрши Интернетот“ и да се прошири и во други земји, што ќе биде огромен удар за тоа како сега се перцепира Интернетот - дека е бесплатен за сите. Исто така, Марк Цукерберг предупредува на последиците од сè што може да донесе плаќањето за вести, а компанијата го демонстрираше тоа кога ги блокираше сите новости од Австралија на својата социјална мрежа Фејсбук, бидејќи не сакаше да плати за нив, па страдаа корисниците, кои тие не можеа ниту да ги споделат, ниту да ги прочитаат на Фејсбук. Фактот што Фејсбук и Гугл сега плаќаат за објавување на одредени медиумски вести на нивните платформи за корисниците, може да значи плаќање во иднина, исто така на посебен и нов начин или идна навика да бараат вести, т.е. прочитајте на друго место.

СДСМ се пофали дека цензурира вести

Магдалена Андонова — Wed, 06 Jan 2021 11:56:51 +0000

Речиси да нема ден а да не се слушне некоја нова шокантна изјава од владејачката партија. На СДСМ слаба страна им е реализација на проектите кои ги ветија, но затоа добро им оди кога станува збор за презентирање на некој нов проект, од кои граѓаните не би имале никаков бенефит и не би значел подобрување на животниот стандард кој е многу паднат откако оваа владејачка гарнитура е на власт. Најновиот проект со кои сега се фали СДСМ е дека наводно ќе се борат против лажните вести на кои тие самите се креатори, а од друга страна пак сега потврдуваат дека вршат цензура на вестите. Имено, ова го потврди и портпаролката на СДСМ Богданка Кузевска која на прес конференција изјави дека таканаречениот план Акција 21 ќе има за цел да ги спречи лажните вести и покрај тоа што токму тие се креаторите на лажни вести и ширење на дезинформации. Како што изјави Кузеска ќе се изработи план и акција со кои ќе има засилени активности и консултации со медиумските работници и граѓански сектор против ширење на дезинформации. Во рамки на Планот за одлучна акција против ширењето на дезинформациите и против нападите врз демократијата, во периодот пред нас, ќе има засилени активности, широки консултации со медиумските работници и со граѓанскиот сектор, и уште посериозна, поинтензивна борба со дезинформациите, со говорот на омраза и сите други форми на хибридни закани против демократијата, рече Кузеска. Ова би било во ред доколку власта е одлучна и првиот чекор на борбата против ширење на лажни вести би започнал токму од нив први. Но, имајќи во предвид дека во минатото власта ги цензурира медиумите кои се критични настроени кон неа, не се очекува истиот да ги покаже посакуваните очекувања и позитивни резултати, туку сосема спротивно. За потсетување на јавноста ова не е прв ваков случај власта да врши цензура на медиумите, односно само пред неколку месеци јавноста беше сведок на бројни кривични обвиненија кон новинари Љупчо Златев од Лидер, Алрксандар Митовски од Инфомакс, кои во интерес на јавноста известуваат за криминалното дејствување на власта и нејзини високи функционери, но и затворски пресуди на новинари поради објавување на вести со доказни содржини. Кога станува збор за ваквиот однос, новинарите велат дека премиерот Заев се обидува да ги цензурира и замолчи, а со тоа и да навлезе во медиумската слобода на изразување и да ги спречи во својата работа, бидејќи со ова власта практично како и до сега ќе продолжи да ги контролира и ќе навлезе во нивниот простор на информирање на граѓаните за работи кои се од јавен интерес, но и директно вршење на притисок врз новинарите. До сега ниту една новинарско здружение ја нема поздравено ваквата одлука, што укажува дека ова за нив е неприфатливо. За потсетување на јавноста, премиерот Зоран Заев покажа големо нетрпение кон одреден новинари кои го критикуваа, посочувајќи ги одредени новинари „Вие контравладините медиуми“ или изјавите од типот „Неколку криминалци, еден суетен новинар и еден педер нема да ја турнат владата“, алудирајќи на новинарот Бранко Героски. Вакви најави од типот на борба против лажните вести и говор на омраза СДСМ ветуваше многу претходно, но и понатаму сме сведоци на се почестите физички пресметки, закани и притисоци, но и на селективното информирање на медиумите кога станува збор за опозициската ВМРО-ДПМНЕ.

Грција втор ден без вести и информативни емисии поради штрајкот на вработените во грчките телевизии

Тале Кристо — Thu, 10 Dec 2020 10:35:02 +0000

Веќе втор ден во Грција не се емитуваат вести и информативни емисии, а државната агенција не објавува и не дистрибуира вести, поради штрајкот на новинарите во грчките национални и локални телевизии, во државната телевизија, радиото и интернет страницата на ЕРТ, во државната новинска агенција АНА-МПА, како и во Генералниот секретаријат за медиуми, што започна во вторникот попладне, а вчера беше продолжен за уште 24 часа, јави дописничката на МИА од Атина. Причината за штрајкот е новиот предлог закон на Владата за кој од здруженијата на новинари и вработени во медиумите велат дека вклучува одредби кои се „закана за работните односи и права и носи намалување на работните места и масовни отпуштања“, бараат веднаш да се повлечат конкретните одредби од законот и Владата да започне дијалог со инволвираните страни. Координативната комисија на вработените во медиумите, вчера имаше одвоени средби со лидерите на опозициските партии, кои изразија поддршка за новинарите. Лидерот на СИРИЗА Алексис Ципрас, рекол дека предлог законот е неприфатлив бидејќи „се однесува на потребите на некои бизнис интереси и е во согласност со идеологијата на Владата“, но и дека создава три вида вработени: „вработени со полно работно време, вработени на договор за дело и вработени во придружни фирми, односно вработени кои може да се префрлаат“ и на овој начин „удира врз можноста за потпишување на колективен договор“. Поддршка изразиле и лидерите на Движење на промена, на Комунистичката партија, на МЕРА25 и на Грчко решение. Паралелно, поддршка и солидарност за грчките новинари стигнала и од Меѓународната федерација на новинари. Освен тоа што не се емитуваат вести и информативни емисии на телевизиите, а новинската агенција АНА-МПА не објавува и не дистрибуира вести, поради штрајкот, беа одложени и брифинзите на портпаролите на Владата и грчкото МНР што требаше да се одржат денеска. Единствен исклучок од штрајкот е информирањето за ситуацијата со Ковид-19 во земјата. Штрајкот доколку не биде продолжен за уште 24 часа, планирано е да заврши денеска во 18 часот.

Можно е Фејсбук да забранува вести во Австралија поради начинот на плаќање

Магдалена Андонова — Tue, 01 Sep 2020 10:17:05 +0000

Американската компанија „Фејсбук“ најави можно спречување на објавување вести на социјалните мрежи „Фејсбук“ и „Инстаграм“ за компании и приватни лица од Австралија, доколку биде усвоен закон според кој ќе треба да им се плаќа на австралиските медиумски куќи за таа содржина. Австралиската Влада во јули најави воведување на систем со кој Фејсбук и Гугл би плаќале еден вид авторски права на медиумите за објавените вести. Законот би требало да биде усвоен оваа година. Кон крајот на минатата година, Владата препорача Фејсбук и Гугл доброволно да склучат договори со австралиските медиумски компании, но преговорите што следеа потоа, беа неуспешни. Затоа, австралиското регулаторно тело за прашања околу конкуренцијата подготви нацрт-закони според коишто медиумските куќи ќе имаат право да преговараат за праведен паричен надоместок за работата на нивните новинари. Реагирајќи на тоа, директорот на „Фејсбук“ за Австралија, Вил Истон изјави дека предложените закони предизвикуваат недоразбирања кои само ќе им наштетат на медиумските компании. (МИА)

Јанушев: Правните норми се јасни – не се можни избори во јуни како што сака Заев

Ристе Здравков — Wed, 20 May 2020 18:52:14 +0000

Единствената стратегија која ВМРО-ДПМНЕ ја има е здравјето на граѓаните и ние од тоа нема да отстапиме. А јасно е дека избори во јуни нема да има, и законот тоа не го дозволува. Правните норми не го дозволуваат тоа. Едноставно не може да испочитуваат сите рокови за подготовка на избори кои ќе се одржат во јуни, рече генералниот секретар на ВМРО-ДПМНЕ, Игор Јанушев во гостувањето на вестите на телевизија Канал 5. Според него она што го говори Заев е нереално. -Знаеме дека ултиматуми на Заев се невозможни, иако од него се може да се очекува. Сепак единстен кој може да утврди датум за избори е претседателот на Собранието, а тоа нема да се случи ако нема консензус. Значи нема да распише избори. Доколку пак од СДСМ сметаат дека тоа може владата да го направи сама со уредба со законска сила и ако прават манипулации не верувам дека ќе го постигнат тоа, рече Јанушев.

Стоп за политичкиот прогон: Со голема загриженост ги следиме обидите на Кривичниот суд преку двојни аршини да донесе пресуда за случајот ТНТ

Дарко Андоновски — Sat, 11 Jan 2020 12:04:20 +0000

Фејсбук страната „Стоп за политички прогон“ преку својот Фејсбук профил испратија соопштение до јавноста во кое пишуваат декатие со сериозно внимание и голема загриженост ги следат обидите на Кривичниот суд преку двојни аршини и на сила да донесе пресуда за случајот на криминалното СЈО во јавноста познат како ТНТ. -Граѓанската иницијатива "Стоп за политичкиот прогон" со сериозно внимание и голема загриженост ги следи обидите на Кривичниот суд преку двојни аршини и на сила да донесе пресуда за случајот на криминалното СЈО во јавноста познат како ТНТ. Не загрижуваат информациите во јавноста за двојните аршини на Кривичниот суд каде што во случајот Ласкарци поротничката Славица Шандовска поради истек на четири годишниот мандат повеќе не е дел од судечкиот совет додека нејзината колешка Лилјана Кочковска која исто така има истек на мандатот а е поротник во случајот ТНТ продолжува да биде дел од судечкиот совет. Бараме да се почитува и членот 80 ставот 5 од Законот за судовите во Република Македонија во кој јасно стои дека со навршување на 60 години старост треба да престане мандатот на судијата - поротник што е причина плус на истечениот мандат кај поротникот Лилјана Кочковска, потенцираат тие.

Тие додаваат дека ги повикуваме надлежните институции, Судскиот Совет и сите останати соодветно да реагираат на обидите за насилно донесување на незаконски политички пресуди во пресрет на договорените предвремени парламентарни избори. Ги повикуваме граѓаните на Република Македонија со внимание да ги следат сите случувања поврзани со обидите за насилно, спротивно на Закон завршување на случајот ТНТ. Доколку биде потребно како граѓанска иницијатива ќе излеземе и на улиците за гласно да порачаме ДА ЗА ПРАВДАТА но СТОП ЗА ПРОГОНОТ! Со почит, Граѓанска иницијатива Стоп За Политичкиот прогон, стои во нивниот пост на Фејсбук.

За заситените гледачи телевизиски канал без вести за Брегзит

Дарко Андоновски — Wed, 16 Oct 2019 13:36:26 +0000

Британската телевизија Скај за гледачите заситени од информациите за излегувањето на Велика Британија од Европска Унија денеска покрена канал без вести за Брегзит. Анкета спроведена оваа лето покажаа дека британските гледачи по три години бомбардирање на јавноста за извештаите за текот на преговорите со ЕУ и условите за излегување на Велика Британија покажаа дека една третина од Британците целосно не гледаат вести. Новиот канал без вести за Брегзит ќе се емитуваат секој работен ден навечер, а „Скај њуз“ и понатаму на главниот канал детално ќе ги следи сите аспекти на Брегзит. Резултатите од анкетата покажуваат дека 70 отсто од анкетираните изјавиле дека Брегзит кај гледачите предизвикува „премногу фрустрации поради политичките караници што ги следат“, а 40 отсто изјавиле дека се чувствуваат немоќно бидејќи не можат да влијаат на настаните, па затоа не гледаат вести.