вестон мекени – Kurir.mk

Мекени се пресели од Јувенту во Лидс

Бошко Тасиќ — Tue, 31 Jan 2023 05:58:56 +0000

Американскиот фудбалер Вестон Мекени официјално е нов играч на англискиот премиерлигаш Лидс Јунајтед. Крилниот играч доаѓа во најдобрата лига на Островот на позајмица до крајот на сезоната и таа ќе тежи 1,5 милиони евра. А потоа, Лидс ќе може да го откупи за 35 милиони евра. Во договорот постојат и други клаузули врзани со неговиот придонес во тимот. Вкупната сума за трансферот на Мекени од Јувентус во Лидс ќе дојде до 41,5 милиони евра кога ќе се сумираат сите работи. 24-годишниот Американец во Јувентус играше од 2020 година, а претходно беше дел од Шалке 04.

Мекени надвор од теренот до крајот на сезоната поради повреда

Ивона Петрова — Mon, 07 Mar 2022 13:45:16 +0000

Фудбалерот од средниот ред на Јувентус, Вестон Мекени ќе го пропушти остатокот од сезоната. Ова го соопшти тренерот на италијанскиот тим Масимилијано Алегри. -Сезоната за Вестон заврши поради повреда. Тој ќе се врати следното првенство, го цитира Алегри, новинарот Фабрицио Романо на Твитер. Дваесет и тригодишниот Американец се здоби со скршеница на втората и третата метатарзална коска на левата нога на првиот натпревар од осминафиналето на Лигата на шампионите против Виљареал (1:1). Во тековната сезона, Мекени настапи на 28 натпревари за Јувентус, постигнувајќи четири гола.

Квадрадо запрепастен од стајлингот на свој соиграч: Новиот продавач на „Мекдоналдс“ (ФОТО)

Дарко Андоновски — Mon, 25 Oct 2021 16:36:27 +0000

Хуан Квадрадо вчера одигра 65 минути во дерби пресметката против Интер на „Џузепе Меаца“, по што му го отстапи своето место на играчот кој подоцна се покажа како „џокер“ за гостите од Торино. Пауло Дибала влезе на местото на Квадрадо и го постигна голот од пенал за израмнување на 1:1, по што фудбалерите на Масимилијано Алегри можеа да имаат многу порелаксирано утро денеска во тренинг центарот. Нерешениот резултат го остави Јувентус во позитивна серија од девет натпревари без пораз, па доброто расположение кое владее во соблекувалната може да се заклучи и од објавата на Квадрадо. Колумбиецот очигледно останал запрепастен и шокиран од стајлингот на својот соиграч Вестон Мекени, по што му предложи и ново работно место. – Зборувајте ми за новиот продавач на „Мекдоналдс“, – гласи Инстаграм сторите на Квадрадо.

ВИДЕО: Фудбалерот на Јувентус при изјава го удри прстот на ногата, а неговата реакција ги насмеа сите

Магдалена Андонова — Sat, 14 Nov 2020 11:49:43 +0000

Репрезентацијата на Соединетите Американски Држави ремизираше против Велс на пријателски натпревар во четвртокот. САД и Велс одиграа натпревар без голови каде не видовме многу возбуда. По завршувањето на натпреварот, фокусот беше насочен кон младиот играч на Јувентус, Вестон Мекени, поради смешната сцена. Имено, Мекени им даде изјава на присутните новинари по натпреварот, а потоа незгодно го удри неговиот прст, но некако успеа да не пцуе гласно иако беше јасно дека е навистина болно. Реакцијата на играчите на Јувентус стана хит на социјалните мрежи, а секој што некогаш го удрил прстот на ногата знае низ кој „пекол“ помина МекКени.

USA international Weston McKennie stubbing his toe in the post-match interview is outstanding. We’ve all been there pic.twitter.com/V7tQsxWp33
— Jack Kenmare (@jackkenmare_) November 14, 2020