ветерани – Kurir.mk

И ветераните на ВМРО-ДПМНЕ застанаа зад Мицкоски: Обединети и едиствени ја изразуваме нашата безрезервна подршка за претседателот Христијан Мицкоски

Катерина Бојаџиева — Wed, 20 Sep 2023 17:53:41 +0000

Ние членовите на унијата на ветерани на ВМРО-ДПМНЕ како основоположници и учесници во создавањето на самостојна Република Македонија и втемелувачи на ВМРО-ДПМНЕ, обединети и едиствени ја изразуваме нашата безрезервна подршка во политиките и лидерството во водењето на партијата од страна на претседателот Христијан Мицкоски. Во овие можеби најтешки историски времиња за опстанокот на модерната македонска држава , ВМРО-ДПМНЕ предводена токму од Христијан Мицкоски кој со својот реализиран патриотизам но и разум е единственот бедем во одбрана на националните и државни и интереси на Република Македонија. Единствено ВМРО-ДПМНЕ и претседателот Христијан Мицкоски се гарант за иднината на Република Македонија и македонскиот национален идентитет. Да живее ВМРО-ДПМНЕ Да е од Бога благословена и вечна љубовта кон Македонија . Светата борба за нашата кауза продолжува , до конечната победа

Харадинај: Ветераните со иницијатива за затворање на Меѓународниот суд за Косово

Тале Кристо — Wed, 15 Jul 2020 08:53:59 +0000

Потпретседателот на Организацијата на воени ветерани на Ослободителната војска на Косово (ОВВ-ОВК), Насим Харадинај најави дека поранешните борци идниот месец ќе ги започнат активностите за затворање на Специјалниот суд за воени злосторства во Косово, чие седиште е во Хаг. Харадинај во синоќешното интервју за телевизијата Т7 изјави дека за таа цел ОВВ-ОВК во август ќе организира петиција, која ќе ја достави до Собранието на Косово, со чија одлука пред пет години беше формиран Меѓународниот трибунал, познат во јавноста како „Суд за ОВК“. – По петицијата, во август ќе ги повикаме пратениците, за кои верувам дека сега се опаметиле, за да го иницираме поништувањето на Специјалниот суд. Ќе покренеме иницијатива за затворање на тој суд, не еднаш, туку сто пати ако треба, изјави Харадинај. Пред Специјалните совети за Косово, како што е официјалниот назив на судот што треба да ги испита евентуалните злосторства на ОВК против цивилите Албанци, Срби, Роми и други во последната војна, неодамна беше подигнато обвинение против претседателот на Косово, еден од основачите и водачите на ОВК, Хашим Тачи, кој од завчера се наоѓа на распит пред специјалното обвинителство во Хаг. Освен против претседателот на државата, обвиненија се подигнати и против лидерот на Демократската партија на Косово (ПДК) и поранешен собраниски спикер, Кадри Весели, како и против други водачи на ОВК. Тие се осомничени дека се виновни, меѓу другото, за убиство на над 100 цивили од разни националности за време и непосредно по војната во 1998-99 година. Тачи најави дека ќе поднесе оставка од претседателската функција доколку биде потврдено обвинението против него. Пред една година, откако беше повикан на интервју во обвинителството во Хаг, оставка од функцијата поднесе тогашниот премиер Рамуш Харадинај, исто така еден од челниците на ОВК. (МИА)

Меѓународен кошаркарски турнир за ветерани во Струмица

Ивана Ефремовски — Sat, 08 Dec 2018 11:26:28 +0000

Во организација на КК „Ветерани“ од Струмица денеска и утре во салата на СОУ „Димитар Влахов“ во Струмица, ќе се одржи меѓународен кошаркарски турнир за ветерани. На турнирот покрај домаќинот учествуваат и екипите на Волос од Грција, Варна од Бугарија и Лесковац од Србија. Турнирот се организира по повод одбележувањето на 11 декември, Денот на заштитниците на градот Струмица-Светите петнаесет Тивериополски свештеномаченици.(МИА)