ветеринар – Kurir.mk

Ветеринарите револтирани, од следната недела штрајкуваат – ова се нивните барања!

Ивана Ефремовски — Wed, 11 May 2022 14:52:22 +0000

Ветеринарите од вторник, 17-ти мај, стапуваат во штрајк. Ќе се затворат вратите на ветеринарните амбуланти само за извршувањето на функциите кои се поврзани со обврските кои им ги налага државата, а за кои не се постигна договор да се зголемат цените кои треба да ги плати државата за овие услуги. Сепак, ветеринарите остануваат на своите работни места и ќе се примаат домашни миленици и ќе се вршат прегледи и на стока за која има потреба, но нема да одат на терен да земаат крв за бруцелоза и други испитувања, нема да издаваат сартификати потребни за да се носи стока на добиточните пазари и нема да се вршат пописи кои се важни за сточарите да добијат субвенции. До огромниот револт кај ветеринарите дојде откако последните месеци интензивните преговори не дадоа никаков резултат и цените по кои тие ги извршуваат годишните нареди на државата останаа ниски во услови кога сите трошоци за нафта, за плата на вработените и другите давачки неколку кратно се зголемени. Само како за споредба за ставката земање крв од овци за испитување, што е слично како капитацијата кај матичните доктори, во земјава ветеринарите кои треба да појдат и до најдалечните планински села добиваат по 65 денари додека во Србија за истото се плаќаат по 165 денари, а во Хрватска по 492 денари, објави Канал 5. Во земјава има околу 160 ветеринарни друштва кои вработуваат над 1200 луѓе од кои 500 се доктори по ветринарна медицина кои извршуваат исклучително важна општествена функција односно се грижат она што го јадеме да е здраво и безбедно. За нивните барања за зголемувања на цените вкупно државата треба да одвои околу половина милион евра. Прилогот на КАНАЛ 5 погледнете го во продолжение:

Ветеринар откри што прават домашните миленици пред да умрат

Магдалена Андонова — Fri, 23 Apr 2021 20:38:01 +0000

Постои мисла, слика што секој сопственик на миленичиња постојано одбива да ја замисли - збогување од саканиот придружник. Знаеме дека тој момент е неизбежен, но сепак се однесуваме како да можеме да го заборавиме. Еси Дитрих од Илиноис го праша својот ветеринар кој е најтешкиот дел од неговата работа и одговорот беше целосно скршен. Таа го постави своето прашање и одговорот на Твитер и многу луѓе реагираа, поточно нејзиниот твит стана вирален со 140.000 лајкови и 42.000 ретвитови. - Имам само едно домашно милениче. Неговото име е Рик, црно-бела мачка и има околу две и пол години. Иако тежеше само 2,2 килограми, тој беше голем како личност и надополнуваше за сè друго. - Го однесов на ветеринар бидејќи тој за малку ќе умреше пред година и пол од опструкција на уринарниот тракт. Мојот ветеринар мораше итно да го оперира, а успешната операција донесе висок ризик од доживотна инфекција. Операцијата помина одлично, но оттогаш тој добиваше една до две инфекции месечно (ветеринарот рече дека не боли). Затоа редовно одиме на лекар и ги лекуваме оние краткорочни хронични инфекции. Би сакал да кажам дека иако миленичињата понекогаш поминуваат краток временски период во нашите животи, ние сме голем дел од нивниот живот. Тие се со нас во добро и зло, секогаш се возбудени кога ќе не видат кога ќе се вратиме дома. Ве молам, земете го предвид тоа кога ќе дојде време да го заспиете вашето домашно милениче, напиша Џеси. Што и рече ветеринарот? Таа го праша кој е најлошиот дел од работата и и рече дека кога треба да го заспие животното, околу 90 проценти од сопствениците не сакаат да бидат во собата додека се прави инјекцијата, па животните најмногу трошат последните моменти во паника барајќи сопственици. Тоа навистина ги крши и најтешките срца. - Кога имате милениче, неизбежно е тој да умре пред вас. Затоа, кога ќе дојде време да го одведете безболно да умре, сакам да знаете нешто. Цел живот сте биле центар на неговиот свет. Можеби само пополнил еден ваш дел, но вие сте неговото единствено семејство. Тоа е страшна одлука во кое било време, нема аргумент за тоа. Но, ве молам, ве молам - не оставајте ги. Не дозволувајте преминот од живот во смрт да биде во просторија полна со странци, на место што не го сакаат.

ФОТО+ВИДЕО: Ретривер тежок 73 килограми бил оставен на успивање, но тогаш ветеринарот направил нешто неверојатно

Магдалена Андонова — Wed, 19 Aug 2020 19:30:14 +0000

Буцкастиот ретривер изгледа преслатко, но вишокот килограми му го попречувале здравјето и сопствениците сакале да го успијат, но ветеринарот му нашол нови сопственици, го пратиле кучето на слабеење и сега тој живее втор живот. Можеби ова е првпат да видите златен ретривер со толку вишок килограми, а секако, тоа не е добро за здравјето на кучињата. Каи е од оние кучиња кои обожаваат да јадат, но тоа го довело до 73kg што е 45kg повеќе од потребното. Вишокот килограми му пречел на движењето и сите нормални, секојдневни активности како трчање и играње. Тој самиот не можел да се качи на горниот спрат од куќата и често бил помаган од сопствениците за секакви активности. Неговите сопственици сакале да го успијат бидејќи мислеле дека нема уште долго да издржи мачејќи се, но за среќа ветеринарот не го прифатил нивното барање и го однел во засолниште од каде набрзо Каи бил посвоен од жена која му го спасила животот. Новата сопственичка го однела на програма за слабеење, која вклучува пешачење во бања со ладна вода, што многу му помогнало да изгуби голем дел од вишокот килограми. Иако не бил лесен процес, сепак Каи успеал да се врати во форма и да си го врати доброто здравје, па сега функционира како сите останати кучиња, со сите потребни активности во денот. Сопственичката вели дека сега Каи обожава вода, а дури сака да јаде и здрава храна како зеленчук и овошје. Сега тежи 30kg и е здрав и активен.

Спасила бебе во последен момент: Мајката почнала да се породува среде улица, а потоа се појавила оваа храбра девојка

Ивана Ефремовски — Wed, 29 May 2019 06:26:29 +0000

Една градежна работничка од Мјанмар добила породилни болки насред улица во Бангкок. Во ветеринарската клиника, во близина на местото на породувањето, Тајланѓанката Вари Лимругсуко се грижела за едно куче, кога во ординацијата влегло едно лице велејќи дека жена се породува на улица и дека бебето не плаче. Иако пред тоа никогаш не лечела луѓе, доколку ветеринарката не притрчала на помош, прашање е како се ќе се завршело. Вари на улицата затекнала бебе кое веќе попримило розова боја. Почнала да го масира, а потоа го однела во клиниката. Се погрижила дишните патишта на бебето да бидат проодни и продолжила да го масира градниот кош. Бебето конечно почнало да диши и силно заплакало. После овој подвиг на ветеринарката, мајката и бебето биле префрлени во болница. "Ветеринарка сум и лечам животни повеќе од десет години, но вакво нешто никогаш не сум доживеала", рекла таа.

ФОТО: Кучето на Лени Кравиц се повреди во Скопје и заврши на ветеринар

Дарко Андоновски — Fri, 03 May 2019 15:50:03 +0000

Пред концертот во Скопје, Лени Кравиц не престанува да ја истражува нашата метропола. Откако објави видео како се забавува во Скопје, сега на социјалните мрежи осамнаа фотографии од неговото куче Џоџо, кое е на преглед кај македонски ветеринар. Легендарниот музичар не патува никаде без својот најдобар пријател, па така Џоџо пристига и во Македонија, но се повредил по калдрмата во скопската чаршија и завршил на преглед кај ветеринар.

Куче глуми дека е мртво за да не оди на ветеринар: Од неговата постапка ќе се фасцинирате (ВИДЕО)

Ивана Ефремовски — Wed, 10 Apr 2019 11:45:18 +0000

Многу луѓе не сакаат да одат на доктор. Очигледно е дека и кучињата не се многу расположени за посета на нивниот доктор, што во овој случај е ветеринар. Некои кучиња се доволно паметни да забележат кога нивниот сопственик ги подготвува за одење на ветеринар. Ова куче требало да оди на стерилизација, но смислило одличен план како да го избегне тоа- да глуми дека е мртво. Сопственичката упорно го вика и го моли да стане, но тоа не се откажува од својот план. На крајот сфаќа дека планот нема да успее и станува.