ветерници – Kurir.mk

Летонија инвестира милијарда евра во ветерници

Катерина Бојаџиева — Mon, 08 Aug 2022 18:33:34 +0000

Летонија планира да инвестира околу милијарда евра за изградба на ветерни електрани за да го зголеми производството на енергија од обновливи извори и да ја зајакне енергетската безбедност, изјави денеска премиерот Крисјанис Каринс. – Ова е среднорочно решение што ќе ни дозволи да станеме целосно независни во нашето снабдување со енергија и да користиме помалку фосилни ресурси, додаде Каринс. Тој ова го опиша како една од најголемите инвестиции некогаш преземени во малата балтичка земја што граничи со Русија. Според премиерот, откако ќе се спроведе проектот, Летонија може да се префрли од увозник на електрична енергија од места како Русија, на извозник. Министерката за економија Илзе Индриксоне појасни дека планираните ветерници ќе имаат капацитет од 800 мегавати. Како што таа истакна, ова може да произведе 2,4 терават часови електрична енергија годишно, што е еквивалент на околу 30 отсто од вкупната потрошувачка на електрична енергија во Летонија во 2021 година.

ФОТО: Загрозено селото Ѓавато и ветерниците, се шири пожарот помеѓу Гевгелија и Богданци

Ивона Петрова — Sun, 24 Jul 2022 19:29:10 +0000

Пожарот на местото викано Погана помеѓу Гевгелија и Богданци, заради ветрот и непристапноста и густата вегетација на теренот, се проширил во обем за загрозување на пумната станица за вода Ѓавато за Дојранско Езеро и просторот под големите ветерници во таа околина, како и селото Ѓавато. Како што информираат од Центарот за управување со кризи на нивниот фб профил, побарано е да се активира еден хеликоптер за гаснење на непристапните места. Заради временски услови и краток временски интервеал на дејствување, сепак, хеликоптерот нема да полета денеска според известувањето на ОЦ на ГШ на Армијата. Се планира утре во 05:00 часот хеликоптерот да дејствува во гаснење на пожарот на место викано Погана. Според последните информации пожарот се движи кон куќите во с.Ѓавато. Пожарот избувна во 13:30 часот во поле, а подоцна огнената стихија се прошири во шума на место викано Погана помеѓу Гевгелија и Богданци. Во гансењето на пожарот интервенираат девет пожарникари со четири ПП возила, а ангажирани се и уште три пожарникари кои се испратени од ТППЕ Гевгелија и четирир лица од Шумското стопанство од Гевгелија. Со пожарот зафатен е прнар и нискостеблеста шума. За справување со пожарот помагаат и вработени од Општина Богданци и мештаните.

Ветерниците во Германија заради силната бура произвеле струја како 44 нуклеарни електрани

Ивона Петрова — Wed, 12 Feb 2020 07:18:30 +0000

Најмалку седум лица погинаа во бурата која експресно мина низ Европа и сега тргна кон исток. Таа го попречи нормалниот сообраќај и илјадници лица истави без електрична енергија, јави Би-Би-Си. Таа, сепак, заради огромната брзина на ветровите донесе и неочекуван профит за Германија. Имено, турбините на ветерниците вртеле со толку голема брзина што од нив била произведена струја со еквивалент на таа што ја произведуваат 44 нуклеарни електрани, јави Би-Би-Си. Силниот ветар во Полска симна кров од една подавница при што погинаа една жена и нејзините две ќерки, а таткото бил повреден. Еден маж погинал кога му се превртел чамецот во Шведска, а друго лице исчезнало. Две лица погинале во своите автомобили, едното во Германија, а второто во Словенија. На островот Корзика биле регистрирани ветришта со брзина од 220 километри на час, пропратени со силни дождови и поплави. Тамошните власти изјавиле дека силните ветрови го прошириле пожарот на островот, а пристаништата во Корзика денеска се затворени. Ветар со бризина од над 200 километри на час бил измерен и на северот од Италија, каде една 71-годишна жена од Ломбардија погинала кога била погодена од остатоци од покрив.