По навредите врз Мизрахи, активистка на СДСМ се фрли на Симон Трпчески: „Сакав да напишам дека е мочко“

Ивана Ефремовски — Sat, 18 Jan 2020 12:21:58 +0000

Активистката на СДСМ Видана Бошкова Мицевска изгледа дека има толку гнев во себе, но го манифестира на погрешно место. Таа беше една од членовите и активисти на СДСМ кои беа дел од скандалозниот напад врз министерката Рашела Мизрахи со антисемитистички пораки, за кои после неколку дена се извинуваше и поранешниот премиер Зоран Заев. Сега, оваа жена само докажа дека за неа единствени идоли се политичарите од Власта чии скандали и криминали не ги коментира, но затоа, верувале или не, сака да го нарече виртуозот Симон Трпчевски со погрдни зборови. Нова мета на напад на активистите на СДСМ е Симон Трпчевски, поради неговите забелешки на условите во кои тој и Филхармонискиот оркестар одржуваа концерт во Штип пред нова година. Таа напиша: „Симон Трпчевски прекинал концерт во Штип заради лоши услови. НА КУЛТУРАТА НЕ СМЕЕЛО ДА СЕ ШТЕДИ. Симоне Симоне. Не штедеа вмро и направија МНТ за 42 милиони ЕВРА и филхармонија од 40 милиони исто ЕВРА. Следниот пат кога ќе ти се прави концерт таму некаде надвор од Центар, земи 2 автобуси и донеси ги луѓето во филхармонија. Или цела држава во МНТ.

Сакав да пишам мочко, ама да не претерувам“.

Наместо ликовите како Видана да упатат критики кон локалната самоуправа и Министерството за култура поради нечовечките услови во кои најдобриот пијанист во историјата на Македонија и еден од светски најпознатите пијанисти бил приморан да свири, активистите на СДСМ започнаа серија на брутални напади кон него само затоа што си дозволил да упати критика и апел „да не се штеди во културата“. Концертот кој што се одржа во рамки на Домот на културата „Ацо Шопов“ виртуозот бил приморан да го прекине поради лошите услови, односно поради фактот што во салата немало греење, а имало проблеми и со струјата. Во видеото во продолжение ќе можете целосно да видите за што точно станува збор:

Парадокс: СДСМ се огради од антисемитизмот, но не и од антисемитите во своите редови?!

Ристе Здравков — Thu, 09 Jan 2020 10:53:54 +0000

Антисемитски и нацистички пораки од гласноговорниците на СДСМ упатени кон новата министерка за труди и социјална политика Рашела Мизрахи ја вознемирија јавноста. До ден денешен нема никакви санкции за говорот на омраза и антисемитските пораки кои беа директно упатени кон министерката Мизрахи. СДСМ делумно преку својот лидер, Зоран Заев, се огради од ваквите пораки, но не и од антисемитите во своите редови. Мерсиха Смаиловиќ, Видана Бошкова Мицевска и новинарот Зоран Бојаровски на социјалните мрежи, жестоко и на крајно мизерен начин упатија нацистички и анти-семитски пораки кон министерката Мизрахи. Видана Бошкова Мицевска, е позната од „Шарената револуција“, но исто така важи и за блиска до СДСМ. Мерсиха Смаиловиќ, гласноговорник на СДСМ, која се почесто можеме да ја видиме зад нивната партиска говорница е исто така една од низата перјаници на владејачката партија која се служи со вакви нацистички и анти-семитски пораки упатени кон Рашела Мизрахи. Инаку, спругот на активистката Мерсиха Смаиловиќ, пред неколку години од израелската армија беше уапсен на брод во обид да изврши напад над Државата Израел. Омразата кон Евреите и Израел, очигледно се семејна традиција, која сега се имплементира во власта и владејачката СДСМ која отворено промовира исламизам и анти-семитизам. Исто така Мерсиха Смаиловиќ е сестра на Сенат Смаиловиќ, кој пак е директор од редовите на СДСМ во ЈП на улици и патишта, но исто така на високи партиски функции. Курир, на оваа тема побара мислење и од уметникот и колумнист, Ацо Станковски, кој за ваквите пораки кои беа упатени кон министерката Мизрахи рече дека се тотална неконтрола и невнимание. Тој рече дека ваквите некотролирани изјави се еден вид стравување од способноста и професионалноста на техничките министри ставени од страна на ВМРО-ДПМНЕ. -Тие имаат капацитет и способност да ги спречат сериозните намери на СДСМ повторно да ги украде изборите, како тоа што го направи 2016 со полнење кутии и поткупување гласачи, потоа 2017 на локалните избори со создавање страв кај гласачите и повторно полнење на кутии, истакна Станковски. Тој ги спомена и нерегуларностите за време на референдумот и претседателските избори. На прашањето на Курир, како го коментира тоа што лидерот на СДСМ, Зоран Заев, се огради од пораките, но не и од луѓето, Станковски рече дека Заев е прагматичен до лудило и дека е во состојба да ги отфрли сите свои принципи и принципи на политичко дејствување. Според Ацо Станковски со ваквите пораки се дава до знаење дека СДСМ јавно застанува против Евреите и еврејската држава. Како за пример, спротивно од постапката на Зоран Заев, лидерот на ВМРО-ДПМНЕ, Христијан Мицкоски, пред само еден месец поради инцидентот со Томислав Димитровски, поранешен амбасадор во Словенија, кога репетирал пушка при караница со сосед, експресно беше разрешен од сите партиски функции и претседателот Мицкоски најави негово исклучување од партијата. Ова кажува дека Мицкоски за разлика од Заев е решен да стави крај на сите неправди и борба со криминалот и корупцијата кои патем се едни од главните проблеми во државата според анализите на многу меѓународни институции и забелешки од Европската унија.

видана бошкова мицевска – Kurir.mk

По навредите врз Мизрахи, активистка на СДСМ се фрли на Симон Трпчески: „Сакав да напишам дека е мочко“

Парадокс: СДСМ се огради од антисемитизмот, но не и од антисемитите во своите редови?!