видео игра – Kurir.mk

Тинејџер осуден на 5 години затвор за играње „Мајнкрафт“, еве што точно направил

Ивана Ефремовски — Sat, 12 Feb 2022 15:22:13 +0000

Шеснаесетгодишниот Никита Уваров е осуден на пет години затвор бидејќи наводно планирал да разнесе виртуелна зграда на руската безбедносна служба ФСБ во популарната компјутерска видео игра „Мајнкрафт“. Никита Уваров е осуден на пет години затвор во казнена колонија поради „обука за терористички активности“, изјави адвокатот Павел Чиков. -Останатите двајца обвинети беа ослободени од воениот суд во Сибир. Тие добија условна казна бидејки соработуваа со истражителите, објави Павел Чиков на веб-страницата Телеграм. Рочиштето се одржа зад затворени врати. Никита Уваров и уште двајца тинејџери беа уапсени во сибирскиот град Камск во летото 2020 година поради дистрибуција на летоци за поддршка на московски математичар и анархистички активист осудени за вандализам. Тројката прикачи еден од летоците на локалната зграда на руската агенција за внатрешна безбедност, ФСБ, наследник на злогласната КГБ во советско време. Полицијата им ги конфискувала телефоните и соопштила дека кај нив пронашла размена на разговори за плановите за минирање на зградата на ФСБ, која ја создале во играта за правење блокови Мајнкрафт. Според истражителите, триото научило да прави импровизирани експлозивни направи и вежбале да ги активираат во напуштени згради. На тинејџерите првично им се закануваа поостри обвинувања за „учество во терористичка организација“, но случајот беше отфрлен поради недостиг на докази. Уваров негираше дека имал намера да разнесе нешто. Во завршниот збор пред судот, осудениот Уваров, според „Нова газета“, зборувал за притисок од владата во текот на истрагата и негираше дека е терорист и дека има намера да разнесе нешто.

ПОВТОРНО СРУШЕН РЕКОРДОТ: Играта „Супер Марио“ продадена за 1,56 милиони долари

Ивона Петрова — Mon, 12 Jul 2021 09:14:53 +0000

Играта „Супер Марио“ за конзолата Нинтендо 64 е продадена на аукција за 1,56 милиони долари, што е нов рекорд за видео игра, соопшти американската аукциска куќа „Херитиџ“. -Ова е прва игра која некогаш е продадена на аукција за над милион долари, изјавил за Франс Прес, Ерик Бредли од аукциската куќа. „Херитиџ“ веќе го оствари првиот рекорд во петокот со продажбата на играта „Легендата на Зелда“ која е продадена за 870.000 долари. Играта Супер Марио е од 1996 година и прв пат користи 3Д. Тоа е единствена позната копија која добила оценка 9,8 А++ од компанијата специјализирана за видео игри Вата.

ВИДЕО: „Успешноста“ на Заев во набавката на вакцини заврши како видео игра

Super Admin — Wed, 03 Mar 2021 09:35:37 +0000

Неуспешноста на Зоран Заев и здравствените власти да набават вакцини за граѓаните против коронавирус, заврши како видео игра на Playstore. Без вакцинална заштита против Ковид-19, некои граѓани одлучија маката да ја свртат да шега.

Најпозната игра на светот: „Супер Марио“ продадена на аукција за 114.000 долари

Тале Кристо — Sat, 11 Jul 2020 10:19:57 +0000

Неотворен примерок од видео играта „Супре Марио Брос“ од 1985 година вчера е продаден на аукција во САД за рекордни 114.000 долари. Досега најскапо платена видео игра беше јапонската верзија на „Мега ман“ од 1987 година, за која беа платени 75.000 долари. Јапонската компанија Нинтендо ја претстави играта Супер Марио Брос во 1985 година, за подоцна главниот јунак Марио да еволуира во 3Д икона на видео игрите, а снимени се и телевизиски серии и филм со него. (МИА)

Ван Бастен избришан од „Фифа 20“ поради нацистички поздрав

Дарко Андоновски — Wed, 04 Dec 2019 10:43:32 +0000

Холандскиот фудбалер Марко ван Бастен е избришан од видеоиграта „Фифа 20“, поради нацистичкиот поздрав кој го изговори во живо на холандската телевизија „Фокс спортс“. Ван Бастен работи како коментатор на ТВ. Пред извесно време, во еден миг помисли дека неговиот микрофон е исклучен и на крајот од разговорот со тренерот на Хераклес, Германецот Франк Вормут, Холанѓанецот дофрли „Зиг хајл”. Микрофон беше вклучен и неговиот поздрав го чу цела холандска, па и светска јавност. Легендарниот фудбалски напаѓач веднаш се извини, а неговата ТВ-куќа го суспендираше на една недела, и неговиот хонорар беше дониран на Институтот за истражување на војната, Холокауст и геноцидот. По сè тоа, раководството на производителот, издавач и дистрибутер на видеоигри – „Електроник Артс” (ЕА) го избриша ликот на Ван Бастен од „Фифа 20“. „Со нашата видеоигра промовираме рамноправност и почитување на различностите. Поради тоа, го повлекуваме ликот на Марко ван Бастен”, соопшти ЕА.

„Call of Duty: Моbilе“ со рекордни 100 милиони преземања

Ивона Петрова — Thu, 10 Oct 2019 07:45:43 +0000

Видеоиграта „Call of Duty: Моbilе“ во првата седмица од појавувањето на пазарот, се продаде во над 100 милиони преземања на уредите со оперативен систем Андроид или ИОС. Со ова, мобилната верзија на „Call of Duty“ во таа смисла ги надмина „Фортнајт“ и „ПУБГ“. Освен тоа, според аналитичката компанија Сензор тауер, иако оваа видеоигра е бесплатна за симнување, остварила приход од 10 милиони американски долари, по разни други основи. – Податоците за преземањето на мобилната видеоигра „Call of Duty“ се импресивни, посебно ако имаме предвид дека играта сѐ уште не е е пуштена во продажба во Кина. Ова е најголемото лансирање на мобилна игра во историјата, во однос на бројот корисници во првата седмица, изјави Ренди Нелсон од Сензор тауер. Мобилната верзија е производ на кинеската компанија Тенсент холдингс, за издавачката уќа Активижн близард.

ФОТО: Заборавена видеоигра од 1988 година му донела заработка од 90.000 долари

Ивона Петрова — Tue, 06 Aug 2019 08:35:35 +0000

Чистејќи го своето поткровје, еден Американец нашол заборавена, неотпакувана видеоигра од 1988 година, и благодарение на неа, заработил 90.000 долари. Скот Амос од градот Рено, Невада, САД, се пофалил со тоа на интернет, а првично мислел дека видеоиграта чини само неколку стотици долари. Меѓутоа, по извесно време, се јавил некој што подобро го познава сето тоа, со коментар – „Си пронашол богатство“. Видеоиграта била заборавен божиќен подарок од пред 31 година, неотворен и со заборавена сметка на него. Токму тоа ја докажува автентичноста на играта, а имајќи предвид дека се работи за „НЕС кид икарус“ – ретка игра од минатиот век, што денес ја поседуваат едвај десетина колекционери во светот, нејзината вредност е петцифрена. Компанијата Вата гејмс ја оценила очуваната состојба на играта со 8/10, што е доста висока оценка. Видеоиграта е јапонски производ од 1986., што за само една година станала светски хит и што доживеа неколку продолженија. Приказната се темели на старогрчката митологија. Примерокот викендов беше продаден на аукција за 90.000 долари.

Не им давајте на децата да ја играат: Поради оваа игра 12- годишното момче се фрли од зграда

Катерина Бојаџиева — Fri, 12 Apr 2019 17:34:10 +0000

Видео играта „Фортнајт“, предизвикува најтежок облик на зависност, а одвикнувањето е како од хероин, предупредуваат психолозите. Најпопуларната игра меѓу децата во светот „Фортнајт бетл ројал“, предизвикува најтежок облик на зависност, како хероин, а одвикнувањето е долготрајно, болно и мачно, предупредуваат психолозите од цел свет. Поради оваа игра, најверојатно, се уби и 12- годишниот Василиј Р. од Нов Белград, кој во прошталното писмо навел дека е лут бидејќи мајка му му забранила да игра Фортнајт, па скокнал во прегратка на смртта од седмиот спарт на зградата во која живеел. Ова се знаци на предупредување на зависноста: -Губење на сонот и апетитот -Зголемен стрес -Осамување и прекинување контакт со семејството и пријателите -Агресија ако им забраните играње на игри, што потсетува на апситинецијална криза.

Нејмар ја пропушти церемонијата на „Златната топка“ поради – видеоигра! (ВИДЕО)

Дарко Андоновски — Tue, 04 Dec 2018 08:43:55 +0000

Нејмар можеби е еден од најдобрите фудбалери на светот, но воедно е и голем гејмер. Видеоигрите се негова голема пасија, а синоќа наместо да биде на свечената церемонија на доделувањето на „Златната топка“, тој беше дома пред компјутер. Фудбалерот на ПСЖ беше свесен дека нема да ја добие наградата и во конечниот избор беше дури 12-ти. Како и другите егоистични фудбалски ѕвезди кои знаеја дека нема да ја добијат „Златната топка“, така и Бразилецот реши да не се појави на церемонијата и покрај тоа што беше поканет. Тој во исто време додека траеше церемонијата преку платформата „Твич“, стримуваше како игра „Кол оф дјути - Блек опс 4“.

Се појави видеоигра за Брегзит

Ивона Петрова — Thu, 04 Oct 2018 08:43:52 +0000

Замислете дека сте дел од Брегзит. Ова е веќе достапно за кој било Европеец што ќе ја набави новата видеоигра, која го симулира животот по излегувањето на Велика Британија од Европската Унија. Играчите од земјите членки на ЕУ по подолго време ќе видат како изгледа протерување од некоја држава, пасошки контроли, повеќе бариери... Авторите сметаат дека нема ништо лошо во тоа - во гејмерството да се внесе и политика. МИА