Кремљ: Договорен е прелиминарниот датум за видео-конференција Путин-Бајден

Тале Кристо — Fri, 03 Dec 2021 19:16:12 +0000

Помошникот на рускиот претседател Владимир Путин изјави дека видеоразговорот со американскиот претседател Џозеф Бајден ќе се одржи по патувањето на рускиот лидер во Индија, планирано за следната недела. Јуриј Ушаков не прецизираше кога точно ќе се одржи видеоповикот меѓу двајцата претседатели, велејќи дека сè уште се работи на последните детали за разговорите. – Состанокот ќе се одржи за неколку дена. Веќе имаме конкретен датум и време за видеоконференцијата. Но, подобро е да се почека сите подготовки да бидат целосно договорени со американска та страна. Тогаш ќе имаме можност да излеземе со официјално соопштение, рече Ушаков. Тој рече дека двајцата лидери ќе разговараат за напредокот во спроведувањето на договорите кои двајцата ги постигнаа во Женева во јуни, за „незадоволителните“ билатерални врски, „Авганистан, Иран, Либија, кризата во Украина и дијалогот за стратешка стабилност“.

НАТО првпат во историјата ќе одржи видео конференција на началниците на генералштабовите

Тале Кристо — Mon, 04 May 2020 13:31:55 +0000

На 14 мај, првпат во историјата, НАТО ќе одржи видео конференција на началниците на генералштабовите за да го разгледаат влијанието на пандемијата врз воените активности на Алијансата, соопшти прес-службата на НАТО. Оваа средба ќе го замени планираниот состанок на Воениот комитет на Алијансата, закажан за мај. „Воениот комитет на НАТО на 14 мај ќе ја одржи првата видео конференција на началници на генералштабови, со која ќе претседава началникот на Воениот комитет Стјуарт Пич“, се наведува во соопштението. На состанокот ќе учествуваат и генералниот секретар на НАТО Јенс Столтенберг, главниот командант на силите на НАТО во Европа, Тод Волтерс и командантот на сојузничката команда за трансформација на НАТО, Андре Ланата. „Првпат во историјата на Алијансата, Воениот комитет на НАТО составен од 30 началници на генералштабови, вклучително и началникот на последниот член на Алијансата – Северна Македонија, ќе одржи онлајн конференција за да разговара за операциите, мисиите и активностите на Алијансата. Секако, началниците на генералштабовите особено ќе разговараат за глобалната криза со коронавирусот, за нејзиното влијание врз работењето на Алијансата и поддршката на НАТО за справување со пандемијата“, се додава во соопштението. Меѓу другото, Воениот комитет ќе расправа за продолжување на намалувањето на мисијата на НАТО во Авганистан по склучувањето на мировните договори меѓу САД и талибанците. Исто така, ќе се разговара за можноста за проширување на мисијата на научниците во Ирак, чии активности се прекинати повеќе од четири месеци. Нејзината работа беше блокирана по нагло влошување на односите меѓу Соединетите Американски Држави и Ирак поради убиството на иранскиот генерал Касем Сулејмани во близина на меѓународниот аеродром во Багдад.

видео конференција – Kurir.mk

Кремљ: Договорен е прелиминарниот датум за видео-конференција Путин-Бајден

НАТО првпат во историјата ќе одржи видео конференција на началниците на генералштабовите